தானியங்கள் பற்றாக்குறை உள்ள மாநிலங்கள் 2024 ஆகஸ்ட் 1 முதல் மின்னணு ஏலத்தில் பங்கேற்காமல் திறந்தவெளி சந்தை விற்பனைத் திட்டத்தின் கீழ் (உள்நாட்டு) இந்திய உணவு, கழகத்திடமிருந்து நேரடியாக வாங்கலாம் என்று மத்திய நுகர்வோர் விவகாரங்கள், உணவு, பொது விநியோகம் புதிய மற்றும் புதுப்பிக்கத்தக்க எரிசக்தித்துறை அமைச்சர் திரு பிரலாத் ஜோஷி இன்று அறிவித்துள்ளார். புதிய கொள்முதல் பருவம் தொடங்குவதற்கு முன்பு கையிருப்பின் பெரும் உபரியைக் குறைக்க முடிவு எடுக்கப்பட்டுள்ளது.

உள்நாட்டு திறந்தவெளிச் சந்தை விற்பனை திட்டத்தின் கீழ், மத்திய அரசின் உணவு மற்றும் பொது விநியோகத் துறை, ஒரு குவிண்டாலுக்கு ரூ .2,800 க்கு (போக்குவரத்து செலவு தவிர) தானியங்களை நேரடியாக மாநிலங்களுக்கு வழங்கும். மாநிலங்கள்,  யூனியன் பிரதேசங்கள் ஒரு நபருக்கு நிர்ணயிக்கப்பட்ட 5 கிலோவுக்கு மேல் இலவச தானியங்களை கொள்முதல் செய்ய விரும்பினால், அவர்கள் முந்தைய விலையில் குவிண்டாலுக்கு ரூ .2,900 க்கு பதிலாக அதே விலையில் குவிண்டாலுக்கு ரூ .2,800 க்கு கொள்முதல் செய்யலாம் என்றும் திரு ஜோஷி கூறினார். 2024 ஜூன் 30 வரை நடைபெறவிருந்த 'பாரத்' என்ற பெயரில் ஆட்டா மற்றும் அரிசி விற்பனை தொடரும் என்றும் அவர் குறிப்பிட்டார்.

பிரதமரின் கரிப் கல்யாண் அன்ன யோஜனா  பற்றி குறிப்பிட்ட மத்திய அமைச்சர், இத்திட்டத்தின் கீழ் சுமார் 81.35 கோடி பயனாளிகளுக்கு (அதாவது அந்த்யோதயா அன்ன யோஜனா குடும்பங்கள் மற்றும் முன்னுரிமை குடும்பங்களுக்கு பயனாளிகள்) ஜனவரி 1 முதல் ஐந்து ஆண்டு காலத்திற்கு இலவச உணவு தானியங்களை தொடர்ந்து வழங்க மத்திய அரசு முடிவு செய்துள்ளது என்று கூறினார். 11.80 லட்சம் கோடி ரூபாய் மதிப்பீட்டில் செயல்படுத்தப்படும் இத்திட்டம், இதுவரை இல்லாத மிகப்பெரிய உணவுப் பாதுகாப்புத் திட்டம் என்றும் திரு ஜோஷி கூறினார். 2023-2024 ஆம் ஆண்டில் விநியோகிக்கப்பட்ட உணவு தானியங்கள் 497 லட்சம் மெட்ரிக் டன் மற்றும் ஜூன் 2024 வரை, மத்திய அரசு 125 லட்சம் மெட்ரிக் டன் விநியோகித்துள்ளது.

