আয়ুশ্মান ভারত প্রধান মন্ত্রী - জন আরোগ্য য়োজনা (এ.বি. পি.এম.-জে.এ.ৱাই.) না ভারতকী মীশিং অসিগী মখাদা লৈরিবা 40% ওইরিবা ইমুং  করোর 12.34গী কান্নবা ফংলবা মীওই করোর 55রোমদা সেকেন্দরী অমসুং তর্সিয়রী কেয়র হোস্পিতেলাইজেসনগীদমক চহি অমদা ইমুং অমদা লুপা লাখ 5গী হেল্থ কভর পীনবা পান্দম থম্লি।

এ.বি. পি.এম.-জে.এ.ৱাই.গী মখাদা আয়ুশ পেকেজশিং য়াওহন্নবা ৱাফম থমখ্রে। হীরম অসিগী মতাংদা, এন.ঐচ.এ. অমসুং আয়ুশ মন্ত্রালয়, ভারত সরকারগী মরক্তা মীফমশিং পাংথোকখ্রে। মীফমশিং অসিদা এ.বি. পি.এম.-জে.এ.ৱাই. ইমপ্লিমেন্তিং স্তেতশিং/য়ু.তি.শিং য়াওনা স্তেকহোল্দরশিংগা হেন্না পাক শন্না খন্ন-নৈনখ্রে। মখা তানা, পেকেজ দিজাইন, পেকেজ কোস্ত, আয়ুশ হোস্পিতালদা ওন-বোর্দিং তৌবা, স্তেন্দর্দ ত্রিৎমেন্ত গাইদলাইনশিং (এস.তি.জি.), ওবজেক্তিব ওইনা ৱাহন্থোক পীবা ত্রিৎমেন্তকী মহৈশিং, শেলগী ওইবা ইম্প্লিকেসনশিং অসিনচিংবা য়াওনা আয়ুশ পেকেজ ইন্তিগ্রেসনগী তোঙান তোঙানবা হিরমশিংদা খন্ন-নৈনরি।

(i) সেন্ত্রেল গবর্নমেন্ত হেল্থ স্কিম (সি.জি.ঐচ.এস.) দা মিং চনখ্রবা সেন্ত্রেল গবর্নমেন্ত ইমপ্লোয়ীশিং অমসুং পেন্সনরশিংনা এলোপেথিক অমসুং আয়ুশ, হায়বদি, আয়ুর্বেদ, য়োগ অমসুং নেচরোপেথি, উনানী, সিদ্ধ অমসুং হোমিওপেথি সিস্তেম ওফ মেদিসিনগী খুত্থাংদা হকশেলগী সর্ভিসশিং ফংহল্লি। হৌজিক্কী ওইনা, সি.জি.ঐচ.এস.না ভারত্তা আয়ুশ ৱেলনেস সেন্তর 110 অমসুং আয়ুর্বেদিক হোস্পিতাল অমা চলাইরি। মসিগী মথক্তা, য়োগগী ইন্তর্নি 20না আয়ুশ মন্ত্রালয়গী মখাদা লৈবা মোরাজী দেশাই নেস্নেল ইন্সতিত্যুৎ ওফ য়োগ (এম.দি.এন.আই.ৱাই.) গা খুৎশম্নদুনা তোঙান তোঙানবা সি.জি.ঐচ.এস. ৱেলনেস সেন্তরশিংদা বেনিফিসরীশিংদা য়োগগী কন্সল্তেসন পীরি।

হৌজিক্কী ওইনা, সি.জি.ঐচ.এস.না দিল্লী/এন.সি.আর.দা এম্পানেলেদ আয়ুশ দে কেয়র থেরাপী সেন্তর 54 অমসুং লৈবাক শীনবা থুংনা এম্পানেলেদ আই.পি.দি. (ইন-পেসেন্ত দিপার্তমেন্ত) আয়ুশ হেল্থ কেয়র ওর্গনাইজেসন (ঐচ.সি.ও.) 45 লৈরে। হায়রিবা ফেসিলিতীশিং অসিনা সি.জি.ঐচ.এস.না অয়াবা পীরবা প্রোসিদ্যুরশিং অমসুং রেৎশিংগী মতুং ইন্না আয়ুর্বেদা, য়োগ অমসুং নেচরোপেথি, য়ুনানি অমসুং সিদ্ধা সিস্তেম ওফ মেদিসিনদা সি.জি.ঐচ.এস.গী বেনিফিসরীশিংগীদমক কমপ্রেহেন্সিব হেল্থ কেয়র ফংহল্লি।

মসিগী নেতৱার্ক অসিনা কেন্দ্র সরকারগী এমপ্লোয়ীশিং অমসুং সি.জি.ঐচ.এস.গী মখাদা পেন্সনরশিংগী হোলিস্তিক হেল্থকী মথৌ তাবশিং ফংহন্নবা আয়ুশ সিস্তেম য়াওনা তোঙান তোঙানবা হেল্থকেয়রগী ওপশনশিং ফংহন্নবা সরকারগী অচেৎপা ফিরেপ অদু উৎলি।

(ii) আয়ুশ মন্ত্রালয়না এফ.ৱাই. 2021-22দগী আয়ুর্স্ৱস্থ্যা য়োজনাগী সেন্ত্রেল সেক্তর স্কিম অমা ইমপ্লিমেন্ত তৌখ্রে। স্কিম অসিদা কম্পোনেন্ত 02 লৈ, মখোয় অদুদি:-

(a) আয়ুশ অমসুং পব্লিক হেল্থ

(b) সেন্তর ওফ এক্সিলেন্স (সি.ও.ই.)

