কোওপরেতিপ সেক্তরদা কোওপরেতিপ রিছার্স অমসুং দিবলপমেন্ত চাউখৎনবা অমসুং এফিলিয়েতেদ ইন্সতিতুসনশিংগী খুৎথাংদা লৈবাক অসিদা কোওপরেতিপকী ইহৌ মপাঙ্গল কনখৎহন্নবা তেক্নিকেল অমসুং মেনেজমেন্তগী ইজুকেসন অমসুং ত্রেনিং পীণবা জাতি থাক্কী কোওপরেতিপ য়ুনিভর্সিতি অমা লিংখৎনবা কোওপরেসন মিনিস্ত্রিনা থবক পায়খৎলি।

মথক্কী পান্দম অসি ফংনবা, লিংখৎকদৌরিবা য়ুনিভর্সিতি অসিগী লম্বী শেম্নবা সেন্ত্রেল মিনিস্ত্রিশিং/দিপার্তমেন্তশিং, রাজ্য সরকারশিং, নেসনেল কোওপরেতিপশিং/ফেদেরেসনশিং, কোওপরেতিপ ইন্সতিতুসনশিং য়াওনা মরী লৈনবা খুদিংমক য়াম্না কুপ্না খন্ন-নৈনরে। য়ুনিভর্সিতি অসিনা মসিগী দরকার ওইবা চাদিংশিং পুথোকচবা ঙম্নবা মশা মরোমদোম লেপচবা ঙম্নবা থবক তৌনবা পান্দম থম্লি। 

লিংখৎকদৌরিবা য়ুনিভর্সিতি অসিনা কোওপরেতিপ সেক্তরগা নকশিন্ননা থবক তৌগনি অমসুং মিনিস্ত্রিনা পায়খৎলিবা তোঙান-তোঙানবা থবকশিং মাইপাক্না পাংথোকপা ঙম্নবা কোওপরেতিপ সেক্তরদা মতিক চাবা অমসুং মগুন লৈবা ত্রেন তৌরবা মীওইশিং পুথোক্নবা অপুনবা অমসুং অৱাংবা থাক্কী ত্রেনিং অমসুং ইজুকেসন পীগনি। হৌজিক লৈরিবা ইমপ্লোইয়িশিং অসিগী কেপাসিতি হেনগৎহনবা অমসুং শীনফম অসিগী লমদা ত্রেন তৌরবা মীওইশিং ফংহনবা অসিনা শেন্মিৎলোনগী তোঙান-তোঙানবা হিরমশিংদা কোওপরেতিপ সেক্তরনা য়াম্না চাউনা মতেং পাংবা ঙমগনি।

ৱাফম অসি ঙসি লোক সভাদা অইবা ওইনা পীখিবা পাউখুম অমদা কোওপরেসনগী য়ুনিয়ন মিনিস্তর শ্রী অমিত সাহনা ফোঙদোকখিবনি।

****