Cabinet Committee halor ki kam ka ioh ka kot (CCEA)
Mynjur ka Kynhun Myntri ban kyntiew ia ka Civil Enclave ba thymmai ha kad liengsuin Baghgora, West Bengal ha ka jinglut kaba T. 1549 klur
Posted On:
16 AUG 2024 8:20PM by PIB Shillong
Ka Cabinet Committee on Economic Affairs ba la pyniaid da u Myntri Rangbah duh Narendra Modi ka la ai jingmynjur ia ka jingtyrwa jong ka Airports Authority of India (AAI) na ka bynta ban kyntiew ia ka Civil Enclave ba thymmai ha ka kad liengsuin Bagdgora, Siliguri, West Bengal ha ka jinglut kaba T. 1549 klur.
Kane ka Terminal Building ka don ha ka jaka kaba heh 70,390 sqm bad la saindur ban ai jingshakri 3000 ngut ki nongleit nongwan ha ka por ba bun kam tam, ha kaba ka lah ban peit ia 10 million ngut ki nongleit nongwan ha ka shi snem. Ki bynta ba kongsan jong ka projek ki kynthup ka jingshna ia ka Apron kaba lah ban pynrung 10 tylli ki jaka pynieng ia ki liengsuin A-321, kumjuh ruh artylli ki link taxiway bad ka jaka pynieng kali ba bun mala. Ha ka jingban jur ia ka jingbahkhlieh na ka bynta ka mariang, ka Terminal Building kan long ka jingtei bym pynmih jaboh, ha kaba la pyniasoh ia ki tyllong pynmih bording ba lah ban pynthymmai bad ka jingpyndonkam ia ka jingshai na ki jaka sawdong khnang ban pynduna ia ka jingktah ia ka mariang.
Kane kan kyntiew ia ka jinglah treikam ka kad liengsuin Bagdogra bad ka jingsuk ki nongleit nongwan, ka ban pynkhlain ia ka bynta jong ka kum ka jaka Pdeng na ka bynta ka leit ka wan lyngba ki liengsuin ha ka thain.
*****
(Release ID: 2046164)
Visitor Counter : 18
Read this release in:
Odia
,
Bengali
,
English
,
Urdu
,
Hindi
,
Marathi
,
Assamese
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam