ভারতকী সংবিধানগী আর্তিকল 348(1)(এ.)না সুপ্রিম কোর্ত অমসুং হায় কোর্ত খুদিংমক্কী প্রোসিদিং পুম্নমক ইংলিস লোলদা ওইগদবনি হায়রি। অদুবু, ভারত সংবিধানগী আর্তিকল 348(2)না রাজ্য অমগী রাজ্যপালনা রাস্ত্রপতিগী অয়াবা লৌরগা, রাজ্য অদুদা প্রিন্সিপাল সীৎ লৈবা হায় কোর্ত্তা চত্থবা রাজ্য অদুগী ওফিসিএল ওইবা থবক খুদিংদা হিন্দি নত্ত্রগা অতোপ্পা লোল শিজিন্নবগী অয়াবা পীবা য়াই হায়রি। মখা তানা, ওফিসিএল লেঙ্গুএজ এক্ত, 1963গী সেক্সন 7না রাজ্য অমগী রাজ্যপালনা রাস্ত্রপতিগী অয়াবা লৌদুনা, রাজ্য অদুগী হাই কোর্তনা পীবা ৱায়েল নত্ত্রগা য়াথংশিংদা ইংলিশ লোলগী মথক্তা রাজ্য অদুগী লমদমগী লোল শিজিন্নবগী অয়াবা পী হায়না পল্লি। অদুগা, মসিগুম্বা লোল (ইংলিশ নত্তবা) অমদা পীবা ৱায়েল খুদিংগী ওইনদি, ৱায়েল অদুগী ইংলিশ ৱাহন্থোক অমশু হাই কোর্তকী ওথোরিতীগী মখাদা পীফম থোক্লি।

ওফিসিএল লেঙ্গুএজ পোলিসীগী তোঙান তোঙানবা হিরমশিং য়েংশিন্নবা কেবিনেৎকী কম্মিতীনা 21.05.1965দা পাংথোকখিবা মীফমদা হায় কোর্ত্তা ইংলিশ নত্তবা লোন অমহেক্তবু শীজিন্নবগী ৱাহৌদোক খুদিংগীদমক্তা ভারতকী  ইকাই খুম্নরবা চীফ জস্তিসকী অয়াবা লৌগদবনি হায়না লেপখি।

রাজস্থান হাই কোর্তকী থবক থৌরমশিংদা হিন্দী শীজিন্নবা অসি সংবিধানগী আর্তিকল 348 (2) গী মখাদা ইং 1950দা অয়াবা পীখি। মথক্তা পনখিবা অদুগুম্না কেবিনেৎ কমিতীগী 21.05.1965গী ৱারেপ মতুংদা, ভারতকী চীফ জস্তিসকা তান্নদুনা উত্তর প্রদেশ (1969), মধ্য প্রদেশ (1971) অমসুং বিহার (1972) গী হায় কোর্তশিংদা হিন্দী শীজিন্নবগী অয়াবা পীখি।

ভারত সরকারনা তমিল নাদু, গুজরাত, ছত্তিসগর, নোংচুপ বেঙ্গল অমসুং কর্নাতকাগী সরকারদগী মদ্রাজ হাই কোর্ত, গুজরাত হাই কোর্ত, ছত্তিসগর হাই কোর্ত, কলকত্তা হাই কোর্ত অমসুং কর্নাতকা হায় কোর্ত্তগী মথংশিৎনা তমিল, গুজরাতি, হিন্দি, বেঙ্গলী অমসুং কন্নর শিজিন্নবা য়াহন্নবা ৱাহৌদোক ফংখি। কেবিনেৎ কমিতীনা ইং 1965দা লৌখিবা ৱারেপ অদুগী মতুং ইন্না মসিগী ৱাহৌদোকশিং অসিগী মতাংদা চীফ জস্তিস ওফ ইন্দিয়াগী পাউতাক লৌখি অমসুং চীফ জস্তিস ওফ ইন্দিয়ানা মহাক্কী দি.ও.গী চেরোলগী মতুং ইন্না ইং 2012গী ওক্তোবর 16দা ফোঙদোকখিবা মহাক্কী ৱারোলগী মতুং ইন্না ফুল কোর্তনা ইং 2012গী ওক্তোবর 11দা পাংথোকখিবা মীফম অদুদা ৱাহৌদোকশিং অসি লৌদবা হায়না ৱারেপ লৌখি।

