স্তেতিস্তিক্স অমসুং প্রোগ্রাম ইমপ্লিমেন্তেসন মন্ত্রালয় (MoSPI)না ঙসিদগী হৌদুনা নই দিল্লীগী জানপথকী দা. অম্বেদকর ইন্তর্নেস্নেল সেন্তরদা ওগস্ত 12-13, 2024 ফাওবা পাংথোক্কদবা 28শুবা কনফরেন্স ওফ সেন্ত্রেল এন্দ স্তেৎ স্তেতিস্তিকেল ওর্গনাইজেসন্স (CoCSSO) শিনখ্রে।

মসিদা কেন্দ্রগী মন্ত্রালয়শিং/বিভাগশিং, রাজ্য/য়ু.তি. সরকারশিং, ৱর্ল্দ বেঙ্ক, UN এজেন্সীশিং অমসুং অতৈ স্তেকহোল্দরশিংগী মীহুৎশিংনা শরুক য়াখি। কনফরেন্স অসিনা কোল্লাবোরেতিব এপ্রোচ অমদা ইন্দিয়ন স্তেতিস্তিকেল সিস্তেমগী ইফিসিএন্সী হেনগৎহন্নবগীদমক কেন্দ্র অমসুং রাজ্যগী স্তেতিস্তিকেল ওর্গনাইজেসনশিংগী মরক্তা খন্ন-নৈনবা অমসুং কোওর্দিনেসন হেনগৎহন্নবা ইন্সতিত্যুস্নেল প্লেৎফোর্ম অমা পীরি। কনফরেন্স অসিগী খন্ন-নৈন্নবগী থিম অসি “ৱারেপ লৌবা – স্তেৎ স্তেতিস্তিকেল সিস্তেমশিং মপাঙ্গল কনকৎহন্নবগীদমক দেতা শীজিন্নবা” হায়বা অসিনি মসিনা আইদিয়াশিং, খ্বাইদগী ফবা প্রেক্তিসশিং এক্সচেঞ্জ তৌবদা মতেং পাংনবা, কম্মন ইন্তরেস্তকী হীরমশিংদা খন্ন-নৈন্নবা অমসুং মাংদা চংশিন্নবা পান্দম থম্মি।

স্তেতিস্তিক্স অমসুং প্রোগ্রাম ইমপ্লিমেন্তেসন মন্ত্রালয়গী কেন্দ্রগী রাজ্য মন্ত্রী (ইন্দিপেন্দেন্ত চার্জ), প্লান্নিং মন্ত্রালয়গী কেন্দ্রগী রাজ্য মন্ত্রী (ইন্দিপেন্দেন্ত চার্জ) অমসুং কলচর মন্ত্রালয়গী কেন্দ্রগী রাজ্য মন্ত্রী রাও ইন্দ্রজিৎ সিংহনা 2024গী ওগস্ত 12দা কনফরেন্স অসি হৌদোকখি। মহাক্কী হৌদোকপগী ৱারোলদা মহাক্না কনফরেন্স অসিগী মরুওইবা ফোংদোকখি। কনফরেন্স অসিদা নেস্নেল স্তেতিস্তিক সিস্তেমগী মরী লৈনবা স্তেকহোল্দর পুম্নমক্না গভর্নান্সকী প্রোসেসতা দেতাগী ক্বালিতী, মতম চানা পীবা অমসুং মরী লৈনবা হেনগৎহন্নবগীদমক সিস্তেম অসি মতৌ করম্না মাংলোমদা পুখৎপা য়াবগে হায়বগী মতাংদা খন্ননবা ফোরম অমদা পুনশিনখি। শেন্মিৎলোনগী গ্রোথ ওনবদা পান্দম থমদুনা থবক পায়খৎনবগীদমক্তা দেতাগী প্রাক্তিকেল সিগ্নিফিকেন্সকী মতাংদসু মহাক্না ফোংদোকখি। কেন্দ্র অমসুং রাজ্য/য়ু.তি. সরকারশিংগী স্তেতিস্তিক্স সিস্তেমদা ওফিসরশিংনা পাংথোক্লিবা থবকশিংবু থাগৎপা ফোংদোক্লদুনা, মহাক্না মখোয়বু গভর্নান্স সিস্তেমগী নৎ অমসুং বোল্তশিং ওইনা লৌখি। মহাক্না কেন্দ্র অমসুং রাজ্য সরকারগী এজেন্সীশিংদা প্রধান মন্ত্রীগী ভিজিৎ ভারত@2047গী মঙলান ফংনবা পুন্না থবক তৌমিন্ননবা হায়খি।

