ঙসি নিউ দিল্লিগী মোদর্ন স্কুল বরাখাম্বা রোদতা নশা মুক্ত ভারত অভিয়ানগী মখাদা সোসিএল জসতিস অমসুং ইম্পৱারমেন্তগী য়ুনিয়ন মিনিস্তর দোক্তর বিরেন্দ্র কুমারনা দ্রগ লান্না শীজিন্নবগী মায়োক্তা লৈবাক শীনবা থুংনা ৱাশক লৌখ্রে। থৌরম অদুদা সোসিএল জসতিস অমসুং ইম্পৱারমেন্তগী রাজ্য মন্ত্রী শ্রী রামদাস অথাৱালে অমসুং শ্রী বি.এল ভর্মা ভিদিও কনফরেন্সকী খুৎথাংদা শরুক য়াখি।

মিনিস্ত্রিগী সেনিয়ার ওফিসারশিং য়াওনা স্কুলগী ওজাশিং অমসুং মহৈরোয় ২৭০০ রোম থৌরম অদুদা হকথেংননা শরুক য়াখি। লৈবাক্কী তোঙান-তোঙানবা মফম ১০,০০০ রোমদগী স্কুলশিং, কলেজশিং, য়ুনিভর্সিতিশিং অমসুং রাজ্য/দিস্ত্রিক এদমিনিস্ত্রেনগী মীওইশিং ভর্চুএল ওইনা থৌরম অদু শরুক য়াখি। লৈবাক শীনবা থুংনা মীওই করোর ১ হেন্না ৱাশক লৌখি অমসুংথৌরম অসিদা পাংথোকপা তোঙান-তোঙানবা থৌরমশিং শরুক য়াখি।

নশা মুক্ত ভারত অভিয়ান্না অৱাংবা থাক্কী মহৈলোয়শঙশিং, য়ুনিভর্সিতি কেম্পস অমসুং স্কুলশিংদা মীৎয়েং থমদুনা মীয়ামদা পোৎলমশিং লান্নবা শীজিন্নবগী মতাংদা ৱাখল তাহন্নবা হোৎনরি। থৌরম অসিনা ময়াই কাবা চীঞ্জাকশিংগী মখা পোল্লিবা মীওইশিং য়ৌনবা অমসুং মখোয় মশক খঙদোক্নবা,মখোয়গী কাউন্সেল্লিং তৌনবা অমসুং হোস্পিতালশিং অমসুং রিহেবিলিতেসন সেন্তরশিংদা লায়য়েংনবা অমসুং সর্বিস প্রোভাইদরশিংদা কেপাসিতি শেমগৎনবা থৌরমশিংদা মীৎয়েং চঙলি। ভারতনা নিংতম্বা ফংবা চহি ৭৮শুবা মপুংফারকপগা লোয়ননা, ২০২০দা হৌদোকখিবা নশা মুক্ত ভারত অভিয়ান অসি চহি মঙা মপুংফারক্লে। মসিগী মাইপাকপা অসি শকখঙবা ওইনা, সোসিএল জসতিস অমসুং ইম্পৱারমেন্ত দিপার্তমেন্তনা লৈবাক শীনবা থুংনা মীয়াম ৱাশক লৌবগী থৌরম পাংথোক্লি।

থৌরম অদুদা য়ুনিয়ন মিনিস্তর বিরেন্দ্র কুমারনা হায়খি ওগস্ত ১৫,২০২০ দা প্রধান মন্ত্রী শ্রী নরেন্দ্র মোদীনা লাল কিলাদগী দ্রগ শীজিন্নদবা ভারত অমা ওইহন্নবা লাউথোকখি। মহাক্না লাউথোকখিবা অদুগী পাউখুম ওইনা, লৈবাক অসিদা দ্রগ লান্নবা শীজিন্নবগী খ্বাইদগী খুদোংথিবা থেংনরিবা জিলা ২৭২ মিনিস্ত্রিনা মশক খঙদোকখি অমসুং নশা মুক্ত ভারত অভিয়ান হৌদোকখি। ওগস্ত ২০২৩ দগী লৈবাক অসিগী জিলা খুদিংমক নশা মুক্ত ভারত অভিয়ান্না কোনশিল্লে।

