কোয়লা অমসুং মাইনগী কেন্দ্র মন্ত্রী, শ্রী জি. কিশন রেদ্দীগী মতিক লৈবা লুচিং মখাদা কোয়লা মন্ত্রালয়না মখোয়গী সি.পি.এস.ই.শিংগী খুত্থাংদা খুন্নাইগীদমক্তা পায়খৎপা থৌদাং নীংথিনা পাংথোক্তুনা লাক্লি অমসুং মখোয়গী ওপরেস্নেল স্ত্রেতজীগী মপুং ওইবা মচং অমা ওইহন্দুনা লাক্লি। মসিগুম্বা অপুনবা হোৎনবা অসিনা লৈবাক্কী সোসিও-ইকোনোমিক্কী ফিভম্বু খুমাঙ চাউশিলহনবদা তেংবাংবতা নত্তনা কোয়লাগী সি.পি.এস.ই.শিংনা থৌদাং খঙবা কোর্পোরেত সিতিজন অমা ওইহল্লিবা অসিগী ফিদমশু হেনগৎহল্লি।

কোল ইন্দিয়া লিমিতেদ (সি.আই.এল.), মখোয়গী সবসিদরী ওইরিবা এন.এল.সি.আই.এল.না  কোর্পোরেত সোসিএল রেস্পোন্সিবিলিতী (সি.এস.আর.)গী খোঙথাংশিংদা চহিদা চাউরাকপা লুপা করোর 800 থাদদুনা খুন্নাইগী য়াইফ য়ুম্বালদা অকনবা শাফু পীরি। মসিগুম্বা মশক থোক্লবা ইনভেস্তমেন্তশিংনা কোল সি.পি.এস.ই.শিংনা মীয়ামদা মিৎয়েং চঙবা চাউখৎ থৌরাং পুরক্নবা খোঙফম চেৎপগী মতৌ উৎলি। মসিনা হকশেল, মহৈ-মশিং, স্কিল দিভেলপমেন্ত, ইনভাইরনমেন্তেল সস্তেনেবিলিতী, ৱিমেন ইম্পাৱর্মেন্ত অমসুং কম্প্রিহেন্সিব কম্ম্যুনিতী দিভেলপমেন্ততা অহেনবা মিৎয়েং চঙদুনা লাক্লি।

হকশেল সেক্তরদা মায় পাকখিবশিং:

1. সি.আই.এল.গী থলাসেমিয়া বল সেবা য়োজনা (তি.বি.এস.ৱাই.):

সি.আই.এল.গী ফ্লেগশিপ খোঙথাং ওইরিবা থলাসেমিয়া বল সেবা য়োজনানা বোন মেরো ত্রান্সপ্লান্ত (বি.এম.তি.) 500 মপুং ফানা পাংথোক্তুনা মশক থোকপা মায় পাকপা ফংখ্রে। প্রোগ্রাম অসিনা থলাসেমিয়া মেজর উমসুং এপ্লাস্তিক এনেমিয়া লাইয়েংনবা অনাবা অমদা লুপা লাক্ষ 10 ফাওবগী শেলগী তেংবাং পীরি অমসুং মসিনা ভারত শিনবা থুংবগী খুদোংচাবা ফংজদ্রবা অঙাং 356পু তেংবাংখি। ইং 2017দা হৌদোকখিবা প্রোগ্রাম অসিনা চহিদা লুপা লাক্ষ 8কী মখাগী চাগা তানবা ইমুংশিংদা তেংবাংলি। লুয়াপ করোর 70 থাদখিবা তি.বি.এস.ৱাই. অসিবু “দি গ্রীন ইনভাইরনমেন্ত এৱার্দ” পীদুনা শকখঙখ্রে অমসুং মখোয়না লাইয়েংবদা মরু ওইবা শেলগী তেংবাং কয়াবু ওনলাইন পোর্তেল অমসুং ফিজিকেল এপ্লিকেসনগী খুত্থাংদা পীদুনা লাক্লি।

2. এন.এল.সি.আই.এল.না তেংবাংবা কদ্দলোরদা লৈবা সরকারগী হোস্পিতালগী দাইলাইসীস সেন্তরঃ

