কেন্দ্রগী মন্ত্রী দা. জিতেন্দ্র সিংহনা নই দিল্লীগী বিজ্ঞান ভবনদা ঙসি সিভিল সর্ভিস ত্রেনিং ইন্সতিত্যুসন্স কনভেন্সনদা ‘অমৃত জ্ঞান কোশ’ পোর্তেল অমসুং ‘ফেকলতী দিবেলপমেন্ত পোর্তেল’ লোঞ্চ তৌখ্রে।

দা. জিতেন্দ্র সিংহনা নেস্নেল কেপাসিতী বিল্দিং কম্মিসন অমসুং মিসন কর্ময়োগী ভারতকী খোঙচৎকী মতাংদা পনখি। মহাক্না হায়খি, "মসিনা সিভিল সর্ভিস ত্রেনিংগী মতাংদা ঐখোয়না লৌখৎলিবা খোঙথাংশিংগী মওং মতৌদা অহোংবা অমা পুরক্লি। মসিদা মালেমগী ওইবা মীৎয়েংগা লোয়ননা ভারতকী ইথোসতা য়ুম্ফম ওইবা তুংলমচৎকীদমক শেম-শারিবা সিভিল সর্ভিস অমগী ৱাখল্লোনসু য়াওরি।

অতেনবা মতমগী মনুংদা CBC অমসুং মিসন কর্ময়োগী অসি গবর্নান্স স্ত্রকচরগী মনুংদা ইন্তিগ্রেৎ তৌখি হায়না DoPTগী মন্ত্রীনা মখা তাখি। অদুম ওইনমক, মখোয়গী থৌদাং অদুগী মতাংদা মখোয় কয়া অমনা থাজবা থম্লম্লবসু, মখোয়না পুম্নমক থাদোক্তুনা মশাগীদমক মফম অমা শেম্লে অমসুং মিনিমম গবর্নমেন্ত অমসুং মেক্সিমম গবর্নান্স ফংনবা পোজিতিব ওইনা থৌদাং লৌরি। চহি খুদিংগী মসিগী মখাদা সরকারগী এমপ্লোয়ী লাখ 31না ত্রেনিং ফংলি হায়না মহাক্না লাউথোকখি। তেক্নোলোজী অমসুং গবর্নান্সকী ইভোলুসনগা লোয়ননা ঐখোয়না ফেজ খুদিংদা তমশিনবা অমসুং অনৌবা খঙজিনবা মথৌ তাই।

কেন্দ্রগী সাইন্স অমসুং তেক্নোলোজীগী রাজ্য মন্ত্রী (ইন্দিপেন্দেন্ত চার্জ), আর্থ সাইন্সকী রাজ্য মন্ত্রী (ইন্দিপেন্দেন্ত চার্জ), PMOগী MoS, এতোমিক ইনর্জীগী বিভাগ, স্পেস, পর্সনেল, পব্লিক গ্রিভান্স অমসুং পেন্সনগী বিভাগ, দা. জিতেন্দ্র সিংহনা পোর্তেল অনি অমৃত জ্ঞান কোশ হৌদোক্লদুনা হায়খি, "ঐখোয়দা নোলেজ মেতরিএল পীনবগীদমক্তা মতম পুম্নমক্তা নোংচুপলোমদা মখা পোনবগী মহুত্তা ঐখোয়গী শেয়র লর্নিং রিসোর্স নোলেজ বেঙ্কনা ইন্সতিত্যুৎশিংদা ইন্দিয়া সেন্ত্রিক কেস স্তদীশিংদা এক্সেস তৌবা ঙমহনগনি।"

মহাক্না মখা তানা হায়খি মদুদি প্রাক্তিসনর অমা ওতোমেতিক ওইনা অফবা ওজা অমা ওইদে অমসুং ফেকল্তী দিবেলপমেন্ত প্রোগ্রাম অসিনা প্রাক্তিসনরশিং অমসুং ফেকল্তীশিংনা সিভিল সর্ভেন্তশিংদা হেন্না ফবা লৌশিং পীবা ঙম্নবগীদমক মরুওইবা অমা ওইগনি।

সিভিল সর্ভিসেস ত্রেনিং ইন্সতিত্যুসনশিংগী নেস্নেল স্তেন্দর্দশিংগী মাইপাকপশিং অদু পল্লদুনা দা. জিতেন্দ্র সিংহনা হায়খি, "ঐখোয়না ত্রেনিং ইন্সতিত্যুসন 140গী মথক্তা এক্রেদিতেৎ তৌখ্রে অমসুং এক্রেদিতেসন খুদিংমক্না হেন্না মতিক চানা, ইফিসেন্ত অমসুং রেস্পোন্সিব ওইবা সিভিল সর্ভিস অমগী মায়কৈদা চংশিনবা খোঙথাং অমনি উৎলি।"