நாட்டில் இரத்த சோகை மற்றும் ஊட்டச்சத்து குறைபாட்டை நிவர்த்தி செய்வதற்காக, பிரதமரின் கரிப் கல்யாண் அன்ன யோஜனா திட்டத்தின் கீழ் அரசு மூன்று கட்டங்களையும் வெற்றிகரமாக முடித்துள்ளது என்றும், அரசின் ஒவ்வொரு திட்டத்திலும் தனிப்பயனாக்கப்பட்ட அரிசிக்கு பதிலாக, செறிவூட்டப்பட்ட அரிசி பயன்படுத்தப்பட்டுள்ளது என்றும், 2024 மார்ச் மாதத்திற்குள் செறிவூட்டப்பட்ட அரிசி விநியோகம் 100 சதவீதத்தை எட்டியுள்ளது என்றும் மத்திய அமைச்சர் கூறினார். தரமான உணவு மற்றும் சத்தான உணவுக்கு பிரதமர் மோடி அரசு முன்னுரிமை அளிக்கிறது என்றும் அவர் குறிப்பிட்டார்..

அதிக உணவு பணவீக்கம் பற்றிக் குறிப்பிட்ட மத்திய அமைச்சர், தக்காளி மற்றும் பிற காய்கறிகள், பருவகாலத்திற்கு ஏற்றவை என்று கூறினார். தக்காளி விலை சீராக உள்ளது. நிலையான விலை நடைமுறையை பயன்படுத்தாமலே மானிய விலையில் தக்காளி கிலோ, 60 ரூபாய்க்கு கிடைத்துள்ளது. பருப்பு வகைகளைப் பொறுத்தவரை, சாகுபடி பரப்பு அதிகரித்துள்ளது என்றும், விவசாயிகளிடமிருந்து பருப்பு வகைகள் 100% கொள்முதல் செய்யப்படும் என்றும் திரு ஜோஷி கூறினார்.

எத்தனால் உற்பத்தித் திறன் ஆண்டுக்கு 1589 கோடி லிட்டராக உயர்ந்துள்ளது என்றும், இது நாட்டின் உள்நாட்டு எத்தனால் தேவையை பூர்த்தி செய்ய போதுமானது என்றும் திரு ஜோஷி தெரிவித்தார். சுமார் 1.05 லட்சம் கோடி செலுத்தப்பட்டதன் மூலம், நடப்பு சர்க்கரை பருவத்திற்கான 94.8% க்கும் அதிகமான கரும்பு நிலுவைத் தொகை குறைக்கப்பட்டுள்ளது என்றும் அவர் கூறினார். விவசாயிகளின் நலன் கருதி, 2021-22 சர்க்கரை பருவங்களில் சுமார் 99.9% கரும்பு நிலுவைத் தொகை செலுத்தப்பட்டுள்ளது என்றும் அவர் கூறினார். முந்தைய 2022-23 சர்க்கரை பருவத்தில், செலுத்த வேண்டிய கரும்பு நிலுவைத் தொகையான ரூ.1,14,494 கோடியில், சுமார் ரூ.1,14,235 கோடி செலுத்தப்பட்டுள்ள நிலையில் & ரூ.259 கோடி நிலுவைத் தொகை மட்டுமே செலுத்தப்பட வேண்டும். இதன்படி 99.8 சதவீத கரும்பு நிலுவைத் தொகை விவசாயிகளுக்கு வழங்கப்பட்டுள்ளது என்று திரு ஜோஷி கூறினார்.

ஒரே நாடு ஒரே ரேஷன் கார்டு குறித்து பேசிய திரு ஜோஷி, நாடு முழுவதும் இதுவரை ரூ.145 கோடி பெயர்வுத்திறன் பரிவர்த்தனைகள் மேற்கொள்ளப்பட்டுள்ளன என்று குறிப்பிட்டார். தேசிய உணவுப் பாதுகாப்புச் சங்க பயனாளிகளுக்கு மாநிலங்களுக்கு இடையேயா அல்லது மாநிலங்களுக்கு உள்ளேயோ மொத்தம் 293 லட்சம் மெட்ரிக் டன் உணவு தானியங்கள் வழங்கப்பட்டுள்ளன.

-----

MM/KPG/DL