মন্ত্রালয়না স্তেত/য়ু.তি.শিংগী পুলিস দিপার্তমেন্তশিংদগী ফংলকপা দেতাদা য়ুম্ফম ওইরগা চহিগী ওইনা “রোদ এক্সিদেন্তস ইন ইন্দিয়া” ফোঙই‍। রিপোর্ত অসিগী মতুং ইন্না, থাপালোন চহি ২০১৮ দগী ২০২২ ফাওবদা লৈবাকসিদা থোকখিবা রোদ এক্সিদেন্ত, মী শিখিবা অমদি অশোক অপন নংখিবশিংগী অপুন্বা মশিং মখাগী তেবল অসিদা পীরি:-

চহি ২০১৮ দগী ২০২২ ফাওবদা লৈবাকসিদা থোকখিবা রোদ এক্সিদেন্ত, মী শিখিবা অমদি শোকখিবগী স্তেত-স্তেতশিংগী ওইবা অপুন্বা মশিং এনেক্সচর – ১, এনেক্সচর – ২, অমসুং এনেক্সচর – ৩দা মথঙশিৎনা পীরি‍।

লৈবাকসিদা নেস্নেল হায়ৱেশিং অমসুং নেস্নে এক্সপ্রেসৱেশিং শেমগৎ শাগৎপা অমদি শেমজিন শাজিনবগী থবক রোদ ত্রান্সপোর্ত অমসুং হায়ৱেজ মন্ত্রালয়দা শিন্নৈ‍। স্তেত/য়ু.তি.শিংগী পুলিস দিপার্তমেন্তশিংদগী ফংলকপা দেতাশিংদা য়ুম্ফম ওইরগা, ইং ২০২২দা লৈবাকসিদা নেস্নেল হায়ৱেশিংদা (এক্সপ্রেসৱেশিং য়াওরগা) থোকখিবা রোদ এক্সিদেন্ত অমসুং মী শিখিবগী অপুন্বা মশিং মখাদা পীরি:-

মন্ত্রালয়না এজুকেসন, ইঞ্জিনিয়রিং (লম্বী অমদি গারী অনিমক), এনফোর্সসমেন্ত অমসুং ইমর্জেন্সী কেয়রদা য়ুম্ফম ওইরগা লম্বীদা অশোয় অঙাম থোকপগী হন্থহন্নবগীদমক মমায় কয়া লোংবা থৌরাং অমা শেম্ল‍ে‍। মসিগী মতুং ইন্না, এনেক্সচর – ৪দা পীরিবা অসিগুম্না লম্বীদা অশোয় অঙাম য়াওহন্দনবা মন্ত্রালয়না থৌরাং মখল মখা কয়া পায়খৎলে‍।

এনেক্সচর-১

• * ২০২০ দগী ২০২২ ফাওবগী দামন অমসুং দিউগী দেতা য়াওরে‍।
• $ ২০১৮ দগী ২০২০ ফাওবগী লদাখগী দেতা য়াওরে‍।

এনেক্সচর-২

• * ২০২০ দগী ২০২২ ফাওবগী দামন অমসুং দিউগী দেতা য়াওরে‍।
• $ ২০১৮ দগী ২০২০ ফাওবগী লদাখগী দেতা য়াওরে‍।

এনেক্সচর-৩

• * ২০২০ দগী ২০২২ ফাওবগী দামন অমসুং দিউগী দেতা য়াওরে‍।
• $ ২০১৮ দগী ২০২০ ফাওবগী লদাখগী দেতা য়াওরে‍।

এনেক্সচর-৪

লম্বীদা অশোয় অঙাম য়াওহন্দনবা মন্ত্রালয়না পায়খৎপা মখল মখা কয়াগী থৌরাংশিংগী অকুপ্পা ৱারোলশিং:-

1. এজুকেসন:

1. মন্ত্রালয়না লম্বীদা অশোয় অঙাম য়াওহন্দনবগী মতাঙদা মীয়ামদা পাক শন্না খঙহন্নবা অমদি থবক থৌরম কয়া পায়খৎননবগীদমক তোঙান তোঙানবা এজেন্সীশিংদা শেলগী তেংবাং পীননবা রোদ সেফ্তী এদভোকেসন স্কীম পায়খৎলি‍।
2. লম্বীদা অশোয় অঙাম য়াওহন্দনবগীদমক মীয়ামদা পাক শন্না শন্দোক্নবা অমসুং চেকশিন থৌরাং মপাঙ্গল কনখৎহন্নবগীদমক চহি খুদিংগী নেস্নেল রোদ সেফ্তী মন্থ/ৱীক পাঙথোকপা‍।
3. লৈবাক শিন্বা থুংনা স্তেত/দিস্ত্রিক্তকী থাক্তা ইন্সতিত্যুৎস ওফ দ্রাইভিং ত্রেনিং এন্দ রীছর্চ (আই.দি.তি.আর.শিং), রীজনেল দ্রাইভিং ত্রেনিং সেন্তরশিং (আর.দি.তি.সি.শিং)অমসুং দ্রাইভিং ত্রেনিং সেন্তরশিং (দি.তি.সি.শিং) লিখৎনবা মন্ত্রালয়না স্কীম অমা পায়খৎলি‍।

