লৈবাক শিন-থুংনা স্তার্তঅপশিং প্রোমোত তৌনবা সরকারনা অনৌবা থৌরাং কয়া অমা লৌখৎলকখ্রে। স্তার্তঅপশিং প্রোমোত তৌনবা সরকারগী মন্ত্রালয়শিং/দিপার্তমেন্তশিংনা লৌখৎলিবা অনৌবা থৌরাংশিং অদুগী অকুপ্পা মরোলশিং অদু মখাদা পীরি:

1. কমর্স অমসুং ইন্দস্ত্রী মন্ত্রালয়গী মখাদা লৈবা দিপার্তমেন্ত ফোর প্রোমোশন ওফ ইন্দস্ত্রী এন্দ ইন্তর্নেল ত্রেদ (DPIIT)

সরকারনা ইনোভেশনবু য়োকখৎনবা অমসুং ইনভেস্তমেন্তশিং থৌগৎনবগীদমক্তা য়াম্নালিংবা ইকোসিস্তেম অমা শেমগৎনবগীদমক্তা 2016গী জনুৱারী 16তা স্তার্তঅপ ইন্দিয়া ইনিসিয়েতিব হৌদোকখি। G.S.R. নোতিফিকেশন 127 (E) দেতেদ ফেব্রৱারী 19, 2019, গী মখাদা পল্লিবা এলিজিবিলিতী কন্দিশনশিং অদুগী মতুং ইন্না এন্তাইতীশিংবু DPIIT স্তার্তঅপ ইন্দিয়া ইনিসিয়েতিবকী মখাদা ‘স্তার্তঅপশিং’ হায়না মশক খঙবী। DPIITনা 2024গী জুন 30 এন্তাইতী  1,40,803বু সআর্তঅপশিংনি হায়না রিকোগ্নাইজ তৌখি। রাজ্য/ য়ুনিয়ন তেরিতোরীগী মতুং ইন্না DPIITনা রিকোগ্নাইজ তৌরবা স্তার্তঅপশিংগী অকুপ্পা মরোলশিং অদু এনেক্সচর-Iদা য়াওরি। মসিগী অনৌবা থৌরাং অসিগী মখাদা সরকারনা লৌখৎলিবা খোংথাং খুদিংমক ইনক্লুসিব ওই অমসুং চহি কাংলুপশিং, রাজ্য/য়ুনিয়ন তেরিতোরীশিং, সিতীশিং, তাউনশিং অমসুং খুঙ্গংগী লমশিংদা ইমপ্লিমেন্ত তৌখ্রে। সরকারগী অসিগুম্বা অনৌবা থৌরাংশিংগী অকুপ্পা মরোলশিং অদুবু এনেক্সচর-IIদা য়াওরি। স্তার্তঅপ ইন্দিয়া ইনিসিয়েতিবকী মখাদা সরকারনা লেপ্তনা পাইখৎলকখিবা থবকশিং অদুনা মরম ওইরগা 2024গী জুন 30 ফাওবদা রেকোগ্নাইজ তৌরবা স্তার্তঅপশিংগী মশিং অদু 1,40,803দা হেনগৎলকখ্রে। রিকোগ্নাইজ তৌরবা স্তার্তঅপশিং অদুনা দাইরেক্ত জোব লাখ 15.5গী মথক্তা লৈহনখ্রে। লৈবাক অসিগী রাজ্য/য়ু.তি খুদিংদগী রিকোগ্নাইজ তৌরবা স্তার্তঅপশিং লোইনা লৈরে।

2. মাইক্রো, স্মোল অমসুং মীদিয়ম এন্তরপ্রাইজকী মন্ত্রালয় (MSME):

MSMEগী মন্ত্রালয়না খাদি অমসুং ভিলেজ ইন্দস্ত্রীজ কমিসন (KVIC)গী খুত্থাংদা নন-ফার্ম সেক্তরদা অনৌবা এন্তরপ্রাইজশিং লিংখৎনবা এন্ত্রপ্রেনরশিংদা মতেং পাংনবগীদমক্তা প্রাইম মিনিস্তরস এমপ্লোইমেন্ত জেনরেশন প্রোগ্রাম ইমপ্লিমেন্ত তৌরি। মসিনা ত্রেদিস্নেল আর্তিসানশিং/রুরল অমসুং অর্বানগী থবক ফংদবা নহাশিংবু মখোয়গী থোংগান্দা থবক তৌনবগী খুদোংচাবশিং পীনবগী পান্দম্নি।

