দিফেন্স রীছর্চ এন্দ দিভেলপমেন্ত ওর্গনাইজেসন (দি.আর.দি.ও.)না ইন্দিয়ন এয়র ফোর্স (আই.এ.এফ.)কী Su-30 MK-I প্লেতফোর্মদগী লোং রেঞ্জ গ্লাইদ বোল্ব (এল.আর.জি.বি.), গৌরবকী অহান্বা তেস্ত ফ্লাইত মায় পাক্না পাঙথোকখ্রে‍।

গৌরব অসি, অরাপ্পা মফমদা লৈবা পান্দমদা পান্বা ঙম্বা নোংথক্তগী কাপ্পা কে.জি. ১০০০ ক্লাসকী গ্লাইদ বোম্ব অমনি‍। কাপখ্রবা মতুংদা, গ্লাইদ বোম্ব অসিনা আই.এন.এস. অমসুং জি.পি.এস. দেতাগী অপুন্বা চাং ৱাংনা চুম্বা হায়ব্রিদ নেভিগেসন স্কীম শীজিন্নদুনা পান্দমগী মায়কৈদা মমায় লৈশিল্লি‍। গৌরব অসি রীছর্চ সেন্তর ইমারত (আর.সি.আই.), হায়দরবাদনা লমদমসিদা দিজাইন তৌদুনা শেমগৎপনি‍।

ফ্লাইত তেস্ত মনুংদা, গ্লাইদ বোম্ব অসিনা লোং হ্বীলর্স ঈথত্তা য়ুংবা পান্দমদা মপা চেন্নদনা পানখি‍। চাংয়েং ওইনা কাপখিবা অদুদা লৈখিবা মপুং ফাবা ফ্লাইত দেতা ইন্তিগ্রেতেদ তেস্ত রেঞ্জনা সমুদ্র খোঙবাল পরিংদা থম্লিবা তেলিমেত্রী এন্দ ইলেক্ত্রো ওপ্তিকেল ত্রেক্কিং সিস্তেম্না লৌশিনখি‍। ফ্লাইত অদু দি.আর.দি.ও.গী মকোক থোংবা সাইন্তিস্তশিংনা কুপ্না শেন্নখি‍। দিভেলপমেন্ত কম প্রদক্সন পার্ত্নরশিং ওইরিবা অদানি দিফেন্স অমসুং ভারত ফোর্জসু ফ্লাইত চাংয়েং অদুদা শরুক য়াখি‍।

ঙাকশেল মন্ত্রী শ্রী রাজনাথ সিংহনা ফ্লাইত চাংয়েং মায় পাক্না পাঙথোকখিবগীদমক দি.আর.দি.ও., আই.এ.এফ. অমসুং ইন্দস্ত্রীবু থাগৎখি‍। মহাক্না চাংয়েং অদুবু লান্মীগী মতিং মখা তানা হেনগৎহন্নবা লমদমসিদা ঙাকশেলগী তেক্নোলোজীশিং শেমগৎপগী লমদা লৈবাকসিনা হোৎনরিবা অসিগী অচৌবা পন্দোল অমনি হায়খি‍।

দিফেন্স আর.&দি.গী সেক্রেতরী দিপার্তমেন্ত অমসুং দি.আর.দি.ও.গী চেয়রমেন দোক্তর সমির ভি কমতনা এল.আর.জি.বি.গী ফ্লাত চাংয়েং মায় পাক্না পাঙথোকখিবগীদমক দি.আর.দি.ও.গী তীম পুম্বগী মফমদা নুংঙাইবা ফোঙদোকখি‍।

*****