പ്രധാനമന്ത്രിയുടെ ഓഫീസ്‌
ലോക ടി20 ചാമ്പ്യന്‍മാരായ ഇന്ത്യന്‍ ക്രിക്കറ്റ് ടീമുമായി പ്രധാനമന്ത്രി നടത്തിയ ആശയവിനിമയം
Posted On:
05 JUL 2024 10:20PM by PIB Thiruvananthpuram
പ്രധാനമന്ത്രി: സുഹൃത്തുക്കളേ, സ്വാഗതം! നിങ്ങള്‍ രാജ്യത്തെ ആവേശവും ആഘോഷവും കൊണ്ട് നിറച്ചത് എങ്ങനെയെന്നത് കാണുന്നത് ഞങ്ങള്‍ക്ക് വലിയ സന്തോഷം നല്‍കുന്നു. നമ്മുടെ എല്ലാ നാട്ടുകാരുടെയും പ്രതീക്ഷകള്‍ക്കും ആഗ്രഹങ്ങള്‍ക്കും അപ്പുറം നിങ്ങള്‍ സഞ്ചരിച്ചു. നിങ്ങള്‍ക്കെല്ലാവര്‍ക്കും എന്റെ ഹൃദയംഗമമായ അഭിനന്ദനങ്ങള്‍! സാധാരണയായി, ഞാന്‍ ഓഫീസില്‍ രാത്രി വളരെ വൈകി ജോലി ചെയ്യുന്നു, എന്നാല്‍ ഇത്തവണ ടിവി ഓണായിരുന്നു, എന്റെ ഫയലുകളില്‍ ശ്രദ്ധ കേന്ദ്രീകരിക്കാന്‍ എനിക്ക് കഴിയുന്നില്ല. നിങ്ങള്‍ ശ്രദ്ധേയമായ ടീം സ്പിരിറ്റ്, കഴിവ്, ക്ഷമ എന്നിവ പ്രകടിപ്പിച്ചു. നിങ്ങളുടെ ക്ഷമ എനിക്ക് കാണാമായിരുന്നു; തിരക്കൊന്നും ഉണ്ടായിരുന്നില്ല. അങ്ങേയറ്റം ആത്മവിശ്വാസം നിറഞ്ഞതായിരുന്നു. അതിനാല്‍, ഒരിക്കല്‍ കൂടി, എന്റെ സുഹൃത്തുക്കളേ, നിങ്ങള്‍ക്കെല്ലാവര്‍ക്കും എന്റെ ഹൃദയംഗമമായ അഭിനന്ദനങ്ങള്‍.
രാഹുല്‍ ദ്രാവിഡ്: അങ്ങയെ കാണാനുള്ള അവസരം ഞങ്ങള്‍ക്ക് നല്‍കിയതിന് ആദ്യമേ നന്ദി പറയാന്‍ ഞാന്‍ ആഗ്രഹിക്കുന്നു. നവംബറില്‍ അഹമ്മദാബാദില്‍ ഞങ്ങള്‍ ആ മത്സരത്തില്‍ തോറ്റപ്പോള്‍, ആ പ്രയാസകരമായ സമയത്തും താങ്കള്‍ ഞങ്ങളെ പിന്തുണച്ചു. ഈ സന്തോഷകരമായ അവസരത്തില്‍ ഇന്ന് താങ്കളെ കണ്ടുമുട്ടിയതില്‍ ഞങ്ങള്‍ക്ക് അതിയായ സന്തോഷമുണ്ട്. രോഹിത്തും ടീമംഗങ്ങളും അസാമാന്യമായ പോരാട്ടവീര്യവും ഒരിക്കലും തോല്‍ക്കില്ലെന്ന മനോഭാവവും പല മത്സരങ്ങളിലും പ്രകടിപ്പിച്ചിട്ടുണ്ട്. ഫൈനലിലെത്തുന്നത് തന്നെ അവരുടെ കഠിനാധ്വാനത്തിന്റെയും പ്രതിരോധശേഷിയുടെയും തെളിവാണ്. ഇവര്‍ എങ്ങനെയാണ് യുവതലമുറയെ പ്രചോദിപ്പിച്ചത് എന്നത് സന്തോഷകരമായ കാര്യമാണ്. 2011ലെ വിജയം കണ്ടാണ് അവര്‍ വളര്‍ന്നത്, അവരുടെ പ്രകടനം എല്ലാ കായിക ഇനങ്ങളിലും നമ്മുടെ രാജ്യത്തെ നിരവധി ആണ്‍കുട്ടികളെയും പെണ്‍കുട്ടികളെയും പ്രചോദിപ്പിച്ചിട്ടുണ്ടെന്ന് എനിക്ക് ഉറപ്പുണ്ട്. അതിനാല്‍, ഞാന്‍ നിങ്ങള്‍ക്ക് നന്ദി പറയാന്‍ ആഗ്രഹിക്കുന്നു, ഈ ആണ്‍കുട്ടികള്‍ക്ക് ഞാന്‍ എന്റെ അഭിനന്ദനങ്ങള്‍ അറിയിക്കുന്നു.
പ്രധാനമന്ത്രി: നിങ്ങള്‍ക്കെല്ലാവര്‍ക്കും അഭിനന്ദനങ്ങള്‍. വരും നാളുകളില്‍ നമ്മുടെ രാജ്യത്തെ യുവജനങ്ങള്‍ക്ക് നിങ്ങള്‍ക്ക് ധാരാളം കാര്യങ്ങള്‍ വാഗ്ദാനം ചെയ്യാനുണ്ട്. നിങ്ങള്‍ അവര്‍ക്ക് വിജയം നല്‍കി, പക്ഷേ നിങ്ങള്‍ക്ക് അവരെ പല തരത്തില്‍ പ്രചോദിപ്പിക്കാനും നയിക്കാനും കഴിയും. നിങ്ങള്‍ക്ക് ഇപ്പോള്‍ ഒരു നിശ്ചിത അധികാരമുണ്ട്. എന്തുകൊണ്ടാണ് ചാഹലിന് ഇത്ര ഗൗരവം? ഞാന്‍ ശരിയാണോ? ഹരിയാനയില്‍ നിന്നുള്ള ഏതൊരാളും എല്ലാ സാഹചര്യങ്ങളിലും എല്ലാത്തിലും സന്തോഷം കണ്ടെത്തുന്നു.
രോഹിത്, ഈ നിമിഷത്തെക്കുറിച്ചുള്ള നിങ്ങളുടെ ചിന്തകള്‍ എനിക്ക് കേള്‍ക്കണം. ഗ്രൗണ്ട് എവിടെയും ആവാം, മണ്ണ് മറ്റൊരു രാജ്യത്തിന്റേതാകാം, പക്ഷേ ക്രിക്കറ്റിന്റെ സത്ത പിച്ചിലാണ്. ഒരു ഇന്ത്യാക്കാരന് മാത്രം ചെയ്യാന്‍ കഴിയുന്ന തരത്തില്‍ ക്രിക്കറ്റിന്റെ ആ സത്തയെ നിങ്ങള്‍ ചുംബിച്ചു.
രോഹിത് ശര്‍മ്മ: വിജയത്തിന്റെ ആ നിമിഷം എന്നെന്നേക്കുമായി നെഞ്ചേറ്റാനും അത് (മണ്ണ്) ആസ്വദിക്കാനും ഞാന്‍ ആഗ്രഹിച്ചു. ആ പിച്ചില്‍ ജയിക്കുക എന്നത് ഞങ്ങള്‍ക്ക് എല്ലാം അര്‍ത്ഥമാക്കുന്നു, കാരണം ഞങ്ങള്‍ വളരെക്കാലം കാത്തിരിക്കുകയും കഠിനാധ്വാനം ചെയ്യുകയും ചെയ്തു. പലതവണ ലോകകപ്പ് അടുത്തെത്തിയെങ്കിലും അത് കരസ്ഥമാക്കാനായില്ല. ഇത്തവണ പക്ഷേ, എല്ലാവരുടെയും പ്രയത്‌നത്താല്‍ ഞങ്ങള്‍ അത് നേടിയെടുത്തു. ആ പിച്ചിന് എനിക്ക് വലിയ പ്രാധാന്യമുണ്ടായിരുന്നു, കാരണം ഞങ്ങള്‍ ഞങ്ങളുടെ സ്വപ്നങ്ങള്‍ സാക്ഷാത്കരിച്ചത് അവിടെയായിരുന്നു. അത് ആ നിമിഷം സ്വയമേവ സംഭവിച്ചു. മുഴുവന്‍ ടീമും അവിശ്വസനീയമാംവിധം കഠിനാധ്വാനം ചെയ്തു, ആ കഠിനാധ്വാനം ഒടുവില്‍ ആ ദിവസം ഫലം കണ്ടു.
പ്രധാനമന്ത്രി: രാജ്യത്തെ ഓരോ പൗരനും അത് ശ്രദ്ധിച്ചിരിക്കണം, പക്ഷേ രോഹിത്, ഞാന്‍ രണ്ട് അറ്റവും നിരീക്ഷിച്ചു. നിങ്ങള്‍ ട്രോഫി എടുക്കാന്‍ പോകുമ്പോള്‍ ഉള്ള വികാരങ്ങളും നിങ്ങള്‍ നൃത്തം ചെയ്യുന്ന രീതിയും എനിക്ക് കാണാന്‍ കഴിഞ്ഞു.
