লৈবাক অসিদা চন্দিগর, দিল্লী, ভোপাল, পুনে, কোলকাত, গুৱাহাতি অমসুং হাইদ্রবাদতা সেন্ত্রেল ফোরেন্সিক সাইন্স লেবোরেতরী (CFSL) 07 লৈ। রাজ্যগী মতুং ইন্না রাজ্যশিং.য়ুনিয়ন তেরিতোরীশিংগী ফোরেন্সিক লেবশিংগী অকুপ্পা মরোলশিং অদু এনেক্সচরদা উবা ফংগনি।

সরকারনা লৈবাক অসিদা ইনভেস্তিগেশন অমসুং প্রোসিক্যুশন, লোইননা ফোরেন্সিক সাইন্সকী ইকো-সিস্তেম য়াওনা কেপাসিতীসিং হেনগৎহন্নবা অখন্নবা মিৎয়েং চংলি। লৈবাক অসিদা ফোরেন্সিক লেবোরেতরীশিং অমসুং মরি লৈনবা ফেসিলিতীশিং ফগৎহন্নবগী থৌওংশিং অসি চত্থরিবা অমসুং লেপ্তনা চত্থবা থৌওংনি, হায়রিবা অসি গেপ-এনালিসিস অমসুং দিমান্দ এসেসমেন্তকী মখা পোনলি। ‘পুলিস’ অমসুং ‘পব্লিক ওর্দর’ অসি ভারতকী সম্বিধানগী তরেতশুবা সেদ্যুলগী মখাদা লৈবা রাজ্যগী হিরম্নি। লো অমসুং ওর্দর নিংথিনা ঙাক-শেন্দুনা থম্বা, ইনভেস্তিগেশন,  ক্রাইম অমসুং ক্রিমিনেলশিংগী প্রোসিক্যুশন তৌবা য়াওনা নাগ্রিকশিংগী পুনশি অমসুং মপোৎ-মরলশিং ঙাক-শেন্দুনা থম্বা হায়বসি মরি লৈনবা রাজ্য/য়ুনিয়ন তেরিতোরীগী মথৌদাংনি।

মখাগী খোংথাংশিং অসি লৈবাক অসিদা ফোরেন্সিক লেবশিং অমসুং ফোরেন্সিক ইনফ্রাস্ত্রকচর অপগ্রেদ তৌনবা  কেন্দ্রগী সরকারনা লৌখৎলকখিবা খোংথাংশিংনি:

(i) ভোপাল, গুৱাহাতি, পুনে অমসুং কোলকাতাদা সেন্ত্রেল ফোরেন্সিক সাইন্সেস লেবোরেতরীশিংগী মোদর্নাইজেশন তৌবা।

(ii) নার্কোতিক দ্রগশিং অমসুং সাইকোত্রোপিক সবস্তেন্সশিংগী মতাংদা ফোরেন্সিক্সকী অনৌবা দিসিপ্লিন য়াওনা , দিজিতেল ফোরেন্সিক্স, DNA  ফোরেন্সিক এনালিসিস, ফোরেন্সিক সাইকোলোজী সেন্ত্রেল ফোরেন্সিক সাইন্সেস লেবোরেতরীশিংদা মেছিনরী অমসুং ইক্যুইপমেন্ত অপগ্রেদ তৌবা।

(iii) চন্দিগরদা লৈবা সেন্ত্রেল ফোরেন্সিক সাইন্সেস লেবোরেতরীদা মতম অসিগী খ্বাইদগী নৌবা DNA এনালিসিস অমসুং রিসর্চ অমসুং দেবেলপমেন্ত ফেসিলিতী অমা থম্বা।

(iv) দিজিতেল ফ্রোদ/ সাইবর ফোরেন্সিক্সকী মরু ওইবা কেসশিং ইনভেস্তিগেত তৌনবা হাইদ্রবাদকী সেন্ত্রেল ফোরেন্সিক সাইন্সেস লেবোরেতরীদা নেস্নেল সাইবর ফোরেন্সিক লেবোরেতরী অমা থম্বা।

(v) লৈবাক অসিদা লৈরিবা ফোরেন্সিক সাইন্স লেবোরেতরী 117 (কেন্দ্র অমসুং রাজ্য)বু কনেক্ত তৌবআ ই-ফোরেন্সিক্স IT প্লেতফোর্ম অমা থবক তৌহনবা।

(vi) হোম এফিয়র্স মন্ত্রালয়না করোর ₹99.76 গী অপুনবা শেনফম অসি কাইথোক্তুনা সাম্বা (জম্মু অমসুং কাশ্মির)দা সেন্ত্রেল ফোরেন্সিক লেবোরেতরী অমা থম্নবগী ইন-প্রিন্সিপল এপ্রোভল পীখ্রে।

