কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত শাহনা ঙসি গুজরারকী অহমদাবাদতা অহমদাবাদ ম্যুনিসিপাল কোর্পোরেসনগী চাউরাক্না লুপা করোর 1003রোমগী চাউখৎ-থৌরাংগী প্রোজেক্তশিং শঙ্গাখ্রে অমসুং উরেপ-উয়ুং তমখ্রে। থৌরম অসিদা গুজরাতকী মুখ্য মন্ত্রী, শ্রী ভুপেন্দ্র পতেল য়াওনা মরু ওইবা মীওই কয়ানা শরুক য়াখি।

অহমদাবাদ ম্যুনিসিপাল কোর্পোরেসনগী দিবেলপমেন্ত ৱার্কশিং শঙ্গাবা অমসুং উরেপ-উয়ুং তম্বগী থৌরমগী মমাংদা, কেন্দ্রগী গৃহ মন্ত্রী শ্রী অমিত শাহনা থলতেজ (অহমদাবাদ) দা 'ওক্সিজেন পার্ক' শঙ্গাখি অমসুং 'মিসন থ্রি মিল্লিয়ন ত্রী স্কিম'গী মখাদা ভেজলপুরদা উ পাম্বীশিং থাখি। শ্রী শাহনা মকারবাদা নৌনা শাবা স্বিমিং পুল অমসুং জিমসু শঙ্গাখি।

চাউখৎ-থৌরাংগী প্রোজেক্তশিং শঙ্গাবা অমসুং উরেপ-উয়ুং তম্বগী AMC গী থৌরমদা ৱা ঙাংলদুনা কেন্দ্রগী গৃহ মন্ত্রীনা হায়খি মদুদি ঙসি অহমদাবাদ সহরদা উরেপ-উয়ুং তম্লিবা চাউখৎ-থৌরাংগী থবকশিং... থৌরম অদুদা ৱা ঙাংলদুনা, কেন্দ্রগী গৃহ মন্ত্রীনা হায়খি মদুদি ঙসি অহমদাবাদ শহরদা কত্থোকখিবা চাউখৎ-থৌরাংগী থবকশিংগী মনুংদা, লুপা করোর 730গী চাউখৎ-থৌরাংগী থবকশিং গান্ধীনগর লোক সভা কেন্দ্রদা অমসুং লেমহৌরিবা অদু অতোপ্পা লোক সভা কেন্দ্র অনিদা পাংথোকখ্রে। শ্রী অমিৎ শাহনা হায়খি মদুদি লোক সভাগী এম.পি. ওইনা মহাক্না থবক তৌরকপা হৌখিবা চহি মঙাদা, গুজরাতকী ম্যুনিসিপাল কোর্পোরেসন অমসুং সরকারনা গান্ধীনগর কন্সতিত্যুএন্সীদা চহি অমদা লুপা করোর 5000গী চাউখৎ থৌরাংগী থবক পায়খৎলমদবা চহি অমত্তা লৈখিদে। মহাক্না হায়খি মদুদি গান্ধীনগর লোক সভা কেন্দ্র অসি চাউখৎপগী অনৌবা রেকোর্দশিং শেমগৎলি।

শ্রী অমিৎ শাহনা হায়খি মদুদি ঙসি মীয়ামগী থবকশিং অসিগী শরুক অমা ওইনা, গান্ধীনগর লোক সভাদা প্রোজেক্ত 21 শঙ্গাখ্রে, প্রোজেক্ত মরিগী উরেপ উয়ুংসু তমখ্রে, অতোপ্পা লোক সভা কেন্দ্র অনিদা প্রোজেক্ত 18 শঙ্গাখ্রে অমসুং অনিগী উরেপ উয়ুংসু তমখ্রে। মসিদা সেনিতেসন, পব্লিক হেল্থগা মরী লৈনবা দিবেলপমেন্ত ৱার্কশিং, অঙাংশিংদা অফবা প্লেৎফোর্ম অমা পীবা ইন্সতিত্যুৎ অমা হৌদোকপা অমসুং অকোইবগী ফিভম ঙাক্নবা ওক্সিজেন পার্ক অমা কৎথোকপা য়াওরি।

কেন্দ্রগী গৃহ অমসুং কোওপরেসন মন্ত্রীনা হায়খি মদুদি অহমদাবাদ ম্যুনিসিপাল কোর্পোরেসন্না তুংগী মীরোলগীদমক্তা নুমিৎ 100নিগী মনুংদা উ পাম্বী লাখ 30 থাবগী ৱারেপ লৌরে। মহাক্না হায়খি মদুদি মহাক অসি থাগৎনিংঙাই ওইরবা কেম্পেন অসিগা খুৎশম্নরি। মহাক্না সোসাইতী খুদিংমক্কী চেয়রমেন, সেক্রেতরী, খুঙ্গং খুদিংমক্কী সরপঞ্চ, ম্যুনিসিপাল কাউন্সিলর অমসুং অতৈ মঙাল লৈবা মীওইশিংদা চিথী ইখি অমসুং তেলিফোন্দা ৱারী শানখি। শ্রী শাহনা অহমেদাবাদকী মীয়ামদা মখোয়গী খুন্নাইদা, মনাক নকপদা লৈরিবা লম নত্ত্রগা অঙাংশিংগী স্কুলদা মখোয়গী ইমুং মনুংগী মশীংগী মতুং ইন্না পাম্বী থাবা হায়না হায়খি। মহাক্না হায়খি মদুদি ঐখোয়গী পুন্সিদা ঐখোয়না কার্বন দাইওক্সাইদ থাদোকপগা মান্নবা ওক্সিজেন পুথোক্নবা তঙাইফদবা মশিং অদুগুম্না উ পাম্বী থাবীগদবনি।

