ଯୁବ ବ୍ୟାପାର ଓ କ୍ରୀଡା ମନ୍ତ୍ରଣାଳୟ
୩୩ତମ ପ୍ୟାରିସ ଅଲିମ୍ପିକ୍ସ ୨୦୨୪ ପାଇଁ ସ୍ମାରକୀ ଡାକ ଟିକଟ ଉନ୍ମୋଚନ କଲେ ଡକ୍ଟର ମନସୁଖ ମାଣ୍ଡଭିୟ ଏବଂ ଶ୍ରୀ ଜ୍ୟୋତିରାଦିତ୍ୟ ଏମ୍. ସିନ୍ଧିଆ
ଡାକ ଟିକଟ ଜାରି କରିବା କ୍ରୀଡ଼ା ପ୍ରତି ଭାରତର ପ୍ରତିବଦ୍ଧତାକୁ ପ୍ରତିଫଳିତ କରେ, ଯାହା ଆଥଲେଟମାନଙ୍କ ପାଇଁ ଜାତୀୟ ଗୌରବ ଏବଂ ପ୍ରୋତ୍ସାହନର ପ୍ରତୀକ ଭାବରେ କାର୍ଯ୍ୟ କରେ" - ଡ.ମାଣ୍ଡଭିୟ
Posted On:
05 AUG 2024 5:01PM by PIB Bhubaneshwar
କେନ୍ଦ୍ର ଯୁବ ବ୍ୟାପାର ଓ କ୍ରୀଡ଼ା ଏବଂ ଶ୍ରମ ଓ ନିୟୋଜନ ମନ୍ତ୍ରୀ ଡକ୍ଟର ମନସୁଖ ମାଣ୍ଡଭିୟ ଏବଂ ଉତ୍ତର-ପୂର୍ବାଞ୍ଚଳ ବିକାଶ ଓ ସଂଚାର ମନ୍ତ୍ରୀ ଶ୍ରୀ ଜ୍ୟୋତିରାଦିତ୍ୟ ଏମ. ସିନ୍ଧିଆ ଆଜି ନୂଆଦିଲ୍ଲୀରେ ୩୩ତମ ପ୍ୟାରିସ୍ ଅଲିମ୍ପିକ୍ସ ୨୦୨୪ ଅବସରରେ ସ୍ମାରକୀ ଡାକଟିକଟ ଉନ୍ମୋଚନ କରିଛନ୍ତି।
![](https://static.pib.gov.in/WriteReadData/userfiles/image/9d5d32b4-076b-4da8-9847-4b458907679bUI5D.jpeg)
ନିକଟରେ ବ୍ରୋଞ୍ଜ ପଦକ ବିଜେତା ଶ୍ରୀ ସରବଜୋତ ସିଂ, ପୂର୍ବତନ କ୍ରିକେଟର ଶ୍ରୀ ଆକାଶ ଚୋପ୍ରା ଏବଂ ଷ୍ଟିପଲଚେଜ୍ ଆଥଲେଟ୍ ଶ୍ରୀମତୀ ସୁଧା ସିଂହଙ୍କ ସମେତ ବିଭିନ୍ନ କ୍ରୀଡ଼ା ପ୍ରତିଭା ଏବଂ ସ୍କୁଲ ପିଲାମାନେ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ।
ସମାରୋହକୁ ସମ୍ବୋଧିତ କରି ଡ.ମନସୁଖ ମାଣ୍ଡଭିୟ କହିଛନ୍ତି, କ୍ରୀଡ଼ା କେବଳ ପ୍ରତିଯୋଗିତା ନୁହେଁ, ଏହା ଏକ ଜୀବନଶୈଳୀ। ଡାକ ଟିକଟ ଉନ୍ମୋଚନ କ୍ରୀଡ଼ାପ୍ରତି ଭାରତର ପ୍ରତିବଦ୍ଧତାକୁ ପ୍ରତିଫଳିତ କରୁଛି, ଯାହା ଆଥଲେଟମାନଙ୍କ ପାଇଁ ଜାତୀୟ ଗୌରବ ଏବଂ ପ୍ରୋତ୍ସାହନର ପ୍ରତୀକ ଭାବରେ କାର୍ଯ୍ୟ କରୁଛି । ଡ.ମାଣ୍ଡଭିୟ ଆହୁରି ମଧ୍ୟ କହିଥିଲେ ଯେ କ୍ରୀଡ଼ା ଏକ ସୁସ୍ଥ ରାଷ୍ଟ୍ରକୁ ପ୍ରୋତ୍ସାହିତ କରେ, ଯାହା ଧନ ଏବଂ ସମୃଦ୍ଧି ପାଇଁ ଜରୁରୀ ଏବଂ ଏହା ଲୋକମାନଙ୍କୁ ଏକାଠି କରେ, ଉଭୟ ବ୍ୟକ୍ତିଗତ ଫିଟନେସ୍ ଏବଂ ଜାତୀୟ ବିକାଶରେ ସହାୟକ ହୋଇଥାଏ ।
![](https://static.pib.gov.in/WriteReadData/userfiles/image/IMG_34429ZZN.jpeg)
