ভারতকী রাস্ত্রপতি শ্রীমতি দ্রৌপতি মুর্মুনা লুচিংদুনা ওগস্ত ২ অমসুং ওগস্ত ৩, ২০২৪ দা রাস্ত্রপতি ভাবন্দা রাজ্যপালশিংগী নুমিৎ নিনিগী মীফম পাংথোক্কনি। মীফম অসি রাস্ত্রপতি দ্রৌপতি মুর্মুনা ময়াই তাংবল লৌদুনা পাংথোকপা অহানবা রাজ্যপালশিংগী মীফম ওইরগনি।

মীফম অসিদা রাজ্যশিংগী রাজ্যপালশিং শরুক য়াগনি। উপ-রাস্ত্রপতি; প্রধান মন্ত্রী; হোম এফেয়ার্স, এগ্রিকলচর অমসুং ফার্মরস ৱেলফিয়ার; ইজুকেসন; ত্রাইবেল এফেয়ার্স; ইনফোর্মেসন অমসুং ব্রোদকাস্তিং; ইনভাইরোনমেন্ত, ফোরেস্ত অমসুং ক্লাইমেত চেঞ্জ; অমসুং য়ুথ এফেয়ার্স অমসুং স্পোর্তস মিনিস্ত্রিশিংগী য়ুনিয়ন মিনিস্তরশিং; নিতি অয়োগকী ভাইস-চিয়ারমেন অমসুং সি.ই.ও অমসুং পি.এম.ও, কেবিনেত সেক্রেতরিয়েত, হোম এফেয়ারস মিনিস্ত্রি অমসুং অতোপ্পা মিনিস্ত্রিশিংগী সেনিয়ার ওফিসিএলশিং মীফম অসিদা শরুক য়াগনি।

মীফম অসিগী মরুওইবা এজেন্দাশিংগী মনুংদা ক্রিমিনেল লো অহুম চৎনবা; অৱাংবা থাক্কী লাইরিক তম্বদা অহোংবা পুরকপা অমসুং য়ুনিভর্সিতিশিংদা এক্রিদিতেসন পীবা; ত্রাইবেলশিংগী লমশিং, এস্পিরেসনেল দিস্ত্রিকশিং অমসুং ব্লোকশিং অমসুং ঙমখৈগী লমশিং চাউখৎহনবা; মাইভারত, এক ভারত শ্রেস্থা ভারত অমসুং এক ব্রিক্সা মা কে নাম কেম্পেনশিংদা রাজ্যপালশিংগী থৌদাং অমসুং নেচরেল ফার্মিং; মীয়ামগী শম্নবা হেনগৎহনবা; অমসুং রাজ্যদা সেন্ত্রেল এজেন্সিশিংগা পুন্না থবক তৌমিন্নবদা মতেং পীনবা হেনগৎহনবদা রাজ্যপালশিংগী থৌদাং য়াওরি। হায়রিবা এজেন্দাশিং অসি কাংলুপ কয়া থোক্নবা খায়দোক্তুনা রাজ্যপালশিংনা খন্নগনি। লোইশিনবগী থৌরমদা, হায়রিবা গ্রুপশিং অসিনা রাস্ত্রপতি, উপ-রাস্ত্রপতি, প্রধান মন্ত্রী অমসুং অতোপ্পা শরুক য়ারিবশিংগী মমাংদা উৎকনি।

****