وزارت دفاع
ہندوستانی فوج نے سابق چیف آف دی آرمی اسٹاف جنرل ایس پدم نابھن کے انتقال پر اظہار افسوس کیا
Posted On:
19 AUG 2024 4:16PM by PIB Delhi
ہندوستانی فوج نے جنرل سندرراجن پدم نابھن (ریٹائرڈ)کے انتقال پر گہرے رنج و غم کا اظہار کیا ہے۔ جنرل سندرراجن پدم نابھن نے آرمی اسٹاف کے 20ویں سربراہ کے طور پر خدمات انجام دیں۔چیف آف آرمی سٹاف، جنرل اوپیندر دویدی اور ہندوستانی فوج کے تمام رینکس نے انہیں خراج عقیدت پیش کیا اور سوگوار خاندان سے تعزیت کا اظہار کیا۔
جنرل پدم نابھن کا کل رات چنئی میں طویل علالت کے بعد 83 سال کی عمر میں انتقال ہو گیا، وہ اپنے پیچھے مثالی قیادت اور قوم کے لیے لگن کی میراث چھوڑ گئے۔
5 دسمبر 1940 کو ترواننت پورم، کیرالہ میں پیدا ہوئے۔ جنرل پدم نابھن راشٹریہ انڈین ملٹری کالج ( آر آئی ایم سی)، دہرادون اور نیشنل ڈیفنس اکیڈمی( این ڈی اے)، کھڑکواسلا کے ممتاز سابق طالب علم تھے۔ انہیں 13 دسمبر 1959 کو رجمنٹ آف آرٹلری میں کمیشن دیا گیا، جس نے چار دہائیوں پر محیط ایک شاندار کیریئر کا آغاز کیا۔
اپنی پوری سروس کے دوران جنرل پدم نابھن متعدد کلیدی کمانڈ، عملہ اور تدریسی عہدوں پر رہے۔اس نے غزالہ فیلڈ رجمنٹ، دو انفنٹری بریگیڈ اورایک آرٹلری بریگیڈ کی کمانڈ کی۔ایک میجر جنرل کے طور پرانہوں نے مغربی سیکٹر میں ایک انفنٹری ڈویژن کی کمانڈ کی اور بطور لیفٹیننٹ جنرل، انہوں نے وادی کشمیر میں ایک کور کی قیادت کی، جہاں انہوں نے انسداد دہشت گردی کی کارروائیوں میں اہم کردار ادا کیا۔
یکم ستمبر 1996 کو جنرل پدم نابھن نے جنرل آفیسر کمانڈنگ اِن چیف، ناردرن کمان اور بعد میں سدرن کمانڈ کا عہدہ سنبھالا۔ انہوں نے یکم اکتوبر 2000 کو چیف آف آرمی اسٹاف کا عہدہ سنبھالا۔
اپنے ساتھیوں میں پیار سے ‘‘پیڈی’’ کے نام سے جانے جاتےتھے، جنرل پدم نابھن کی میراث فوجیوں کی فلاح و بہبود، ہندوستانی فوج کی جدید کاری اور اسٹریٹیجک وژن کے لیے ان کی وابستگی سے تعلق رکھتی ہے۔ وہ ہندوستان کے صدر کے اعزازی اے ڈی سی بھی تھے۔ جنرل پدم نابھن نے ‘آپریشن پراکرم’ کے اہم دور میں ہندوستانی فوج کی قیادت کی۔ وہ 43 سال کی مثالی خدمات کے بعد 31 دسمبر 2002 کو ریٹائر ہوئے۔ ان کا انتقال ملک اور ہندوستانی فوج کے لیے بہت بڑا نقصان ہے۔
یہ ملک جنرل پدم نابھن کو ان کی غیر متزلزل لگن اور قومی سلامتی کے لیے ان کی خدمات کو ہمیشہ یاد رکھے گا۔ایشور ان کی آتما کو شانتی دے۔
****
ش ح۔ا گ۔ن ع
U:9978
(Release ID: 2046663)
Visitor Counter : 31