দা. জিতেন্দ্র সিংহনা ঐখোয়গী ত্রেনিং ইন্সতিত্যুসনশিং লেপ্পা লৈতনা ফগৎহন্নবা রোদমেপ অমা ওইরিবা 13শুবা ক্বালিতী ইমপ্রুভমেন্ত প্লান (QIP)সু লোঞ্চ তৌখি। মহাক্না মন্ত্রালয় 20দা এক্রেদিতেসনসু পীখি।

মিসন অসিগী মপুং ওইবা ৱাফমদি লেপ্পা লৈতনা তমশিবা অমসুং কম্পিতেন্সী-দ্রিভন কেপাসিতী বিল্দিং তৌবনি হায়না দা সিংহনা ফোংদোকখি। মন্ত্রীনা হায়খি মদুদি "মিসন কর্ময়োগী" "প্ররম্ভ" অসি পেরাদাইম শিফ অমনি অমসুং সিভিল সর্ভেন্তশিংগী মথক্তা কেপাসিতী বিল্দিং হেনগৎহল্লি। মসিনা সিভিল সর্ভেন্তশিংদা নত্তনা কনাগুম্বা অমত্তবু কেপাসিতী বিল্দিংগী খুত্থাংদা অপগ্রেদ তৌবা য়াহন্দুনা জাতি অসিদা কান্নবা অমসুং শরুক তম্বা পাম্বা মীওই পুম্নমকপু কোনশিল্লি।

দা. জিতেন্দ্র সিংহনা হায়খি মদুদি নেস্নেল কেপাসিতী বিল্দিং কম্মিসন অমসুং মিসন কর্ময়োগী ভারত: পি.এম. মোদীগী ব্রেনচাইল্দ অসি গভর্নান্স স্ত্রকচরগী মনুংদা পুনশিনখ্রে। মহাক্না হায়খি মদুদি ভারত মচা বিল্লিয়ন 1.4গী পুন্সিদা শাগোন্নরিবা গভর্নান্সকী ক্বালিতী অসি ইন্সতিত্যুসনশিং অসিদা পীরিবা ত্রেনিং অসিনা হকথেংননা ইথিল পীরি। মহাক্না CBC অমসুং স্পেস সেক্তরনা অতেনবা মতমগী মনুংদা মাইপাকপগী মওং অদুগা নন-গভর্নমেন্ত এন্তিতীশিংগীদমক সেক্তর অসি হাংদোক্লবা মতুংদগী মাইপাকপগী মওং অদুগা মান্নবা ৱাফম থমখি। মহাক্না অতোপ্পা সেক্তরশিংদসু থবক তৌমিন্নবগী তঙাই ফদবা লৈবনা মখোয়বুসু শরুক য়ানবা খঙহনখি।

এক্রেদিতেসন অমসুং সর্তিফিকেসনগা লোয়ননা CSTI কয়া অমসু ইকাই খুম্নবা উৎখি অমসুং অখন্ননা IGoTগী খ্বাইদগী ৱাংবা কোর্সশিং লৈবা CSTI মঙা হায়বদি ইন্সতিত্যুৎ ওফ সেক্রেতরিয়েৎ ত্রেনিং অমসুং মেনেজমেন্ত (132), নেস্নেল তেলিকম্ম্যুনিকেসন ইন্সতিত্যুৎ ওফ পোলিসী রিসর্স, ইন্নোবেসন অমসুং ত্রেনিং (67), রফী অহমেদ কিদৱাই নেস্নেল পোস্তেল একাদমী (41), নেস্নেল ইন্সতিত্যুৎ ওফ কম্ম্যুনিকেসন ফাইনান্স (39), SVP নেস্নেল পুলিস একাদেমী (20)বু ইকাই খুম্নখি।

ৱারোইশিনদা, দোক্তর শ্রী সিংহনা হায়খি মদুদি মিসন কর্ময়োগী অমসুং NCBC না ভারতকী ভিজন @2047 ফংবদা মরু ওইবা থৌদাং অমা লৌগনি।

কেপাসিতী বিল্দিং কম্মিসনগী চিয়রপর্সন অদিল জৈনুলভাইনা ওনলাইন ওইনা শরুক য়াখি অমসুং HRগী মেম্বর দা. আর বালাসুব্রামনিয়ম; মেম্বর-এদিনিস্ত্রেসন, দোক্তর অল্কা মিত্তল; এক্রেদিতেসন ফংলবা মন্ত্রালয় 20গী মকোক থোংবা ওফিসিএলশিং অমসুং ভারত শিনবা থুংদগী CSTI গী দাইরেক্তরশিংনা কনভেন্সন অসিদা শরুক য়াখি।

*****