ভারতকী রাস্ত্রপতি শ্রীমতি শ্রীমতি দ্রৌপদী মর্মুনা ঙসি রাস্ত্রপতি ভবন কলচরেল সেন্তরদা (ওগস্ত 20, 2024)) পাংথোকপা থৌরম অমদা নেস্নেল জিওসাইন্স এৱার্দস – 2023 পীখ্রে।

থৌরম অদুদা ৱা ঙাংলদুনা রাস্ত্রপতিনা হায়খি মদুদি 2047 ফাওবদা চাউখৎলবা লৈবাক অমা ওইনবা ভারতকী পান্দম ফংনবগীদমক মিনরেল প্রদক্সনদা মশা-মরোমদোম লেপচবা অসি য়াম্না মরু ওই। নেস্নেল জিওসাইন্স দেতা রিপোজিস্তরী পোর্তেলগী খুত্থাংদা জিওসাইন্তিফিক দেতা পুনশিনবা, মিনরেল রিসোর্সশিংগী এক্সপ্লোরেশন অমসুং মাইনিংদা AI অমসুং অনৌবা তেক্নোলোজীশিং শীজিন্নবা অসিনচিংবা সরকারনা খোংথাং কয়া লৌখৎলিবা অদু মহাক্না নুংঙাইবা ফোংদোকখি। মহাক্না থাজবা থমখি মদুদি খোঙথাংশিং অসিনা ঐখোয়দা ঐখোয়গী মহৌশাগী ওইবা রিসোর্সশিং অসি হেন্না ফজনা খঙবা ঙমহল্লগনি অমসুং মদুবু মতিক চাবা মওংদা শীজিন্নবা ঙমহল্লগনি।

তুং কোইনা চৎনগদবা চাউখৎপগী মায়কৈদা চংশিল্লকপদা, ভারতনা নেৎ জিরো কার্বন ইমিসন ফংনবা ৱাশক লৌরি হায়না রাস্ত্রপতিনা হায়খি। পাক-শন্না ক্লিন ইনর্জী শীজিন্ননবা ঐখোয়না হোৎনরিবশিং অসি পান্দম অসিগা চুনৈ। গ্রীন ত্রাঞ্জিসনগীদমক্তা মরুওইবা মিনরেলশিং অমসুং রিয়র আর্থ ইলিমেন্তশিংগুম্বা মিনরেলশিংদা হেন্না মীৎয়েং চংবা মথৌ তাই হায়না মহাক্না অকনবা ৱাফম থমখি। নেস্নেল ক্রিতিকেল মিনরেলস মিসন লিংখৎপনা ভারতপু মশা-মরোমদোম লেপচবদা মতেং পাংগনি অমসুং শেন্মিৎলোনগী চাউখৎপা অমসুং গ্রীন ত্রাঞ্জিসনগীদমক মথৌ তাবা ক্রিতিকেল মিনরেলসকী ভেল্যু চেন মপাঙ্গল কনখৎহনগনি হায়না মহাক্না থাজবা ফোংদোকখি।

রাস্ত্রপতিনা কোলকতাদা নেস্নেল লেন্দস্লাইদ ফোরকাস্তিং সেন্তর লিংখৎপা অসিদা নুংঙাইবা ফোংদোকখি। মসিনা লেন্দস্লাইদ থোকপা য়াবা রাজ্য পুম্নমক্তা আর্লী এৱার্নিং বুলেতিনন অমা ইদু তৌগনি। মহাক্না ঐখোয়গী সিস্তেমশিং অসি লেন্দস্লাইদ অমসুং ঈশিং-ঈচাউগুম্বা খুদোংথীবশিং অসিনা য়ারিবা মখৈ অমাং অতা হন্থনা থোকহন্নবা ফোলপ্রুফ অমসুং এক্যুরেৎ ওইহহন্নবা হায়খি।

রাস্ত্রপতিনা হায়খি মদুদি ভারতকী জিওলোজিকেল হিস্তরী অসি মাগী রোক্স, প্লেন্স, ফোসিল অমসুং মেরিন বেদশিংদা রেকোর্দ তৌখি অমসুং ঐখোয়না মসিবু ঐখোয়গী জিওলোজিকেল হেরিতেজ হায়না কৌবা য়াই। মহাক্না নহাশিংদা জিও-তুরিজম অমসুং জিও-হেরিতেজ সাইতশিংগী মরুওইবা অদু খঙনবা হায়খি। মহাক্না হায়খি জিও-তুরিজম অসি জিওসাইন্সকী লমদা মীওইশিং য়াওহন্নবা পুক্নিং থৌগৎনবা মেদিয়ম অমা ওইবা য়াই।

নেস্নেল জিওসাইন্স এৱার্দ অসি জিওসাইন্সকী তোঙান-তোঙানবা লমশিংদা থোইদোক হেন্দোকপা মায়পাকপ অমসুং শীংথানিংঙাই ওইবা থৌদাংশিং লৌরিবা মীওইশিং অমসুং তীমশিংবু ইকায় খুম্নবা উৎনবগী পান্দমদা ভারত সরকারগী মাইন্স মন্ত্রালয়না হৌদোকখি।

রাস্ত্রপতিগী ৱারোল য়েংনবগীদমক মসিদা নম্বীয়ু-

***