উপ-রাস্ত্রপতিগী লোইশঙ
ভি.পি.না ইম্পোর্ত তৌদ্রসু য়াবশিংগীদমক লমদম অসিদা পুথোকপদা মীৎয়েং থম্নবা ইন্দস্ত্রী, ত্রেদ অমসুং কম্মর্স সেক্তরশিংদা হায়খ্রে
ইকনোমিক নেস্নেলিজম অসি স্বাদেশিগী শক্লোন্নি অমসুং ভোকেল ফোর লোকেল ওইবগী মমি তাই হায়না ভি.পি.না ফোংদোকখ্রে
ইকনোমিক্কী মপাঙ্গলনা মরম ওইদুনা নেচরেল রিসোর্সশিং কা হেন্না শীজিন্নবনা তুংদা লাক্কদবা মীরোলশিংগী অচৌবা খুদোংথিবা অমা ওইহল্লি
শ্রী ধনখরনা রাজনিতী, ইশাগী ওইবা অমসুং শেন্মিৎলোনগী কান্নবশিংদগী জাতিগী য়াইফবা হায়বা অসি হেন্না মরু ওই লৌনবা অপুনবগী খোঙথাং অমা মথৌ তাই হায়খ্রে
ভি.পি.না মীচম প্রজাশিংগী পুন্সিদা অহোংবা পুরক্নবা তেঞ্জিবল এক্সনশিংগী অথুবদা মথৌ তাবা অদু থমখ্রে
Posted On:
17 AUG 2024 3:08PM by PIB Imphal
উপ-রাস্ত্রপতি, শ্রী জগদীপ ধনখরনা ঙসি লৈবাক অসিদা ইকনোমিক নেস্নেলিজমগী ৱাফম থমখি। মহাক্না ইন্দস্ত্রী, ত্রেদ অমসুং কম্মর্স সেক্তরশিংদা তোকপা য়াবা ইম্পোর্তশিংদগী লোকেল প্রদক্সনদনা হেন্না মরু ওইবা মীৎয়েং থম্নবা হায়খি। ইকনোমিক নেস্নেলিজমগী ৱাখল্লোন অসি স্বদেশীগী শক্লোন অমনি অমসুং ভোকেল ফোর লোকেলগী মশক অমনি হায়না ফোংদোক্লদুনা শ্রী ধনখরনা ফোরেন এক্সচেঞ্জ চৎপা অমসুং ভারতকী শিন্মীশিংগীদমক থবক ফংহন্দবা য়াওনা শেন্মিৎলোনদা তঙাইফদবা নত্তবা ইম্পোর্তশিংগী নেগেতিব ইম্পেক্তকী মতাংদা পনখি।
শ্রী ধানখরনা হায়খি, “কার্পেৎ, ফিরোল অমসুং শান্নপোৎশিংগুম্বা ইম্পোর্ত তৌরিবা পোৎলমশিংদা ঐখোয়গী থাজবা অসিনা ঐখোয়গী ফোরেন এক্সচেঞ্জ অসি মপাল লমদা চৎহনবতা নত্তনা দোমেস্তিক ওন্তপ্রিনোরশিপকী গ্রোথতা অকায়বা পীরি”। মহাক্না ইন্দস্ত্রীদা অপিল তৌখি মদুদি লোকেল প্রদক্সনবু সপোর্ত তৌদুনা ইসু অসিবু কোকহন্নবা হোৎনগদবনি। মসিনা ভারতকী শিন্মীশিংদা থবক পীগনি অমসুং ওন্তপ্রিনোরশিপ হেনগৎহল্লগনি।
শ্রী ধনখরনা ভেঙ্কাতাচলমদা লৈবা স্বর্ন ভারত ত্রস্ততা মীয়াম তিনখিবা অদুদা ৱা ঙাংলদুনা মহৌশাগী ওইবা রিসোর্সশিং ওপ্তিমেল ওইনা শীজিন্নবগী তঙাই ফদবা অদু ফোংদোকখি। মহাক্না প্রজাশিংদা শেল-থুমগী শক্তিদা য়ুম্ফম ওইবগী মহুৎ মথৌ তাবগী মতুং ইন্না রিসোর্সশিং শীজিন্ননবা হায়খি। শেন্মিৎলোনগী মপাঙ্গলনা মরম ওইদুনা মহৌশাগী রিসোর্সশিংবু হেন্না শীজিন্নবনা তুংগী মীরোনশিংগীদমক অচৌবা খুদোংথীবা অমা ওইহল্লক্লি হায়না মহাক্না অকনবা ৱাফম থমখি।