তমিল নাদু সরকারগী অতোপ্পা হায়জবগী মতুং ইন্না সরকারনা ভারতকী চীফ জস্তিসতা হীরম অসিগী মতাংদা মমাংদা লৌখিবা ৱারেপশিং অমুক হন্না য়েংশিন্নবা অমসুং জুলাই, 2014দা ভারতকী সুপ্রিম কোর্তকী অয়াবা পীনবা হায়জখি। ভারতকী চীফ জস্তিসনা মহাক্কী দি.ও. লেতরগী দিত 18.01.2016গী খুৎথাংদা অপুনবা কোর্তনা কুপ্না খন্ন-নৈনরবা মতুংদা ৱাহৌদোকশিং অসি অয়াবা পীবা য়ারোই হায়না অমত্তা ওইনা ৱারেপ লৌখিবনি হায়না পাউদমখি।

ভারতকী সংবিধানগী আর্তিকল 130না সুপ্রিম কোর্ত অসি দিল্লীদা নৎত্রগা ভারতকী চীফ জস্তিসনা রাস্ত্রপতিগী অয়াবা লৌদুনা মতম মতমগী মতুং ইন্না খল্লকপা অতৈ মফমশিংদা লৈগদবনি হায়না লেপ্লি। লৈবাক অসিগী তোঙান তোঙানবা মফমশিংদা সুপ্রিম কোর্তকী বেঞ্চশিং লিংখৎনবা তোঙান তোঙানবা মফমশিংদগী মতম মতমগী মতুং ইন্না লাকপা রিপ্রজেন্তেসনশিং অদুগা লোয়ননা 11শুবা লো কম্মিসনগী 'সুপ্রিম কোর্ত - এ ফ্রেশ লুক' হায়না মিংথোনবা 125শুবা রিপোর্তকী মতুং ইন্না ৱাফম অসি ভারতকী চীফ জস্তিস্তা শিন্নখি। মহাক্না ৱাফম অসি য়েংশিল্লবা মতুংদা, ফেব্রুৱারী 18, 2010দা ফমখিবা ফুল কোর্তকী মীফমদা দিল্লীগী মপান্দা সুপ্রিম কোর্তকী বেঞ্চশিং লিংখৎপগী মথৌ তাদে হায়না লেপখি।

নেস্নেল কোর্ত ওফ এপ্পীল্স লিংখৎপগী মতাংদা থাখিবা অইবা পেতিসন WP(C) নম্বর 36/2016 দা সুপ্রিম কোর্তনা 13.07.2016কী ৱারেপকী মতুং ইন্না মথক্তা পনখ্রিবা ৱাফম অসি কন্সতিত্যুস্নেল বেঞ্চতা ওথোরিতীব প্রোনাউন্সমেন্তকীদমক্তা শিন্নবা চুমগনি হায়না খন্নখি। ৱাফম অসি হৌজিক সুপ্রিম কোর্ততা সব-জুদিস ওইনা লৈরি।