PMEGP অসি সেন্ত্রেল সেক্তর স্কীম অমা ওইবনা জেনরেল কেতেগোরীগী বেনিফিসরিশিংদা রুরলগী মফমশিংদা প্রোজেক্ত কোস্ত অদুগী 25% মার্জিন মনী (MM) সবসিদীগী মতেং অমসুং অর্বান এরিয়াশিংদনা 15% পী। স্পেসিয়েল কেতেগোরীশিং খুদম ওইনা সেদ্যুল কাস্তশিং, সেদ্যুল ত্রাইবশিং, OBCশিং, মাইনোরিতীশিং, নুপীশিং, এক্স-সর্বিসমেন, ফিজিকেল এন্দিকেপ, ত্রান্সজেন্দরশিং, নোর্থ ইস্তর্ন রিজন, হিল অমসুং বোর্দর এরিয়াশিংদগী বেনিফিসরীশিং অমসুং এসপিরেস্নেল দিস্ত্রিক্তশিংগী মনুং চন্না লৈবা বেনিফিসরীশিংগীদমক্তা মার্জিন মনী সবসিদী অসি খুঙ্গংগী লমশিংদা 35% অমসুং স্রগী লমশিংদা 25% পী। মেন্যুফেকচরিং সেক্তরদা প্রোজেক্তকী খ্বাইদগী য়াম্বা শেল অসি লুপা লাখ 50নি অমসুং সর্বিস সেক্তরদনা লুপা লাখ 20নি।

লোইননানুপীশিং য়াওনা স্পেসিয়েল কেতেগোরীগী ঞকাদা বেনিফিসরীশিংগী মশাগী কন্ত্রিব্যুশন অসি 05% অমসুং জেনরেল কেতেগোরী বেনিফিসরীশিংগীদমক্তনা 10% নি।

2018-19দগী লৈরিবা PMEGP/REGP/MUDRA এন্তরপ্রাইজশিং অসিশু হৌখিবা পার্ফোর্মেন্সতা য়ুমফম ওইরগা অনিশুবা লোনগীদমক্তা অপগ্রেদেশন অমসুং এক্সপান্সনগীদমক্তা মতেং পাংই। অনিশুবা লোনগী মখাদা মেনুফেকচরিং সেক্রতগী মখঅদা মারজিন মনী সবসিদিগীদমক্তা প্রোজেক্তকী অচংবা শেলদা অয়াবা পীরিবা শেনফম অদু লুপা করোর 1.00 অমসুং সর্বিস সেক্তরগীদমক্তা লুপা লাখ 25নি। কেতেগোরী পুম্নমক্কী অনিশুবা লোনগী সবসিদী অসি প্রোজেক্ত কোস্ত অদুগী 15% নি (NER অমসুং হিল স্তেতশিংগী 20%)।   

মসি হেক হৌদোরকপদগী হায়বদি FY 2008-09দগী মাইক্রো এন্তরপ্রাইজ লাখ 9.69 হেনবদা লুপা করোর 25,500  হেনবা মার্জিন মনী সবসিদিগা লোইননা মীওই লাখ 79 রোমদা থবক পীদুনা মতেং পাংখি। চাউরাক্না য়ুনিৎ 50%দি  SC/ST/নুপীনা লিংখৎপনি অমসুং য়ুনিৎকী 80%দি খুঙ্গংগী মফমশিংদা লিংখৎখি। লাক্কদবা চহি 2, FY (2024-25 to 2025-26), মন্ত্রালয়না মী লাখ 12.8 থবক পীবা ঙম্বগী মতিক লৈবা অনৌবা এন্তরপ্রাইজ লাখ 1.6 তার্গেত তৌরি।

হৌখিবা চহি 5 অসিদা মতেং পাংখিবা য়ুনিৎশিং, মার্জিন মনী থাদোকখিবা  অমসুং থবক ফংহনখিবগী চাউরাকপা মশিংগী মতাংদা PMEGPগী পার্ফোর্মেন্স অদু এনেক্সচর IIIগী মতুং ইন্না ওই।

3. রুরল দেবেলপমেন্তকী মন্ত্রালয় (MoRD)

রুরল দেবেলপমেন্তকী মন্ত্রালয়না মখোয়গী ফ্লেগশিপ স্কীম দীনদয়াল অন্ত্যোদায়া য়োজনা-নেস্নেল রুরল লাইবলিহুদ মিসন (DAY-NRLM) অসি ইমপ্লিমেন্ত তৌরগনি। DAY-NRLMনা লাইরবশিংদা তুংকোইনগী ওইবা অমসুং তোঙান-তোঙানবা হিংননবগী লম্বিশিং পীদুনা তোংগদভা সেল্ফ-এমপ্লোইমেন্ত অমসুং স্কিলদ ৱেজ এমপ্লোইমেন্তকী খুদোংচবশিং ফংহন্নবা লাইরবা ইমুংশিংদা মখোয়গী লাইর-অনং হন্থহন্নবা পান্দম থম্লি।

