صدر جمہوریہ ہند محترمہ دروپدی مرمو نے آج (20 اگست 2024) راشٹرپتی بھون کے کلچرل سینٹر میں منعقدہ ایک تقریب کے دوران 2023 کے   نیشنل جیو سائنس ایوارڈز پیش کیے۔

اس موقع پر خطاب کرتے ہوئے صدر جمہوریہ نے کہا کہ ہندوستان کے 2047 تک ترقی یافتہ ملک بننے کے ہدف کو حاصل کرنے کے لیے معدنیات کی پیداوار میں خود کفالت حاصل کرنا ضروری ہے۔ انہیں یہ جان کر خوشی ہوئی کہ حکومت نیشنل جیو سائنس ڈیٹا ریپوزٹری پورٹل کے ذریعے جیو سائنسی ڈیٹا کے انضمام، مصنوعی ذہانت  کا استعمال اور معدنیات کے وسائل کی تلاش اور کان کنی میں ابھرتی ہوئی ٹیکنالوجی جیسے کئی اقدامات کر رہی ہے۔ انہوں نے یقین ظاہر کیا کہ یہ اقدامات ہمیں اپنی قدرتی دولت کو بہتر طریقے سے سمجھنے اور اس کا صحیح استعمال کرنے کے قابل بنائیں گے۔

صدر جمہوریہ ہند نے کہا کہ پائیدار ترقی کی طرف بڑھتے ہوئے ہندوستان مکمل طور پر کاربن کے اخراج کو حاصل کرنے کے تئیں  پرعزم ہے۔ بڑے پیمانے پر صاف توانائی کو اپنانے کی ہماری کوششیں اسی مقصد کے مطابق ہیں۔ انہوں نے اس بات پر زور دیا کہ  آلودگی سے پاک ماحولیات کی منتقلی کے لیے اہم معدنیات اور نایاب ارضیاتی مادے جیسی معدنیات  پر زیادہ توجہ دینے کی ضرورت ہے۔ انہوں نے اس اعتماد کا اظہار کیا کہ نیشنل کریٹیکل منرلز مشن کے قیام سے ہندوستان کو خود انحصار بننے میں مدد ملے گی اور اقتصادی ترقی اور آلودگی سے پاک ماحولیات کی منتقلی  کے لیے ضروری معدنیات کی ویلیو چین کو مضبوط بنانے میں مدد ملے گی۔

صدر  جمہوریہ نے کولکتہ میں مٹی کے تودے کھسکنے کی پیشگوئی سے متعلق  نیشنل سینٹر کے قیام کا ذکر کرتے ہوئے خوشی محسوس کی جو لینڈ سلائیڈ سے متاثرہ تمام ریاستوں کے لیے قبل از وقت وارننگ بلیٹن جاری کرے گا۔ انہوں نے اپنے نظام کو اتنا فول پروف اور درست بنانے پر زور دیا کہ مٹی کے تودے کھسکنےاور سیلاب جیسی آفات سے کم سے کم نقصان ہو۔

صدر جمہوریہ نے کہا کہ ہندوستان کی ارضیاتی تاریخ اس کے چٹانوں، میدانوں، فوسلز اور سمندری  کی تہہ  میں درج کی گئی ہے اور ہم اسے اپنی ارضیاتی ورثہ کہہ سکتے ہیں۔ انہوں نے نوجوانوں پر زور دیا کہ وہ جیو ٹورازم اور جیو ہیریٹیج سائٹس کی اہمیت کو سمجھیں۔ انہوں نے کہا کہ جغرافیائی سیاحت ، لوگوں کو جیو سائنس کے شعبے میں شامل ہونے کی ترغیب دینے کا ذریعہ بن سکتی ہے۔

نیشنل جیو سائنس ایوارڈ کا آغاز  حکومت ہند کی  کان کنی کی وزارت  نے جغرافیائی سائنس کے مختلف شعبوں میں غیر معمولی کامیابیوں اور شاندار شراکت کے لیے افراد اور ٹیموں کو اعزاز دینے کے مقصد سے کیا ہے۔

صدر کی تقریر دیکھنے کے لیے یہاں کلک کریں۔

************

ش ح۔ ح ا   ۔ را

U-10011