جیسا کہ مدھیہ پردیش اسٹیٹ ویٹ لینڈ اتھارٹی نے اطلاع  دی ہے، بھوپال میں بھوج ویٹ لینڈ کو بین الاقوامی اہمیت کے حامل گیلے علاقوں کی رامسر کنونشن کی فہرست سے خارج ہونے کا کوئی خطرہ نہیں ہے۔

مزیر برآں، ماحولیات، جنگلات اور موسمیاتی تبدیلی کی وزارت (ایم او ای ایف اینڈ سی سی) نے ملک بھر میں گیلی زمینوں کے تحفظ اور انتظام کے لیے ریگولیٹری فریم ورک کے طور پر ماحولیات (تحفظ) ایکٹ، 1986 کی دفعات کے تحت ویٹ لینڈز (کنزرویشن اینڈ مینجمنٹ) رولز، 2017 کو نوٹیفائی  کیا ہےتاکہ دانشمندانہ استعمال کو محدود کیے بغیر گیلے علاقوں کے ماحولیاتی کردار کو محفوظ اور برقراررکھا جاسکے ۔ مذکورہ رولز دیگر چیزوں کے  علاوہ ٹھوس کچرے  کی  ڈمپنگ، صنعتوں، شہروں، قصبوں، دیہاتوں اور دیگر انسانی بستیوں سے بغیرصاف کئے ہوئے کچرے وغیرہ  کے ڈسچارج جیسی سرگرمیوں کو محدود کرتے ہیں۔ اس کے علاوہ حکومت مدھیہ پردیش نے بھوج ویٹ لینڈ، بھوپال میں ویٹ لینڈ (کنزرویشن اینڈ مینجمنٹ) رولز، 2017 کے نفاذ کے لیے 16 مارچ 2022 کو حکم جاری کیا ہے۔

  ایم او ای ایف اینڈ سی سی، مرکزی حکومت اور متعلقہ ریاستی حکومتوں کے درمیان لاگت کے اشتراک کی بنیاد پر، مدھیہ پردیش سمیت ملک میں گیلی زمینوں کے تحفظ اور انتظام کے لیے ایک مرکزی ا سپانسر شدہ اسکیم یعنی نیشنل پلان فار کنزرویشن آف ایکواٹک ایکو سسٹم (این پی سی اے ) کو نافذ کر رہا ہے۔ اس اسکیم میں مختلف سرگرمیوں کا احاطہ کیا گیا ہے جیسے کہ گندے پانی کو روکنا، ڈائیورژن اور ٹریٹمنٹ، ساحل کی حفاظت، جھیل کے سامنے کے علاقوں کی ترقی، جگہ جگہ صفائی، یعنی ڈیسلٹنگ اور ڈی ویڈنگ، طوفان کے پانی کا انتظام، بایوری  میڈی ایشن، کیچمنٹ ایریا ٹریٹمنٹ، جھیل کی خوبصورتی، سروے اور حد بندی، بایو فینسنگ، ماہی گیری کی ترقی، گھاس  پھوس کا کنٹرول، حیاتیاتی تنوع کا تحفظ، تعلیم اور بیداری پیدا کرنا، کمیونٹی شراکتداری  وغیرہ۔

مدھیہ پردیش کی ریاستی حکومت سے موصول ہونے والی تجاویز کی بنیاد پر، اس وزارت نے بھوپال میں بھوج ویٹ لینڈ کے تحفظ کے لیے 2018-2019 کے دوران کل 432.03 لاکھ روپے کی لاگت سے پروجیکٹوں کو منظوری دی تھی اور 259.22 لاکھ روپے میں سے 200.00 لاکھ روپے کا مرکزی حصہ بھوج ویٹ لینڈ کے تحفظ اور انتظام کے لیے حکومت مدھیہ پردیش کو جاری کیا گیا ہے۔

پچھلے تین سالوں کے دوران ملک بھر میں رامسر سائٹس کی فہرست میں شامل کردہ سائٹس کی ریاستی تفصیلات ضمیمہ میں دی گئی ہیں۔

ضمیمہ    

پچھلے تین سالوں کے دوران ملک بھر میں رامسر سائٹس کی ریاست وار فہرست

* ڈیجگنیشن  کی تاریخ کو انتظامی اتھارٹی کے ذریعہ ڈیجگنیشن  لیٹر پر دستخط کرنے کی تاریخ کے طور پر لیا جاتا ہے۔

یہ معلومات ماحولیات، جنگلات اور موسمیاتی تبدیلی کے وزیر مملکت جناب کیرتی وردھن سنگھ نے آج لوک سبھا میں ایک تحریری جواب میں دی۔

*****

U.No:9301            

         ش ح۔م م۔رم