2. ইঞ্জিনিয়রিং:

২.১ রোদ ইঞ্জিনিয়রিং:

1. 1. 1. থাক পুম্নমক্তা হায়বদা দিজাইন, শেমগৎ শাগৎৎপা, মথৌ তৌবা অমদি শেন্নবনচিংবদা থর্দ পার্তী ওদিতরশিং/ অখঙ অহৈশিংগী খুত্থাঙদা নেস্নেল হায়ৱে (এন.ঐচ.) পুম্নমক্কী রোদ সেফ্তী এদিত (আর.এস.এ.) তৌবা তঙায় ফদবা ওইহনখ্রে‍।
      2. এন.ঐচ.শিংদা লৈরিবা ব্লেক স্পোতশিং/ এক্সিদেন্ত স্পোতশিং মশক খঙদোকপা অমদি শেমদোকপদা মরুওইবা মীৎয়েঙ চঙলি‍।
      3. আর.এস.এ. অমসুং অতৈ রোদ সেফ্তীগী মরী লৈনবা থবকশিং য়েংশিন্ননবা মন্ত্রালয়গী মখাদা লৈবা লম্বী পায়রিবা এজেন্সীশিংগী রীজনেল ওফিস খুদিংদা রোদ সেফ্তী ওফিসর (আর.এস.ও.) হাপ্লে‍। আর.ও. খুদিংমক্কী আর.এস.ও.শিংনা শুকশোয় শোয়দনা চহিদা অনিরক নেস্নেল হায়ৱেগী রোদ ৱর্দিনেস সর্তিফিকেৎ থাগৎলক্কদবনি‍।
      4. লৈবাক পুম্বদা লম্বীগী এক্সিদেন্তশিং রিপোর্ত তৌরক্নবা, য়েংশিন্নবা অমদি থিজিন্নবা সেন্ত্রেল রিপোজিতরী অমা শেমগৎনবগীদমক ইলেক্ত্রোনিক দিতেল্দ এক্সিএন্ত রিপোর্ত (ই-দার) চলাইরি‍।
      5. গারী থৌরিবশিংনা লায়না উবা ঙমহন্নবা অমদি লমজিং লমতাক পীননবা এক্সপ্রেসৱেশিং অমসুং নেস্নেল হায়ৱেশিংদা সাইনেজশিং থেৎননবা চৎন-পথাপশিং মন্ত্রালয়না থোকখ্রে‍।
      6. কেন্দ্র লৈঙাক্না মতম মতমগী ওইনা পীরিবা লম্বীগী মওং মতৌ, শেমগৎ-শাগৎপা অমদি য়েংশিনবগী স্তেন্দর্দ ইন্দবগী মতাঙদা মোতোর ভেহিকল্স এক্ত, ১৯৮৮দা প্রোভিজনশিং হাপখ্রে‍।

1. 2. ভেহিকল ইঞ্জিনিয়রিং:

গারীশিং হেন্না শাফবা ওইহন্নবা, মখাগীশিং অসি য়াওনা, মখল মখাগী থৌরাং কয়া মন্ত্রালয়না পায়খৎলে:-

1. 1. 1. দ্রাইভরগী নাকলদা গারীগী মমাঙদা ফম্লিবা পেসেঞ্জরগী এয়রবেগ অমা শোয়দনা হাপ্নবা ৱাফম‍।
      2. মোতোর সাইকলদা তোংদুনা নৎত্রগা পুদুনা চৎলিবা চহি মরি মখাগী অঙাংশিংগী চেকশিন থৌরাংগা মরী লৈনবা কাঙলোনশিং পীখ্রে‍। মসিদা সেফ্তী হার্নেস, ক্রাস হেল্মেত শীজিন্নবা অমদি খোঙজেল ৪০ kmph তগী হেলহন্দনবা ৱাফম য়াওরি‍।
      3. মখাদা পীরিবা সেফ্তী তেক্নোলোজীশিং শোয়দনা হাপ্নবা ৱাফমশিং:

