ভারতকী উপ-রাস্ত্রপতি, শ্রী ধনখরনা ঙসি ওর্গান দোনেসনগী মরুওইবা অদু পল্লদুনা মসি "স্পিরিচুএলগী ওইবা থবক অমসুং মীওইবগী মওংগী খ্বাইদগী ৱাংবা মোরেলগী খুদমনি” হায়না ফোংদোকখি। মহাক্না অকনবা ৱাফম থমখি মদুদি ওর্গান দোনেসন হায়বসি ফিজিকেলগী ওইবা পুকচেল চাউবা অদুদগী হেল্লি, মসিনা মীনুংশি অমসুং ওইজবা থাদোকপগী খ্বাইদগী অথোইবা মগুনশিং উৎলি।

ঙসি জয়পুরগী জেন সোসিএল গ্রুপস (JSG) সেন্ত্রেল সনস্থান অমসুং দাধিচি দেহ দান সমিতি, দিল্লীনা ওর্গান দোনরশিংগী ইমুং-মনুংবু ইকায় খুম্নবা উৎনবা শীনখিবা থৌরম অদুদা ৱা ঙাংলদুনা উপ-রাস্ত্রপতিনা মীওইবা খুন্নাইগী সেবা তৌবগী অফবা চৎনবীগা চুনবা মিসন অমা ওইনা ওর্গান দোনরেসনগী মায়কৈদা মীয়ামদা খঙনা হোৎননবা তকশিনখি।

ৱর্ল্দ ওর্গান দোনেসন দেগী থিম “বি দি রিজন ফোর সমৱান্স স্মাইল তুদে” হায়বা অসি পল্লদুনা শ্রী ধনখরনা মীপুম খুদিংমক্তা ওর্গান দোনেসনগী অফবা থৌওং অসিদা ইশাগী অমসুং ইমুং মনুংগী কম্মিৎমেন্ত থম্নবা হায়খি।

অরিবা মতমগী লৌশিং "इदम्शरीरम्परमार्थसाधनम्!”বু পল্লদুনা, শ্রী ধনখরনা মীওইবগী হকচাংবু অফবা অমা ফংনবগী পাম্বৈ অমা ওইনা লৌবদা মরুওইবা পীখি অমসুং হকচাং অসি পাক শন্না খুন্নাইগী য়াইফ-থৌরাং তৌনবগী খুৎলাই অমা ওইরকপা য়াই হায়না ফোংদোকখি।

তেংবাং পীনবগী অচেৎপা ফিরেপ লৈরবসু ভাইতেল ওর্গান অমা লৈতবনা মরম ওইদুনা তোক্লিবা তেলেন্ত লৈবা মীওইশিংদা মীৎয়েং থম্লদুনা উপ-রাস্ত্রপতিনা হায়খি, "অদোম্না মখোয়বু মতেং পাংবা মতমদা, মখোয়বু খুন্নাইগীদমক লাইএবিলিতী অমা ওইবদগী খুন্নাইগীদমক এসেৎ অমা ওইহনগনি" হায়রদুনা ওর্গান দোনেসনগী মরু ওইবা অদু থমখি।

ওর্গান দোনেসনদা হেনগৎলক্লিবা "কমর্সিএলাইজেসনগী ভাইরস" অসিদা নুংনাংবা ফোংদোক্লদুনা শ্রী ধনখরনা হায়খি মদুদি ওর্গানশিং অসি শেলগী লন-থুমগী কান্নবগী মহুৎ খুন্নাইগীদমক্তা খল্লগা দোনেসন তৌগদবনি। মেদিকেল প্রোফেসন অসি "ঈশ্বরগী প্রোফেসন অমনি" হায়না পল্লদুনা অমসুং কোবিদ লাইচৎ মনুংদা "হেল্থ ৱারিয়রশিং"গী থৱায় য়াওদবা থৌদাং অদু পল্লদুনা মহাক্না হায়খি মদুদি মেদিকেল প্রোফেসনগী মনুং চন্না মীওই খরনা ওর্গান দোনেসনগী মহৌশাগী মগুন অদু মাংহল্লি। মহাক্না হায়খি, "ঐখোয়না ওর্গান দোনেসন তৌবা অসিনা লায়রবা মীওইশিংবু লল্লোন ইতিক্কীদমক শীজিন্নবা য়াহল্লোই।"

ওইজবা থাদোক্তুনা সেবা তৌবা অমসুং কত্থোকপগী খুদমশিংনা মপুং ফাবা ভারতকী নাৎ অমসুং পুৱারীগী ওইবা হেরিতেজ অদু শকখঙলদুনা, লৌশিং অমসুং লমজিং-লমতাক্কী অচৌবা রিপোজিসরী অমা ওইনা থবক তৌরিবা ঐখোয়গী লাইরিক অমসুং বেদশিংদা য়াওরিবা লৌশিং অদুগী মতাংদা মীৎয়েং চংনব মহাক্না মীপুম খুদিংমক্তা হায়খি।

রাজনিতীগী ওইবা খেন্নবশিংবু দেমোক্রেসীগী মশক অমা ওইনা খঙমিন্নবগী মরুওইবা অদু পল্লদুনা শ্রী ধনখরনা হায়খি মদুদি খেন্নবশিং অসিনা লৈবাক্কী অপাম্বদা কনাগুম্বা অমত্তবু হন্থনা লৌরোইদবনি। মহাক্না মরুওইনা ইমর্জেন্সীগী মতমদা, দেমোক্রেসীদা পীখিবা শীংনবশিংগী মতাংদা নহা ওইরিবা মীরোলশিংবু খঙহনবগী তঙাইফদবা অমসুং অসিগুম্বা থৌদোকশিং অসি অমুক হন্না থোকহন্দনবা চেকশিন্না লৈবগী মরুওইবা অদুসু পনখি।

মহাক্কী ৱারোলদা শ্রী ধনখরনা কোর্পোরেতশিং, ত্রেদ এসোসিএসনশিং অমসুং বিজিনেস লিদরশিংদা লোকেল প্রদক্তশিং থৌগৎনবা অমসুং মপাল্লমদগী পুশিল্লকপা পোৎলমশিং অদু তঙাইফদবা পোৎলমশিং খক্তদা তৌদুনা মসি হন্থহন্নবা অখন্নবা আপিল তৌখি।

এক্সসর্প্ত মসিদা পাবীয়ু : https://pib.gov.in/PressReleseDetail.aspx?PRID=2046404

****