এন.এল.সি.আই.এল.না কদ্দালোরদা লৈবা সরকারগী হোস্পিতালদা দাইলাইসীস সেন্তর অমা হাংদোক্তুনা হেল্থকেয়র এক্সেস য়াম্না মশক থোক্না ফগৎহল্লে। খোঙথাং অসিনা চহিদা দাইলাইসীস সাইকল 13,000 ফংহল্লি, লমদমসিগী অনাবশিংদা তঙাই ফদবা মেদিকেল কেয়র ফংহনবগী মতৌবুশু হেনগৎহল্লি।

3. মেদিকেল ওক্সিজেন প্লান্তঃ

লাইচৎ মনুংদা মেদিকেল ওক্সিজেনগী তঙাই ফদবা য়াম্না লৈখিবগী পাউখুম অমা ওইনা, এন.এল.সি.আই.এল. অমসুং মখোয়গী জোইন্ত ভেঞ্চরশিংনা উত্তর প্রদেশ, রাজস্থান, ওরিশা, কর্নাতকা অমসুং তমিল নাদু শিনবা থুংবদা ফমুং 2,500গী অপুনবা কেপাসিতীগা লোয়ননা মেদিকেল ওক্সিজেন প্লান্ত 28 শেমখি। মসিগুম্বা হোৎনজমন অসিনা লৈবাক্কী হেল্থকেয়র ইনফ্রাস্ত্রকচর হেন্না ফগৎহনখি।

4. প্রোজেক্ত ননহা সা দিলঃ

কঞ্জেনিতেল হার্ত দিজিজ (সি.ঐচ.দি.)কীদমক্তা তেংবাংবগী মথৌ য়াম্না তারিবা অসিবু শকখঙবা ওইনা, কোল ইন্দিয়া লিমিতেদনা প্রোজেক্ত ননহা সা দিল হৌদোকখি। খোঙথাং অসিনা ঝার্খন্দদা খুঙ্গং অমসুং জিলাগী কেম্পশিং পাংথোক্তুনা চাউরাকপা অঙাং 18,000বু সি.ঐচ.দি. নাবরা হায়না য়েংথোকখি। প্রোজেক্ত অসিনা অঙাং 500কী সর্জিকেল অমসুং কেথেতর বেজ ইন্তর্ভেন্সন পাংথোক্নবা অমসুং পেদিয়াত্রিক কার্দিএক কেয়রগীদমক্তা নহা ওইরিবা প্রোফেস্নেল 50 হেনবদা ত্রেনিং পীবগী পান্দম থম্লি। লুপা করোর 9.37 থাদখিবা প্রোজেক্ত অসিনা অহানবদা জিলা মরিদা থবক পায়খৎকনি অমসুং মসিনা মখা তানা চাওথোরকপগী থৌরাংশু লৈরি।

হকশেলগা মরী লৈনবা সি.এস.আর.গী অতোপ্পা মশক নাইবা খোঙথাংশিং মখাদা পীরিঃ

• প্রেমাশলয় শাবা – কোলকতাদা কেন্সর লাইয়েংলিবা আউতপেসেন্তশিংনা লৈনবা য়ুম শাবা।
• মোবাইল হেল্থকেয়র সর্ভিস – খুদোংচাবা ফংবদা ৱারবা অনাবশিংগী মফমদা মোবাইল য়ুনিতকী খুত্থাংদা হেল্থেকেয়র সর্ভিস ফংহনবা।
• কোবিদ-19গীদমক্তা মতেং পাংবা – তঙাই ফদবা ইনফ্রাস্ত্রকচর শেমগৎপা অমসুং শেমজিন্নবা অমসুং কোবিদ-19 কেয়র সেন্তরশিংগী মেদিকেল ইক্বিপমেন্ত লৈনবা শেল থাদবা।
• কেন্সর কেয়রগী তেংবাং – কেন্সর নারে খঙদোক্নবা অমসুং লাইয়েংনবা তাতা কেন্সর কেয়রগা খুৎশম্নবগী থৌওং য়াওনা রাঞ্চী কেন্সর হোস্পিতাল অমসুং রিসর্চ সেন্তরদা পীরিবা সোসিও-ইকোনোমিক্কী তেংবাংবা হেন্না ফগৎহনবা।

সি.এস.আর.গী খোঙথাংশিংনা পীরিবা মসিগুম্বা শাফু অসিনা কোয়লা সি.পি.এস.ই.শিংনা লৈবাক পুম্বগী খুন্নাইগী হকশেলগী সেবা অমসুং পুন্সি মহিং হেন্না ফগৎহন্নবা  খোঙফম চেৎপগী মতৌ উৎলি।

***