രോഹിത് ശര്‍മ്മ: സര്‍, ഞങ്ങള്‍ക്കെല്ലാവര്‍ക്കും ഇത് വളരെ പ്രധാനപ്പെട്ട ഒരു നിമിഷമായിരുന്നു എന്നതാണ് ഇതിന് പിന്നിലെ കാരണം. വര്‍ഷങ്ങളായി ഞങ്ങള്‍ എല്ലാവരും ഇതിനായി കാത്തിരിക്കുകയായിരുന്നു. വെറുതെ എഴുന്നേറ്റു നടക്കാനല്ല, വ്യത്യസ്തമായ എന്തെങ്കിലും ചെയ്യാന്‍ ആണ്‍കുട്ടികള്‍ എന്നോട് പറഞ്ഞു.
പ്രധാനമന്ത്രി: അപ്പോള്‍ ഇത് ചാഹലിന്റെ ആശയമായിരുന്നോ?
രോഹിത് ശര്‍മ്മ: ചാഹലും കുല്‍ദീപും...
പ്രധാനമന്ത്രി: ശരി! നിങ്ങളുടെ വീണ്ടെടുക്കല്‍ യാത്ര ദുഷ്‌കരമായിരുന്നു. ഒരു കളിക്കാരനെന്ന നിലയില്‍, നിങ്ങളുടെ മുതല്‍ക്കൂട്ട് (ആത്മവിശ്വാസം) ആയിരിക്കാം തുടരാന്‍ നിങ്ങളെ സഹായിച്ചത്. എന്നാല്‍ അത്തരമൊരു സമയത്ത് സുഖം പ്രാപിക്കുന്നത് വെല്ലുവിളി നിറഞ്ഞതായിരിക്കണം. നിങ്ങള്‍ നിരവധി സോഷ്യല്‍ മീഡിയ പോസ്റ്റുകള്‍ ഇട്ടതായി ഞാന്‍ ഓര്‍ക്കുന്നു; എന്റെ സഹപ്രവര്‍ത്തകര്‍ അവരെക്കുറിച്ച് എന്നോട് പറയാറുണ്ടായിരുന്നു ഓരോ ദിവസവും നിങ്ങള്‍ എത്രത്തോളം സുഖം പ്രാപിച്ചുവെന്ന്.
ഋഷഭ് പന്ത്: ഞങ്ങളെ ഇങ്ങോട്ട് ക്ഷണിച്ചതിന് ആദ്യം നന്ദി. ഇതിന്റെ പിന്നിലെ ചിന്ത, സര്‍, എനിക്ക് 1.5 വര്‍ഷം മുമ്പ് ഒരു അപകടമുണ്ടായി, ഞാന്‍ കഠിനമായ സമയത്തിലൂടെയാണ് കടന്നുപോകുന്നത്. അമ്മയെ സാര്‍ അന്ന് വിളിച്ചത് എനിക്ക് നന്നായി ഓര്‍മ്മയുണ്ട്. എന്റെ മനസ്സിലൂടെ പലതും കടന്നുപോയി, പക്ഷേ സര്‍ വിളിച്ചപ്പോള്‍ എല്ലാം ശരിയാകുമെന്ന് പറഞ്ഞതായി അമ്മ എന്നോട് പറഞ്ഞു. അത് എന്നെ മാനസികമായി വിശ്രമിക്കാന്‍ സഹായിച്ചു. ഞാന്‍ സുഖം പ്രാപിക്കുന്ന സമയത്ത്, എന്നെ വീണ്ടും ക്രിക്കറ്റ് കളിക്കാന്‍ അനുവദിക്കുമോ എന്ന് ഉറപ്പില്ലായിരുന്നുവെന്ന് ആളുകള്‍ പറയുമായിരുന്നു. പ്രത്യേകിച്ച് വിക്കറ്റ് കീപ്പിംഗില്‍, അവര്‍ പറയും, 'അവന്‍ ഒരു ബാറ്റ്‌സ്മാനാണ്, അതിനാല്‍ അദ്ദേഹത്തിന് ഇപ്പോഴും ബാറ്റ് ചെയ്യാന്‍ കഴിയും, പക്ഷേ അദ്ദേഹത്തിന് വിക്കറ്റ് കീപ്പിംഗ് ചെയ്യാന്‍ കഴിയുമോ?' കഴിഞ്ഞ 1.5 വര്‍ഷം മുതല്‍ 2 വര്‍ഷമായി, ഫീല്‍ഡില്‍ തിരിച്ചെത്താനും മുമ്പത്തേക്കാള്‍ മികച്ച പ്രകടനം നടത്താനും ഞാന്‍ ദൃഢനിശ്ചയം ചെയ്തിരുന്നു. മറ്റാരേയും കാണിക്കാനല്ല മറിച്ച് സ്വയം തെളിയിക്കാനാണ്. വീണ്ടും അന്താരാഷ്ട്ര ക്രിക്കറ്റ് കളിക്കാനും ഇന്ത്യയ്ക്ക് വിജയങ്ങള്‍ കൊണ്ടുവരാനും എന്നെത്തന്നെ സമര്‍പ്പിക്കേണ്ടി വന്നു.
പ്രധാനമന്ത്രി: ഋഷഭ്, നീ സുഖം പ്രാപിച്ചപ്പോള്‍ ഞാന്‍ നിന്റെ അമ്മയോട് സംസാരിച്ചു രണ്ടു കാര്യങ്ങള്‍ പറഞ്ഞു. ആദ്യം, ഞാന്‍ ഡോക്ടര്‍മാരുമായി കൂടിയാലോചിക്കുകയും നിങ്ങള്‍ക്ക് വിദേശത്ത് ചികിത്സ ആവശ്യമുണ്ടെങ്കില്‍ എന്നെ അറിയിക്കാന്‍ അവരോട് ആവശ്യപ്പെടുകയും ചെയ്തിരുന്നു. അത് പരിഗണിക്കാമെന്ന് അവര്‍ ഉറപ്പുനല്‍കി. എന്നാല്‍ എന്നെ ശരിക്കും അത്ഭുതപ്പെടുത്തിയത് നിങ്ങളുടെ അമ്മയുടെ ഉറച്ച വിശ്വാസമാണ്. ഞാന്‍ അവരെ ഒരിക്കലും കണ്ടിട്ടില്ലെങ്കിലും, ഞങ്ങളുടെ സംഭാഷണത്തിനിടയില്‍ അവര്‍ ഒരു ഉറപ്പ് നല്‍കി. അത് ശ്രദ്ധേയമായിരുന്നു. അത്തരമൊരു പിന്തുണയുള്ള അമ്മയുണ്ടെങ്കില്‍ നിങ്ങള്‍ ഒരിക്കലും പരാജയപ്പെടില്ലെന്ന് എനിക്ക് തോന്നി. ഈ ചിന്തയാണ് എന്റെ മനസ്സില്‍ വന്നത്, നിങ്ങള്‍ അത് ശരിയാണെന്ന് തെളിയിച്ചു. നിങ്ങളോട് സംസാരിക്കുമ്പോള്‍ ഞാന്‍ ശ്രദ്ധിച്ച ഏറ്റവും ശ്രദ്ധേയമായ കാര്യം മറ്റാരുടെയും മേല്‍ കുറ്റം ചുമത്താനുള്ള നിങ്ങളുടെ വിസമ്മതമാണ്; അത് നിങ്ങളുടെ തെറ്റാണെന്ന് നിങ്ങള്‍ പറഞ്ഞു. പലരും ഒഴികഴിവുകള്‍ നിരത്തുന്നതുപോലെ, ഉത്തരവാദിത്തത്തിന്റെ ഈ തലം അസാധാരണമാണ്. ജീവിതത്തോടുള്ള നിങ്ങളുടെ തുറന്ന മനസ്സ് പ്രശംസനീയമാണ്, അത്തരം വിശദാംശങ്ങള്‍ നിരീക്ഷിക്കുന്നതില്‍ നിന്ന് ഞാന്‍ പഠിക്കുന്നു; സുഹൃത്തുക്കളേ, എല്ലാവരില്‍ നിന്നും പഠിക്കാന്‍ ഞാന്‍ ശ്രമിക്കുന്നു. നിങ്ങളുടെ ക്ഷമയും സഹിഷ്ണുതയും അസാധാരണമാണ്, ഇത് ഒരു ദൈവിക ബന്ധത്തെ പ്രതിഫലിപ്പിക്കുന്നു. ഇത് രാജ്യത്തിന് പൊതുവെയും കളിക്കാര്‍ക്ക് പ്രത്യേകിച്ചും പ്രചോദനമാണ്. വിരല്‍ പിടിച്ച് മണിക്കൂറുകളോളം നില്‍ക്കുന്ന വിക്കറ്റ് കീപ്പിംഗ് പരിശീലനം എത്ര കഠിനമാണെന്ന് ഞാന്‍ മനസ്സിലാക്കുന്നു. എന്നാല്‍ നിങ്ങള്‍ ആ വെല്ലുവിളിയെ ഉജ്ജ്വലമായി മറികടന്നു. അഭിനന്ദനങ്ങള്‍.