কোর্তকী প্রোসিজর অমসুং জজমেন্তশিং অসিবু মীচম প্রজাশিংনা হেন্না মপুং ফানা খঙবা ঙম্নবা, প্রোসিজর অমসুং জজমেন্তশিং অসি ইংলিসতগী অতোপ্পা রিজনেল লোলশিংদা হন্দোক্নবা অখন্নবা থৌদাং পায়খৎলি। ভারতকী সুপ্রিম কোর্তনা খঙহনখিবগী মতুং ইন্না, ই-এস.সি.আর. জজমেন্তশিংবু এ.আই. তুল শিজিন্নদুনা মীয়াম্না ঙাঙনবা লোলদা ৱাহন্থোক হন্দোক্নবগীদমক্তা ভারতকী ইকাই খুম্নরবা চীফ জস্তিসনা ইকাই খুম্নরবা জস্তিস শ্রী অভয় এস. ওকা, জজ, সুপ্রিম কোর্ত ওফ ইন্দিয়ানা লুচিংদুনা এ.আই. এসিস্তেদ লিগেল ত্রান্সলেসন এদভাইজরী কম্মিত্তী অমা শেমখ্রে। 2023গী দিসেম্বর 2 ফাওবদা, এ.আই. ত্রান্সলেসন তুলশিং শীজিন্নদুনা সুপ্রিম কোর্তকী জজমেন্ত 31,184 অসি লোন 16দা, হায়বদি, হিন্দি (21,908), পঞ্জাবি (3,574), কন্নর (1,898), তমিল (1,172), গুজরাতি (1,110), মারাথী (765), তেলুগু (334), মালয়ালম (239), ওরিয়া (104), বেঙ্গলি (39), নেপালি (27), উর্দু (06), অসামীজ (05), গারো (01), খাসি (01), কোঙ্কনি (01)দা হন্দোকখ্রে। সুপ্রিম কোর্তকী ৱায়েল-পথাপশিংগী অকুপ্পা মরোলশিং অসি, ইং 2023গী দিসেম্বর 2 ফাওবদা লোন 16দা হন্দোকখ্রে। মসি সুপ্রিম কোর্তকী ৱেবসাইতকী ই-এস.সি.আর. পোর্তেলদা ফংলি।

মরী লৈনবা হাই কোর্তশিংগী জজশিংনা লুচিংদুনা মসিগুম্না মান্নবা কম্মিতী অমা হাই কোর্ত খুদিগদা শেমখ্রে। হৌজিক ফাওবদা, সুপ্রিম কোর্তনা ই-এস.সি.আর. জজমেন্তশিং অসি লমদমসিগী লোল 16দা হন্দোকপদা হায় কোর্তশিংগা খুৎশম্নরি। হায় কোর্তশিংদগী ফংবা পাউগী মতুং ইন্না, ৱায়েল-পথাপ 4983বু মীয়ামগী লোলদা হন্দোকখ্রে অমসুং হায় কোর্তশিংনা মখোয়গী ৱেবসাইৎশিংদা অপলোদ তৌখ্রে।

লো অমসুং জস্তিস মন্ত্রালয়গী মীৎয়েং মখাদা, হান্নগী চীফ জস্তিস ওফ ইন্দিয়া, ঐচ.দি. জস্তিস এস.এ. বোবদেনা লুচিংদুনা ভারতকী বার কাউন্সিলনা ‘ভারতিয় ভাশা কম্মিত্তী’ শেমখ্রে। কম্মিতী অসিনা রিজনেল লোলশিংদা লিগেল মেতরিএল হন্দোক্নবগীদমক ভারতকী লোল পুম্নমক্তা য়ুম্ফম ওইবা কম্মন কোর ভোকেবলরি অমা শেমগৎলি।

হৌজিক ফাওবদা রিজনেল লোল খরা হায়বদি গুজরাতি, মালয়ালম, মরাথী, পঞ্জাবি, তমিল, তেলুগু অমসুং উর্দুদা লিমিতেদ গ্লোসরী অমা শেমখ্রে। হায়রিবা গ্লোসরীশিং অসি লেজিসলেতিব দিপার্তমেন্তকী ৱেবসাইত্তা http://legislative.gov.in/glossary-in-regional-language/ হায়বা ৱেব লিংক অসিদা ফংলি। মসিবু লেজিসলেতিব সিস্তেমগী স্তেকহোল্দর পুম্নমক্না শিজিন্নবা য়াগনি।

ই-পাউ অসি লো অমসুং জস্তিস মন্ত্রালয়গী রাজ্য মন্ত্রী (ইন্দিপেন্দেন্ত চার্জ); পার্লিয়মেন্তরী এফিয়র্সকী রাজ্য মন্ত্রী, শ্রী অর্জুন রাম মেঘ্বালনা রাজ্য সভাদা ঙসি অইবা পাউখুম ওইনা পীখিবনি।

***