ঙসি কনফরেন্স অসিগী হৌদোকপগী মীফমদা ফোংখিবা "ভারতকী নুপী অমসুং নুপা, 2023"গী 25শুবা ইশু অদু রিলিজ তৌখি। মসিগী মপুং ফাবা অমসুং ময়েক শেংবা দোক্যুমেন্ত অসিনা লৈবাক শিনবা থুংনা নুপী অমসুং নুপাগী হৌজিক লৈরিবা ফীভমগী হোলিস্তিক ওইবা ভ্যু অমা পীরি। মসিদা মীশিং, এজুকেসন, হেল্থ, ইকনোমিক পার্তিসিপেসন, অমসুং ৱারেপ লৌবদা শরুক য়াবা য়াওনা হীরম কয়াদা মরুওইবা দেতা পীরি।

ভারতকী নুপী অমসুং নুপা, 2023না জেন্দর, অর্বান-রুরেল দিভাইদ অমসুং জিওগ্রাফিক রিজনগী মতুং ইন্না দিসএগ্রিগেতেদ দেতা ফংহল্লি। মসিনা নুপী অমসুং নুপাগী তোঙান-তোঙানবা কাংলুপশিংগী ফীভমগী মতাংদা ময়েক শেংনা খঙবা ঙমহল্লি। পব্লিকেসন অসিনা লৈবাক অসিগী মরুওইবা মাইপাকপা কয়া অমা উৎলি।

রিপোর্ত অসিগী মরুওইবা মগুনশিংগী মরক্তা মেতর্নেল মোর্তেলিতী রেত (MMR) অসি 2004-06দা মীওই লাখ অমদা 254 ওইরম্বা অদুদগী 2018-20দা মীওই লাখ অমদা 97দা হন্থহনখিবগী মায় পাকপা অদু য়াওরি। অন্দর-5 মোর্তেলিতী রেত অসিসু 2015দা 43 ওইরম্বদগী 2020দা 32 ওইদুনা মশক থোক্না হন্থরক্লি।

পব্লিকেসন অসিনা লেবর ফোর্স পার্তিসিপেসন রেত (LFPR) গী হেনগৎলকপগী মতাংদা ময়েক শেংনা উৎলি, 2017-18 অমসুং 2022-23গী মরক্তা নুপাগী LFPR অসি 75.8%দগী 78.5% অমসুং নুপীগী LFPR না 23.3%দগী 37%দা হেনগৎলে। লৈবাক অসিদা স্তার্ত-অপশিংগী 47.6%দি য়ামদ্রবদা নুপী দাইরেক্তর অমনা লুচিংলি, মসিনা ওন্তপ্রিনোর্শিপকী লমদা নুপীশিংগী ইথিল হেনগৎলক্লিবা অদু উৎলি হায়না পব্লিকেসন অদুদা পাউদমখি।

নেস্নেল স্তেতিস্তিক্স কম্মিসনগী চেয়রমেন, প্রোফেসর রাজীব লক্ষ্মন কারান্দিকরনা শরুক য়ারিবশিংদা ৱা ঙাংলদুনা স্তেকহোল্দরশিংনা দেতাগীদমক হেনগৎলক্লিবা দিমান্দ অদু ফংনবগীদমক কেন্দ্র অমসুং রাজ্যশিং/য়ু.তি.শিংগা হেন্না কোওর্দিনেসন তৌবগী তঙাই ফদবা অদু পনখি। মহাক্না ৱারেপ লৌবদা স্তেতিস্তিক্স শীজিন্ননবগীদমক্তা হেন্না ফবা দেতাগী ক্বালিতী অমসুং ইন্তর-ওপরেবল দেতা সেৎশিং ফংবদা লাইনা খুদোংচাবা পীবগী তঙাইফদবা অদু পনখি।