ഋഷഭ് പന്ത്: നന്ദി സര്‍.
പ്രധാനമന്ത്രി: ഉയര്‍ച്ച താഴ്ചകള്‍ ഉണ്ട്, എന്നാല്‍ ദീര്‍ഘമായ സ്ഥിരോത്സാഹം ശരിയായ സമയത്ത് ഫലം നല്‍കുന്നു. ക്രിക്കറ്റിനോടുള്ള നിങ്ങളുടെ സമര്‍പ്പണം ആവശ്യമുള്ളപ്പോള്‍ അതിന്റെ യഥാര്‍ത്ഥ നിറം പ്രതിഫലിപ്പിച്ചു. വിരാട്, ഇത്തവണത്തെ നിങ്ങളുടെ യാത്ര ഉയര്‍ച്ച താഴ്ചകള്‍ നിറഞ്ഞതായിരുന്നു.
വിരാട് കോഹ്ലി: ഞങ്ങളെ ഇങ്ങോട്ട് ക്ഷണിച്ചതിന് ആദ്യം നന്ദി. ഈ ദിവസം എന്റെ ഓര്‍മ്മയില്‍ എന്നും നിലനില്‍ക്കും. ടൂര്‍ണമെന്റില്‍ ഉടനീളം, ഞാന്‍ ആഗ്രഹിച്ചത്ര സംഭാവന നല്‍കാന്‍ എനിക്ക് കഴിഞ്ഞില്ല, ഒരു ഘട്ടത്തില്‍, എന്നോടോ ടീമിനോടോ നീതി കാണിച്ചില്ലെന്ന് എനിക്ക് തോന്നിയെന്ന് ഞാന്‍ രാഹുല്‍ ഭായിയോട് പറഞ്ഞു. സാഹചര്യം ആവശ്യപ്പെടുമ്പോള്‍ ഞാന്‍ പ്രകടനം പുറത്തെടുക്കുമെന്ന് അദ്ദേഹം ഉറപ്പുനല്‍കി. ഇതായിരുന്നു ഞങ്ങളുടെ സംഭാഷണം. ഞങ്ങള്‍ മൈതാനത്തിറങ്ങിയപ്പോള്‍, ടൂര്‍ണമെന്റിലെ എന്റെ പ്രകടനം കാരണം എനിക്ക് ആത്മവിശ്വാസം കുറവാണെന്നും എന്റെ പ്രതീക്ഷയ്‌ക്കൊത്ത് പ്രകടനം നടത്താന്‍ കഴിയുമോ എന്ന് എനിക്ക് ഉറപ്പില്ലെന്നും ഞാന്‍ രോഹിതിനോട് പറഞ്ഞു. എന്നിരുന്നാലും, ആദ്യ നാല് പന്തില്‍ മൂന്ന് ബൗണ്ടറികള്‍ അടിച്ചപ്പോള്‍ എനിക്ക് ആത്മവിശ്വാസത്തിന്റെ കുതിപ്പ് തോന്നി. ഞാന്‍ അവനോട് പറഞ്ഞു, 'ഇതെന്തൊരു കളിയാണ്; ഒരു ദിവസം നിങ്ങള്‍ക്ക് ഒരു റണ്‍ പോലും നേടാന്‍ കഴിയില്ലെന്ന് തോന്നുന്നു, അടുത്ത ദിവസം, എല്ലാം ക്ലിക്കുചെയ്യുന്നു.' പ്രത്യേകിച്ചും ഞങ്ങളുടെ വിക്കറ്റുകള്‍ വീഴാന്‍ തുടങ്ങിയപ്പോള്‍, സാഹചര്യത്തിനനുസരിച്ച് പൂര്‍ണ്ണമായും വിധേയപ്പെടണമെന്ന് ഞാന്‍ മനസ്സിലാക്കി; ആ നിമിഷം ടീമിന് പ്രധാനപ്പെട്ട കാര്യങ്ങളില്‍ മാത്രം ശ്രദ്ധ കേന്ദ്രീകരിക്കേണ്ടി വന്നു. ഞാന്‍ സാഹചര്യത്തില്‍ പൂര്‍ണ്ണമായും ലയിച്ചു. ഞാന്‍ ആ ഇടത്തോട് ആ നിമിഷത്തോട് ഞാന്‍ ഇഴുകിച്ചേര്‍ന്നു. പിന്നീട് എനിക്ക് മനസ്സിലായി, എന്താണ് സംഭവിക്കേണ്ടത്, അത് സംഭവിക്കുമെന്ന്. അത് സംഭവിക്കുമെന്നത് ഉറപ്പായിരുന്നു. ഫൈനലില്‍ വിജയിച്ച വേളയില്‍, ഞങ്ങള്‍ അവസാനം വരെ ഓരോ പന്തിനുമൊപ്പം ജീവിച്ചു. ഫൈനല്‍ വഴിമാറിയ ഘട്ടത്തില്‍ നിന്ന്. ഞങ്ങളിലൂടെ എന്താണ് സംഭവിക്കുന്നത്, ഞങ്ങള്‍ക്ക് വിശദീകരിക്കാന്‍ കഴിയില്ല. ഒരു ഘട്ടത്തില്‍, ഞങ്ങള്‍ക്ക് പ്രതീക്ഷ നഷ്ടപ്പെട്ടു, പക്ഷേ പിന്നീട് ഹാര്‍ദിക് ഒരു വിക്കറ്റ് വീഴ്ത്തി, ഓരോ പന്ത് തോറും ഞങ്ങളുടെ ഊര്‍ജ്ജം വീണ്ടും വര്‍ദ്ധിച്ചു. വെല്ലുവിളി നിറഞ്ഞ ഒരു കാലഘട്ടത്തിന് ശേഷം ടീമിന് വേണ്ടി ഇത്രയും സുപ്രധാനമായ ഒരു ദിവസം സംഭാവന ചെയ്യാന്‍ സാധിച്ചതില്‍ എനിക്ക് സന്തോഷമുണ്ട്. മുഴുവന്‍ ദിവസവും ഞങ്ങള്‍ വിജയിച്ച വഴിയും അവിസ്മരണീയമായി നിലനില്‍ക്കും. ഞങ്ങള്‍ക്ക് വിജയത്തിനായി പരിശ്രമിക്കാന്‍ കഴിയുന്ന ഒരു സ്ഥാനത്ത് എത്താന്‍ ടീമിനെ സഹായിക്കാന്‍ കഴിഞ്ഞതില്‍ എനിക്ക് സന്തോഷമുണ്ട്.
പ്രധാനമന്ത്രി: എല്ലാവര്‍ക്കും തോന്നി, വിരാട്. നിങ്ങളുടെ ആകെയുള്ളത് 75ല്‍ ഒതുങ്ങി, പിന്നീട് അത് പെട്ടെന്ന് 76ലേക്ക് നീങ്ങി. ചിലപ്പോള്‍ ഇത്തരം കാര്യങ്ങള്‍ സംഭവിക്കാറുണ്ട്. നിങ്ങള്‍ അത് ചെയ്യുമെന്ന് എല്ലാവരും വിശ്വസിക്കുന്നു, ആ വിശ്വാസം ഒരു പ്രേരകശക്തിയായി മാറുന്നു. എന്നാല്‍ നിങ്ങള്‍ 75ല്‍ കുടുങ്ങിയപ്പോള്‍ നിങ്ങളുടെ കുടുംബത്തിന്റെ പെട്ടെന്നുള്ള പ്രതികരണം എന്തായിരുന്നു?
വിരാട് കോഹ്ലി: നല്ല കാര്യം സര്‍, സമയവ്യത്യാസമാണ്, അതിനാല്‍ ഞാന്‍ എന്റെ വീട്ടുകാരോട് അധികം സംസാരിച്ചില്ല. എന്റെ അമ്മ വളരെയധികം വിഷമിക്കാറുണ്ട്. പക്ഷേ, ഞാന്‍ ശ്രമിച്ചിട്ടും കാര്യങ്ങള്‍ നടന്നില്ല എന്നതായിരുന്നു പ്രധാന പ്രശ്‌നം. നിങ്ങള്‍ കഠിനാധ്വാനം ചെയ്യുകയും നിങ്ങള്‍ വിജയിക്കുമെന്ന് കരുതുകയും ചെയ്യുമ്പോള്‍, ചിലപ്പോള്‍ നിങ്ങളുടെ അഹംബോധത്തിന് തടസ്സമുണ്ടാകുകയും ഗെയിം നിങ്ങളില്‍ നിന്ന് വഴുതിപ്പോകുകയും ചെയ്യും. അത് ഉപേക്ഷിച്ച് ടീമില്‍ ശ്രദ്ധ കേന്ദ്രീകരിക്കേണ്ടതായിരുന്നു. ഞാന്‍ പറഞ്ഞ പോലെ എന്റെ ഈഗോയ്ക്ക് ഇടം കിട്ടാത്ത തരത്തിലായിരുന്നു കളിയുടെ അവസ്ഥ. ഒരിക്കല്‍ ഞാന്‍ കളിയെ ബഹുമാനിച്ചു, അന്ന് അത് എന്നെ ബഹുമാനിച്ചു. അതെന്റെ അനുഭവമായിരുന്നു സര്‍.
