প্রধান মন্ত্রী শ্রী নরেন্দ্র মোদীনা মহাক্কী 78শুবা নীংতম নুমিৎকী ৱারোলদা তোঙান-তোঙানবা সেক্তরশিংদা ভারতকী গ্রোথ লৈহন্নবা, ইন্নোভেসন শাহৌ পীনবা অমসুং লৈবাক অসিবু মালেমগী লুচিংবা অমা ওইহন্নবা পান্দমদা তুংলমচৎকী ওইবা পান্দম কয়া থমখ্রে।

প্রধান মন্ত্রীগী ৱারোলদগী মরু ওইবা ৱাফমশিংদা পীরিবশিং অসি য়াওরি:

1. ইজ ওফ লিভিং মিসন: পি.এম. মোদীনা মিসন মোদতা ‘ইজ ওফ লিভিং’ থুংহন্নবা মহাক্কী ভিজন থমখ্রে। মহাক্না সিস্তেমেতিক এসেসমেন্তশিংগী খুত্থাংদা অমসুং ইনফ্রাস্ত্রকচর অমদি সর্ভিসশিং ফগৎহন্দুনা সহরগী মফমশিংদা পুন্সিগী ক্বালিতী হেনগৎহন্নবা ফোংদোকখি।
2. নালন্দাগী থৌনা হিংগৎহনবা: প্রধান মন্ত্রীনা অরিবা নালন্দা য়ুনিভর্সিতী থৌনা হিংগৎহন্নবা হোৎনখি, হায়র লর্নিং অমসুং রিসর্চ প্রমোৎ তৌদুনা ভারতপু গ্লোবেল এজুকেসন হব অমা ওইহন্নবা হোৎনখি। 2024দা নালন্দা য়ুনিভর্সিতী শঙ্গাবনা মসিগী য়ুম্ফম থোনখি।
3. মেদ ইন ইন্দিয়া চিপ-সেমিকন্দক্তর পুথোকপা: পি.এম. মোদীনা সেমিকন্দক্তর পুথোকপদা মালেমগী লুচিংবা অমা ওইনবা ভারতকী অচেৎপা ৱাফম থমখি। মসিগী পান্দমদি ইম্পোর্তকী মখা পোনবা হন্থহনবা অমসুং তেক্নোলোজীগী লমদা মশা-মরোমদোম লেপচবা হেনগৎহনবনি।
4.  স্কিল ইন্দিয়া: বজেৎ 2024গী মতাংদা পল্লদুনা, প্রধান মন্ত্রীনা ভারতকী নহাশিংবু ত্রেনিং পীনবা অমসুং মালেমগী স্কিল কেপিতেল ওইনবা সরকারনা লাউথোকখিবা মরুওইবা খোংথাংশিং অদু পনখি।
5. ইন্দস্ত্রীএল মেনুফেকচরিংগী হব: পি.এম. মোদীনা ভারতপু মাগী অচৌবা রিসোর্সশিং অমদি স্কিল লৈবা ৱার্কফোর্স শীজিন্নদুনা মালেমগী মেনুফেকচরিং হব অমদা ওন্থোক্নবা পান্দম থমখি।
6. "দিজাইন ইন ইন্দিয়া, দিজাইন ফোর ৱর্ল্দ": প্রধান মন্ত্রীনা লমদমসিগী দিজাইন তৌবা ঙম্বশিংবু থাগৎপা ফোংদোকখি অমসুং হায়রিবা ৱাহৈ অসি পুথোক্তুনা দোমেস্তিক অমসুং ইন্তর্নেস্নেল মার্কেৎ অনিমক্তা কান্নবা পীগদবা পোত্থোকশিং পুথোক্নবা তকশিনখি।
7. গ্লোবেল গেমিং মার্কেৎতা লুচিংবা অমা: পি.এম. মোদীনা হায়খি মদুদি ভারতনা মেদ ইন ইন্দিয়া গেমিং প্রদক্তশিং পুথোক্নবগীদমক্তা ভারতনা মাগী শীংথানীংঙাই ওইরবা অরিবা লিগেসী অমসুং লিতরেচরবু শীজিন্নগদবনি। মহাক্না মখা তাখি মদুদি ভারতকী প্রোফেস্নেলশিংনা মালেমগী গেমিংগী মার্কেৎ অসি শান্নবদা নত্তনা গেমশিং পুথোকপদসু লমজিংগদবনি। মহাক্না হায়খি মদুদি ভারতকী গেমশিংনা মালেম পুম্বদা মফম অমা কনবা মথৌ তাই।