মিনিস্তরনা হায়খি ঙসিদি লৈবাক অসিদা, তোঙান-তোঙানবা থবকশিং পায়খৎতুনা, নশা মুক্ত ভারত অভিয়ানগী মখাদা নহারোল করোর ৩.৫৫ অমসুং নুপী করোর ২.৩৫ য়াওনা মীওই করোর ১১.২৬ হেনবদা পোৎলমশিং লান্না শীজিন্নবগী মতাংদা ৱাখল তাহনখ্রে। মহৈলোয়শঙ লাখ ৩.৪০ হেন্না শরুক য়াদুনা লৈবাক অসিগী অঙাংশিং অমসুং নহারোলশিংদা অভিয়ান অসিগী পাউজেলশিং য়ৌহনখ্রে।

ময়াই কাবা চীঞ্জাক থেংনবদা খুন্নাইগী মরুওইবা থৌদাং পল্লদুনা, মিনিস্তরনা হায়খি শিংনবা অসি থেংননবা খুন্নাইগী মীওই খুদিংমক পুন্না থবক তৌমিন্নবা অমসুং খুন্নাইগীদমক মসি থেংনবা দরকার ওই। ময়াই কাবা পোৎলমশিং লান্না শীজিন্নবগী মতাংদা নহারোলশিং ৱাখল তাহনবা অমসুং ঙল্লিঙৈদা মশক খঙদোকপা অমসুং মাংজৌননা ঙাকথোকপা অসি য়াম্না মরুওই। মহৈরোয়শিং লৈবাক অসিগী তুংগী য়ুম্বীনি অমসুং দ্রগশিংগী মায়োক্তা চঙশিল্লিবা থবকশিং লুচিংগদবনি। মহৈরোয়শিং মিকুপ-নাহুম শিংনা লৈগদবনি অমসুং দ্রগ শীজিন্নবগী মায়োক্তা খুন্নাইদা পাউজেল শন্দোক্কদবনি।

থৌরম অদুদা রাজ্য মন্ত্রী শ্রী রামদাস অথাৱালেনা হায়খি দ্রগকী অৱাবশিং থেংননবা সরকারনা মিসনগী মওংদা থবক পায়খৎলি। অভিয়ান অসিগী মাইপাকপশিং মহাক্না পনখি অমসুং মসিনা কমদৌনা দ্রগশিং শীজিন্নবা হন্থহনবগে হায়বগী মতাংদা শন্দোক্না তাকখি। অসিগুম্বা থবকশিং শরুক য়াবগীদমক মহাক্না মহৈরোয়শিং থাগৎপা ফোঙদোকখি।

মিনিস্ত্রিগী সেক্রেতরি, শ্রী অমিত যাদবনা হায়খি দ্রগ শীজিন্নদবা ভারত অমা ওইহনবদা থৌরম অসি য়াম্না মরুওই। ময়াই কাবা চীঞ্জাক শীজিন্নবা অসি লৈবাক অসিগী শেন্মিৎলোন ময়েং তাহনবনি। ময়াই কাবা চীঞ্জাকশিংদা লাইচুবা অসিনা লৈবাক অসিগী খুন্নাই অমসুং শেন্মিৎলোন অনিমক্তা শোকহল্লি অমসুং মসি অপুনবা থবকশিংগা লোয়ননা মরু ফংনা মুৎথৎকদবনি।

থৌরম অদুদা য়ুনিয়ন মিনিস্তর, রাজ্য মন্ত্রী, মিনিস্ত্রিগী সেক্রেতরি, স্কুলগী প্রিন্সিপাল, মহৈরোয়শিং অমসুং ওজাশিং য়োআনা এক পেএর মা কে নামগী মখাদা উ চারাশিং থাখি। মখোয়গী য়ুমশিংদা থানবা মোর্দন স্কুলগী মহৈরোয়শিংদা উ চারাশিং পীখি।

***