حکومت ہند کی  اعداد و شمار اور پروگرام کے نفاذ کی وزارت (ایم او ایس پی آئی )  نے اپنی اشاعت کا 25 واں شمارہ جاری کیا  ہے۔۔جس کا عنوان ہے ’’ہندوستان میں خواتین اور مرد 2023‘‘ ۔

یہ اشاعت ،  ایک جامع اور بصیرت انگیز دستاویز ہے،  جو ہندوستان میں خواتین اور مردوں کی صورت حال کا ایک جامع نقطہ نظر لانے کی کوشش  کرتی ہے اور آبادی، تعلیم، صحت، معیشت میں شرکت، فیصلہ سازی میں شرکت وغیرہ جیسے موضوعات کی ایک وسیع رینج پر اعداد و شمار  فراہم کرتی ہے ۔  دیگر کے علاوہ، یہ جنس، شہری-دیہی تقسیم، اور جغرافیائی خطے کے لحاظ سے الگ الگ اعداد و شمار پیش کرتی ہے، جو خواتین  اور مردوں کے مختلف گروہوں کے درمیان موجود تفاوت کو سمجھنے میں  بھی مدد کرتا ہے ۔  اشاعت میں اہم اشارے شامل کیے گئے  ہیں جیسا کہ مختلف وزارتوں / محکموں/تنظیموں کے شائع شدہ سرکاری اعداد و شمار سے اخذ کیا گیا ہے ۔

’’ہندوستان میں خواتین اور مرد 2023‘‘ اشاعت  نہ صرف صنفی مساوات کی طرف پیش رفت کو اجاگر کرتی ہے  ، بلکہ ان شعبوں کی نشاندہی بھی کرتی ہے جہاں  ابھی اہم خلا باقی ہے ۔  مختلف سماجی و اقتصادی اشاریوں کا جائزہ لے کر، اشاعت ،  وقت کے ساتھ رجحانات کا کچھ تجزیہ پیش کرتی ہے، اس طرح پالیسی سازوں، محققین، اور عام لوگوں کو باخبر فیصلے کرنے اور صنفی حساس پالیسیوں کی ترقی میں تعاون کرنے کے قابل بناتی ہے ۔

یہ رپورٹ  ، آبادیاتی تبدیلیوں اور ہندوستان میں خواتین اور مردوں ،  دونوں کے لیے ان کے اثرات کو سمجھنے کے لیے ایک اہم ذریعہ ہے ۔  یہ صنفی مساوات کو فروغ دینے اور اس بات کو یقینی بنانے کے لیے وکالت اور کارروائی کے لیے ایک اہم آلے کے طور پر کام کرتی ہے کہ ترقیاتی کوششیں جامع اور پائیدار ہوں ۔

’’بھارت میں خواتین اور مرد 2023‘‘ اشاعت ، وزارت کی ویب سائٹ (https://mospi.gov.in) پر دستیاب ہے۔

اشاعت کی چند جھلکیاں درج ذیل ہیں:

• سال 2036 تک، ہندوستان کی آبادی 152.2 کروڑ تک پہنچنے کی توقع ہے، جس میں 2011 کے 48.5 فیصد کے مقابلے میں  ، خواتین کی فیصد میں، قدرے بہتری کے ساتھ 48.8 فیصد اضافہ ہوگا ۔  اس کے برعکس، امکان ہے کہ تولیدی  عمل میں کمی ہونے  کی وجہ سے ،   اس مدت کے دوران 60 سال اور اس سے زیادہ عمر کی آبادی کے تناسب میں کافی اضافہ متوقع ہے ۔

• سال 2036 میں ہندوستان کی آبادی 2011 کی آبادی کے مقابلے میں زیادہ نسوانی ہونے کی توقع ہے، جیسا کہ جنسی تناسب سے ظاہر ہوتا ہے ،  جو کہ 2011 میں 943 سے بڑھ کر 2036 تک 952 ہو جائے گا، جو  صنفی مساوات میں مثبت رجحان کو نمایاں کرتا ہے ۔