মহাক্না হায়খি মদুদি গাড়ী নৎত্রগা হকচাং নৎত্রগা এ.সি. নৎত্রগা মৈদগী ওইরো ঐখোয়না কার্বন দাইওক্সাইদ পুথোক্লিবা চাং অসি মীপুম খুদিংমক্না ঐখোয়গী পুন্সিদগী কার্বন দাইওক্সাইদ অদু হন্থহন্নবা অমসুং ওক্সিজেন হেনগৎহন্নবা মখোয়গী পুন্সিগী পান্দম ওইহনগদবনি। ক্লাইমেৎ চেঞ্জ অমসুং গ্লোবেল ৱার্মিং অনিমক্না পৃথীবি অমসুং মীওইবগী পুন্সিদা ঙসিদি অচৌবা খুদোংথীবা ওইহল্লক্লি হায়না মহাক্না হায়খি।

শ্রী অমিৎ শাহনা হায়খি মদুদি প্রধান মন্ত্রী অমসুং গুজরাতকী মচানুপা শ্রী নরেন্দ্র মোদীজীনা লৈবাক অসিগী মীয়ামদা 'এক পেদ মা কে নাম' থাবগীদমক হায়জখি। মহাক্না হায়খি মদুদি করিগুম্বা মমা অদু হিংলিবা ওইরবদি, মহাক্কা লোয়ননা পাম্বী থাবীয়ু অমসুং করিগুম্বা মহাক্না লৈখিদ্রবদি, মহাক্কী ফোতোগা লোয়ননা পাম্বী থাবীয়ু। ঐখোয়গী ইমাশিংদা ঐখোয়না তৌবীমল খঙবা উৎনবগী মসিদগী হেন্না ফবা পাম্বৈ নৎত্রগা ইথিল অমত্তা লৈতে।

কেন্দ্রগী গৃহ মন্ত্রীনা অহমদাবাদকী মীয়ামদা 'এক পেদ মা কে নম' কেম্পেন অসিদা শরুক য়ানবা আপিল তৌখি। মহাক্না হায়খি মদুদি ম্যুনিসিপাল কোর্পোরেসন্না ওক্সিজেন পার্ক কয়া শাবা, মিয়াৱাকি ফোরেস্ত কয়ামুক শাবা, উ পাম্বী কয়ামুক থাবা, অহমদাবাদকী নাগরিক খুদিংমক্না উ পাম্বী অমমম থাবা ঙম্লবদি মখোয়গী মশিং অসি মেনফোল্দ হেনগৎলগনি। মহাক্না হায়খি মদুদি ঐখোয় পুম্নমক্না উ পাম্বী থাবগী থৌদাং অসি লৌগদবনি। অসিগুম্বা থবক অসি অঙাং অমগী মওংদা মশাগী অৱাংবা ফাওবা য়ৌদ্রিবা ফাওবা য়েংশিনদুনা পুক্নিং থৌগৎকদবনি। মহাক্না হায়খি মদুদি মসি ইমাগী মীংদা উ থাবা অসি প্রধান মন্ত্রী শ্রী নরেন্দ্র মোদীগী স্লোগান খক্তা নত্তে, মসি মীয়ামগী খোংজং অমনি।

শ্রী অমিত শাহনা হায়খি মদুদি চহি 60গী মতুংদা লৈবাক অসিগী মীয়াম্না মীওই অমবু অহুমশুবা ওইনা প্রধান মন্ত্রী ওইহনখ্রে অমসুং মসিগী খুদোংচাবা অসি শ্রী নরেন্দ্র মোদীদা ফংলে। অহমদাবাদসু শরুক য়াখি, অহমদাবাদকী লোক সভাগী সিৎ অহুমমক নরেন্দ্রভাইদা পীখি, অদুগা গুজরাতনা সিৎ 25দা শরুক য়াখি    

কেন্দ্রগী গৃহ অমসুং কোওপরেসন মন্ত্রীনা হায়খি মদুদি অহমদাবাদকী তুংলমচৎতা য়ুম্ফম ওইবা দিবেলপমেন্ত অমসুং চাউখৎলবা অহমদাবাদ অমা ওইহনবা অসি ঐখোয়গী ৱারেপ্নি। অহমদাবাদ অসি মপুং ফানা চাউখৎলবা সহর অমা ওইরগনি, লৈখু চেন্দবা সহর অমা ওইরগনি, য়ুম খুদিংমক্তা তোইলেৎ অমা লৈবা সহর অমা ওইরগনি, অমসুং মী খুদিংমক্তা আরোগ্যা কার্দ অমা পায়রগনি - লাক্কদৌরিবা চহি অনি অসিদা অসিগুম্বা সহর অমা শেমগৎনবা ঐখোয়না অচেৎপা ৱাফম অসি মপুং ফাহনগনি অমসুং অহমদাবাদপু লৈবাক অসিগী সহরশিংগী মরক্তা খ্বাইদগী ৱাংবা মফমদা পুখৎনবা থবক তৌরগনি। মহাক্না হায়খি মদুদি ম্যুনিসিপাল কোর্পোরেসন্না অঙকপা স্বিমিং পুলশিং, জিমশিং শেমখ্রে অমসুং য়োগাসন তম্বীনবা অফবা থৌরাংসু পায়খৎলে। জিম অসি মীয়ামগীদমক্তা লেম্না ফংহনখি, ঈরোইনবা অসি মমল তানা লৌরি অমসুং য়োগাসনাগী থৌরাংসু লেম্না পাংথোক্লি। ফজরবা পুখ্রিশিং অমসুং ওক্সিজেন পার্কশিংসু শেমখ্রে।

*****