নেস্নেল হাইৱে (এন.ঐচ.) য়েংশিনবা অমসুং চাউখৎহনবগী মপুং ওইবা থৌদাং অসি মন্ত্রালয়না লৌই।

এন.ঐচ.শিং শেমগৎ-শাগৎপা অমসুং য়েংশিনবা অসি লেপ্তনা চত্থবা থৌওং অমনি। নেস্নেল হাইৱেজ ওথোরিতী ওফ ইন্দিয়া (এন.ঐচ.এ.আই.), নেস্নেল হায়ৱেজ এন্দ ইনফ্রাস্ত্রকচর দিবেলপমেন্ত কোর্পোরেসন লিমিতেদ (এন.ঐচ.আই.দি.সি.এল.), বোর্দর রোদস ওর্গনাইজেসন (বি.আর.ও.), পব্লিক ৱার্কস দিপার্তমেন্ত (পি.দবল্যু.দি.) / রোদ কন্সত্রক্সন দিপার্তমেন্ত (আর.দি.দি.) / রাজ্য সরকারশিং/য়ুনিয়ন তেরিতোরীশিংগী কোর্পোরেসনশিং অসিনচিংবা মন্ত্রালয় অমসুং মসিগী তোঙান তোঙানবা এক্সিকিউতিং এজেন্সীশিংনা এন.ঐচ.শিং অসি মতম মতমগী ওইনা য়েংশিল্লি। এন.ঐচ.শিংদা গারী নীংথিনা চত্থোক চৎশিন তৌবা য়াহন্নবগীদমক্তা এন.ঐচ. শেমজিনবগী থবকশিং অসি মতম মতমগী ওইনা পাংথোকই। মসিগুম্বা থবকশিংগী মনুংদা তোঙান-তোঙানবা মরমদগী থোকপা অকায় অতোই শেমজিনবা, শোরোক্কী মপাঙ্গল কনখৎহনবা অমসুং ঈশিং চেন্থফম মতিক চানা শিনবগী থৌওংশিং মনুং চল্লি।

এন.ঐচ. শেমজিনবা অমসুং নৌনা শাবগী দিতেল্দ প্রোজেক্ত রিপোর্ত (দি.পি.আর.) শেম্বা মতমদা নোং তাবগী মতৌ, ইচাউগী লৈমায়, লম্মিৎ তুম্মিৎকী ফিভম, লৈহাও মখলগুম্বা হীরম কয়া অমা নৈনৈ। মসিগী মতুং ইন্না, রোদসাইদ লাইন/অনলাইন্দ দ্রেন, মহৌশাগী ইরম নালাগী মথক্তা শাগদবা কলভর্ত, অপীকপা অমসুং অচৌবা থোংগুম্বা ক্রোস দ্রেনেজ স্ত্রকচর শাবগী থবকশিং অসি অখন্ননা পীরবা স্তেন্দর্দ অমসুং ইন্দিয়ন রোদ কংগ্রেস (আই.আর.সি.) কোদকী মখা পোন্না কন্ত্রেক্তর অমদি কন্সেস্নরীশিংগী কন্ত্রেক্তকী মখা পোন্না পাংথোকই।

থাজবা য়াবা মেন্তেনেন্স এজেন্সীশিংগী খুত্থাংদা থোং শাবা য়াওনা এন.ঐচ. সেক্সনশিংগী মেন্তেনেন্স অমসুং রিপেয়র (এম.&আর.) শোইদনা পাংথোকহন্নবা থৌওং অমা মন্ত্রালয়না শেমখ্রে।

মেন্তেনেন্স অমসুং ত্রান্সফর (ও.এম.তি.) কন্সেসনশিং/ ওপরেসন অমসুং মেনতেন্সন (ও.এম.) কন্ত্রেক্তশিং পীখ্রবা এন.ঐচ.শিংগী শরুকশিংগী এম.এন্দ.আর. অসি দিফেক্ত লাইএবিলিতী পেরিওদ (দি.এল.পি.) / কন্সেসন পেরিওদ লোইদ্রিবা ফাওবদা মরী লৈনবা কন্সেসনরীশিং/ কন্ত্রেক্তরশিংগী থৌদাংনি। মতৌ অসুম্না, TOT (তোল ওপরেত অমসুং ত্রান্সফর) অমসুং InvIT (ইনফ্রাস্ত্রকচর ইনভেস্তমেন্ত ত্রস্ত) গী মখাদা পায়খৎপা NHগী শরুকশিংগীদমক, M&Rগী থৌদাং অসি কন্সেসন পেরিওদ অদুগী অরোইবা ফাওবা মরি লৈনবা কন্সেসনরদা লৈ।

লেমহৌরিবা এন.ঐচ.শিংগী শরুকশিং অসিগীদমক, মন্ত্রালয়না কন্ত্রেক্ত মেন্তেনেন্সকী খুত্থাংদা মেন্তেনেন্সকী থবক পায়খৎনবা পোলিসীগী ৱারেপ লৌরে। মসি পর্ফোমেন্স বেজ মেন্তেনেন্স কন্ত্রেক্ত (পি.বি.এম.সি.) নৎত্রগা শোর্ত তর্ম মেন্তেনেন্স কন্ত্রেক্ত (এস.তি.এম.সি.) ওইগনি।

মন্ত্রালয় অসিনা হৌখিবা চহিদা এন.ঐচ. শেমজিন শাজিন্নবা লুপা করোর 1,000গী শেনফম পুথোকখ্রে।

মসিগী পাউ অসি কেন্দ্রগী রোদ ত্রান্সপোর্ত অমসুং হাইৱেজ মন্ত্রী, শ্রী নিতিন গদকরীনা ঙসি রাজ্য সভাদা অইবা পাউখুম ওইনা পীখিবনি।

***