امداد باہمی  کی وزارت، الیکٹرانکس اور انفارمیشن ٹیکنالوجی کی وزارت، نابارڈ اور سی ایس سی ای گورننس سروسز انڈیا لمیٹڈ کے درمیان ایک مفاہمت نامے پر دستخط کیے گئے ہیں، جس سے پرائمری ایگریکلچرل کریڈٹ سوسائٹیز (پی اے سی ایس) کو 300 سے زیادہ ای-سروسز فراہم کرنے کے قابل بنایا گیا ہے جو کامن سروس سینٹرز(سی ایس سی ز ) کے ذریعے ملک کے دیہی علاقوں میں بینکنگ، انشورنس، آدھار اندراج/اپ ڈیٹ، صحت خدمات، زرعی خدمات وغیرہ سمیت فراہم کی جا رہی ہیں۔

سی ایس سی  کے طور پر کام کرنے والا پی اے سی ایس  سی ایس سی پورٹل کے ذریعے شہریوں کو مختلف ای-سروسز فراہم کرنے کے قابل ہو گا، جن میں درج ذیل شامل ہیں:

1. پردھان منتری فلاحی اسکیمیں: آیوشمان بھارت یوجنا، پی ایم کسان ماندھن یوجنا، پی ایم فصل بیمہ یوجنا، کسان کریڈٹ کارڈ اسکیم، ای شرم رجسٹریشن، پی ایم کسان سمان ندھی یوجنا وغیرہ۔
2. مرکزی حکومت کی خدمات: آدھار، پین کارڈ، جیون پرمان، پاسپورٹ، پانی اور بجلی کے بل کی ادائیگی کی خدمات، آئی ٹی آر فائلنگ، ای اسٹیمپ وغیرہ۔
3. ریاستی حکومت کی خدمات: ای ڈسٹرکٹ سروسز، پی ڈی ایس سروسز، میونسپل سروسز وغیرہ۔
4. مالی شمولیت کی خدمات: بینکنگ، قرض، انشورنس، پنشن، ڈجی پے، فاسٹیگ، وغیرہ۔
5. آدھار سے متعلق خدمات: رجسٹریشن، اپ ڈیٹ، ای-کے وائی سی؛
6. زرعی خدمات: سی ایس سی  ای ایگری پورٹل، ایگری ٹیلی کنسلٹیشن اینڈ ای پشو چکتسا، سوئل ٹیسٹنگ سینٹر، کسان ای مارٹ، کسان کریڈٹ کارڈ، وغیرہ۔
7. ای موبلٹی اور اسمارٹ پروڈکٹس: رورل ای موبلٹی ڈیلرشپ، اسمارٹ پروڈکٹس وغیرہ۔

• VIII. بی 2سی خدمات: آئی آر سی ٹی سی /بس/ایئر ٹکٹ بکنگ، موبائل/ڈی ٹی ایچ ریچارج، ای کامرس وغیرہ۔

9. دیگر خدمات: اسٹری سوابھیمان انیشیٹو، اسپرش ڈیفنس پنشن، وغیرہ۔

 سی ایس سی کے ڈیجیٹل سیوا پورٹل پر ریلوے اور فلائٹ ٹکٹوں کی بکنگ کا انتظام ہے، جس کے ذریعے سی ایس سی کے طور پر کام کرنے والی پی اے سی ایس دیہی علاقوں میں شہریوں تک ان خدمات کو بڑھا سکتی ہے۔

اس اقدام کے ذریعے، عام شہری، خاص طور پر ملک کے دیہی علاقوں میں، 300 سے زیادہ ای-سروسز تک رسائی حاصل کر سکتے ہیں، جن میں مذکورہ خدمات بھی شامل ہیں، ان کی رہائش گاہ کے قریب، اس طرح ان کے رہنے اور کاروبار کرنے میں آسانی پیدا ہو گی۔ اس کے علاوہ، یہ پی اے سی ایس کو آمدنی کے اضافی ذرائع فراہم کرتا ہے، بالآخر ان سے وابستہ کروڑوں چھوٹے اور معمولی کسانوں کو فائدہ پہنچاتا ہے۔ اس سے نہ صرف پی اے سی ایس کو مختلف شہریوں پر مبنی خدمات فراہم کرنے کے لیے نوڈل مراکز میں تبدیل کیا جائے گا بلکہ خود پائیدار اقتصادی ادارے بننے میں مدد ملے گی جس سے دیہی معیشت پر مثبت اثر پڑے گا۔

یہ بات امداد باہمی  کے وزیر جناب امت شاہ نے لوک سبھا میں ایک سوال کے تحریری جواب میں کہی۔

************

ش ح ۔ ا م    ۔  م ش۔

 (U: 9016)