പ്രധാനമന്ത്രി: നിങ്ങള്‍ക്ക് ഒരുപാട് അഭിനന്ദനങ്ങള്‍.
പ്രധാനമന്ത്രി: പാജി...
ജസ്പ്രീത് ബുംറ: ഇല്ല സര്‍, ഞാന്‍ ഇന്ത്യക്ക് വേണ്ടി ബൗള്‍ ചെയ്യുമ്പോഴെല്ലാം അത് നിര്‍ണായക ഘട്ടങ്ങളിലാണ്, അത് പുതിയ പന്തിലായാലും...
പ്രധാനമന്ത്രി: ഇഡ്ഡലി കഴിച്ചിട്ട് പാടത്തേക്ക് പോകാറുണ്ടോ? (ചിരി)
ജസ്പ്രീത് ബുംറ: ഇല്ല, ഇല്ല സര്‍. സാഹചര്യം കഠിനമാകുമ്പോഴെല്ലാം, എന്നെ ബൗള്‍ ചെയ്യാന്‍ വിളിക്കും, കഠിനമായ ഓവറുകളില്‍ ടീമിനെ സഹായിക്കാന്‍ കഴിയുമ്പോള്‍ എനിക്ക് സന്തോഷം തോന്നുന്നു. ഇത് എനിക്ക് വളരെയധികം ആത്മവിശ്വാസം നല്‍കുന്നു, എന്റെ ഓവറിലുടനീളം ഞാന്‍ ആ ആത്മവിശ്വാസം വഹിക്കുന്നു. ഈ ടൂര്‍ണമെന്റില്‍, ഞാന്‍ കഠിനമായ ഓവറുകള്‍ എറിയേണ്ട ഒരുപാട് സാഹചര്യങ്ങള്‍ ഉണ്ടായിരുന്നു, എനിക്ക് ടീമിനെ സഹായിക്കാനും മത്സരങ്ങള്‍ വിജയിപ്പിക്കാനും കഴിയും.
പ്രധാനമന്ത്രി: ഞാന്‍ നിരീക്ഷിച്ചതില്‍ നിന്ന്, ഒരു ബാറ്റ്‌സ്മാന്‍ 90കളില്‍ എത്തിക്കഴിഞ്ഞാല്‍, വിജയത്തിനായുള്ള മാനസികാവസ്ഥ എന്തായാലും, അവര്‍ കൂടുതല്‍ ഗൗരവതരമായിത്തീരുന്നു. അതുപോലെ, അവസാന ഓവറില്‍, ഒരു പന്തില്‍ ഫലം വരുമ്പോള്‍, പിരിമുറുക്കം വളരെ വലുതായിരിക്കണം. അത്തരം നിമിഷങ്ങളില്‍ നിങ്ങള്‍ എങ്ങനെ സ്വയം കൈകാര്യം ചെയ്യും?
ജസ്പ്രീത് ബുംറ: 'നമ്മള്‍ തോറ്റാലോ' എന്ന് ഞാന്‍ ചിന്തിച്ചു തുടങ്ങിയാല്‍? അല്ലെങ്കില്‍ ഞാന്‍ അസാധാരണമായ എന്തെങ്കിലും ചെയ്യാന്‍ ശ്രമിച്ചാല്‍, ഞാന്‍ അസ്വസ്ഥനാകുകയും തെറ്റുകള്‍ വരുത്തുകയും ചെയ്യും. ഞാന്‍ ആള്‍ക്കൂട്ടത്തിലോ മറ്റ് ആളുകളിലോ ശ്രദ്ധ കേന്ദ്രീകരിക്കുകയാണെങ്കില്‍, ഞാന്‍ വഴുതിപ്പോയേക്കാം. അതിനാല്‍, ആ നിമിഷങ്ങളില്‍, ഞാന്‍ ശ്രദ്ധ എന്നിലും എനിക്ക് ചെയ്യാന്‍ കഴിയുന്ന കാര്യങ്ങളിലും കേന്ദ്രീകരിക്കുന്നു. ഞാന്‍ മികച്ച പ്രകടനം നടത്തുകയും ടീമിനെ സഹായിക്കുകയും ചെയ്ത മുന്‍ സംഭവങ്ങള്‍ ഞാന്‍ ഓര്‍ത്തെടുക്കുന്നു. ആ അനുഭവങ്ങള്‍ ഓര്‍ക്കാനും അവയില്‍ ഊന്നി നിന്നു കൊണ്ട് എന്റെ ഏറ്റവും മികച്ചത് നല്‍കാനും ഞാന്‍ ശ്രമിക്കുന്നു.
പ്രധാനമന്ത്രി: എന്നാല്‍ ഇത് വളരെ സമ്മര്‍ദ്ദം നിറഞ്ഞതായിരിക്കണം സുഹൃത്തേ. പറോട്ടയില്ലാത്ത ഒരു ദിവസം അപൂര്‍ണ്ണമായി അനുഭവപ്പെടും!
ജസ്പ്രീത് ബുംറ: ഇല്ല സര്‍, വെസ്റ്റ് ഇന്‍ഡീസില്‍ ഞങ്ങള്‍ക്ക് ഇഡ്ഡലിയോ പറോട്ടയോ കിട്ടിയില്ല. ലഭ്യമായതു വെച്ച് നാം കാര്യങ്ങള്‍ ക്രമീകരിച്ചു. എങ്കിലും രംഗം നന്നായിരുന്നു. ഞങ്ങള്‍ അങ്ങോട്ടുമിങ്ങോട്ടും യാത്ര ചെയ്യുകയായിരുന്നു, ഒരു ടീമെന്ന നിലയില്‍ ടൂര്‍ണമെന്റ് വളരെ നന്നായി നടന്നു. ഞങ്ങള്‍ ആദ്യമായി ലോകകപ്പ് നേടി, ഞാന്‍ മുമ്പ് അത്തരം വികാരങ്ങള്‍ അനുഭവിച്ചിട്ടില്ല. എനിക്ക് വളരെ അഭിമാനം തോന്നുന്നു, ഇതിനേക്കാള്‍ മികച്ചതായി എനിക്ക് തോന്നിയിട്ടില്ല.
പ്രധാനമന്ത്രി: താങ്കള്‍ ചെയ്തത് വലിയ കാര്യമാണ്. നിങ്ങളെക്കുറിച്ച് രാഷ്ട്രം അഭിമാനിക്കുന്നു. അത് നമുക്ക് അഭിമാനം നല്‍കുന്നു.
പ്രധാനമന്ത്രി: അതെ, ഹാര്‍ദിക്, എന്നോട് പറയൂ.
ഹാര്‍ദിക് പാണ്ഡ്യ: ആദ്യം തന്നെ സര്‍, ഞങ്ങളെ ക്ഷണിച്ചതിന് നന്ദി. അഭിമുഖത്തിനിടെ ഞാന്‍ സൂചിപ്പിച്ചതുപോലെ, കഴിഞ്ഞ ആറ് മാസങ്ങള്‍ എന്നെ സംബന്ധിച്ചിടത്തോളം നിരവധി ഉയര്‍ച്ച താഴ്ചകളോടെ തികച്ചും സംഭവബഹുലമായിരുന്നു. ഞാന്‍ ഗ്രൗണ്ടില്‍ പോയപ്പോള്‍, പൊതുജനങ്ങള്‍ ചിലപ്പോള്‍ ബഹളം വച്ചു, മറ്റു പലതും സംഭവിച്ചു. വാക്കുകള്‍ കൊണ്ടല്ല, എന്റെ കളിയിലൂടെയാണ് ഞാന്‍ പ്രതികരിക്കേണ്ടത് എന്ന് ഞാന്‍ എപ്പോഴും വിശ്വസിച്ചിരുന്നു. അന്നും മിണ്ടാതെയിരുന്ന ഞാന്‍ ഇപ്പോ സംസാരശേഷിയില്ലാത്തവനാണ്. ഞാന്‍ എപ്പോഴും പോരാട്ടത്തില്‍ വിശ്വസിച്ചിരുന്നു, ഒരിക്കലും മൈതാനം വിട്ടുപോകില്ല, കാരണം ജീവിതം ബുദ്ധിമുട്ടുകളും വിജയങ്ങളും കാണിക്കുന്നു. ഞാന്‍ വിശ്വസിച്ചു, സര്‍, ഞാന്‍ തുടരുമെന്നും കഠിനാധ്വാനം ചെയ്യുമെന്നും ടീമിന്റെയും കളിക്കാരുടെയും ക്യാപ്റ്റന്റെയും പരിശീലകന്റെയും പിന്തുണയോടെ ഞാന്‍ നന്നായി തയ്യാറെടുക്കുകയും ചെയ്തു. അവസാന ഓവറില്‍ അവസരം തന്ന് ദൈവം എന്നെ അനുഗ്രഹിച്ചു.
