ইনফোর্মেসন অমসুং ব্রোদকাস্তিং মন্ত্রালয়
সি.বি.এফ.সি. হেদক্বার্তর্স, মুম্বাইনা গাইদলাইন্স ওফ এসেসিবিলিতী স্তেন্দর্দ্সকী মরমদা ৱর্কসোপ পাঙথোকখ্রে
ৱর্কসোপ্না স্তেকহোল্দরশিংবু এসেসিবিলিতী স্তেন্দর্দ্স গাইদলাইন্সকী মতুং ইন্না লৈরিবা প্রোভিজন অমসুং মেন্দেতেদ চেঞ্জসকী মরমদা ৱাখল তাহনখ্রে
Posted On:
09 AUG 2024 5:15PM by PIB Imphal
ইনফোর্মেসন অমসুং ব্রোদকাস্তিং মন্ত্রালয় (এম.আই.বি.)না ১৫.০৩.২০২৪দা তাবা অমদি উবা মপুং ফানা ঙমদ্রবা মীওইশিংগীদমক সিনেমা থিএতরশিংদা ফীচর ফিল্মশিং মীয়ামদা উৎপগী মতাঙদা গাইদলাইন্স ওফ এসেসিবিলিতী স্তেন্দর্দ্স থোকখ্রে।
হীরম অসিগী মতাঙদা, সি.বি.এফ.সি. হেদক্বার্তর্স, মুম্বাইদা ০৯.০৮.২০২৪দা স্তেকহোল্দরশিংগা লোয়ননা চৎন-কাঙলোনশিংসিগী ৱাফমশিং অমদি চৎন-কাঙলোনশিংসিগী মতুং ইন্না মথৌ তাবা অহোংবশিংগী মরমদা মখোয়দা খঙহন্নবীদমক ৱর্কসোপ অমা পাঙথোকখ্রে। ৱর্কসোপ অদুদা শ্রী প্রাসুন জোসী, চেয়রপর্সন, সি.বি.এফ.সি., মিস ব্রুন্দা মনোহর দেসাই, জোইন্ত সেক্রেতরী (ফিল্ম), শ্রী রাজেন্দ্র সিংহ, সি.ই.ও. সি.বি.এফ.সি. লোয়ননা সি.বি.এফ.সি.গী ওফিসরশিং, প্রদ্যুসর্স এসোসিএসনশিংগী মীহুৎশিং, তাবা অমসুং উবা নিংথিনা ঙমদ্রবশিংগীদমক থবক তৌরিবা এক্তিভিস্তশিং অমসুং সিনেমা থিএতরশিংগী এসোসিএসনশিংনা শরুক য়াখি। চেয়রপর্সন (সি.বি.এফ.সি.)না হায়রিবা চৎন-কাঙলোনশিং অসি চৎনহনবগী মরুওইবা অমদি মথৌ তাবশিংগী মরমদা পাউদমখি।
ৱর্কসোপ অদুদা, চৎন-কাঙলোনগী মতুং ইন্না, কম্মর্সিএল থিএত্রিকেল রীলিজকীদমক ফিল্মশিংগী সর্তিফিকেসনগী এপ্লিকেসনশিং থারক্লিবা মীওইশিংনা মখাদা পীরিবা সিদ্যুলশিংসিগী মতুং ইন্না মখোয়গী ফিল্মগী এসেস-সর্ভিস শিন লাঙগদবনি হায়বা ৱাফম থমখি।
ক. লোল অমদগী হেন্না সর্তিফাইত তৌগদবা ফীচর ফিল্ম পুম্নমক্না তাবা অমদি উবা নিংথিনা ঙমদ্রবা মীওইশিংগী এসেসিবিলিতী ফীচরশিং হায়বদি, ক্লোজ কেপসনিং (সি.সি.)/ ওপন কেপসনিং (ও.সি.) অমসুং ওদিও দেসক্রিপ্সন (এ.দি.) হায়রিবশিংসিদগী য়ামদ্রবদা অমা, হায়রিবা চৎন-কাঙলোনশিং অসি চৎনবা হৌখিবা নুমিত্তগী হায়বদি ১৫.০৯.২০২৪দগী থা ৬কী মনুংদা পীবা মথৌ তাগনি।
খ. নেস্নেল ফিল্ম এৱার্দ অমসুং ইন্তরনেস্নেল ফিল্ম ফেস্তিবেল ওফ ইন্দিয়া, গোৱা অমদি ইনফোর্মেসন অমসুং ব্রোদকাস্তিং মন্ত্রালয়না পাঙথোকপা অতৈ ফিল্ম ফেস্তিবেলশিংগী ইন্দিয়ন পেনোরমা সেক্সন্দা শরুক য়ানবগীদমক থাজিল্লকপা ফীচর ফিল্মশিং, জনুৱারী ১, ২০২৫দগী হৌরগা শুকশোয় শোয়দনা ক্লোজ কেপসনিং অমসুং ওদিও দেসক্রিপ্সন য়াওগদবনি।
গ. তীজর অমসুং ত্রেলরশিং অমদি থিএত্রিকে রীলিজকী (দিজিতেল ফীচর ফিল্মশিং) ওইবশিং য়াওনা সি.বি.এফ.সি.গী খুত্থাঙদা সর্তিফাই তবা অতৈ ফীচর ফিল্ম পুম্নমক ১৫.০৩.২০২৬তগী হৌনা শুকশোয় শোয়দনা সি.সি./ও.সি. অমদি এ.দি.গী এসেসিবিলিতী ফীচরশিং হাপ্পা মথৌ তারে।
এসেসিবিলিতী স্তেন্দর্দশিং চৎনহন্বগী থৌওং য়েংশিন্নবা অমদি লমজিং পীননবা তাবা/উবা মতুং ফানা ঙমদ্রবা মীওইশিং অমদি ফিল্ম ইন্দস্ত্রীগী মীহুৎশিংনা মেম্বর তঙ্খায় ওইবা অখন্নবা কম্মিতী অঅমা ইনফোর্মেসন অমদি ব্রোদকাসস্তিং মন্ত্রালয়, ভারত লৈঙাক্না হাপখ্রে হায়বা ৱাফমসু পাউদমখি।
থৌরাং অসি, ফিল্মগী এক্সেস য়াওনা ইনফোর্মেসন অমসুং কম্ম্যুনিকেসন্দা পুম্নমক্কী ওইবা এক্সেস অমসুং ইনক্লুজন য়োকখৎনবা লৈঙাক্কী থবক থৌওংশিং চৎনহল্লিবা রাইতস ওফ পর্সন্স ৱিথ দিসএবিলিতিজ ,ক্ত, ২০১৬ (আর.পি.দব্লিউ.দি. এক্ত) অসিগী পরিংদসু চৎলি।
***
(Release ID: 2044027)
Visitor Counter : 12