ଡକ୍ଟର ମାଣ୍ଡଭିୟ ଗୁରୁତ୍ୱାରୋପ କରିଥିଲେ ଯେ କ୍ରୀଡ଼ାବିତମାନଙ୍କୁ ସଫଳ ହେବା ପାଇଁ ସମସ୍ତ ଆବଶ୍ୟକୀୟ ସହାୟତା ଏବଂ ସୁବିଧା ସୁଯୋଗ ସୁନିଶ୍ଚିତ କରିବା ଉପରେ ସରକାର ପ୍ରାଥମିକତା ଦେଉଛନ୍ତି । ଯେକୌଣସି ସମ୍ବଳ ଅଭାବକୁ ଦୂର କରିବା ପାଇଁ ସରକାର କଠିନ ପରିଶ୍ରମ କରିଛନ୍ତି, କ୍ରୀଡ଼ାବିତମାନଙ୍କୁ ବିନା କୌଣସି ପ୍ରତିବନ୍ଧକରେ ଉତ୍କର୍ଷ ପ୍ରଦର୍ଶନ କରିବାକୁ ଅନୁମତି ଦିଆଯାଇଥିବା ସେ କହିଛନ୍ତି ।
ତୃଣମୂଳ ସ୍ତରରୁ କ୍ରୀଡ଼ାକୁ ପ୍ରୋତ୍ସାହିତ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ନିଆଯାଇଥିବା ପଦକ୍ଷେପଗୁଡ଼ିକୁ ପ୍ରଶଂସା କରି, ଖେଲୋ ଇଣ୍ଡିଆ ଏବଂ ଟପ୍ସ କାର୍ଯ୍ୟକ୍ରମର କିର୍ତ୍ତି କାର୍ଯ୍ୟକ୍ରମ ବିଷୟରେ ଉଲ୍ଲେଖ କରିଛନ୍ତି, ଯାହା ଯୁବ ପ୍ରତିଭାମାନଙ୍କୁ ଚିହ୍ନଟ କରି ସେମାନଙ୍କୁ ଉତ୍କର୍ଷ ହାସଲ କରିବା ପାଇଁ ଆବଶ୍ୟକ ସୁବିଧା ପ୍ରଦାନ କରେ । ଜାତୀୟ ଓ ଅନ୍ତର୍ଜାତୀୟ ସ୍ତରରେ ପ୍ୟାରିସରେ ଭାରତକୁ ପ୍ରତିନିଧିତ୍ୱ କରୁଥିବା ୧୧୭ ଜଣ ଆଥଲେଟଙ୍କ ମଧ୍ୟରୁ ୨୮ ଜଣ ଖେଲୋ ଇଣ୍ଡିଆ ଯୋଜନାର ଅବଦାନ ବୋଲି ସେ କହିଛନ୍ତି।
ତାଙ୍କ ଅଭିଭାଷଣ ସମାପ୍ତ କରି ଡକ୍ଟର ମାଣ୍ଡଭିୟ କହିଛନ୍ତି ଯେ ଏହି ଡାକ ଟିକଟ ଜାରି କରି ଆମେ ଆମ କ୍ରୀଡ଼ାବିତ୍ ଓ ଦେଶକୁ ସମ୍ମାନିତ କରିଛୁ ।ଆସନ୍ତୁ ଆମେ ସମସ୍ତେ #Cheer4Bharat କରିବା ଏବଂ ଆମ ଆଥଲେଟମାନଙ୍କୁ ଉତ୍ସାହିତ କରିବା ।"
ସମାବେଶକୁ ସମ୍ବୋଧିତ କରି ଶ୍ରୀ ସିନ୍ଧିଆ କହିଲେ, "ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ୩୩ତମ ପ୍ୟାରିସ ଅଲିମ୍ପିକ୍ସ ୨୦୨୪ ରେ ଏକ ଡାକ ଟିକଟ ଉନ୍ମୋଚନ ଭାରତର ଐତିହାସିକ କ୍ରୀଡ଼ା ପରମ୍ପରା ପ୍ରତି ଏକ ଶ୍ରଦ୍ଧାଞ୍ଜଳି ।ଏହି ଟିକଟ ଜରିଆରେ ଆମେ ଆମ ଖେଳାଳିଙ୍କ କଠିନ ପରିଶ୍ରମକୁ ସ୍ୱୀକାର କରୁଛୁ ।
ସେ ଆହୁରି କହିଛନ୍ତି ଯେ "ପ୍ରଧାନମନ୍ତ୍ରୀଙ୍କ ଦୃଷ୍ଟିକୋଣ ଅନୁଯାୟୀ, ଆଜି କ୍ରୀଡ଼ା ଏବଂ କ୍ରୀଡ଼ା ଭିତ୍ତିଭୂମି ଶେଷ ମାଇଲରେ ପହଞ୍ଚିଛି।ଏପରିକି ଆମ ଡାକ ବିଭାଗର କର୍ମଚାରୀମାନେ କ୍ରୀଡ଼ା କ୍ଷେତ୍ରରେ ଅବିଶ୍ୱସନୀୟ ସଫଳତା ଦେଖାଉଛନ୍ତି।ମୁଁ ନିଶ୍ଚିତ ଯେ ଏହି ଟିକଟ ମାଧ୍ୟମରେ ଆମେ ଆମର ସମୃଦ୍ଧ ଇତିହାସକୁ ଯୋଡ଼ିବୁ ଏବଂ ଯୁବ ଖେଳାଳିମାନଙ୍କୁ କ୍ରୀଡ଼ା ଦକ୍ଷତା ବିକାଶ ଏବଂ ବିଶ୍ୱସ୍ତରରେ ଭାରତକୁ ଗର୍ବିତ କରିବା ପାଇଁ ପ୍ରେରଣା ଦେବୁ । ପ୍ୟାରିସ୍ ଅଲିମ୍ପିକ୍ସ ୨୦୨୪ରେ ଭାରତୀୟ ଦଳକୁ ମୁଁ ଶୁଭେଚ୍ଛା ଜଣାଉଛି।"
HS
(Release ID: 2041906)
Visitor Counter : 18