(vii) লৈবাক অসিগী মফম খুদিংমক্তা ক্বালিতী লৈবা অমসুং নিংথিনা ত্রেন তৌরবা ফোরেন্সিক মেনপাৱর পীনবা 2020দা পার্লিয়ামেন্তকী এক্তকী মখাদা নেস্নেল ফোরেন্সিক সাইন্সেস য়ুনিভর্সিতী (NFSU) লিংখৎখি। NFSU গী হেদক্বার্তর অসি গুজরাতকী গান্ধিনাগরদা লৈ। মসিদা নত্তনা NFSUগী কেমপসশিং অসি দিল্লী, আগ্রতলা (ত্রিপুরা), ভোপাল (মধ্য প্রদেশ), ধর্ৱাদ (কর্নাতকা), অমসুং গুৱাহাতি (অসাম)দা লৈ। NFSUনা ইম্ফাল (মনিপুর) অমসুং পুনে (মহারাস্ত্র)দশু ত্রেনিং একাদেমীশিং হৌখ্রে। 

(viii) লৈবাক অসিদা ফোরেন্সিক তেস্তিং ইনফ্রাস্ত্রকচর ফগৎহন্নবা অমসুং লৈবাক অসিদা ফোরেন্সিক প্রোফেস্নেলশিংগী অৱাৎপা আদুবু কোকহন্নবা অদুগা লোইন-লোইননা লৈবাক অসিদা ফোরেন্সিক সাইন্স লেবোরেতরীশিংদা কেসশিং পন্থদুনা লৈরিবশিং অদুবু হন্থহন্নবা ফাইনান্সিয়েল য়িয়র 2024-25দগীনা 2028-29 ফাওবগী করোর ₹2254.43গী অপুনবা শেনফম কাইথোকপগা লোইননা 19.06.2024 দা কেবিনেতনা “নেস্নেল ফোরেন্সিক ইনফ্রাস্ত্রকচর এনহান্সমেন্ত স্কীম” হায়বা স্কীম অমা অয়াবা পীখ্রে।  স্কীম অসিদা লৈবাক অসিদা নেস্নেল ফোরেন্সিক সাইন্সেস য়ুনিভর্সিতীগী ওফ কেমপস 09, সেন্ত্রেল ফোরেন্সিক সাইন্স লেবোরেতরী 07 থম্বা, অমসুং NFSUগী দিল্লী কেমপসকী হৌজিক লৈরিবা ইনফ্রাস্ত্রকচর অদুবু ফগৎহনবা হায়বশিং অসি য়াওরি।

(ix) রাজ্যশিং/ য়ুনিয় তেরিতোরীশিংদা নির্ভায়া ফন্দ স্কীমগী মখাদা মখোয়-মখোয়গী ফোরেন্সিক লেবোরেতরীশিংদা DNA এনালিসিস, সাইবর-ফোরেন্সিক্স অমসুং মরি লৈনবা ফেসিলিতীশিং ফগৎহন্নবগীদমক্তা তেংবাং পীখ্রে। রাজ্য/য়ুনিয়ন তেরিতোরী 30গী পুন্না করোর ₹250.59 প্রোজেক্তশিং অয়াবা পীখ্রে।  

(x) ফোরেন্সিক কেপাসিতীশিংগী মোদর্নাইজেশন তৌনবগী স্কীম অমা করোর ₹2080.5গী অপুনবা শেনফম কাইথোকপগা লোইননা অয়াবা পীখ্রে। স্কীম অসিগী মখাদা, রাজ্যশিং/য়ুনিয়ন তেরিতোরীশিংদা মোবাইল ফোরেন্সিক ভেনশিং য়াওনা মেছিনরী অমসুং ইক্যুইপমেন্তগী মোদর্নাইজেশন অৱাংবা থাক্কী ফোরেন্সিক সাইন্স ফেসিলিতীশিং দেবেলপ তৌনবা অমসুং লৈবাক অসিদা ফোরেন্সিক সাইন্সকীদমক্তা এজুকেস্নেল ফেসিলিতীশিংগী এক্সপান্সনগী খুত্থাংদা লেবোরেতরীশিং অসিদা নিংথিনা ত্রেন তৌরবা মেনপাৱর লৈহন্নবা তেংবাং পীরি। হৌজিক ফাওবদা, স্কীম অসিগী মখাদা “রাজ্যশিং / য়ুনিয়ন তেরিতোরীশিংদা ফোরেন্সিক সাইন্স লেবোরেতরীশিংগী মোদর্নাইজেশন অমসুং অপগ্রেদেশনগীদমক্তা” রাজ্য / য়ুনিয়ন তেরিতোরী 18গীদমক্তা চাউরাক্না করোর ₹186.12গী শেন্থং অয়াবা পীখ্রে অমসুং “লৈবাক অসিদা লৈরিবা জিলা অমসুং রাজ্যগী FSLশিংগীদমক্তা মোবাইল ফোরেন্সিক ভানশিং”গীদমক্তা রাজ্য / য়ুনিয়ন তেরিতোরী 20গীদমক্তা করোর ₹207.98 অয়াবা পীখ্রে। মসিগী মথক্তা, স্কীম অসিগী মখাদা NFSUগী ওফ কেমপস অমসুং সেন্তর ওফ এক্সেলেন্স অমসুং NFSUদা এক্রেদিতেদ তৌবা ত্রেনিং / স্কিলিং একাদেমীশিং লিংখৎনবা চাউরাক্না করোর ₹236.25গী ফন্দশিং থাদোকখ্রে।