പ്രധാനമന്ത്രി: നിങ്ങളുടെ ആ ഓവര്‍ ചരിത്രമായി മാറി, എന്നാല്‍ നിങ്ങള്‍ സൂര്യയോട് എന്താണ് പറഞ്ഞത്?
ഹാര്‍ദിക് പാണ്ഡ്യ: സൂര്യ ക്യാച്ച് പിടിച്ചപ്പോള്‍ ഞങ്ങളുടെ ആദ്യ പ്രതികരണം ആഘോഷമായിരുന്നു. അപ്പോള്‍ സൂര്യയ്ക്ക് സുഖമാണോ എന്ന് പരിശോധിക്കണമെന്ന് ഞങ്ങള്‍ മനസ്സിലാക്കി. അവന്‍ സുഖമായിരിക്കുന്നുവെന്ന് ഞങ്ങള്‍ സ്ഥിരീകരിച്ചു, വീണ്ടും ആഘോഷിച്ചു. കളി മാറ്റിമറിക്കുന്ന ഒരു ക്യാച്ച് അവന്‍ പിടിച്ചു, ഞങ്ങളുടെ ടെന്‍ഷന്‍ സന്തോഷമായി മാറി.
പ്രധാനമന്ത്രി: അതെ, സൂര്യ?
സൂര്യകുമാര്‍ യാദവ്: ആ നിമിഷം ശക്തമായ വികാരത്താല്‍ അടിപ്പെട്ടു പോയി സര്‍! ആ നിമിഷം ഞാന്‍ പന്ത് പിടിക്കുന്നതില്‍ മാത്രമാണ് ശ്രദ്ധിച്ചത്. ഞാന്‍ അത് പിടിക്കണോ ഉപേക്ഷിക്കണോ എന്നതിനെക്കുറിച്ച് ചിന്തിച്ചിരുന്നില്ല, റണ്‍സ് തടയാന്‍ കഴിയുമോ എന്നതായിരുന്നു ചിന്ത. അപ്പോള്‍ കാറ്റ് വീശുന്നുണ്ടായിരുന്നു, ഒരിക്കല്‍ പന്ത് എന്റെ കൈയില്‍ വന്നപ്പോള്‍ ഞാന്‍ അത് എറിഞ്ഞു, പക്ഷേ രോഹിത് അകലെയാണെന്ന് ഞാന്‍ കണ്ടു. അങ്ങനെ ഞാന്‍ വീണ്ടും പിടിച്ചു. ഈ സാഹചര്യങ്ങള്‍ ഞങ്ങള്‍ ഒരുപാട് പരിശീലിച്ചിട്ടുണ്ട്. ബാറ്റിംഗില്‍ ഞാന്‍ സംഭാവന ചെയ്യുന്ന ഒരു കാര്യത്തെക്കുറിച്ച് ഞാന്‍ എപ്പോഴും ചിന്തിച്ചു, എന്നാല്‍ മറ്റെങ്ങനെ എനിക്ക് സംഭാവന നല്‍കാന്‍ കഴിയും? അതിനാല്‍ ഫീല്‍ഡിംഗിലും ടീമിന് സംഭാവന നല്‍കണമെന്ന് എനിക്ക് തോന്നി.
പ്രധാനമന്ത്രി: നിങ്ങള്‍ ഈ രീതിയില്‍ പന്ത് പിടിക്കുന്നത് പരിശീലിക്കുന്നുണ്ടോ?
രാഹുല്‍ ദ്രാവിഡ്: പരിശീലനത്തില്‍ സൂര്യ ഇത്തരത്തില്‍ 185, 160 ക്യാച്ചുകള്‍ എടുത്തിട്ടുണ്ട്.
പ്രധാനമന്ത്രി: ശരിക്കും?
സൂര്യകുമാര്‍ യാദവ്: അതെ സര്‍. ടൂര്‍ണമെന്റ് ആരംഭിച്ചതിനുശേഷവും ഐപിഎല്ലില്‍ നിന്ന് മടങ്ങിയെത്തിയതിനുശേഷവും ഞാന്‍ അത്തരം നിരവധി ക്യാച്ചുകള്‍ പരിശീലിച്ചിട്ടുണ്ട്. ഇത്രയും നിര്‍ണായക നിമിഷത്തില്‍ ഒരാളെ പിടിക്കാന്‍ ദൈവം അവസരം നല്‍കുമെന്ന് എനിക്കറിയില്ലായിരുന്നു. എന്നാല്‍ ഞാന്‍ ശാന്തനായിരുന്നു, കാരണം എന്റെ പരിശീലന സമയത്ത് ഞാന്‍ ഈ സാഹചര്യം മുമ്പ് നേരിട്ടിരുന്നു. എന്നാല്‍, ഇത്തവണ കൂടുതല്‍ പേര്‍ സ്റ്റാന്‍ഡില്‍ ഉണ്ടായിരുന്നു. ആ നിമിഷം ആയതില്‍ വലിയ സന്തോഷം തോന്നി.
പ്രധാനമന്ത്രി: ഞാന്‍ നിങ്ങളെ അഭിനന്ദിക്കണം... രാജ്യം മുഴുവന്‍ ഉയര്‍ച്ച താഴ്ചകളാല്‍ പിരിമുറുക്കത്തിലായിരുന്നു, പിന്നീട് സംഭവങ്ങളുടെ പെട്ടെന്നുള്ള വഴിത്തിരിവ്! സ്ഥിതി ആകെ മാറി. ഇത് വളരെ പ്രധാനമാണ്, ഇത് നിങ്ങളുടെ ജീവിതത്തിന്റെ ഭാഗമാണെങ്കില്‍, നിങ്ങള്‍ തീര്‍ച്ചയായും വളരെ ഭാഗ്യവാനാണ്, സുഹൃത്തേ.
സൂര്യകുമാര്‍ യാദവ്: എനിക്ക് മറ്റൊരു ബഹുമതി ലഭിച്ചതുപോലെ തോന്നുന്നു സര്‍. എനിക്ക് ഉന്മേഷം തോന്നുന്നു.
പ്രധാനമന്ത്രി: നിങ്ങള്‍ക്ക് ഒരുപാട് അഭിനന്ദനങ്ങള്‍!
സൂര്യകുമാര്‍ യാദവ്: നന്ദി സര്‍!
പ്രധാനമന്ത്രി: നിങ്ങളുടെ പിതാവിന്റെ പ്രസ്താവന രാജ്യത്തുടനീളം വലിയ ചര്‍ച്ചയായിട്ടുണ്ട്. ചോദിച്ചപ്പോള്‍ അവന്റെ മറുപടി വളരെ ഹൃദയസ്പര്‍ശിയായിരുന്നു. അവന്‍ പറഞ്ഞു, 'ആദ്യം രാജ്യം, പിന്നെ എന്റെ മകന്‍.' ഇത് ശരിക്കും ശ്രദ്ധേയമാണ്! അതെ, അര്‍ഷ്ദീപ്, നിങ്ങളുടെ ചിന്തകള്‍ പങ്കിടുക.
അര്‍ഷ്ദീപ് സിംഗ്: സര്‍, നിങ്ങളെ കാണാന്‍ അവസരം തന്നതിന് നന്ദി. ക്രിക്കറ്റ് മത്സരത്തെക്കുറിച്ച് എനിക്ക് വലിയ സന്തോഷം തോന്നുന്നു! ഈ ടൂര്‍ണമെന്റ് ജയിച്ചതില്‍ എനിക്ക് അഭിമാനം തോന്നുന്നു. ഞാന്‍ നേരത്തെ സൂചിപ്പിച്ചതുപോലെ, ജാസി ഭായിക്കൊപ്പം പന്തെറിയുന്നത് വളരെ മികച്ചതായി തോന്നുന്നു. അവന്‍ ബാറ്റ്‌സ്മാന്‍മാരില്‍ വളരെയധികം സമ്മര്‍ദ്ദം ചെലുത്തുന്നു, അവര്‍ പലപ്പോഴും എനിക്കെതിരെ റിസ്‌ക് എടുക്കാന്‍ ശ്രമിക്കുന്നു, ഇത് എന്നെ വിക്കറ്റ് വീഴ്ത്താന്‍ അനുവദിക്കുന്നു. മറ്റ് ബൗളര്‍മാരും മികച്ച പ്രകടനമാണ് കാഴ്ചവെച്ചത്, അതുകൊണ്ട് തന്നെ അതിന്റെ ഫലമായി എനിക്ക് വിക്കറ്റുകള്‍ ലഭിക്കുന്നത് ഞാന്‍ ആസ്വദിക്കുകയായിരുന്നു. അതുകൊണ്ട് മുഴുവന്‍ ടീമിനും ക്രെഡിറ്റ് ആണെന്ന് എനിക്ക് തോന്നുന്നു.