M১ কাঙলুপগী গারীশিংগী:

• দ্রাইভর অমসুং কো-দ্রাইভরগী সীত বেল্ত রিমাইন্দর (এস.বি.আর.)‍।
• সেন্ত্রেল লোক্কিং সিস্তেমগী মেনুএল ওভররাইদ
• খোঙজেল কা হেন্না য়াঙবগী ৱার্নিং সিস্তেম‍।

M অমসুং N কাঙলুপকী গারী পুম্নমক্কী:

• রিভর্সস পার্কিং এলর্ত সিস্তেম
  1. 4. L [কাংখোঙ মরিদগী হন্থনা পান্বা মোতোর গারীশিং অমদি ক্বাদ্রিসাইকল য়াওরগা], M [পেসেঞ্জর পুবদা শীজিন্নবা য়ামদ্রবদা কাংখোঙ মরি পান্বা মোতোর গারীশিং) অমদি N [BIS স্তেন্দর্দতা পীরিবা ফীভমগী মখা পোন্না, পোৎ পুননবা, অমদি পোৎ পুবগী মথক্তা মীসু তোংবা য়াবা য়ামদ্রবদা কাংখোঙ মরি পান্বা মোতোর গারীশিং) ক্লাসকী অকক্নবা গারী খরদা শোয়দনা এক্তি-লোকিং ব্রেকিং সিস্তেম (এ.বি.এস.) য়াওহন্বা‍।
     5. কাংখোঙ অনি পান্বা, কাংখোঙ অহুম পান্বা, ক্বাদ্রিসাইকল, ফাইয়র তেন্দরশিং, এম্বুলেন্সশিং অমসুং পুলিস গারীশিং নত্তনা ত্রান্সপোর্ত গারী পুম্নমক্তা স্পীদ লিমিতিং ফংসন/ স্পীদ লিমিতিং দিভাইসশিং শোয়দনা য়াওহন্নবা ৱাফম‍।
     6. ওতোমেতেদ খুৎশু-খুৎলায়শিং শীজিন্নদুনা গারীশিংগী ফিতনেস তেস্তিংগী থৌওংশিং অমদি এ.তি.শিংনা ফিতনেস সর্তিফিকেত পীবগী থৌওং তাক্লিবা ওতোমেতেদ তেস্তিং স্তেসনশিং মশক খঙদোক্নবা, কাঙলোন নাইনা থম্নবা অমসুং পাননবা চৎন-কাঙলোনশিং ফোঙদোকখ্রে‍। চৎন-কাঙলোনশিং অসি মখা তানা ৩১.১০.২০২২ অমসুং ১৪.০৩.২০২৪ শেমদোকখ্রে‍।
     7. ইন্সেন্তিব/দিসইন্সেন্তিবতা য়ুম্ফম ওইরগা অমদি অরিবা, ফীভম ফত্ত্রবা অমসুং পোলুসন থোকহল্লবা গারীশিং লৌথোকখিনবা ইকোসিস্তেম অমা শেম্নবগীদমক ভেহিকল স্ক্রেপিং পোলিসী শেম্লে‍।
     8. ওতোমেতেদ সিস্তেম অমগী খুত্থাঙদা গারীশিংগী ফিতনেস চাংয়েং তৌননবা কেন্দ্রগী তেংবাংগা লোয়ননা স্তেত/য়ু.তি. খুদিংদা মোদেল ইন্সপেক্সন অমসুং সর্তিফিকেসন সেন্তর অমমম লিংখৎনবা স্কীম অমা‍।
     9. পেসেঞ্জর কারশিংগী সেফ্তী রেতিংগী ৱাখল্লোন হৌদোক্নবা অমদি কঞ্জ্যুমরশিংবু মমুৎ তানা খঙলগা ফিরেপ লৌজনবা মপাঙ্গল হাপ্নবগীদমক ভারত নিউ কার এসেসমেন্ত প্রোগ্রাম (বি.এন.সি.এ.পি.)গা মরী লৈনবা চৎন-কাঙলোনশিং ফোঙলে‍।
     10. ওরিজিনেল ইকুইপমেন্ত মেনুফেকচরররশিং (ও.ই.এম.) অমদি বস বোদী বীল্দরশিংনা বস পুথোকপগী লমদা মান্নবা মফম ফংহনবগা মরী লৈনবা চৎন-কাঙলোনশিং ফোঙলে‍।
     11. ওক্তোবর ১, ২০২৫দা নৎত্রগা মসিগী তুংদা পুথোকপা, N২ (গ্রোস ভেহিকল ৱেত তন ৩.৫ হেন্বা অদুবু তন ১২.০দগীদি হেন্দবা পোৎ-চৈ পুনবা গারীশিং) অমদি N৩ (গ্রোস ভেহিকল ৱেত তন ১২.০ হেন্বা পোৎ-চৈ পুনবা গারীশিং) কাঙলুপকী গারীশিংগী কেবিনশিংদা এয়র কন্দিস্নিং সিস্তেম অমা শোয়দনা হাপ্নবা ৱাফম থমখ্রে‍।