ৱাখল য়াওদনা শেল থাদবগী মায়োক্তা চেকশিনৱা থম্লদুনা, শ্রী ধনখরনা হায়খি মদুদি অসিগুম্বা থবকশিং অসিনা তুংগী মীরোনশিংগী য়াইফ-থৌরাংবু খুদোংথীনিঙাই ওইহল্লগনি। মহাক্না মখা তাখি, "করিগুম্বা ঐখোয়না শেলগী শক্তিদা য়ুম্ফম ওইদুনা তঙাইফদনা শেল থাদরক্লবদি, ঐখোয়না তুংগী মীরোলবু খুদোংথিহনগনি।"
আইরন ওরগুম্বা রো মেতরিএলশিং ভেল্যু এদিসন য়াওদনা এক্সপোর্ত তৌবগী নুংনাংবা ফোংদোক্লদুনা শ্রী ধনখরনা হায়খি মদুদি হায়রিবা থৌওং অসিনা থবক পীবগী ওইথোকপা হন্থহনবতা নত্তনা লৈবাক অসিগী শেন্মিৎলোনগী ফ্রেমৱার্কসু শোন্থহল্লি। “ঐখোয়গী আইরন ওরনা পোর্তশিংদা ভেল্যু এদিসন য়াওদনা ইম্পোর্ত তৌবা উবদা নুংঙাইতবা ফাওই। লৈবাক অমা ওইনা, ঐখোয়না মতম শাংনা লৈবাক্কী কান্নবশিংদগী লায়না অমসুং থুনা শেল তানবদা অহেনবা মরুওইবা পীবা ঙম্লোই," হায়না শ্রী ধনখরনা মখা তাখি।
শ্রী ধনখরনা রাজনিতী, মশাগী অমসুং শেন্মিৎলোনগী কান্নবশিংদগী লৈবাক্কী য়াইফ-থৌরাংগীদমক পুন্না হোৎনমিন্ননবা হায়খি, ৱাখল্লোনদা মসিগী অহোংবা অসি লাকহনবা ঙমগনি হায়না থাজবা ফোংদোকখি।
শ্রী ধনখরনা রিগ বেদকী শ্লোক অমা পনখি, মদুদা "संगच्छध्वं संवदध्वं सं वो" হায়রি। মহাক্না হায়খি, "ঐখোয় পুন্না চৎমিন্নসি। ঐখোয় অমত্তা ওইবা খোলাউ পুথোকসি, অমসুং মতম পুম্নমক্তা লৈবাক অসিগীদমক ৱা ঙাংগনি।" নেস্নেল য়ুনিতীগী মরুওইবা অদু পল্লদুনা মহাক্না মখা তাখি, "ঐখোয়না মতম পুম্নমক্তা লৈবাক অসিবু অতৈদগী মরু ওইনা লৌসি।" মহাক্না আশা লৈত্রবা মীচম প্রজাশিংগী পুন্সিদা অশেংবা অহোংবা পুরক্নবা অঙম্বা থবকশিং লৌখৎপগী তঙাইফদবা অদুসু পনখি।
হান্নগী উপ রাস্ত্রপতি, শ্রী এম. শ্রী ভেঙ্কাইয়া নাইদুবু মহাক্না পামজবা অমসুং ইকাই খুম্নবা ফোংদোক্লদুনা, শ্রী ধনখরনা হায় শ্রী নাইদুগী পুন্সি চুপ্পা জাতিগী য়াইফনবা হোৎনবদা কত্থোকখিবা অদু পল্লদুনা মহাক্না মীয়ামগী পুন্সি শেমদোক্নবা ৱাখল্লোনদা লেংদ্রবা ফিরাপ লৌখি হায়খি।
“মহাক্কী প্রিন্সিপলশিং অমসুং ৱাখল্লোনশিংবু মতৌ তম্বা অরাইবনি, অদুবু মহাক্না তৌখিবা অদু ঙাক্না চৎপা হায়বসিদি অরুবা অমনি। মহাক্কী পুন্সি অসি জাতিগী য়াইফনবা কত্থোকখি, ৱাখল্লোনশিং অসিদা অচেৎপা থাজবা থমখি অমসুং মহাক্কী থম্মোয়দা ভারতকী খুঙ্গংবু লুম্না লৌখি ঐহাক্না স্বর্ণন ভারত ত্রস্ততা চংলকপা মতমদগী হৌনা, ঐহাক্না সভ্যাতাবু থবক ওইনা পাংথোকপা উবা ফংলে।"
মপুং ফাবা ৱারোল মসিদা পাবীয়ু : https://pib.gov.in/PressReleseDetail.aspx?PRID=2046250
****
(Release ID: 2046325)
Visitor Counter : 4