പ്രധാനമന്ത്രി: അക്‌സര്‍ സ്‌കൂളില്‍ കളിക്കുമ്പോള്‍ ഒരിക്കല്‍ അദ്ദേഹത്തിന് സമ്മാനം നല്‍കാന്‍ എനിക്ക് അവസരം ലഭിച്ചു.
അക്‌സര്‍ പട്ടേല്‍: അത് എട്ടാം ക്ലാസ്സില്‍ ആയിരുന്നു.
പ്രധാനമന്ത്രി: കായിക ലോകവുമായി എനിക്ക് വ്യക്തിപരമായി യാതൊരു ബന്ധവുമില്ല, എന്നാല്‍ സ്‌പോര്‍ട്‌സില്‍ എന്തെങ്കിലും കാര്യമായ സംഭവങ്ങള്‍ ഉണ്ടാകുമ്പോഴെല്ലാം ഞാന്‍ അതില്‍ ഇടപെടുന്നു.
അക്‌സര്‍ പട്ടേല്‍: അവരുടെ കൂട്ടുകെട്ട് ശക്തമായതിനാല്‍ ആ ക്യാച്ച് നിര്‍ണായകമായിരുന്നു. ആദ്യ ഓവറില്‍ ഒരു വിക്കറ്റ് വീണു, പക്ഷേ പിന്നീട് ഒന്നുമില്ല. കുല്‍ദീപ് പന്തെറിയുമ്പോള്‍ ഞാന്‍ നില്‍ക്കുന്ന ദിശയില്‍ കാറ്റ് വീശുന്നുണ്ടായിരുന്നു. അനായാസമായ ക്യാച്ചായിരിക്കുമെന്ന് കരുതിയെങ്കിലും കാറ്റിനൊപ്പം പന്ത് വേഗത്തില്‍ നീങ്ങിത്തുടങ്ങി. ആദ്യം ഇടതുകൈ കൊണ്ട് പിടിക്കാന്‍ പ്ലാന്‍ ചെയ്‌തെങ്കിലും പിന്നീട് മനസ്സിലായി അത് എന്റെ വലംകൈയിലേക്കാണെന്ന്. ഞാന്‍ കുതിച്ചു, പന്ത് എന്റെ കൈയില്‍ അനുഭവപ്പെട്ടപ്പോള്‍, ഞാന്‍ അത് പിടിച്ചതായി എനിക്ക് മനസ്സിലായി. മിക്കപ്പോഴും, അത്തരം ക്യാച്ചുകള്‍ നഷ്ടപ്പെടും, പക്ഷേ ലോകകപ്പിലെ ആ നിര്‍ണായക നിമിഷത്തില്‍, ടീമിന് ആവശ്യമുള്ളപ്പോള്‍ അത് സുരക്ഷിതമാക്കാന്‍ എനിക്ക് ഭാഗ്യമുണ്ടായി.
പ്രധാനമന്ത്രി: അപ്പോള്‍, അമുല്‍ പാല്‍ പ്രവര്‍ത്തിക്കുന്നു, തോന്നുന്നുണ്ടോ? (ചിരി)
കുല്‍ദീപ് യാദവ്: വളരെ നന്ദി സര്‍.
പ്രധാനമന്ത്രി: ഞങ്ങള്‍ നിങ്ങളെ കുല്‍ദീപ് എന്നോ ദേശ്ദീപ് എന്നോ വിളിക്കണോ?
കുല്‍ദീപ് യാദവ്: സര്‍, ഞാന്‍ എന്റെ രാജ്യത്തില്‍ നിന്നാണ് ഒന്നാമത്, അതിനാല്‍ വ്യക്തമായും, സര്‍, ഇന്ത്യക്ക് വേണ്ടി എല്ലാ മത്സരങ്ങളും കളിക്കുന്നത് ഞാന്‍ ആസ്വദിക്കുന്നു. അത് എന്നെ വളരെയധികം അഭിമാനിക്കുന്നു. അറ്റാക്കിംഗ് സ്പിന്നര്‍ എന്ന നിലയിലാണ് ടീമിലെ എന്റെ റോള്‍. ഞാന്‍ എപ്പോഴും മിഡില്‍ ഓവറുകളില്‍ ബൗള്‍ ചെയ്യാറുണ്ട്, ക്യാപ്റ്റന്റെയും പരിശീലകന്റെയും പ്ലാന്‍ എപ്പോഴും എനിക്ക് ആ കാലയളവില്‍ വിക്കറ്റ് നേടാനാണ്. ഫാസ്റ്റ് ബൗളര്‍മാര്‍ ഒന്നോ രണ്ടോ വിക്കറ്റ് വീഴ്ത്തി മികച്ച തുടക്കം നല്‍കുന്നു, ഇത് മധ്യ ഓവറുകളില്‍ പന്തെറിയുന്നത് അല്‍പ്പം എളുപ്പമാക്കുന്നു. എനിക്ക് വളരെ സുഖം തോന്നുന്നു. മൂന്ന് ലോകകപ്പ് കളിച്ചത് മികച്ച അവസരമാണ്, ട്രോഫി ഉയര്‍ത്തിയതില്‍ അതിയായ സന്തോഷമുണ്ട് സര്‍.
പ്രധാനമന്ത്രി: കുല്‍ദീപ്, ക്യാപ്റ്റനെ നൃത്തം ചെയ്യിക്കാന്‍ നിങ്ങള്‍ക്ക് എങ്ങനെ ധൈര്യമുണ്ടായി?
കുല്‍ദീപ് യാദവ്: ക്യാപ്റ്റനെ നൃത്തം ചെയ്യിച്ചത് ഞാനല്ല!
പ്രധാനമന്ത്രി: (ചിരി)
കുല്‍ദീപ് യാദവ്: നമ്മള്‍ എന്തെങ്കിലും (സെലിബ്രേഷന്‍ ആക്റ്റ്) ചെയ്യണം എന്ന് രോഹിത് എന്നോട് പറഞ്ഞപ്പോള്‍ ഞാന്‍ ഒരു നിര്‍ദ്ദേശം നല്‍കി, പക്ഷേ ഞാന്‍ പറഞ്ഞതുപോലെ അദ്ദേഹം അത് ചെയ്തില്ല.
പ്രധാനമന്ത്രി: അപ്പോള്‍ പരാതിയുണ്ടോ?
പ്രധാനമന്ത്രി: 2007ലെ ഏറ്റവും പ്രായം കുറഞ്ഞ കളിക്കാരന്‍, ഇപ്പോള്‍ 2024ല്‍ വിജയിച്ച ടീമിന്റെ ക്യാപ്റ്റന്‍... നിങ്ങളുടെ അനുഭവം എങ്ങനെയായിരുന്നു?
രോഹിത് ശര്‍മ്മ: സാര്‍, സത്യം പറഞ്ഞാല്‍, 2007ല്‍ ഞാന്‍ ആദ്യമായി ടീമില്‍ ചേരുമ്പോള്‍ ഞങ്ങള്‍ രാഹുല്‍ ഭായ് ക്യാപ്റ്റനായിരുന്ന അയര്‍ലന്‍ഡ് പര്യടനം നടത്തി. അതിനു ശേഷം ഞങ്ങള്‍ നേരെ പോയത് ലോകകപ്പിനായി ദക്ഷിണാഫ്രിക്കയിലേക്ക്. അവിടെ ഞങ്ങള്‍ ലോകകപ്പ് നേടി. ഞങ്ങള്‍ ഇന്ത്യയില്‍ തിരിച്ചെത്തിയപ്പോള്‍, മുംബൈക്കാരെല്ലാം തെരുവിലായതിനാല്‍ എയര്‍പോര്‍ട്ടില്‍ നിന്ന് വാങ്കഡെ സ്‌റ്റേഡിയത്തിലെത്താന്‍ ഞങ്ങള്‍ക്ക് അഞ്ച് മണിക്കൂര്‍ എടുത്തു. ലോകകപ്പ് നേടുന്നത് എളുപ്പമാണെന്നാണ് അന്ന് ഞാന്‍ കരുതിയത്. വര്‍ഷങ്ങളായി, ഞങ്ങള്‍ പലപ്പോഴും അടുത്തെത്തിയെങ്കിലും ലോകകപ്പ് നേടാനായില്ല. ഈ ലോകകപ്പിനായി, ടീം കളിക്കാര്‍ക്കിടയില്‍ നിരാശയും പട്ടിണിയും ഉണ്ടായിരുന്നുവെന്ന് എനിക്ക് ആത്മവിശ്വാസത്തോടെ പറയാന്‍ കഴിയും. ഞങ്ങള്‍ വെസ്റ്റ് ഇന്‍ഡീസിലേക്ക് പോകുമ്പോള്‍, നിരവധി വെല്ലുവിളികള്‍ ഉണ്ടായിരുന്നു, പ്രത്യേകിച്ചും ന്യൂയോര്‍ക്കില്‍ ആദ്യമായി ക്രിക്കറ്റ് കളിക്കുന്നത്, പരിശീലന ഗ്രൗണ്ടുകള്‍ നല്ലതല്ല. എന്നാല്‍ ടീം അംഗങ്ങള്‍ ആരും അതില്‍ ശ്രദ്ധിച്ചില്ല; ബാര്‍ബഡോസില്‍ എങ്ങനെ ഫൈനല്‍ കളിക്കാം എന്നതില്‍ മാത്രമാണ് അവര്‍ ശ്രദ്ധ കേന്ദ്രീകരിച്ചിരുന്നത്. 'എങ്ങനെ ജയിക്കും?' ആളുകളുടെ മുഖത്ത് ധാരാളം പുഞ്ചിരികള്‍ കാണുമ്പോള്‍, ഇന്ത്യന്‍ പതാകയും വഹിച്ചും, രാത്രി ഏറെ വൈകിയും തെരുവിലൂടെ നടക്കുന്നത് കാണുമ്പോള്‍, അളവറ്റ സന്തോഷം തോന്നുന്നു. രാഹുല്‍ ഭായ്, സച്ചിന്‍ ടെണ്ടുല്‍ക്കര്‍, സൗരവ് ഗാംഗുലി, ലക്ഷ്മണ്‍ എന്നിവര്‍ നമ്മെ പ്രചോദിപ്പിച്ചതുപോലെ വരും തലമുറയെ പ്രചോദിപ്പിക്കുകയാണ് ഞങ്ങളുടെ ലക്ഷ്യം. ആ പ്രചോദനം പകരാന്‍ ഞങ്ങള്‍ക്ക് ഉത്തരവാദിത്തമുണ്ട്, ഈ ലോകകപ്പ് വിജയത്തോടെ, വരും തലമുറയ്ക്ക് ആ ആവേശം ഉണ്ടാകുമെന്ന് എനിക്ക് ഉറപ്പുണ്ട്.
