হকশেল অমসুং য়াইফ-য়ুম্বাল মন্ত্রালয়
গুজরাত্তা শন্দোক্লিবা চান্দিপুরাগী মতাংদা অপদেৎ
গুজরাত্তগী রিপোর্ত তৌরকখিবা 140 য়াওনা AES 149 কেস লৈরি, মসিগী মনুংদা কেস 59না লৈখিদ্রে; চান্দিপুরা ভাইরস অসি কেস 51দা কনফর্ম তৌখ্রে
জুলাই 19, 2024দগী AESকী অনৌবা কেসশিং নুমিৎ খুদিংগী রিপোর্ত তৌবা হন্থরকপা উবা ফংলি
পব্লিক হেল্থ মিজরশিং পায়খৎপদা মতেং পাংনবা অমসুং লাইচৎ শন্দোরক্লিবা অসিগী ইপিদেমিওলোজিকেল ইনভেস্তিগেসন কুপ্না তৌনবগীদমক গুজরাত্তা নেস্নেল জোইন্ত আউৎব্রেক রেস্পোন্স তীম দিপ্লোই তৌখ্রে
AES কেসশিং রিপোর্ত তৌরক্লিবা য়ুমলোন্নবা রাজ্যশিংবু গাইদ তৌনবগীদমক NCDC অমসুং NCVBDCদগী জোইন্ত এদভাইজরী থোকখ্রে
Posted On:
01 AUG 2024 10:37AM by PIB Imphal
জুন 2024গী অঙনবা শরুক্তগী হৌরগা, গুজরাত্তগী চহি 15গী মখাদা লৈবা অঙাংশিংদা এক্যুত এন্সেফেলাইতিস সিন্দ্রোম (AES) কেসশিং রিপোর্ত তৌরকখি। জুলাই 31, 2024 ফাওবদা, AESকী কেস 148 (গুজরাতকী জিলা 24দগী 140, মধ্য প্রদেশতগী 4, রাজস্থানদগী 3 অমসুং মহারাস্ত্রদগী 1) রিপোর্ত তৌখ্রে, মসিগী মনুংদা কেস 59না লৈখিদ্রে। চান্দিপুরা ভাইরস (CHPV) অসি কেস 51দা কনফর্ম তৌখ্রে।
ফীভম অসি ঙসি নেস্নেল সেন্তর ফোর দিজিজ কন্ত্রোল (NCDC)গী দিরেক্তর জেনরেল ওফ হেল্থ সর্ভিসেস (DGHS) অমসুং দিরেক্তর অমসুং ইন্দিয়ন কাউন্সিল ওফ মেদিকেল রিসর্চ (ICMR)গী DGনা ঙসি পুন্না য়েংশিনখি। মধ্য প্রদেশকী NHMগী MD, ইন্তিগ্রেতেদ দিজিজ সর্ভিলেন্স প্রোগ্রাম (IDSP) য়ুনিৎশিং অমসুং রাজস্থান, মহারাস্ত্র অমসুং গুজরাতকী হকশেল অমসুং য়াইফ-য়ুম্বালগী রিজনেল ওফিসশিং, NIV, NCDCদগী NJORT মেম্বরশিং অমসুং NCDC, ICMR & নেস্নেল সেন্তর ফোর ভেক্তর বোর্ন দিজিজ কন্ত্রোল (NCVBDC)দগী ফেকলতীনা য়েংশিন মীফম অসিদা শরুক য়াখি।
জুলাই 19, 2024দগীদি নোংমদা AESগী অনৌবা কেসশিং রিপোর্ত তৌবগী চাং হন্থরকপা উবা ফংলে। গুজরাতনা পব্লিক হেল্থ মিজর কয়া পায়খৎলি। খুদম ওইনা, ভেক্তর কন্ত্রোলগীদমক ইন্সেক্তিসাইদ স্প্রে, IEC মেদিকেল পর্সনেল সেন্সিতাইজ তৌবা অমসুং কেসশিং মতম চানা মশক খঙদোক্লবা ফেসিলিতীশিংদা রিফর তৌবা অসিনচিংবা কয়া পায়খৎলি।
নেস্নেল জোইন্ত আউৎব্রেক রেস্পোন্স তীম (NJORT) অমা গুজরাত রাজ্য সরকারবু পব্লিক হেল্থকী খোঙথাংশিং লৌখৎপদা অমসুং লাইচৎ অসিগী মতাংদা অকুপ্পা মরোল থিজিনবদা মতেং পাংনবা দিপ্লোই তৌখ্রে। NCDC অমসুং NCVBDCগী জোইন্ত এদভাইজরী অমা AESগী কেসশিং রিপোর্ত তৌরিবা য়ুম্লোন্নরিবা রাজ্যশিংদা লমজিং-লমতাক্নবা জোইন্ত এদভাইজরী অমা ইসু তৌরি।
বেকগ্রাউন্দ:
CHPV অসি রাবদোভিরিদে ফেমিলীগী মেম্বর অমনি অমসুং লৈবাক অসিগী নোংচুপ, সেন্ত্রেল অমসুং খা থংবা শরুকশিংদা মরু ওইনা নোংজু পন্থাদা স্পোরাদিক কেসশিং অমসুং আউৎব্রেকশিং থোকহনবগীদমক খঙনৈ। মসি সেন্দ ফ্লাইশিং অমসুং তিকশিংগুম্বা ভেক্তরশিংনা শন্দোকই। ভেক্তর কন্ত্রোল, হাইজিন অমসুং এৱের্নেস অসি লাইনা অসিগী মায়োক্তা লৌখৎপা য়াবা অমত্তা ঙাইরবা খোঙথাংশিংনি। লাইচৎ অসিনা চহি 15গী মখাদা লৈবা অঙাংশিংদা অয়াম্বনা শোকহল্লি অমসুং কনভলজনশিং, কোমা থোকহনবা য়াবা ফেব্রাইল ওইবা অনাবশিং নাহল্লি অমসুং কেস খরদা শীবা ফাওবা য়াওই। অদুম ওইনমক CHPVগীদমক অখন্নবা লায়েং লৈত্রবসু অমসুং মেনেজমেন্ত অসি সিম্পতোমেতিক ওই, দেজিগনেতেদ ফেসিলিতীশিংদা শীংনবা AES কেসশিং মতম চানা রিফর তৌবনা আউৎকমশিং ফগৎহনবা ঙম্মি।
*****
(Release ID: 2040205)
Visitor Counter : 42