ভারতকী মহৈরোই কাংবুনা চাইনাগী বৈজিংদা ওগস্ত ০৮-১৬, ২০২৪ ফাওবা পাঙথোকপা  ইন্তর্নেসনেল আর্থ সাইন্সেস ওলিম্পিএদ (আই.ই.এস.ও.)গী  ১৭শুবা তাংকক্তা তোঙান-তোঙানবা তক্মান কয়া লৌরকখ্রে। গুজরাত, কেরলা, ছতিশগর, অমসুং রাজস্থানদগী মহৈরোই মীহুৎ মরিনা শাবা ভারতকী তীম অসিদা ভারতকী তিম অসিনা শনাগী অমসুং শেঞ্জেংগী তক্মান অহুম অহুম অমসুং লুপাগী তক্মান অনি কম্পিতিসনগী কাংলুপ অহুম (থিয়রি অমসুং প্রেক্তিকেল, আর্থ সিস্তেম প্রোজেক্ত, অমসুং ইন্তর্নেসনেল তীম ফীল্দ ইনভেস্তিগেসন)দা লৌরকখি।

দা. জিতেন্দ্র সিংহ, ইকাইখুম্নজরিবা রাজ্যগী (ইন্দিপেন্দেন্ত চার্জ), আর্থ সাইন্সেস মন্ত্রী অমসুং সাইন্স অমসুং তেক্নোলোজী মন্ত্রালয়, এম.ও.এস. পি.এম.ও, দিপার্ত্মেন্ত ওব এতোমিক এনর্জী, দিপার্ত্মেন্ত ওব স্পেস, পার্সনেল, পব্লিক গ্রিভান্সেস অমসুং পেন্সননা ভারতকী কাংবুবু থাগৎপা ফোংদোকখি অমসুং লৈবাক অসিদা অসিগুম্বা মমল লৈরবা একাদেমিক্কী ওইবা মিংচৎ অসি পুরকপগীদমক শিংথাখি।

"ইন্তর্নেসনেল আর্থ সাইন্স ওলিম্পিএদ অসি মহৈরোইশিংগী ওইবা আর্থ সাইন্স মন্ত্রালয়গী মখাদা পাঙথোকপা রিচআউত (রিসর্চ, এজুকেসন, ত্রেনিং, অমসুং আউৎরিচ)কী মখাদা পাঙথোকপা খ্বাইদগী মায় পাকপা থৌরমশিংগী মনুংদা অমনি। ঐখোয়না ঐখোয়গী নহা ওইরিবা আর্থ সাইন্স ৱিজার্দ অমসুং এচিভরশিং অসিগীদমক চাউথোকচৈ", হায়না দা. এম রবিচন্দ্রন, ভারত সরকারগী আর্থ সাইন্সেস মন্ত্রালয়গী সেক্রেতরী অসিনা মায় পাক্লক্লবশিংবু হরাওবা ফোংদোকখি।

পিকচরঃ  চাইনাদা ওগস্ত ০৮-১৬, ২০২৪ ফাওবা পাঙথোকপা ১৭শুবা ইন্তর্নেসনেল আর্থ সাইন্সেস ওলিম্পিএদতা ভারতকী মহৈরোইগী কাংবু (ওই) অমসুং ভারতকী ওফিসিএল (দা. জগবির সিংহ, সাইন্তিস্ত জি অমসুং এদভাইজরঃ ওইদগী অহুমশুবা, আর্থ সাইন্স মন্ত্রালয়) অমসুং জুরীগা লোইননা।