പ്രധാനമന്ത്രി: രോഹിത്, നിങ്ങള്‍ എല്ലായ്‌പ്പോഴും വളരെ ഗൗരവമുള്ളയാളാണോ?
രോഹിത് ശര്‍മ്മ: സര്‍, യഥാര്‍ത്ഥത്തില്‍, ടീം അംഗങ്ങള്‍ക്ക് മാത്രമേ നിങ്ങളോട് അത് പറയാന്‍ കഴിയൂ.
പ്രധാനമന്ത്രി: എല്ലാ മത്സരങ്ങളും വിജയിച്ചതിന് അഭിനന്ദനങ്ങള്‍! ഇത്തവണ, നിരവധി പുതിയ രാജ്യങ്ങള്‍ ചേരുന്നതിനാല്‍, പങ്കാളികള്‍ പോലും കൂടുതലായിരുന്നു. ക്രിക്കറ്റില്‍, കളിക്കുന്നവര്‍ തുടര്‍ച്ചയായി കഠിനാധ്വാനം ചെയ്യുന്നതിനാല്‍ അവരുടെ നേട്ടങ്ങളുടെ മഹത്വം പലപ്പോഴും തിരിച്ചറിയുന്നില്ല. രാജ്യത്തെ സ്വാധീനം വളരെ പ്രധാനമാണ്, എന്നാല്‍ ഇന്ത്യന്‍ ക്രിക്കറ്റിന് സവിശേഷമായ ഒരു സ്വഭാവമുണ്ട്. ഇന്ത്യയുടെ ക്രിക്കറ്റ് യാത്ര അവിശ്വസനീയമാം വിധം വിജയിച്ചു, അത് മറ്റ് കായിക വിനോദങ്ങള്‍ക്കും പ്രചോദനം നല്‍കാന്‍ തുടങ്ങി. മറ്റ് കായിക ഇനങ്ങളിലെ കായികതാരങ്ങള്‍ ഇപ്പോള്‍ ചിന്തിക്കുന്നത്, 'ക്രിക്കറ്റില്‍ ഇത്തരമൊരു കാര്യം സംഭവിക്കുകയാണെങ്കില്‍, എന്തുകൊണ്ട് നമ്മുടെ കായികരംഗത്ത് അത് സംഭവിക്കുന്നില്ല?' നിങ്ങളിലൂടെ ചെയ്യുന്ന മഹത്തായ സേവനമാണിത്. നമ്മെയും രാജ്യത്തിന്റെയും പുരോഗതിക്കായി, നമ്മുടെ പതാകയുടെ മഹത്വം ലോകമെമ്പാടും ഉയര്‍ത്താന്‍ ലക്ഷ്യമിട്ട് എല്ലാ കായിക ഇനങ്ങളിലും ഒരേ മനോഭാവം വളര്‍ത്തിയെടുക്കണം. ഇന്ന്, രാജ്യത്തുടനീളം, ചെറിയ ഗ്രാമങ്ങളില്‍ നിന്നും ടയര്‍ 2, ടയര്‍ 3 നഗരങ്ങളില്‍ നിന്നും പ്രതിഭകള്‍ കണ്ടെത്തുന്നു. മുമ്പ്, പ്രതിഭകള്‍ കൂടുതലും വന്‍ നഗരങ്ങളില്‍ നിന്നും പ്രധാന ക്ലബ്ബുകളില്‍ നിന്നും വന്നിരുന്നു, എന്നാല്‍ ഇപ്പോള്‍, നിങ്ങളുടെ ടീമിലെ പകുതിയിലധികം അംഗങ്ങളും ചെറിയ സ്ഥലങ്ങളില്‍ നിന്നുള്ളവരാണ്. ഇതാണ് വിജയത്തിന്റെ യഥാര്‍ത്ഥ പ്രതിഫലനം, അതിന്റെ ഫലങ്ങള്‍ ദീര്‍ഘകാലം നിലനില്‍ക്കുന്നതാണ്. അഫ്ഗാനിസ്ഥാന് മന്ത്രിയുടെ പ്രസ്താവന വളരെ രസകരമായിരുന്നു. ദക്ഷിണാഫ്രിക്കയ്‌ക്കൊപ്പം കളിക്കാന്‍ അഫ്ഗാനിസ്ഥാന് അവസരം ലഭിച്ചിരുന്നു. അത് അവര്‍ക്ക് വിജയകരമായ ഒരു യാത്രയായിരുന്നുവെങ്കിലും അവര്‍ അതിന്റെ ക്രെഡിറ്റ് ഇന്ത്യക്ക് നല്‍കി. അഫ്ഗാനിസ്ഥാന്റെ ക്രിക്കറ്റ് പുരോഗതിക്ക് ഇന്ത്യയെ ക്രെഡിറ്റു നല്‍കിയ അഫ്ഗാനിസ്ഥാന് മന്ത്രി, ഇന്ത്യക്കാര്‍ അവരുടെ കളിക്കാരെ തയ്യാറാക്കിയതായും പറഞ്ഞു.
പ്രധാനമന്ത്രി: നിങ്ങള്‍ എല്ലാവരും രാഹുലിനെ 20 വയസ്സ് ചെറുപ്പമാക്കി.
രാഹുല്‍ ദ്രാവിഡ്: ഇല്ല, ക്രെഡിറ്റ് ഈ ആണ്‍കുട്ടികള്‍ക്കാണ്. ഞാന്‍ ഒരു കളിക്കാരനും പരിശീലകനുമായിരുന്നു. അതിനാല്‍, അവരെ പിന്തുണയ്ക്കാന്‍ മാത്രമേ കഴിയൂ എന്ന് ഞാന്‍ എപ്പോഴും പറയാറുണ്ട്. ഈ ടൂര്‍ണമെന്റില്‍ ഞാന്‍ ഒരു റണ്‍ പോലും നേടിയിട്ടില്ല, ഒരു വിക്കറ്റ് പോലും നേടിയിട്ടില്ല. വളരെ കഠിനാധ്വാനം ചെയ്യുന്ന മറ്റ് പരിശീലകര്‍ ഉള്‍പ്പെടെ ഒരു മുഴുവന്‍ സപ്പോര്‍ട്ട് സ്റ്റാഫ് ടീമും ഞങ്ങള്‍ക്കുണ്ട്. നമുക്കെല്ലാവര്‍ക്കും ടീമിനെ പിന്തുണയ്ക്കാന്‍ മാത്രമേ കഴിയൂ. സമ്മര്‍ദ്ദ സാഹചര്യങ്ങളില്‍, വിരാട്, ബുംറ, ഹാര്‍ദിക് അല്ലെങ്കില്‍ രോഹിത് തുടങ്ങിയ കളിക്കാര്‍ പ്രകടനം നടത്തേണ്ടിവരുമ്പോള്‍, ഞങ്ങള്‍ക്ക് അവരെ പിന്തുണയ്ക്കാനും അവര്‍ക്ക് ആവശ്യമുള്ളത് നല്‍കാനും മാത്രമേ കഴിയൂ. എന്നാല്‍ അവരാണ് യഥാര്‍ത്ഥത്തില്‍ ഫീല്‍ഡില്‍ പ്രകടനം നടത്തുന്നത്. ക്രെഡിറ്റ് പൂര്‍ണ്ണമായും അവര്‍ക്കാണ്. അവര്‍ എനിക്ക് ഇത്രയും മനോഹരമായ ഒരു അനുഭവം തന്നതില്‍ ഞാന്‍ അങ്ങേയറ്റം നന്ദിയുള്ളവനും സന്തുഷ്ടനുമാണ്. ഈ ടൂര്‍ണമെന്റിലെ ടീം സ്പിരിറ്റ് മികച്ചതായിരുന്നു. കളിച്ച പതിനൊന്ന് കളിക്കാരില്‍ പോലും നാല് ആണ്‍കുട്ടികള്‍ പുറത്തായിരുന്നു. മുഹമ്മദ് സിറാജ് ആദ്യ മൂന്ന് മത്സരങ്ങളും കളിച്ചു, എന്നാല്‍ യുഎസ്എയില്‍ ഞങ്ങള്‍ ഒരു എക്‌സ്ട്രാ ഫാസ്റ്റ് ബൗളറുടെ കൂടെയാണ് കളിച്ചത്. അതിനാല്‍, ടൂര്‍ണമെന്റില്‍ മൂന്ന് മത്സരങ്ങള്‍ മാത്രമാണ് അദ്ദേഹം കളിച്ചത്. ഞങ്ങളുടെ ടീമിലെ മൂന്ന് ആണ്‍കുട്ടികള്‍ ഒരു മത്സരം പോലും കളിച്ചിട്ടില്ല: സഞ്ജു, യുസ്വേന്ദ്ര ചാഹല്‍, യശസ്വി ജയ്‌സ്വാള്‍. കളിച്ചില്ലെങ്കിലും അവര്‍ വലിയ ആവേശം കാത്തുസൂക്ഷിച്ചു, ഒരിക്കലും താഴേക്ക് നോക്കിയില്ല. അവര്‍ക്ക് ഒരിക്കലും നിരാശ തോന്നിയില്ല. ഇത് ഞങ്ങള്‍ക്കും ഞങ്ങളുടെ ടീമിനും വളരെ പ്രധാനപ്പെട്ടതായിരുന്നു. അതിനാല്‍, ഈ മനോഭാവം ഞങ്ങളുടെ ടീമിന് നിര്‍ണായകമായിരുന്നു, അവരുടെ ആവേശത്തെ ഞാന്‍ വളരെയധികം പ്രശംസിക്കുന്നു.
