লৈঙাক্না ২০২৭-২৮ ফাওবগী চহি তরেৎকী ওইনা লুপা করোর ৪,৪৪৫গা লোয়ননা প্লগ এন্দ প্লে ফেসিলিতী য়াওনা মালেমগী থাক্কী ইনফ্রাস্ত্রকচর য়াওবা পি.এম. মেগা ইন্তিগ্রেতেদ তেক্সতাইল রীজন এন্দ এপ্পরেল (পি.এম. মিত্র) পার্ক ৭ (তরেৎ) গ্রীনফীল্দ/ব্রাউনফীল্দ মফমশিংদা লিংখৎনবা অয়াবা পীখ্রে‍। লৈঙাক্না পি.এম. মিত্র পার্ক লিংখৎনবা তামিল নাদু (বিরুধনগর), তেলঙ্গনা (ৱারঙ্গল), গুজরাত (নবসারী), কর্নাতকা (কালাবুরাগী), মধ্য প্রদেশ (ধার), উত্তর প্রদেশ (লখনৌ), মহারাস্ত্র (অম্রাবতী) হায়রিবা মফম ৭ অসি লেপথোক্লে‍।

হেক লোয়বগা, পার্ক খুদিংমক্না লুপা করোর ১০,০০০ রোমগী ইনভেস্তমেন্ত (মপান লমদগী অমসুং লৈবাকসিগী ওইবা অনিমক) পুরক্তুনা লমদমদুগী শেন্মিৎলোন অমসুং তেক্সতাইল ইকোসিস্তেমদা কান্নহনগনি হায়বগী মীৎয়েঙ থম্লি‍।

গুজরাত, তামিল নাদু, কর্নাতকা, মধ্য প্রদেশ অমসুং উত্তর প্রদেশ হায়রিবা গ্রীনফীল্দ মফম ৫ মক্কী স্পিসিএল পর্পজ ভেহিকল (এস.পি.ভি.) লিংখৎখ্রে‍। মহারাস্ত্র অমসুং তেলঙ্গনা হায়রিবা ব্রাউনফীল্দ মফমশিংগী ওইনা, হান্নদগী লৈরবা থবক পায়খৎপগী থৌওংশিং চৎন-কাঙলোনগী মতুং ইন্না মখা চত্থহন্বদা অয়াবা পীখ্রে‍।

পি.এম. মিত্র পার্ক স্কীমগী মখাদা, গ্রীনফীল্দ পি.এম. মিত্র অমসুং ব্রাউনফীল্দ পি.এম. পার্ক শেমগৎনবগীদমক, ভারত লৈঙাক্তগী গ্রীনফীল্দ অমসুং ব্রাউনফীল্দ পি.এম. মিত্র পার্কশিংগী মথঙশিৎনা পার্ক অমমমদা য়াম্লবদা লুপা করোর ৫০০ অমসুং লুপা করোর ২০০ ফাওবগী ওইবা মতেঙ পীদুনা কোর ইনফ্রাস্ত্রকচর শেমগৎনবগী প্রোজেক্ত কোস্তকী ৩০% ফাওবগী মতেঙ পীননবা দিভেলপমেন্ত কেপিতেল সপ্পোর্তগী ৱাফম অমসু লৈরি‍। মসিগী মথক্তা, ইন্দিভিজুএল য়ুনিৎশিংদা, পার্ক অমমমদা লুপা করোর ৩০০ ফাওবগী চাংদা অমদি স্কীমগী চৎন-কাঙলোনশিংগী মখা পোন্না পি.এম. মিত্র পার্কশিং লিংখৎপা হৌরকপগী মতমদা মেনুফেকচরিং য়ুনিৎশিং ইন্সেন্তিভাইজ তৌননবা পি.এম. মিত্রাগী মখাতা কম্পিতিতিব ইন্সেন্তিব সপ্পোর্ত (সি.আই.এস.) পীনবা ৱাফমসু লৈরি‍।

ৱাফম অসি তেক্সতাইলসকী কেন্দ্রগী রাজ্য মন্ত্রী, শ্রী পবিত্র মার্ঘেরিতানা ঙসি রাজ্য সভাদা অইবা পাউখুম ওইনা পীদুনা ফোঙদোকখিবনি‍।

***