3. এনফোর্সমেন্ত:
   1. চৎনরিবা দি মোতোর ভেহিকল্স (এমেন্দমেন্ত) এক্ত, ২০১৯না, ত্রাফিক রুল্স ইলহন্নবা অমদি থুগাইবা হেন্না পুক্নিং থৌগত্তনবা অকন্বা চৈরাকশিং অমসুং তেক্নোলোজী শীজিন্নদুনা অকন্বা মওংদা থবক পায়খৎনবা ৱাফমশিং পীরি‍।
   2. মন্ত্রালয়না ইলেক্ত্রোনিক মোনিতরিং এন্দ এনফোর্সমেন্ত ওফ রোদ সেফ্তীগী চৎন-কাঙলোনশিং থোকখ্রে‍। চৎন-কাঙলোনশিং অসিনা নেস্নেল হায়ৱেশিং, স্তেত হায়ৱেশিং অমদি ভারতকী মিলিয়ন প্লস সিতীশিং অমদি নেস্নেল ক্লীন এয়র প্রোগ্রাম (এন.সি.এ.পি.)গী মখাদা লৈবা সিতীশিংগী মরুওইবা জংসনশিংগী হায় রিস্ক অমসুং হায় দেন্সিতী কোরিদোরশিংদা ইলেক্ত্রোনিক এনফোর্সমেন্ত দিভাইসশিংথম্নবগী মচা খায়বা ৱাফমশিং তাক্লি‍।
   3. মন্ত্রালয়না জুন ১০, ২০২৪দা স্তেত অমসুং য়ুনিয়ন তেরিতরী পুম্নমক্তা মোতোর ভেহিকল এক্ত, ১৯৮৮ ইলহন্নবা তেক্নোলোজিকেল ইন্তরভেন্সনগী লমদা পাউতাক অমা পীখ্রে‍।
4. ইমর্জেন্সী কেয়র:
5. 1. এক্সিদেন্ত থোকফমদা অফবা ৱাখল্লোন্দা, মশানা য়ানিংনা অমদি মনা মথুম নৎত্রগা শেল-থুম ফংগনি হায়বগী ৱাখল তৌদনা মেদিকেল নৎত্রগা নন-মেদিকেল মতেং পীরিবা নৎত্রগা অদুগুম্বা ভিক্তিম অদুবু লায়েংশঙদা পুবিরিবা গুদ সমরিতনশিং ঙাকথোক্নবা পাম্বৈ থম্লে‍।
   2. মন্ত্রালয়না হিত এন্দ রন মোতোর এক্সিদেন্তকী ভিক্তিমশিংগী কম্পেন্সেসন (শাথিনা শোকপগী লুপা ১২,৫০০দগী লুপা ৫০,০০০দা অমদি শিবগী লুপা ২৫,০০০ দগী লুপা ২,০০,০০০দা) হেনগৎহল্লে‍।
   3. মপুং ফানা লোইশিল্লবা নেস্নেল হায়ৱেশিংগী কোরিদোরদা লৈরিবা তোল প্লাজাশিংদা পেরামেদিকেল স্তাফ/ইমর্জেন্সী মেদিকেল তেক্নিক্সিয়ন/ নর্স য়াওবা এম্বুলেন্সশিং থম্নবগী ৱাফম নেস্নেল হায়ৱেজ ওথোরিতী ওফ ইন্দিয়ানা থমখ্রে‍।
   4. মন্ত্রালয়না নেস্নেল হেল্থ ওথোরিতী (এন.ঐচ.এ.)গা লোয়ননা, চান্দিগর অমসুং অসামদা লম্বীগী এক্সিদেন্তকী ভিক্তিমশিং শেল তিংদনা লায়েংবগী পাইলোত প্রোগ্রাম অমা পায়খৎলে‍।

ৱাফম অসি ঙসি রাজ্য সসভাদা রোদ ত্রান্সপোর্ত এন্দ হায়ৱেজকী কেন্দ্র মন্ত্রী, শ্রী নিতিন গারকরীনা অইবা পাউখুম ওইনা পীদুনা ফোঙদোকখিবনি‍।

*****