ঙাকশেল মন্ত্রালয়
ইন্দিয়ন আর্মীনা হান্নগী চীফ ওফ দি আর্মী স্তাফ জেনেরেল এস. পদ্মনভান লৈখিদবদা অৱাবা ফোঙদোকখ্রে
Posted On:
19 AUG 2024 4:16PM by PIB Imphal
ইন্দিয়ন আর্মীনা ২০শুবা চীফ ওফ দি আর্মী স্তাফ ওইনা থবক তৌরম্বা জেনেরেল সুন্দরারজন পদ্মনভান (রিতাইয়র্দ) লৈখিদবদা অৱাবা ফোঙদোকখ্রে। চীফ ওফ দি আর্মী স্তাফ, জেনেরেল উপেন্দ্র দ্বিবেদী অমসুং ইন্দিয়ন আর্মীগী রেঙ্ক পুম্নমক্না শ্রদ্ধাঞ্জলি কৎখি অমসুং লৈখিদ্রবগী ইমুংদা অৱাবা ফোঙদোকখি।
জেনেরেল পদ্মনভান ঙরাং অহিং চেন্নাইদা মতম কুইনা নারুরবা তুংদা মশাগী চহি ৮৩ শুরকপা মতমদা, লৈবাক্কী মফমদা ফিদম ওইবা লীচিংবা অমসুং কত্থোকপগী লম্বী অমা য়াৎলম্লগা লৈখিদ্রে।
কেরলা, তিরুবনন্থপুরমদা দিসেম্বর ৫, ১৯৪০দা পোকখিবা; জেনেরেল পদ্মনভান রাস্ত্রিয় ইন্দিয়ন মিলিতরী কলেজ (আর.এম.সি.), দেহরাদুনগী, অমসুং নেস্নেল দিফেন্স একাদমী (এন.দি.এ.), খদক্বাস্লাগী মশক নাইবা এলুম্নস অমা ওইরম্মি। মহাক রেজিমেন্ত ওফ আর্তিলরীদা দিসেম্বর ১৩, ১৯৫৯দা কম্মিসন তৌদুনা, দেকেদ মরি হেন্বগী মশক নাইবা করিয়রগী অহৌবা ওইখি।
মহাক্কী সর্ভিস মনুং পুম্বদা, জেনেরেল পদ্মনভান্না মশিং য়াম্লবা মরুওইবা কম্মান্দ, স্তাফ, অমসুং তাকপি তম্বিবগী ফমশিং পায়রম্মি। মহাক্না গজালা ফীল্দ রেজিমেন্ত, ইনফেন্ত্রী ব্রিগেদ অনি, অমসুং আর্তিলরী ব্রিগেদ অমা লুচিংলম্মি। মেজর জেনেরেল অমা ওইনা, মহাক্না ৱেস্তর্ন সেক্তরদা ইনফেন্ত্রী দিভিজন অমা লুচিংলম্মি অমসুং লেফ্তনেন্ত জেনেরেল অমা ওইইনা, মহাক্না তেরোরিজম থেংনবগী ওপরেসনশিংদা মরুওইবা শক্লোন লৌখিবা কাস্মির ভেলীদা কোর অমা লুচিংলম্মি।
সেপ্তেম্বর ১, ১৯৯৬তা, জেনেরেল পদ্মনভান্না জেনেরেল ওফিসর কম্মান্দিং-ইন-চীফ, নোর্দর্ন কম্মান্দ পায়খি অমসুং তুংদা, সাউদর্ন কম্মান্দ পায়খি। মহাক্না ওক্তোবর ১, ২০০০দা চীফ ওফ আর্মী স্তাফকী ওফিস পায়খি।
মহাক্কী খোঙবুশিংগী মরক্তা নুংশিনা ‘পেদী’ হায়না খঙনবা, জেনেরেল পদ্মনভানগী লিগেসী অসি মহাক্না লান্মীশিংগী য়াইফনবগীদমক লেপখিবা, ইন্দিয়ন আর্মী মোদর্নাইজেসন তৌবা অমসুং স্ত্রেতেজিক ভিজনশিংনা মশক তাক্লি। মহাক ভারতকী রাস্ত্রপতীগী ওনরেরী এ.দি.সি. অমসু ওইরম্মি। জেনেরেল পদ্মনভান্না ‘ওপরেসন পরাক্রম’গী লুরবা মতমদা ইন্দিয়ন আর্মীবু লুচিংখি। মহাক চহি ৪৩ মশক থোকপা সর্ভিস তৌরম্লবা মতুংদা, দিসেম্বর ৩১, ২০০২দা থবক্তগী পোত্থাখি। মহাক্না লৈখিদবা অসি লৈবাকসিগী অমসুং ইন্দিয়ন আর্মীগী অচৌবা মাঙজবা অমনি।
লৈবাক অসিনা জেনেরেল পদ্মনভানবু নেস্নেল সিক্যুরিতীগী লমদা মহাক্না খোঙফম হোংদনা লেপখিবা অমসুং লৌখিবা থৌদাংবু নীংশিংদুনা লৈহৌরগনি। মহাক্কী থৱায়না ইংনা চিক্না লৈরুবা ওইরসনু
***
(Release ID: 2046666)
Visitor Counter : 45