২০০৩ দা কাল্গেরী, কানাদাদা পাঙথোকপা ইন্তর্নেসনেল জিওসাইন্স এজুকেসন ওর্গানাইজেসন কাউন্সিল মীতিংদা লিংখৎখিবা আই.ই.এস.ও. ওসি মালেমগী মফম কয়াদা লৈবা সেকেন্দরী স্কুলগী মহৈরোইশিংগী চহিগী ওইনা পাঙথোকপা অথোই অহেন তান্নবা অমনি। মসিনা তীমৱার্ক, কোলাবোরেসন, ৱাখল্লোন লান্নবা অমসুং অথোই অহেন তান্নবগী খুত্থাংদা মীয়াম ভাপ তাহন্নবা পান্দম থম্লি। "মসিগী মপুং ওইবা মঙলান্দি ক্লাইমেত চেঞ্জ, এনভাইরোন্মেন্তেল চেলেঞ্জ অমসুং মহৌশাগী ওইবা অমাং অতাদা য়ুম্ফম ওইদুনা পাম্বৈ পুথোক্নবা অমসুং ভাপ তাহন্নবা হোৎনদুনা আর্থ সিস্তেম সাইন্সকী তোঙান-তোঙানবা হীরমশিংদা নহাশিংদা অপাম্বা পোকপা হেনগৎহনবনি", হায়না দা. জগবির সিংহ, সাইন্তিস্ত জি অমসুং এদভাইজর, এম.ও.ই.এস.না ফোংদোকখি। মহাকসু ১৭শুবা আই.ই.এস.ও.গী ওবজার্বরশিংগী মরক্তা অমনি।

ভারতনা ২০০৭ দগী হৌদুনা আই.ই.এস.ও.দা শরুক য়ারক্লি অমসুং মসিগী ১০শুবা তাংকক অদু মৈসুরদা পাঙথোকখি। চহি অসিগী ১৭শুবা আই.ই.এস.ও.দা লৈবাক ৩৫দগী তিমশিং লাকখি, মসিদগী ৩২না ফাইনেল য়ৌখি। তোঙান-তোঙানবা কাংলুপ মরিদা অথোই অহেন তান্নখিঃ থিয়রী অমসুং প্রেক্তিকে, আর্থ সাইন্স প্রোজেক্ত, ইন্তর্নেসনেল তীম ফীল্দ ইনভেস্তিগেসন, অমসুং দেতা মাইনিং।

ভারতকী মহৈরোইশিং (গ্রেদ ৯দগী ১২)না শরুক য়াবা হেনগৎনবগীদমক এম.ও.ই.এস.না ইন্দিয়ন নেসনেল আর্থ সাইন্স ওলিম্পিএদ (ইনেসো) ভারতকী তোঙান-তোঙানবা স্কুলশিংদা পাঞথোক্লি। ইনেসো হায়বসি জাতিগী থাক্তা লৈবা আই.ই.এস.ও.গা মান্নবা থৌরম অমনি। চহি খুদিংগী ভারতকী জিওলোজিকেল সোসাইতীনা এম.ও.ই.এস. অমসুং খনগৎলবা লৈবাক অসিগী এজুকেসনেল বোদীশিংগা খুৎশম্নদুনা চহি খুদিংগী পাঙথোক্লি। মহৈরোইশিং খনগৎপগী তোপিকশিংদা জিওলোজী, মেতিওরোলোজী, ওসিনোগ্রাফী, অমসুং এনভাইরোন্মেন্তেল সাইন্স য়াওরি। ইনেসোদগী মাঙজিল থানা পারফোরমেন্স পীখিবশিংনা ভারতপু আই.ই.এস.ও.দা শরুক য়াবগী খুদোংচাবা পীরি, মসিদা এম.ও.ই.এস.তগী মতেংসু ফংলি।

এম.ও.ই.এস.না ইনেসো অমসুং আই.ই.এস.ও.বু রিচআউত স্কিমগী শরুক অমা ওইনা পৃথিবী (পৃথ্বি বিগ্যান) স্কিমগী মখাদা কেন্দ্রগী কেবিনেতনা জনুৱারী ২০২৪দা অয়াবা পীদুনা শৌগৎলি। স্কিম অসিগী পান্দমি রিসর্চ অমসুং দিবেলপমেন্ত এক্তিবিতীগী খুত্থাংদা অমসুং লৈবাক অসিদা রিলাইএবল সর্ভিস পীনবা আর্থ সিস্তেম সাইন্সেস ভাপ তাহন্নবা হোৎনবনি। 

***************