ঙাকশেল মন্ত্রী শ্রী রাজনাথ সিংহনা নৌনা শাবা অনৌবা ইন্দিয়ন কোস্ত গার্দ  (আই.সি.জি.) মেরিতাইম রেস্ক্যু কোওর্দিনেসন সেন্তর (এম.আর.সি.সি.)গী বিল্লদিং চেন্নৈদা ওগস্ত ১৮, ২০২৪দা শঙ্গানবা শেম শারে। মহাক্না অহেনবা মরুওইবা ফেসিলিতীশিংসু শঙ্গাগনিঃ চেন্নৈদা রিজনেল মেরিন পোলুসন রেস্পোন্স সেন্তর (আর.এম.পি.আর.সি.) অমসুং পুদুচেরীদা কোস্ত গার্দ এয়র এনক্লেব (সি.জি.এ.ই.)।

শঙ্গাবগী থৌরম অসিদা কেন্দ্র অমসুং রাজ্যগী ওর্গানাইজেসনশিংনা শরুক য়াগনি। অসিগুম্বা মরুওইবা থৌরম অসিনা মেরিতাইম সেফতী অমসুং রিজনেল কোওর্দিনেসন্দা খুমাং চাউশিনবা উৎলদুনা ভারতকী কোস্তলাইনদা মেরিতাইম সেক্যুরিতী অমসুং এমর্জেন্সী রেস্পোন্সকী চাং হেনগৎহন্নবা অচৌবা খোঙথাং অমা ওইহল্লগনি।

অনৌবা চেন্নৈগী এম.আর.সি.সি. অসি মশক থোকপা স্ত্রকচর অমা ওইরগনি, মসিনা মেরিনর অমসুং ঙামীশিংনা শমুদ্রদা মেরিতাইম রেস্ক্যু ওপরেসনগী মতেং অমসুং কান্নবা হেনগৎহল্লগনি। মসিগুম্বা অনৌবা ফেসিলিতী অসিনা আই.সি.জি.না শমুদ্রগী পুন্সিদা ঙাক শেনবা অমসুং অরুবা তানফমদা খোংজেল য়াঙনা মতেং পাংবা ঙম্নবা হোৎনরি হায়বা তাক্লে।

চেন্নৈগী হিথাংফমদা লৈরিবা আই.সি.জি. রিজনেল মেরিন পোলুসন রেস্পোন্স সেন্তর (আর.এম.পি.আর.সি.) অসিনা মেরিন পোলুসন মেনেজমেন্ততা অচৌবা খোঙথাং অমা থাংজিনবা ঙম্লে। লমদম অসিদা ইহান হানবা ওইবগা লোইননা, আর.এম.পি.আর.সি.না মেরিন পোলুসনগী থৌদোকশিং, মরুওইনা থাউ অমসুং কেমিকেল থংনবা কোস্তেল স্তেতশিংদা য়ুবা মতমদা মতেং পাংনবদা অচৌবা থৌদাং অমা লৌরে।

পুদুচেরীগী কোস্ত গার্দ এয়র এনক্লেব অসিনা আই.সি.জি.দা মরুওইবা মাইলস্তোন অমা শেম্লে অমসুং মসিনা পুদুচেরী অমসুং খা তমিল নাদু শমুদ্র পরিংদা মেরিতাইম সেক্যুরিতী হেনগতলগনি। এয়র এনক্লেব অসিদা চেতক অমসুং এদভান্স লাইত হেলিকোপতর (এ.এল.ঐচ.) স্ক্বাদ্রোনশিং হাপকনি, মসিনা এরিএল সর্ভিলেন্স অমসুং রেস্পোন্স কেপেবিলিতী হেনগৎকনি।

অনৌবা ফেসিলিতীশিং অসিনা মেরিতাইম সেক্যুরিতী হেনগৎহনগনি অমসুং ইমর্জেন্সী লাকপদা পাউখুম পীবা ঙম্বা হেনগনি অমসুং ভারতনা মেরিতাইম সেফতী অমসুং এনভাইরোন্মেন্ত ঙাক্নবা হোৎনরিবা অসিদা মতেং ওইগনি।

***