(xi) “সেফতী ওফ ৱিমেন”গী মতাংদা ওইবা অম্ব্রেলা স্কীমগী মখাদা, পুনে, চন্দিগর, কোলকাতা, ভোপাল, দিল্লী, অমসুং গুৱাহাতিদা লৈবা CFSL তরুক্তা অখন্নবা সাইবর ফোরেন্সিক সাইন্স লেবোরেতরী লিংখৎপা, নেস্নেল সাইবর ফোরেন্সিক লেবকা মরি লৈননা, হাইদ্রবাদপু করোর ₹126.84গী অপুনবা শেনফমগা লোইননা অয়াবা পীখ্রে। মসিদা নত্তনা, ফোরেন্সিক লেবশিংদগী থারকপা দেতাশিং অদুবু নিংথিনা সিস্তেমেতিক ওইবা মওংদা থম্নবা, নেস্নেল ফোরেন্সিক দেতা  সেন্তর অমা হায়রিবা স্কীম অসিগী মখাদা করোর ₹200.16গী অপুনবা শেনফমগা লোইননা অয়াবা পীখ্রে। মসিগা লোইননা, ভোপাল, পুনে অমসুং গুৱাহাতিদা লৈবা CFSLদা রিপোর্তিং ওফিসরশিংগী লৈফম বিল্দিংশিং থম্নবা স্কীম অসিগী মখাদা করোর ₹27.25গী অপুনবা শেনফম কাইথোকপগা লোইননা অয়াবা পীখ্রে।

(xii) ফোরেন্সিক একজামিনেশনদা ক্বালিতী অমসুং স্তেন্দার্দাইজেশন লৈহন্নবা, MHAগী ফোরেন্সিক সাইন্স সর্বিসেসকী দাইরেক্তোরেতনা মখাগী গাইদলাইনশিং অসি থাদোকখি: 

- NABL স্তেন্দর্দ (ISO 17025)কী মতুং ইন্না লেবোরেতরীশিংগী এক্রিদিতেশনগীদমক্তা ক্বালিতী লৈবা মেন্যুৱলশিং অমসুং ফোরেন্সিক সাইন্সেসকী দিসিপ্লিন মাপলদা ৱার্কিং প্রোসিজর মেন্যুৱলশিং। 

- বায়োলোজী, DNA, কেমিস্ত্রী, এক্সপ্লোসিব, নার্কোতিক্স, তোক্সিকোলোজী, ICJS ফোরেন্সিক পোর্তল, স্পীকর আইদেন্তিফিকেশন অমসুং কমপ্যুতর ফোরেন্সিক্সকীদমক্তা ক্বালিতী লৈবা মেন্যুৱলশিং অমসুং ৱার্কিং প্রোসিজরশিং।

- ইনভেস্তিগেশন ওফিসরশিং অমসুং মেদিকেল ওফিসরশিংগীদমক্তা সেকচুৱল কেসশিংগা মরি লৈনবা ফোরেন্সিক এভিদেন্সগী কলেক্সন, প্রিজর্ভেশন অমসুং ত্রান্সপোর্তেশনগীদমক্তা গাইদলাইনশিং

- ফোরেন্সিক সাইন্সেস লেবোরেতরীশিং থম্নবগী/অপগ্রেদ তৌনবগীদমক্তা ইক্যুইপমেন্তকী স্তেন্দর্দ লিস্ত।

“নেস্নেল ফোরেন্সিক ইনফ্রাস্ত্রকচর এনহান্সমেন্ত স্কীম”গী মখাদা লৈবাক অসিদা নেস্নেল ফোরেন্সিক সাইন্সেস য়ুনিভর্সিতী গী ওফ-কেমপস 09 থম্নবা করোর ₹1309.13 গী অপুনবা শেনফম কাইথোকপগা লোইননা অয়াবা পীখ্রে। NFSUগী ওফ-কেমপস অসি মহৈরোইশিং লৈবা, মফম চাবা অমসুং স্তেকহোল্দর তানরবা মতুং হায়বনচিংবশিং অসিগুম্বা ফেক্তরশিং অসিদা য়ুমফম ওইরগা থম্মি।

এনেক্সচর

রাজ্যগী মতুং ইন্না রাজ্য/য়ুনিয়ন তেরিতোরীশিংগী ফোরেন্সিক লেবশিংগী অকুপ্পা মরোলশিং।

(সোর্স: দাইরেক্তোরেত ওফ ফোরেন্সিক সাইন্স সর্বিসেস)

মসি হোম এফিয়র্সকী রাজ্য মন্ত্রী, শ্রী বন্দি সঞ্জয় কুমারনা লোক সভাদা হংখিবা ৱাহংগী অইবা পাউখুমা ওইনা পীখিবনি।

*****