MoSPIগী সেক্রেতরী, দা. সৌরভ গার্গনা মহাক্কী ৱারোলদা, দাইনামিক ওইনা হোংলক্লিবা দেতাগী মথৌ তাবশিং ফংহন্নবা ক্বালিতী লৈবা দেতা ফংহন্নবা মন্ত্রালয় অসিনা পায়খৎলিবা রিফোর্ম ইনিসিএতিবশিং অদু পনখি। কনফরেন্স অসিনা কেন্দ্র অমসুং রাজ্যশিং/য়ু.তি.শিংগী মরক্তা লৈরিবা স্তেতিস্তিক কোওর্দিনেসন মেকানিজম অসি অমুক্কা হন্না মপাঙ্গল কনখৎহল্লগনি হায়না মহাক্না আশা তৌখি। মন্ত্রালয়গী অনৌবা খোংথাংশিং হায়বদি সিঙ্গল স্তোপ দেতা রেপোজিস্তরী অমা ওইনা ই-সনখিয়িকী পোর্তেল, দেতাদা য়ুম্ফম ওইবা পোলিসী ইনসাইৎশিং লৌনবা MoSPIদা রিসর্স অমসুং এনালাইসিস য়ুনিৎ, দেতা ইন্নোভেসন লেব, দেতা য়ুজরশিংগী কনফরেন্স অসিনচিংবশিং মহাক্না পনখি। মহাক্না পেরিওদিক লেবর ফোর্স সর্ভে (PLFS) অমসুং মথংগী ইকনোমিক সেন্সস পাংথোকপা অসিনচিংবা সর্ভেশিং অসি  হেনগৎহন্নবা মন্ত্রালয়গী থৌরাংগী মতাংদসু পনখি। শরুক য়ারিবা পুম্নমকপু তরাম্না ওক্লদুনা মহাক্না স্তেকহোল্দর পুম্নমকপু মরুওইনা রাজ্যশিং/য়ু.তি.শিংদা কেপাসিতী বিল্দিং হেনগৎহনবা, সব-স্তেৎ/দিস্ত্রিক্ত থাক্তা মেক্রো-ইকনোমিক এগ্রেগেৎশিং শেমগৎপা, MoSPI অমসুং রাজ্যশিং/য়ু.তি.শিংগী স্তেতিস্তিক এজেন্সীশিংগী মরক্তা কোওর্দিনেসনগী ইন্সতিত্যুস্নেল মেকানিজম হেনগৎহনবা অসিনচিংবগী মতাংদা ৱাখল্লোনশিং পীনবা তকশিনখি। কনফরেন্স অসিগী বেকগ্রাউন্দ অমসুং পান্দমশিং শন্দোক্না তাক্লদুনা মহাক্না স্তেৎশিং/য়ু.তি.শিংনা মরু ওইবা থৌদাং লৌগদবা হেন্না মপাঙ্গল কনবা নেস্নেল স্তেতিস্তিক সিস্তেমগীদমক লিঙ্কেজশিং শেমগৎপা অমসুং সিয়র ইন্তরেস্তশিংগী লমশিংদা লিঙ্ক দিবেলপ তৌবগী মথৌ তাবা অদু পনখি। মথক্তা পনখ্রিবা অসিগা লোয়ননা মহাক্না কনফরেন্স অসিগীদমক থৌরাং তৌরিবা প্লেনরী অমসুং ব্রেকআউত সেসনশিংগী মরু ওইবা অদু লেপখি।

কেপাসিতী বিল্দিং কম্মিসন (CBC) গী চেয়রমেন, শ্রী আদিল জৈনুলভাইনা মহাক্কী প্রি-রেকোর্দ তৌরবা ৱারোলদা মতমগী অহোংবা মথৌ তাবশিংগী মতুং ইন্না অমসুং মালেমগী খ্বাইদগী ফবা থৌওংশিংগা চুনবা মওংদা হ্যুমেন রিসোর্স কেপাসিতীশিং ফগৎহন্নবা CBC গী খোঙথাংশিং অদু পনখি। স্তেতিস্তিক্সকী পর্সনেলশিংগী হৈশিংবা হেনগৎহন্নবা CBCনা MoSPI গা পুন্না থবক তৌমিন্নবা অমসুং মসিগীদমক্তা থৌরাং তৌরিবা থৌরাংগী মতাংদসু মহাক্না পনখি। কেন্দ্র অমসুং রাজ্য/য়ু.তি. সরকারশিংগী শরুক য়ারিবশিং পুম্নমকপু CBCনা শেমগৎলিবা স্তেতিস্তিক্সতা মরী লৈনবা অখন্নবা কোর্সশিংদা শরুক য়ানবা মহাক্না পুক্নিং থৌগৎখি।

নুমিৎ অনিগী কনফরেন্স অসিদা কেন্দ্র সরকার অমসুং রাজ্য/য়ু.তি. সরকারশিংগী মরক্তা অপুনবা পুক্নিং চিংশিনগদবা হিরম কয়াদা খন্ন-নৈনবগী থৌরাং তৌরি। মখোয়শিং অদুদি লৌউ-শিংউ অমসুং শা-শন, সস্তেনেবল দিবেলপমেন্ত গোলশিং, সেম্পল সর্ভে, নেস্নেল অমসুং রিজনেল একাউন্তশিং, রাজ্যশিংগী স্তেতিস্তিকেল মপাঙ্গল কনখৎহন্নবা সপ্পোর্ত অমসুং মসিগী প্রপোজ তৌরিবা রিভেম্প, ইন্তর্নেল ক্বালিতী এসেসমেন্ত ফ্রেমৱার্ক, কঞ্জুমর প্রাইস ইন্দেক্স, ইন্দস্ত্রীএল প্রদক্সনগী ইন্দেক্স, সোসিএল স্তেতিস্তিক্স, কেপাসিতী বিল্দিং, ইকনোমিক সেন্সস অমসুং ইন্তরপ্রাইস সর্ভে, এনভাইরনমেন্ত স্তেতিস্তিক্স, ক্বালিতী IT ইনিসিএতিবশিং, দেতা অমসুং মেতা দেতা স্তেন্দর্দশিং, মেম্বর্স ওফ পার্লিয়ামেন্ত লোকেল এরিয়া দিবেলপমেন্ত স্কিম, ইনফ্রাস্ত্রকচর অমসুং প্রোজেক্ত মোনিতরীগী অনৌবা ইনিসিএতিবশিং, দেতা দিস্সিমেনিসন অসিনচিংবনি।

***