বাইওফ্যুএলগী লমদা খ্বাইদগী নৌবা দিবেলপমেন্তশিংগা লোয়ননা ইনভেস্তমেন্ত হেন্না লাকহন্নবা, প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা ঙসি মোদিফাই তৌরবা প্রধান মন্ত্রী JI-VAN য়োজনা অয়াবা পীখ্রে।

শেমদোক্লবা স্কিম অসিনা স্কিম অসি চহি মঙা (5) দা হায়বদি 2028-29 ফাওবা চৎনহন্নবা মতম শাংদোক্লে অমসুং মাগী স্কোপ অসিদা লিগনোসেল্ল্যুলোসিক ফীদস্তোকশিংদগী পুথোকপা এদভান্স বাইওফ্যুএলশিং হায়বদি লৌউ-শিংউ অমসুং ফোরেস্ত্রী রেসিদ্যুশিং, ইন্দস্ত্রীএল ৱেস্ত, সিন্থেসিস (সিন) গ্যাস, অলগে অসিনচিংবা য়াওরি। 'বোল্ত ওন' প্লান্তশিং অমসুং 'ব্রাউনফিল্দ প্রোজেক্তশিং'সু মখোয়গী এক্সপিরিয়েন্স শীজিন্নবা অমসুং মখোয়গী ভাইএবিলিতী হেনগৎনবা ইলিজিবল ওইগনি।

তেক্নোলোজী কয়ামরুম অমসুং ফীদস্তোক কয়ামরুম প্রমোৎ তৌনবা সেক্তর অসিদা অনৌবা তেক্নোলোজীশিং অমসুং ইন্নোভেসনগী ওইবা প্রোজেক্ত প্রপোজেলশিংদা মরু ‌‌‌ওইনা লৌরি।

স্কিম অসিনা লৌমীশিংদা মখোয়গী লৌউ-শিংউগী লেমহৌরিবা পোৎলমশিংগীদমক্তা শেল পীবা, এনভাইর্নমেন্তেল পোলুসন কোকহনবা, লোকেলগী থবক ফংহন্নবা খুদোংচাবশিং ফংহনবা অমসুং ভারতকী ইনর্জী সেক্যুরিতী অমসুং মশা-মরোমদোম লেপচবদা মতেং পাংনবা পান্দম থম্লি। মসিনা এদভান্স বাইওফ্যুএল তেক্নোলোজীশিং শেমগৎপদা মতেং পাংই অমসুং মেক ইন ইন্দিয়া মিসনবু প্রমোৎ তৌই। মসিনা 2070 ফাওবদা নেৎ-জিরো GHG ইমিসনশিংগী ভারতকী অচৌবা পান্দম ফংহনবদা মতেংসু পাংলি।

ভারত সরকারগী প্রধান মন্ত্রী JI-VAN য়োজনাগী খুত্থাংদা এদভান্স বাইওফ্যুএলশিং প্রমোৎ তৌনবা ফিরেপ অসিনা ইনর্জী সেক্তর সস্তেনেবল অমসুং মরোমদোম লেপচবা ঙমহন্নবা কত্থোকপগী মমি তারি।

বেকগ্রাউন্দ:

সরকারনা ইথানোল ব্লেন্দদ পেত্রোল (EBP) প্রোগ্রামগী মখাদা পেত্রোলদা ইথানোল ব্লেন্দ তৌনবা প্রমোৎ তৌরি। মসিদা পব্লিক সেক্তর ওইল মার্কেতিং কম্পনীশিংনা ইথানোলগা ব্লেন্দ তৌরবা পেত্রোল য়োল্লি। EBP প্রোগ্রামগী মখাদা পেত্রোলগা লোয়ননা ইথানোল ব্লেন্দিং তৌবা অসি ইথানোল সপ্লাই ইয়র (ESY) 2013-14 দা লিতর করোর 38দগী ESY 2022-23দা লিতর করোর 500 হেনগৎখি। ব্লেন্দিং পর্সেন্তেজ অসি 1.53% দগী 12.06%দা হেনগৎখি। জুলাই, 2024দা ব্লেন্দিং পর্সেন্তেজ অসি 15.83% য়ৌখ্রে অমসুং হৌজিক চত্থরিবা ESY 2023-24দা অপুনবা ব্লেন্দিং পর্সেন্তেজ অসি 13% হেনখ্রে।

OMCশিংনা ESY 2025-26গী লোইশিল্লকপদা ব্লেন্দিং তার্গেৎ 20% য়ৌবা ঙমখি। ব্লেন্দিংগী 20%গী পান্দম ফংনবা হোৎনবদা  ESY 2025-26 গী মনুংদা ইথানোল লিতর করোর 1100 হেন্না মথৌ তাগনি হায়না পানরি। মসিগীদমক ইথানোল দিস্তিল্লেসন কেপাসিতী লিতর করোর 1750 অসি ব্লেন্দিংগী মথৌ তাবশিং থুংহন্নবা অমসুং অতোপ্পা শীজিন্নফমশিং (পোতেবল, কেমিকেল, ফার্মাস্যুতিকেল অসিনচিংবা) ফংনবা ইনস্তোল তৌবগী মথৌ তাই।

ইথানোল ব্লেন্দিংগী পান্দমশিং ফংনবা সরকারনা অতোপ্পা সোর্সশিং হায়বদি 2শুবা জেনরেসন (2G) ইথানোল (এদভান্স বাইওফ্যুএল) দা মীৎয়েং থম্লি। সেল্ল্যুলোসিস অমসুং লিগনোসেল্ল্যুলোসিস য়াওবা অহেনবা বাইওমাস/এগ্রিকলচরেল ৱেস্ত, ইন্দস্ত্রিএল ৱেস্ত অসিনচিংবা অসি এদভান্স বাইওফুএল তেক্নোলোজি শিজিন্নদুনা ইথানোলদা ওন্থোকপা য়াই।

লৈবাক অসিদা 2G ইথানোল কেপাসিতী পুক্নিং থৌগৎনবা অমসুং সেক্তর অসিদা ইনভেস্তমেন্ত লাকহন্নবগীদমক, “প্রধান মন্ত্রী JI-VAN (জৈব ইন্ধন- ভাতাবরন অনুকোল ফসল অৱাশেশ নিভরন) য়োজনা” অসি মার্চ 7, 2019দা 2G বাইও-ইথানোল প্রোজেক্তশিংদা শেলগী তেংবাং পীনবগীদমক নোতিফাই তৌখি।

স্কিম অসিগী মখাদা ইন্দিয়ন ওইল কোর্পোরেসন লিমিতেদনা হরিয়ানাগী পানিপত্ততা অহানবা 2G ইথানোল প্রোজেক্ত শঙ্গাখিবা অসি প্রধান মন্ত্রীনা ওগস্ত 10, 2022দা লৈবাক মীয়ামদা কত্থোকখি। BPCL, HPCL অমসুং NRL না মথংশিৎনা বরগর (ওরিশা), বাথিন্দা (পঞ্জাব) অমসুং নুমালিগর (অসম) দা লিংখৎলিবা অতোপ্পা 2G কম্মর্সিএল প্রোজেক্তশিংসু লোইশিল্লক্লি।

*****