স্তার্তঅপ ভিলেজ এন্ত্রপ্রেনরশিপ প্রোগ্রাম (SVEP) অসি DAY-NRLMগী শরুক অমনি। SVEPনা খুঙ্গংগী লমশিংদা লৈরিবা এন্ত্রপ্রেনরশিংবু লোকল এন্তরপ্রাইজশিং লিংখৎনবা সপোর্ত তৌবগী পান্দম থম্লি। স্তার্তঅপ ভিলেজ এন্ত্রপ্রেনরশিপ প্রোগ্রাম (SVEP) মখাদা সপোর্ত তৌখিবা এন্তরপ্রাইজশিংগী মশিং অদু এনেক্সচর IVগী মতুং ইন্না ওই।

স্তার্তঅপ ভিলেজ এন্ত্রপ্রেনরশিপ প্রোগ্রামগী মখাদা মতেং পাংখিবা এন্তরপ্রাইজ 3,02,825না চাউরাক্না থবক 6,26,848 পীখি হায়না পারি।

 

4. দিপার্তমেন্ত ওফ সাইন্স অমসুং তেকনোলোজী (DST)

দিপার্তমেন্ত ওফ সাইন্স অমসুং তেক্নোলোজী (DST)না 2016দা হৌদোকখিবা অম্ব্রেলা প্রোগ্রাম NIDHI (নেস্নেল ইনিসিয়েতিব ফোর দেবেলপমেন্ত এন্দ হার্নেসিং ইনোভেশন্স) ইমপ্লিমেন্ত তৌরি, মসিনা একাদেমিক সেতঅপতশিংদা ইনোভেশন অমসুং এন্ত্রপ্রেনরশিপ সপোর্ত তৌনবা মচাক কয়া অমা য়াওরি। NIDHIগী মতেং অসি (PoC), প্রোতোতাইপিং, কেপাসিতী বিল্দিং অমসুং অনৌবা স্তসর্তঅপশিং হৌদোকপদা মতেং পাংবা অহানবা হৌরকপগী সীদ ফন্দশু পীরি। মসিনা মরম ওইরগা লমদম অসিগী মশাগী ওইবা তেক্নোলোজীশিং পুথোকপা ঙমহল্লি, মসিনা খুনাইগীদমক্তা তেকতা য়ুমফম ওইবা সোল্যুশনশিং/সর্বিসশিং পীবতা নত্তনা লৈবাক অসিগী শেন্মিৎলোন চাউখৎহনবদা অমসুং থবক ফংহনবদা মতেং পাংগনি।

5. লৌউ-শিংউ অমসুং লৌমীশিং য়াইফ-থৌরাংগী মন্ত্রালয়

হৌজিক-হৌজিক লৈবাক অসিদা ওপরেত তৌরিবা স্তার্তঅপশিংগী মশিংগী অকুপ্পা মরোলশিং, রাজ্য/য়ু.তি.গী মতুং ইন্না রাস্ত্রিয়া কৃশি ৱিকাস য়োজনা (RKVY)গী মখাদা “ইনোভেশন এন্দ এগ্রি-এন্ত্রপ্রেনরশিপ দেবেলপমেন্ত”কী মখাদা সপোর্ত তৌখিবা লৌউ-শিংউ অমসুং মরি লৈনবা সেক্তরশিং অদু এনক্সচর Vকী মতুং ইন্না ওই।

ভারত সরকারনা এগ্রি-স্তার্তঅপশিংদা শেলগী অমসুং তেক্নিকেলগী ওইবা মতেং পীদুনা এগ্রি-স্তার্তঅপশিং প্রোমোত তৌনবা হোৎনরি। লৌউ-শিংউ অমসুং লৌমীশিং য়াইফ-থৌরাংগী মন্ত্রালয় (MoA and FW)না লৈবাক অসিদা স্তার্তঅপশিংগী ইকোসিস্তেম অমা শেমগৎনবগীদমক্তা শেল অমসুং তেক্নিকেলগী ওইবা মতেং পীদুনা ইনোভেশন অমসুং এগ্রি-এন্ত্রপ্রেনরশিপ য়োকখৎনবগি পান্দমগা লোইননা রাস্ত্রিয়া কৃশি ৱিকাস য়োজনা (RKVY)গী মখাদা “ইনোভেশন এন্দ এগ্রি-এন্ত্রপ্রেনরশিপ দেবেলপমেন্ত” প্রোগ্রাম অসি 2018-19দগী ইমপ্লিমেন্ত তৌদুনা লাক্লি।  হৌজিক ফাওবদা নোলেজ পার্তনর (KPশিং) অমসুং 24 RKVY এগ্রিবিজনেস ইনক্যুবেতর (R-ABI)বু এগ্রি-স্তার্তঅপশিং অমসুং মসিগী প্রোগ্রাম অসি ইমপ্লিমেন্ত তৌনবগী ত্রেনিং অমসুং ইনক্যুবেশনগীদমক্তা খনখ্রে। মসিগী মখাদা এগ্রিকলচর অমসুং মরি লৈনবা সেক্তর এন্ত্রপ্রেনরশিং/স্তার্তঅপশিংদা মখোয়গী প্রোদক্তশিং, সর্বিসশিং, বিজনেস প্লেতফোর্মশিং অসিনচিংবশিং লোঞ্চ তৌনবা লুপা লাখ 5.00 আইদিয়া/প্রিসীদ স্তেজতা অমসুং লুপা লাখ ২৫ সীদ স্তেজতা পিরগনি। স্তার্তঅপশিং অদু প্রোগ্রাম অসিগী মখাদা খনখিবা নোলেজ পার্তনর (KPশিং) অমসুং 24 RKVY এগ্রিবিজনেস ইনক্যুবেতর (R-ABI)শিং অসিদা ত্রেন অমসুং ইনক্যুবেত তৌগনি।

