کوئلہ اور کانوں کے مرکزی وزیر، جناب جی کشن ریڈی کی متحرک قیادت میں، کوئلہ کی وزارت، اپنے سی پی ایس ایز کے ذریعے، سماجی ذمہ داری کو برقرار رکھتی ہے، اور اسے اپنی آپریشنل حکمت عملی کے بنیادی عنصر کے طور پر مربوط کرتی ہے۔ یہ مشترکہ کوشش نہ صرف ملک کی سماجی و اقتصادی ترقی میں حصہ ڈالتی ہے بلکہ ذمہ دار کارپوریٹ شہری ہونے کے لیے کول سی پی ایس ایز کے عزم کو بھی تقویت دیتی ہے۔

کول انڈیا لمیٹڈ (سی آئی ایل)، اس کی ذیلی کمپنیاں، این ایل سی آئی ایل، کارپوریٹ سماجی ذمہ داری (سی ایس آر) کے اقدامات کے لیے تقریباً 800 کروڑ روپے کے سالانہ عزم کے ساتھ، کمیونٹی کی فلاح و بہبود پر گہرا اثر ڈال رہی ہے۔ یہ خاطر خواہ سرمایہ کاری صحت، تعلیم، مہارت کی ترقی، ماحولیاتی پائیداری، خواتین کو بااختیار بنانے، اور جامع کمیونٹی کی ترقی پر خصوصی زور دینے کے ساتھ، لوگوں پر مرتکز ترقی کو فروغ دینے کے لیے کول سی پی ایس ایز کی لگن کو اجاگر کرتی ہے۔

صحت کے شعبے کی کامیابیاں:

1. تھیلیسیمیا بال سیوا یوجنا (ٹی بی ایس وائی) بذریعہ سی آئی ایل:

سی آئی ایل کی صحت کی اہم پہل، تھیلیسیمیا بال سیوا یوجنا، 500 بون میرو ٹرانسپلانٹس (بی ایم ٹیز) کی کامیاب تکمیل کے ساتھ ایک اہم سنگ میل تک پہنچ گئی ہے۔ یہ پروگرام تھیلیسیمیا میجر اور اپلاسٹک انیمیا کے علاج کے لیے فی مریض  10 لاکھ روپے تک کی مالی امداد فراہم کرتا ہے، جس سے پورے ہندوستان میں 356 پسماندہ بچوں کو فائدہ ہوتا ہے۔ 2017 میں شروع کی گئی، اسکیم8 لاکھ روپے سے کم سالانہ آمدنی والے خاندانوں کی مدد کرتی ہے۔ 70 کروڑ روپےکی سرمایہ کاری کے ساتھ،ٹی بی ایس وائی کو’دی گرین انوائرنمینٹ  ایوارڈ‘کے ساتھ تسلیم کیا گیا ہے اور وہ آن لائن پورٹل اور حقیقی ایپلی کیشنز کے ذریعے طبی علاج کے لیے اہم مالی معاونت کی پیشکش جاری رکھے ہوئے ہے۔

2. این ایل سی آئی ایل کی طرف سے سرکاری ہسپتال، کڈلور میں ڈائیلاسز سنٹر:

این ایل سی آئی ایل نے کڈلور کے سرکاری ہسپتال میں ڈائیلاسز سنٹر کے قیام کے ساتھ صحت کی دیکھ بھال تک رسائی میں نمایاں اضافہ کیا ہے۔ یہ اقدام ہر سال 13,000 ڈائیلاسز سائیکل فراہم کرتا ہے، جس سے خطے میں مریضوں کے لیے ضروری طبی دیکھ بھال کی دستیابی بہتر ہوتی ہے۔

3. طبی آکسیجن پلانٹس:

وبائی امراض کے دوران طبی آکسیجن کی اہم ضرورت کے جواب میں،این ایل سی آئی ایل اور اس کے مشترکہ منصوبوں نے پورے اتر پردیش، راجستھان، اڈیشہ، کرناٹک اور تمل ناڈو میں 2,500 بستروں کی مشترکہ صلاحیت کے ساتھ 28 میڈیکل آکسیجن پلانٹس قائم کیے ہیں۔ اس کوشش نے ملک کے صحت کی دیکھ بھال کے بنیادی ڈھانچے کو کافی حد تک مضبوط کیا ہے۔

4. پروجیکٹ ننھا سا دل:

پیدائشی دل کی بیماری (سی ایچ ڈی) مداخلت کی فوری ضرورت کو پورا کرتے ہوئے، کول انڈیا لمیٹڈ نے پروجیکٹ ننھا سا دل شروع کیا ہے۔ یہ اقدام جھارکھنڈ میں گاؤں اور ضلعی کیمپوں کے ذریعے تقریباً 18,000 بچوں کی سی ایچ ڈی کے لیے اسکریننگ پر توجہ مرکوز کرتا ہے۔ اس منصوبے کا مقصد 500 بچوں کے لیے جراحی یا کیتھیٹر پر مبنی مداخلتیں فراہم کرنا اور 50 سے زیادہ نوجوان پیشہ ور افراد کو بچوں کے امراض قلب کی دیکھ بھال میں تربیت دینا ہے۔9.37 کروڑ روپےکی مالیت سے چلنے والا، یہ پروجیکٹ ابتدائی طور پر چار اضلاع میں کام کرے گا جس میں مستقبل میں توسیع کے منصوبے ہیں۔

صحت سے متعلق دیگر قابل ذکرسی ایس آر کوششوں کا ذکر ذیل میں کیا گیا ہے:

- پریماشرالے کی تعمیر: کولکتہ میں کینسر کے علاج سے گزرنے والے بیرونی مریضوں کے لیے ایک گھر کا قیام۔

- موبائل ہیلتھ کیئر سروسز: موبائل یونٹس کے ذریعے خدمت کی کم فراہمی والی آبادی کو صحت کی دیکھ بھال کی خدمات کی فراہمی۔

-کوویڈ-19 سپورٹ: بنیادی ڈھانچے کی ترقی اور مرمت کے لئے اور کوویڈ-19 کی دیکھ بھال کے مراکز کے لیے طبی آلات کی خریداری کے لیے فنڈنگ۔

- کینسر کی دیکھ بھال میں معاونت: رانچی کینسر ہسپتال اور ریسرچ سنٹر میں اضافہ شدہ سماجی و اقتصادی مدد ، جس میں کینسر کا پتہ لگانے اور علاج کے لیے ٹاٹا کینسر کیئر کے ساتھ تعاون شامل ہے۔

سی ایس آر کے یہ مؤثر اقدامات صحت کی دیکھ بھال کی خدمات کو بڑھانے اور ملک بھر کی کمیونٹیز کے لیے معیار زندگی کو بہتر بنانے کے لیے کول  سی پی ایس ایز کے عزم کو اجاگر کرتے ہیں۔

***********

ش ح ۔ اک  ۔م ش

U. No.9977