പ്രധാനമന്ത്രി: ഒരു പരിശീലകനെന്ന നിലയില്‍ നിങ്ങള്‍ മുഴുവന്‍ ടീമിനെയും ശ്രദ്ധിക്കുന്നതില്‍ ഞാന്‍ അഭിനന്ദിക്കുന്നു. മൈതാനത്ത് കാണാത്തവര്‍ പോലും കാര്യമായ സംഭാവന നല്‍കുന്നുവെന്ന് നിങ്ങളുടെ വാക്കുകള്‍ കേള്‍ക്കുന്ന ആര്‍ക്കും മനസ്സിലാകും. അത്തരമൊരു ശക്തമായ ടീം സ്പിരിറ്റ് വിജയത്തിന് അത്യന്താപേക്ഷിതമാണ്. എന്നാല്‍ രാഹുല്‍, 2028ല്‍ യു.എസ്.എയില്‍ നടക്കുന്ന ഒളിമ്പിക്‌സിനെക്കുറിച്ചുള്ള നിങ്ങളുടെ ചിന്തകള്‍ അറിയാന്‍ ഞാന്‍ ആഗ്രഹിക്കുന്നു, അവിടെ ഇപ്പോള്‍ ക്രിക്കറ്റ് ഉള്‍പ്പെടുത്തിയിട്ടുണ്ട്. ലോകകപ്പിനേക്കാള്‍ കൂടുതല്‍ ശ്രദ്ധ ഒളിമ്പിക്‌സിലായിരിക്കുമെന്ന് ഞാന്‍ വിശ്വസിക്കുന്നു. ഇന്ത്യാ ഗവണ്‍മെന്റോ ക്രിക്കറ്റ് ബോര്‍ഡോ വ്യക്തികള്‍ എന്ന നിലയില്‍ നിങ്ങളോ ഒളിമ്പിക്‌സിന് തയ്യാറെടുക്കുകയാണെങ്കില്‍, നിങ്ങളുടെ പ്രതികരണം എന്തായിരിക്കും?
രാഹുല്‍ ദ്രാവിഡ്: തീര്‍ച്ചയായും മോദിജി, ഒളിമ്പിക്‌സില്‍ കളിക്കുക എന്നത് ക്രിക്കറ്റ് കളിക്കാര്‍ക്ക് പരമ്പരാഗതമായി ലഭിച്ച ഒരു അവസരമല്ല, കാരണം 2028ല്‍ ക്രിക്കറ്റ് ആദ്യമായി ഒളിമ്പിക്‌സില്‍ ഉള്‍പ്പെടുത്തും. ഇത് രാജ്യത്തിന്, ക്രിക്കറ്റ് ബോര്‍ഡിന് ഒരു സ്മാരക സംഭവമാകുമെന്ന് ഞാന്‍ കരുതുന്നു. , കളിക്കാരും നമ്മളും നന്നായി പ്രകടനം നടത്തണം. നിങ്ങള്‍ നേരത്തെ സൂചിപ്പിച്ചതുപോലെ, മറ്റ് കായിക ഇനങ്ങളോടൊപ്പം നില്‍ക്കാനുള്ള മികച്ച അവസരമാണിത്, അവിടെ നിരവധി മികച്ച കായികതാരങ്ങള്‍ നമ്മുടെ രാജ്യത്തിന് വലിയ അഭിമാനം നല്‍കുന്നു. ഒളിമ്പിക്‌സ് അത്തരമൊരു അഭിമാനകരമായ സംഭവമാണ്, കൂടാതെ ക്രിക്കറ്റ് ഉള്‍പ്പെടുത്തുന്നത് കായികരംഗത്തിന് വലിയ അഭിമാനമാണ്. ആ സമയത്ത് ബോര്‍ഡില്‍ ഉള്ളവര്‍, നമ്മുടെ ബിസിസിഐ, ടൂര്‍ണമെന്റിനായി സമഗ്രമായ തയ്യാറെടുപ്പുകള്‍ നടത്തുമെന്ന് എനിക്ക് ഉറപ്പുണ്ട്. രോഹിത്, വിരാട് തുടങ്ങിയ യുവതാരങ്ങള്‍ ഉള്‍പ്പെടെ ഈ ടീമിലെ നിരവധി ആണ്‍കുട്ടികള്‍ പങ്കെടുക്കുമെന്ന് ഞാന്‍ പ്രതീക്ഷിക്കുന്നു.
പ്രധാനമന്ത്രി: അതെ, 2028ഓടെ നിരവധി പുതുമുഖങ്ങള്‍ ഉണ്ടാകും!
രാഹുല്‍ ദ്രാവിഡ്: തീര്‍ച്ചയായും, 2028ഓടെ നമുക്ക് നിരവധി പുതിയ കളിക്കാരെ കാണാം. നമ്മുടെ ടീം കഠിനാധ്വാനം ചെയ്യുകയും സ്വര്‍ണ്ണം ലക്ഷ്യമാക്കുകയും ചെയ്യുമെന്ന് ഞാന്‍ പ്രതീക്ഷിക്കുന്നു, അത് അളവറ്റ ആനന്ദവും സന്തോഷവും നല്‍കും.
പ്രധാനമന്ത്രി: ഒരു വിജയത്തിനു ശേഷമുള്ള ആനന്ദക്കണ്ണീര്‍ കാണുമ്പോള്‍ തോല്‍വിയുടെ നിമിഷങ്ങള്‍ എത്ര കഠിനമായിരുന്നിരിക്കണം എന്ന് ഒരാള്‍ക്ക് മനസ്സിലാകും എന്ന് ഞാന്‍ മനസ്സിലാക്കുന്നു. ആ നഷ്ടത്തിന്റെ നിമിഷങ്ങളില്‍ ഒരു കളിക്കാരന്‍ സഹിക്കുന്ന വേദന ആളുകള്‍ക്ക് പലപ്പോഴും ഉള്‍ക്കൊള്ളാന്‍ കഴിയുന്നില്ല, ഇത്രയും ദൂരം പിന്നിട്ട് അടുത്തെത്തുമ്പോള്‍ വീഴുന്നത്. തോല്‍വിയിലൂടെയുള്ള യാത്ര എത്ര ക്ലേശകരമായിരുന്നുവെന്ന് വിജയത്തിന്റെ സന്തോഷം എടുത്തുകാണിക്കുന്നു. ഇതെല്ലാം നേരിട്ടു കണ്ടു, നിങ്ങള്‍ അതിനെ മറികടക്കുമെന്ന് എനിക്ക് ആത്മവിശ്വാസം തോന്നി. ഇന്ന്, നിങ്ങള്‍ അത് ശരിക്കും ചെയ്തുവെന്ന് എനിക്ക് കാണാനാകും. നിങ്ങള്‍ക്കെല്ലാവര്‍ക്കും അഭിനന്ദനങ്ങള്‍!
NS
(Release ID: 2044107)
Visitor Counter : 21
Read this release in:
English
,
Urdu
,
Marathi
,
Hindi
,
Hindi_MP
,
Bengali
,
Manipuri
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada