প্ৰকল্প পৰী (ভাৰতীয় ৰাজহুৱা কলা) হৈছে ভাৰতৰ ৰাজহুৱা কলা দৃশ্য উদযাপন আৰু উন্নত কৰাৰ বাবে সংস্কৃতি মন্ত্ৰালয়ে আৰম্ভ কৰা এক পদক্ষেপ। ললিত কলা একাডেমী আৰু নেচনেল গেলেৰী অৱ মডাৰ্ণ আৰ্টৰ দ্বাৰা সম্পাদন কৰা এই প্ৰকল্পটো ২০২৪ বৰ্ষৰ ২১ৰ পৰা ৩১ জুলাইলৈ নতুন দিল্লীত অনুষ্ঠিত হোৱা ৪৬ সংখ্যক বিশ্ব ঐতিহ্য সমিতিৰ বৈঠকত মুকলি কৰা হয়। পৰী-ৰ লক্ষ্য হৈছে ৰাজহুৱা কলাৰ জৰিয়তে সংলাপ আৰু প্ৰতিফলন কঢ়িয়াই অনা যিয়ে সমসাময়িক বিষয়বস্তুৰ সৈতে ভাৰতৰ সমৃদ্ধ সাংস্কৃতিক ঐতিহ্যৰ সংমিশ্ৰণ কৰে।

বিভিন্ন বিষয়বস্তুৰ ওপৰত বিভিন্ন পৰম্পৰাগত আৰ্টফৰ্ম, দেৱাল চিত্ৰ, ভাস্কৰ্য আৰু স্থাপত্য যেনে ফাদ চিত্ৰ, থাংকা চিত্ৰ, ৱাৰ্লি কলা, গণ্ড আৰ্ট, আল্পন কলা, চেৰিয়াল চিত্ৰ, তাঞ্জোৰ চিত্ৰ, কলমকাৰী, পিথোৰা আৰ্ট, কেৰেলা মুৰলেছ আদি সৃষ্টি কৰিবলৈ ২০০ৰো অধিক দৃশ্যশিল্পী একত্ৰিত হৈছিল। এই প্ৰকল্পটোৱে কেৱল ভাৰতৰ নান্দনিক আৰু সাংস্কৃতিক বৈচিত্ৰ্যৰ ওপৰত আলোকপাত কৰাই নহয়, দিল্লীৰ দৃশ্য আৰু সাংস্কৃতিক দৃশ্যপট উন্নত কৰাৰ লগতে সম্প্ৰদায়সমূহৰ মাজত গৌৰৱৰ অনুভূতি সৃষ্টি কৰাত অৰিহণা যোগাব।

প্ৰকল্প পৰী হৈছে প্ৰতিভাশালী শিল্পীসকলক উৎসাহ প্ৰদান কৰি ভাৰতৰ সমৃদ্ধ সাংস্কৃতিক ইতিহাসক ৰাজহুৱা কলাৰ সমসাময়িক বিষয়বস্তুৰ সৈতে সংমিশ্ৰণ কৰিবলৈ চৰকাৰৰ নিৰন্তৰ প্ৰচেষ্টাৰ এটা অংশ।

কেন্দ্ৰীয় সংস্কৃতি আৰু পৰ্যটন মন্ত্ৰী শ্ৰী গজেন্দ্ৰ সিং শ্বেখাৱতে আজি ৰাজ্যসভাত এটা লিখিত উত্তৰত এই তথ্য প্ৰদান কৰে।

***

BY/SKT/MK/ID