8. গ্রীন জোব অমসুং গ্রীন হাইদ্রোজেন মিসন: প্রধান মন্ত্রী মোদীনা ক্লাইমেৎ চেঞ্জ থেংননবা ভারতনা হোৎনরিবা অসিদা গ্রীন জোবকী মরুওইবা অদু পনখি। মহাক্না হায়খি মদুদি লৈবাক অসিনা হৌজিক গ্রীন গ্রোথ অমসুং গ্রীন জোবশিংদা মীৎয়েং থম্লি। মসিনা থবক ফংহন্নবা খুদোংচাবশিং পীরগনি অমসুং অকোইবগী ফীভম ঙাক-শেন্নবদা মতেং পাংগনি। প্রধান মন্ত্রীনা গ্রীন হাইদ্রোজেন পুথোকপদা মালেমগী লুচিংবা অমা ওইনবা অমসুং অকোয়বগী ফীভম ঙাক-শেন্নবা অমসুং রিন্যুএবল ইনর্জী সেক্তরশিংদা তুং কোইনা চৎকদবা থবক ফংহন্নবা ভারতকী ফিরেপ অদু অমুক হন্না ফোংদোকখি।
9. স্বচ্ছ ভারত মিসন: প্রধান মন্ত্রীনা হায়খি মদুদি 2047দা ভিকসিৎ ভারতকী পান্দম ফংনবগীদমক, ভারতনা রাস্ত্রিয় পোশন অভিয়ান হৌদোকপগা লোয়ননা হৌদোকখিবা 'স্বচ্ছ ভারত'কী লম্বীদা চংশিনগদবনি।
10.  স্তেৎ লেভেল ইনভেস্তমেন্ত কম্পিতিসন: ইনভেস্তমেন্তশিং পুক্নিং চিংশিনবা, অফবা লৈঙাক লৈবগী থাজবা পীনবা অমসুং লো এন্দ ওর্দরগী ফীভমদা থাজবা লৈহন্নবা রাজ্য সরকারশিংদা প্রধান মন্ত্রীনা ময়েক শেংবা পোলিসীশিং শেম্নবা হায়খি।
11. গ্লোবেল বেঞ্চমার্কশিং ওইনা ভারতকী স্তেন্দর্দশিং: পি.এম. মোদীনা ভারতকী স্তেন্দর্দশিং অসি মালেমগী বেঞ্চমার্কশিং ওইনবা হোৎনগদবনি হায়না ফোংদোক্লদুনা ক্বালিতীগীদমক মহাক্কী অচেৎপা ফিরেপকীদমক শকখঙনবা ভারতকী এস্পিরেসনগী মতাংদা ফোংদোকখি।
12. ক্লাইমেৎ চেঞ্জগী পান্দমশিং: 2030 ফাওবদা রিন্যুএবল ইনর্জী কেপাসিতী গিগাৱাৎ 500 ফংহন্নবা ভারতকী পান্দম অদু প্রধান মন্ত্রীনা অমুক হন্না ফোংদোকখি। মহাক্না হায়খি মদুদি G20গী লৈবাকশিংগী মরক্তা ভারত অসি পেরিস এগ্রীমেন্তকী পান্দমশিং মপুং ফাহনবা ঙম্বা অমত্তা ঙাইরবা লৈবাক ওইরি।
13. মেদিকেল এজুকেসন পাকথোক-চাউথোকহনবা: লৈবাক অসিগী মেদিকেল এজুকেসন কেপাসিতী হেনগৎহন্নবা অমসুং হেল্থকেয়র প্রোফেস্নেলশিংগী হেনগৎলক্লিবা দিমান্দ অসি কোকহন্নবা পান্দম থমদুনা লাক্কদৌরিবা চহি 5দা অনৌবা মেদিকেল সিৎ 75,000 হাপ্নবা থৌরাং তৌরি হায়না প্রধান মন্ত্রী মোদীনা লাউথোকখি।
14. রাজনিতীদা অনৌবা মীওই পুশিনবা: প্রধান মন্ত্রী মোদীনা নহা লাখ 1 মরু ওইনা মখোয়গী ইমুং মনুংদা রাজনিতীগী হিস্তরী লৈতবশিং রাজনিতীগী পথাপ অসিদা পুরক্নবা হায়জখি। প্রধান মন্ত্রীনা হায়খি মদুদি খোঙথাং অসি নেপোতিজম অমসুং কাস্তীজমগী ফত্তবশিং লান্থেংননবা অমসুং ভারতকী পোলিতিদা অনৌবা মীওই পুরক্নবা পান্দম থম্লি।

***