সরকারনা মেদিকেল কলেজ মশিং হেনগৎহনবগা লোয়ননা এম.বি.বি.এস সিত মশিং হেনগৎলে। 2014গী মমাঙদা মেদিকেল কলেজ 387 লৈরম্বদগী 88% হেনগৎতুনা হৌজিক কলেজ 731 লৈরে। মখা তানা, 2014গী মমাঙদা এম.বি.বি.এস সিত 51,348 লৈরম্বদগী 118% হেনগৎতুনা হৌজিক সিত 1,12,112 লৈরে। 2014গী মমাঙদা পি.জি সিত 31,185 লৈরম্বদগী 113% হেনগৎতুনা হৌজিক পি.জি সিত 72,627 য়ৌরে।

হৌখিবা চহি অহুমদা লনাই অমসুং সরকারগী মেদিকেল কলেজশিংদা লৈরিবা এম.বি.বি.এস অমসুং পি.জি সিতশিং( এন বি ই এম এস য়াওদনা) মখাদা পীরি:

সিত মশিং হেনগৎনবা অমসুং সরকারগী মেদিকেল কলেজশিংদা মগুন লৈনবা মেদিকেল ইজুকেসন পীনবা সরকারনা পায়খৎলিবা থবকশিংগী মনুংদা য়াওরিবদি :

1. দিস্ত্রিক/রিফরেল হোস্পিতাল শেমগৎতুনা অনৌবা মেদিকেল কলেজ লিংখৎনবা সেন্ত্রেল্লি স্পোন্সর স্কিমগী মখাদা অনৌবা মেদিকেল কলেজ 157 অয়াবা পীরে অমসুং মসিগী মনুংদা কলেজ 109 থবক হৌখ্রে।
2. এম.বি.বি.এস অমসুং পি.জি সিত মশিং হেনগৎহন্নবা হৌজিক লৈরিবা রাজ্য সরকার/কেন্দ্র সরকারগী মেদিকেল কলেজশিং কেন্দ্রগী শেন্থং পীদুনা, কলেজ 83 দা এম.বি.বি.এস সিত 4,977 হেনগৎনবা লুপা করোর  5,972.20 গী শেনফম অমা অয়াবা পীরে অমসুং কলেজ  65 দা অনিশুবা তাঙ্কক্তা পি.জি সিত 4,000 হেনগৎনবা লুপা করোর 4,478.25 কাইথোকপদা অয়াবা পীরে।
3. প্রধান মন্ত্রী শ্বাস্থ্যা সুরক্ষা য়োজনাগী মনুংদা সুপর স্পিসিএলিতি ব্লোকশিং শাদুনা সরকারগী মেদিকেল কলেজশিং ফগৎহন্নবা কম্পোনেন্তগী মখাদা অপুনবা প্রোজেক 75 অয়াবা পীবগী মনুংদা প্রোজেক 66 অয়াবা পীরে।
4. সেন্ত্রেল সেক্তর স্কিমগী মখাদা অনৌবা এ.আই.আই.এম.এস 22 লিংখৎনবা অয়াবা পীরে অমসুং  হায়রিবা ইন্সতিতুৎশিং অসিগী মনুংদা 19 দা অন্দরগ্রেজুয়েত কোর্সশিং তম্বা হৌরে।
5. ওজা ৱাৎলিবশিং মেনখৎপা ঙম্নবা থবক হাপ্পা মতমদা দি.এন.বি ক্বালিফিকেসন শকখঙলে।
6. মেদিকেল কলেজশিংদা ওজা/দিন/প্রিন্সিপাল/দিরেক্তরগী ফমশিং হাপ্পা/শাংদোকপা/অমুক হন্না থবক পুহনবগী মতম চহি ৭০ ফাওবা শাংদোক্লে।

ৱাফম অসি ঙসি রাজ্য সভাদা অইবা ওইনা পীখিবা পাউখুম অমদা হেল্থ অমসুং ফেমিলি ৱেলফিয়ারগী রাজ্য মন্ত্রী শ্রীমতি অনুপ্রিয়া সিংহ পতেলনা ফোঙদোকখিবনি।

****