হকশেল অমসুং য়াইফ-য়ুম্বাল মন্ত্রালয়
FSSAI না ভারতকী চিঞ্জাকশিংদা মাইক্রোপ্লাস্তিক কন্তামিনেসনগী ৱাফম ৱাখৈনা প্রোজেক্ত হৌদোকখ্রে
অনৌবা FSSAI থৌরাংনা দিতেক্সন মেথদ শেমগৎনবা অমসুং ভারতকী চিঞ্জাকশিংদা মাইক্রোপ্লাস্তিক য়াওবগী চাং য়েংনবা পান্দম থম্লি
Posted On:
18 AUG 2024 1:51PM by PIB Imphal
ফুদ সেফতী এন্দ স্তেন্দর্দ্স ওথোরিতী ওফ ইন্দিয়া (FSSAI) না চিঞ্জাক্তা মাইক্রোপ্লাস্তিক য়াওশিন্বগী নুংশাথিবা হেনগৎলক্লিবা অসি লাকশিন্নবা ইনোভেতিব ওইবা প্রোজেক্ত অমা ওগস্ত ১৮, ২০২৪দা নই দিল্লীদা হৌদোকখ্রে। মাইক্রোপ্লাস্তিক পোলুসন অসি খুদক্তা মীৎয়েঙ চঙবা মথৌ তাবা শিংনবা অমনি হায়না শকখঙলদুনা, মাইক্রো- এন্দ নেনো-প্লাস্তিক্স এস ইমর্জিং ফুদ কন্তামিনেন্তস: এস্তাব্লিসিং ভেলিদেতেদ মেথোদোলোজিজ এন্দ অন্দরস্তেন্দিং দি প্রিভেলেন্স ইন দিফরেন্দ ফুদ মেত্রিসেস” কৌবা প্রোজেক্ত অমা চহিসিগী মার্চ থাদা তোঙান তোঙানবা চিঞ্জাক্কী পোত্থোকশিংদা মাইক্রো অমসুং নেনো-প্লাস্তিক য়াওশিন্বা খঙদোক্নবা, লোয়ননা মখোয় য়াওবগী চাং অমসুং ভারত্তা লৈরিবা এক্সপোজরগী থাক য়েংশিন্নবা এনালাইতিকেল থৌওংশিং শেমগৎনবা অমসুং ভেলিদেত তৌনবা হৌদোকখি।
প্রোজেক্ত অসিগী মপুং ওইবা পান্দমশিংগী মনুংদা মাইক্রো/নেনো-প্লাস্তিক এনালাইসিসকী স্তেন্দর্দ প্রোতোকোল শেমগৎপা, ইন্ত্রা অমসুং ইন্তর-লেবোরেতরী কম্পরিজন পাঙথোকপা, অমসুং কঞ্জ্যুমরশিংগী মরক্তা মাইক্রোপ্লাস্তিক এক্সপোজরগী থাক্কী মরুওইবা দেতা জেনেরেত তৌবা য়াওরি। স্তদী অসি সি.এস.আই.আর.-ইন্দিয়ন ইন্সতিত্যুৎ ওফ তোক্সিকোলোজী রীছর্চ (লখনৌ), আই.সি.এ.আর.-সেন্ত্রেল ইন্সতিত্যুৎ ওফ ফিসরিজ তেক্নোলোজী (কোচী), অমসুং বির্লা ইন্সতিত্যুৎ ওফ তেক্নোলোজী এন্দ সাইন্স (পিলানী) য়াওনা লৈবাক শিন্বা থুংনা লৈরিবা মাঙজিল থাবা রীছর্চ ইন্সতিত্যুসনশিংগা খুৎশম্নরবা পায়খৎলি।
কুইদ্রিবা রিপোর্ত অমদা, ফুদ এন্দ এগ্রিকলচর ওর্গনাইজেসন (এফ.এ.ও.)না চিনি অমসুং থুম্নচিংবা পুম্নমক্না শীজিন্নবা চিঞ্জাক্কী পোৎলমশিংদা মাইক্রোপ্লাস্তিক য়াওবা থেংনরে হায়বা ৱাফম ফোঙদোকখি। রিপোর্ত অসিনা মাইক্রোপ্লাস্তিক্কী মালেমগী ওইবা ফীভম তাক্লবসু, মরুওইনা ভারতকী ওইবা ৱাফমদা মীওইবগী হকশেল অমসুং শাফবদা শোকহনগদবশিং মপুং ফানা খঙজিন্নবগীদমক পাক চাউবা দেতা মথৌ তাই হায়বা ৱাফম থম্লি।
লৈবাকসিগী ফুদ সেফতী রিগুলেতর ওইনা, FSSAI না ভারতকী কঞ্জ্যুমরশিংদা শাফবা অমসুং মশা মউ ফগদবা চিঞ্জাকশিং ফংহন্নবগীদমক খোঙফম চেৎনা লেপ্লি। মালেমগী ওইনা থিজিনবদা তোঙান তোঙানবা চিঞ্জাকশিংদা মাইক্রোপ্লাস্তিক য়াওবা থেংনরবসু, ভারতকী ওইনা অকক্নবা থাজবা য়াবা দেতা পুথোকপা মরুওই। প্রোজেক্ত অসিনা ভারতকী চিঞ্জাকশিংদা মাইক্রোপ্লাস্তিক য়াওশিইন্বগী চাং খঙদোকপদা মতেঙ পাংগনি অমসুং মীয়ামগী হকশেল ফনা থম্নবগীদমক মতিং লৈবা রিগুলেসন অমসুং সেফ্তী স্তেন্দর্দশিং শেম্বদা লমজিংগনি।
প্রোজেক্ত অসিনা ফংলকপশিংনা মরম খঙনা রিগুলেতরীগী থবকশিং পায়খৎপদা নত্তনা হায়রিবা এনভাইরনমেন্তকী শিংনবা অসি থেংননবা মালেমগী ওইবা থৌরাংদা ভারতকী থিজিন হুমজিনবনা নুংগী ওইবা থৌদাং লৌহন্দুনা মাইক্রোপ্লাস্তিক কন্তামিনেসনগী লমদা মালেমগী ওইনা খঙদোকমিন্নবদা থৌদাং য়াগনি।
*****
(Release ID: 2046421)
Visitor Counter : 34