• یہ واضح ہے کہ 2016 سے 2020 تک، 20 سے 24  سال اور 25 سے 29   سال کی عمر کے گروپ میں ،  عمر کی مخصوص شرح پیدائش  ، بالترتیب 135.4 اور 166.0 سے کم ہو کر ،  113.6 اور 139.6 ہو گئی ہے ۔  مندرجہ بالا مدت کے لیے 35 سے 39  سال کی عمر کے لیے اے ایس ایف آر  32.7 سے بڑھ کر 35.6 ہو گیا ہے  ، جس سے ظاہر ہوتا ہے کہ زندگی میں سیٹل  ہونے کے بعد خواتین خاندان کی توسیع کے بارے میں سوچ رہی ہیں ۔
• ناخواندہ آبادی کے لیے نوعمری کی شرح پیدائش 33.9 تھی ،  جب کہ 2020 میں خواندہ افراد کے لیے یہ  11.0 تھی ۔  یہ شرح ان لوگوں کے لیے بھی کافی کم ہے  ، جو خواندہ ہیں لیکن بغیر کسی رسمی تعلیم کے (20.0) ناخواندہ خواتین کے مقابلے  ، خواتین کو تعلیم فراہم کرنے کی اہمیت پر دوبارہ زور دیتے ہیں ۔

• زچگی کی شرح اموات کا تناسب (ایم ایم آر)  ، ایس ڈی جی  کے اشاریوں میں سے ایک ہے اور اسے 2030 تک 70 تک لانا واضح طور پر  ایس ڈی جی کے فریم ورک میں رکھا گیا ہے ۔  حکومت کی مسلسل کوششوں کی وجہ سے، ہندوستان نے کامیابی کے ساتھ اپنے ایم ایم آر (2018-20 میں 97/لاکھ زندہ پیدائشوں) کو کم کرنے کا اہم سنگ میل حاصل کر لیا ہے، اور اس کے ساتھ ساتھ ایس ڈی جی ہدف کو بھی حاصل کرنا ممکن ہونا چاہیے ۔

• لڑکوں اور خواتین ،  دونوں کے لیے بچوں کی اموات کی شرح میں گزشتہ برسوں سے کمی واقع ہو رہی ہے ۔  خواتین کا آئی ایم آر  ہمیشہ مردوں سے زیادہ رہا ہے ،  لیکن 2020 میں، دونوں  28 شیر خوار بچوں کی سطح پر 1000 زندہ پیدائشوں پر برابر تھے ۔  5 سال سے کم عمر کے اموات کی شرح کے اعداد و شمار سے پتہ چلتا ہے کہ یہ 2015 میں 43 سے کم ہو کر 2020 میں 32 ہو گئی ہے ۔  اسی طرح لڑکوں اور لڑکیوں دونوں کا معاملہ ہے اور لڑکوں اور لڑکیوں کے درمیان فرق بھی کم ہوا ہے ۔
• متواتر لیبر فورس سروے کے مطابق، 15 سال اور اس سے زیادہ عمر کے افراد کی لیبر فورس میں شرکت کی شرح 2017-18 کے بعد سے، مرد اور خواتین ،  دونوں کی آبادی میں بڑھ رہی ہے ۔  یہ دیکھا گیا ہے کہ 18 – 2017 سے 23  - 2022 کے دوران ،  مردوں کا ایل ایف پی آر  75.8 سے 78.5 ہو گیا ہے اور خواتین کا  ایل ایف پی آر  اسی عرصے کے دوران 23.3 سے بڑھ کر 37 ہو گیا ہے ۔
• 15ویں قومی انتخابات (1999) تک، 60 فیصد سے کم خواتین ووٹرز نے ووٹنگ میں  حصہ لیا تھا، جبکہ  مردوں کا ٹرن آؤٹ 8 فیصد زیادہ تھا ۔  تاہم، 2014 کے انتخابات نے ایک اہم تبدیلی کی نشاندہی کی ہے، جس میں خواتین کی شرکت بڑھ کر 65.6 فیصد ہو گئی اور یہ  2019 کے انتخابات میں مزید بڑھ کر 67.2 فیصد ہو گئی ۔  پہلی بار، خواتین کے لیے ووٹر ٹرن آؤٹ کا فیصد معمولی حد تک زیادہ تھا، جو خواتین میں بڑھتی ہوئی خواندگی اور سیاسی بیداری کے اثرات کو نمایاں کرتا ہے ۔

• صنعت اور اندرونی تجارت کی فروغ کے محکمے (ڈی پی آئی آئی ٹی) نے جنوری 2016 میں اپنے آغاز سے لے کر دسمبر 2023 تک ،  کل 117254 اسٹارٹ اپس کو تسلیم کیا ہے ۔  ان میں سے 55816 اسٹارٹ اپس کی قیادت خواتین کر رہی ہیں، جو کہ  کل تسلیم شدہ اسٹارٹ اپس کا 47.6 فیصد ہوتے  ہیں   ۔  یہ نمایاں نمائندگی ہندوستان کے اسٹارٹ اپ ایکو نظام  میں خواتین کاروباریوں کے بڑھتے ہوئے اثر و رسوخ اور شراکت کی نشاندہی کرتی ہے ۔

************

ش ح    ۔     اع    ۔     ت ح

 (U: 9741)