ہندوستانی بحریہ ناساز موسم اور دشوار گزار خطوں کے درمیان وائناد ضلع کے لینڈ سلائیڈنگ سے متاثرہ علاقوں میں بچاؤ اور امدادی کارروائیاں جاری رکھے ہوئے ہے۔ امدادی سرگرمیوں کو تیز کرنے اور آفت سے متاثرہ مقامی کمیونٹی کی مدد کے لیے اضافی عملہ، اسٹور، وسائل اور ضروری سامان کو آئی این ایس زمورین سے متحرک کیا گیا۔ اس وقت ہندوستانی بحریہ کے 78 اہلکار امدادی کارروائیوں میں مصروف ہیں۔ ٹیموں کو چورلمالا اور منڈکئی علاقے کے متعدد مقامات پر تعینات کیا گیا ہے اور وہ قدرتی آفات سے متعلق امدادی فورس اور مقامی انتظامیہ کے ساتھ مل کر کام کر رہی ہیں۔ ایک ٹیم کو دریا کے کنارے متاثرہ افراد کو سامان، خوراک اور اشیائے ضروریہ کی مسلسل فراہمی کے لیے تعینات کیا گیا ہے جبکہ دوسری ٹیموں کو زندہ بچ جانے والوں کی تلاش، ملبہ ہٹانے اور لاشوں کو نکالنے کے لیے تعینات کیا گیا ہے۔ زخمیوں کو طبی امداد فراہم کرنے کے لیے چورلمالہ میں ایک میڈیکل پوسٹ قائم کر دی گئی ہے۔

تین افسروں اور 30 ​​ملاحوں کی ایک ٹیم نے دریا پر چورلمالا اور منڈکئی کے علاقوں کو جوڑنے والے ایک اہم بیلی برج کو جمع کرنے اور تعمیر کرنے میں بھارتی فوج کی کوششوں میں اضافہ کیا ہے جو یکم اگست 24 کو لینڈ سلائیڈنگ سے  تباہ ہو گئے تھے۔ یہ پل بھاری مشینری اور ایمبولینس کی نقل و حرکت کے قابل بنانے میں لاجسٹک سپورٹ کے لیے ریڑھ کی ہڈی کے طور پر کام کرتا ہے۔

02 اگست 24 کو، کالی کٹ سے چلنے والے آئی این ایس گروڈا کے ہندوستانی بحریہ کے ایڈوانسڈ لائٹ ہیلی کاپٹر (اے ایل ایچ) نے متاثرہ علاقوں کا فضائی جائزہ لیا اور زندہ بچ جانے والوں اور لاشوں کو تلاش کیا۔ ہیلی کاپٹر نے ریاستی پولیس کے 12 اہلکاروں کو امدادی سامان کے ساتھ ہوائی جہاز سے آفت زدہ علاقے میں پہنچایا، جو سڑک کے ذریعہ ناقابل رسائی تھے۔ کم مرئیت اور مشکل موسمی حالات میں پہاڑی علاقوں  میں پروازیں کی گئیں ۔

ہندوستانی بحریہ مقامی انتظامیہ کے ساتھ مل کر کام کر رہی ہے تاکہ پھنسے ہوئے لوگوں کے فوری انخلاء، بنیادی سہولیات اور طبی امداد کی فراہمی کو یقینی بنایا جا سکے۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ت ع  (

9263