প্রধানমন্ত্রীগী লোইশঙ
জপানগী ফোরেন অমসুং দিফেন্স মিনিস্তরশিংনা প্রধান মন্ত্রী উনখ্রে
প্রধান মন্ত্রীনা মিনিস্তরশিং তরাম্না ওকখি অমসুং হয়েংগী 2+2 মীফম মনুংদা খন্নগদবা মহাক্কী ৱাখল্লোনশিং ফোঙদোকখি
ক্রিতিকেল মিনিরেলশিং, সেমিকন্দক্তরশিং অমসুং দিফেন্স মেনুফেকচরিংদা মতেং পাংনবা হেনগৎহন্নবা ৱাফম প্রধান মন্ত্রীনা পুখৎখি
Posted On:
19 AUG 2024 10:16PM by PIB Imphal
ঙসি ওগস্ত 19, 2024 দা জপানগী ফোরেন মিনিস্তর য়োকো কামিকাৱা অমসুং জপানগী দিফেন্স মিনিস্তর মিনোরু কিহারানা প্রধান মন্ত্রী শ্রী নরেন্দ্র মোদী উনখ্রে। ভারত-জপানগী ফোরেন অমসুং দিফেন্স মিনিস্তরশিংগী অহুমশুবা 2+2 মীফম শরুক য়ানবা ফোরেন মিনিস্তর কামিকাৱা অমসুং দিফেন্স মিনিস্তর কিহারা ভারত্তা লাকপনি।
প্রধান মন্ত্রীনা জপানগী মিনিস্তরশিং তরাম্না ওকখি অমসুং মালেমগী ফিবম লুবা হেঞ্জিল্লক্লিবা অমসুং ভারত অমসুং জপানগী মরক্তা অচেৎপা মরীশিং লৈহন্নবগী তাঞ্জা অসিদা 2+2 মীফম পাংথোকপগী মরুওইবা অদু প্রধান মন্ত্রীনা ফোঙদোকখি।
ভারত অমসুং জপানগুম্বা থাজনবা মরুপ অনিগী মরক্তা ক্রিতিকেল মিনিরেলশিং, সেমিকন্দক্তরশিং অমসুং দিফেন্স মেনুফেকচরিংদা মতেং পাংনবা হেনগৎহন্নবা অনৌবা ৱাখলশিং অমসুং মহাক্কী ওইবা ৱাফমশিং প্রধান মন্ত্রীনা ফোঙদোকখি।
মুম্বাই-অহমেদবাদ হায় স্পিৎ রেল প্রোজেক য়াওনা তোঙান-তোঙানবা হিরমশিংদা লৈবাক অনি মতেং পাংনরিবা অসিগী খুমাংচাউশিনবগী মতাংদা হৌজিক লৈরিবা ফিবমশিং মখোয়না খন্নখি। লৈবাক অনিনা দরকার ওইবা মালেমগী তোঙান-তোঙানবা হিরমশিংগী মতাংদশু মখোয়না ৱারি শান্নখি।
ইন্দো-পেসিফিক অমসুং মসিগী ৱাংমদা শান্তি, তুংদু-লৈতাবা অমসুং নুংঙাই-য়াইফবা পুরকপা হেনগৎহনবদা ভারত-জপানগী মরুপ-মপাং ওইবা মরীনা লৌরিবা মরুওইবা থৌদাং অদু প্রধান মন্ত্রীনা পনখি।
ভারত অমসুং জপানগী মরক্তা শেন-থুমগী মতেং পাংনবা অমসুং মীগা মীগা লৈনবা মরীশিং মপাঙ্গল কনখৎহনবগী মরুওইবা অদুশু প্রধান মন্ত্রীনা পনখি। প্রধান মন্ত্রী অনিগী মথংগী মীফমগীদমক জপান্দা মহৈ য়ানবা অমসুং কান্নবা খোঙচৎ অমা চৎনবগীদমক মহাক্কী থাজবা অদু প্রধান মন্ত্রীনা ফোঙদোকখি।
***
(Release ID: 2046791)
Visitor Counter : 17
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam