ثقافت اور سیاحت کے مرکزی وزیر جناب گجیندر سنگھ شیخاوت نے کہا ہے کہ وزیر اعظم جناب نریندر مودی کا یوم آزادی کا خطاب ہمارے امید افزا مستقبل کی ایک  درخشاں اور تابناک  تصویر پیش کرتا ہے اور قوم  کے اندر ایک غیر متزلزل یقین جاگزیں  کرتا ہے کہ یہ عالمی عظمت حاصل کر سکتا ہے۔

ایکس  پلیٹ فارم پر اپنی پوسٹ میں، جناب شیخاوت نے کہا ’’ہمارے وزیر اعظم جناب نریندر مودی کایوم آزادی کے موقع پر  بھارت سے 11 واں خطاب ہمارے امید افزا مستقبل کی ایک درخشاں اور تابناک تصویر پیش کرتا ہے اور قوم کے اندر  ایک غیر متزلزل یقین جاگزیں کرتا ہے کہ یہ عالمی عظمت حاصل کر سکتا ہے۔ بھارت، پچھلی دہائی کے دوران ایک نئے بھارت کے طور پر تبدیل ہوا ہے جو عالمی بھلائی کے لیے ہمت، پرواہ اور تبدیلی کو آگے بڑھاتا ہے۔ ایک نیا بھارت جو جامع اور مبنی برشمولیت ترقی کے ذریعے عالمی شان کی تلاش میں ہے۔ ایک نیا بھارت جس نے اپنا نوآبادیاتی لبادہ اتار دیا ہے اور اپنے ورثے اور روایتی اقدار کو فخر کے ساتھ زیب تن کرکےدنیا کو اس کے راستے پر چلنے کی تلقین کر رہا ہے۔ ایک نیا بھارت جس کے شہریوں سے چلنے والی انتظامیہ اچھی حکمرانی اور جمہوری قیادت کا ایک نیا باب رقم کرے  گی۔

**********

ش ح۔ع م۔ رض

U:9887