আয়ুশ অমসুং পব্লিক হেল্থ কম্পোনেন্তকী আয়ুশ হিদাকশিং য়েন্থোকপগী প্রোভিজন লৈ অমসুং খুঙ্গংগী মফমশিংদা, ত্রাইবেল পোপুলেসন অমসুং সহরশিংদা লৈবা স্লমশিংদা ফ্রী মেদিকেল কেম্পশিং পাংথোক্লি। কম্পোনেন্ত অসিগী মখাদা কোনশিনগদবা মীশিং অসি য়ামদ্রবদা লাখ 1.5 ওইগনি। মেদিকেল ইন্তরেক্সনগী খুদোংচাবা য়ামদ্রবদা মীওই 1000দা ফংহনগদবনি।

iii) পব্লিক হেল্থ অসি স্তেৎকী হীরম অমা ওইবনা, আয়ুশকী লাইয়েং ফংহনবগী মরুওইবা থৌদাং অসি রাজ্য/য়ু.তি. অদুম ওইনমক, আয়ুশ মন্ত্রালয়না রাজ্য/য়ু.তি. সরকারশিংগী খুত্থাংদা নেস্নেল আয়ুশ মিসন (এন.এ.এম.) গী সেন্ত্রেল্লি স্পোন্সর তৌরবা স্কিম অসি আয়ুশ সিস্তেম চাউখৎহন্নবা অমসুং প্রমোৎ তৌনবা অমসুং এন.এ.এম.গী গাইদলাইনশিংগী মতুং ইন্না তোঙান তোঙানবা থবক থৌরমশিংগী মখাদা আয়ুশ সিস্তেমগী হিদাক-লাংথকশিংগী খুত্থাংদা কম্ম্যুনিতীদা লায়েংবগী খুদোংচাবশিং ফংহন্নবা মখোয়গী হোৎনবদা মতেং পাংনবা থবক পায়খৎলি। মিসন অসিনা মখাদা পীরিবশিং অসিগী মরক্তা খংহল্লি: -

• হৌজিক লৈরিবা আয়ুশ দিসপেনসরীশিং অমসুং হেল্থ সব-সেন্তরশিং অপগ্রেদ তৌদুনা আয়ুশ্মান আরোগ্য মন্দির (আয়ুশ) মথৌ তৌহনবা।
• প্রাইমরী হেল্থ সেন্তরশিং (পি.ঐচ.সি.শিং), কম্ম্যুনিতী হেল্থ সেন্তরশিং (সি.ঐচ.সি.শিং) অমসুং দিস্ত্রিক্ত হোস্পিতালশিংদা (দি.ঐচ.শিং) আয়ুশ ফেসিলিতীশিং কো-লোকেসন তৌবা।
• গবর্নমেন্ত আয়ুশ হোস্পিতালশিং, গবর্নমেন্ত দিসপেন্সরীশিং অমসুং গবর্নমেন্ত/গবর্নমেন্তনা মতেং পাংলিবা ত্রেনিং ইন্সতিত্যুস্নেল আয়ুশ হোস্পিতালশিংদা তঙাই ফদবা হিদাক-লাংথকশিং সপ্লাই তৌবা।
• হৌজিক লৈরিবা স্তেন্দ এলোন্স গবর্নমেন্ত আয়ুশ হোস্পিতালশিং অপগ্রেদ তৌবা
• হৌজিক লৈরিবা সরকার/ পঞ্চায়ত/ সরকারনা মতেং পাংলিবা আয়ুশ দিসপেন্সরীশিং অপগ্রেদ তৌবা/ হৌজিক লৈরিবা আয়ুশ দিসপেন্সরীশিংগীদমক বিলদিং শাগৎপা (রিতেৎ তৌরবা/ ফৎলবা য়ুম) / অনৌবা আয়ুশ দিসপেন্সরী লিংখৎনবা বিলদিং শাগৎপা
• ফমুং 50/30/10 লৈবা ইন্তিগ্রেতেদ আয়ুশ হোস্পিতালশিং শেমগৎপা।
• আয়ুশ পব্লিক হেল্থ প্রোগ্রামশিং
• রাজ্যশিংদা অনৌবা অয়ুশ কোলেজশিং লিংখৎপা।
• অয়ুশ অন্দর-গ্রেজুয়েত ইন্সতিত্যুসনশিংগী ইনফ্রাস্ত্রকচর দিবেলপমেন্ত
• আয়ুশ পোস্ত-গ্রেজুয়েত ইন্সতিত্যুসনশিংগী ইনফ্রাস্ত্রকচর দিবেলপমেন্ত/পি.জি./ফার্মাসী/পেরা মেদিকেল কোর্স হাপচিনবা

রাজ্য/য়ু.তি. সরকারশিংনা এন.এ.এম. গাইদলাইনগী প্রোভিজনশিংগী মতুং ইন্না স্তেত এন্যুয়েল এক্সন প্লান (এস.এ.এ.পি.) গী খুত্থাংদা প্রপোজেলশিং অদু সবমিট তৌদুনা শেলগী তেংবাং অদু ফংবা য়াই।

মসিগী পাউ অসি লোক সভাদা ঙসি ৱাহং অমগী অইবা পাউখুম ওইনা আয়ুশকী রাজ্য মন্ত্রী (আই.সি.) শ্রী প্রতাপরাও যাদবনা পীখি।

***