6. ইলেক্ত্রোনিক্স অমসুং ইনফোর্মেশন তেক্নোলোজী মন্ত্রালয় (MeitY)

ইলেক্ত্রোনিক্স অমসুং ইনফোর্মেশন তেক্নোলোজী মন্ত্রালয় (MeitY)গী মখাদা লৈবা স্তার্তঅপশিংগী ইনোভেশন অমসুং ইন্তেলেকচুৱল প্রোপর্তী রাইতস (IPR)না লৈবাক অসিদা তেক্নোলোজীগা মরি লৈনবা স্তার্তঅপশিং অমসুং ইনোভেশন ইকোসিস্তেম য়োকখৎনবা অনৌবা থৌরাং অমসুং পাম্বৈ কয়া অমা লৌখি। মসিগী খোংথাং অসিনা য়াম্না কোম্না থবক তৌবা য়ানবা অথিংবা অপনবা লৈরম্বশিং অদুবু মাইথিবা পীদুনা তেক স্তার্তঅপ দেবেলপমেন্ত ইনফ্রাস্ত্রকচরবু হেন্না কনখৎহন্নবা অমসুং পুক্নিং থৌগৎনবা শেমখিবা খ্বাইদগী হেন্না ফবা প্রক্তিস অমনি। মরু ওইবা অনৌবা থৌরাংশিং অদুদি:

1. তেক্নোলোজী ইনক্যুবেশন এন্দ দেবেলপমেন্ত ওফ এন্ত্রপ্রেনরস (TIDE) 2.0 স্কীম: TIDE 2.0 স্কীম অসি নৌনা থোরক্লিবআ তেক্নোলোজীশিং খুদম ওইনা IoT (ইন্তর্নেত-োফ-থিংস), AI, ব্লোক চেন, রোবোতিক্সনচিংবা শিজিন্নরিবা ইনফোর্মেশন এন্দ কম্যুনিকেশন তেক্নোলোজী (ICT) সতার্তঅপশিংদা মতেং পাংলিবা ইনক্যুবেতরশিংদাশেল অমসুং তেক্নিকেল সপোর্ত পীদুনা তেক এন্ত্রপ্রেনরশিপ প্রোমোত তৌনবা 2019দা হৌদোকখিবনি। স্কীম অসি হায়র লর্নিং ইনস্তইত্যুতশিং অমসুং অরিংবা R&D ওর্গনাইজেশনশিংদা ইনক্যুবেশন এক্তিবিতীশিং প্রোমোত তৌনবগী পান্দমগা লোইননা তিয়র অহুম থোক্না খাইদোকপা স্ত্রকচরগী খুত্থাংদা ইনক্যুবেতর 51গী খুত্থাংদা থবক পাইখৎলি। স্কীম অসিনা চহি মঙাগী মতমদা তেক স্তার্তঅপ 2000 রোমদা ইনক্যুবেশন পীরগনি হায়না থাজৈ। মসিগী স্কীম অসিগী মখাদা পুন্না স্তার্তঅপ 1235 মতেং পাংখি, রাজ্য/য়ু.তি.গী মতুং ইন্না স্তার্তঅপশিংগীঅকুপ্পা মরোলশিং অদু এনেক্সচর VI পীরি। মখাতানা TIDE 2.0 স্কীমগী মখাদা মসিগী স্তার্তঅপশিং অসিগী খুত্থাংদা 8556 থবক ফংহনখ্রে।
2. GENESIS (ইনোভেতিব স্তার্তঅপশিংগীদমক্তা জেন-নেক্স সপোর্ত): MeitYনা তেক স্তার্তঅপশিংগী ইকোসিস্তেম য়াংশিন্নবা অমসুং ফগৎহন্নবা চহি 5গীদমক্তা লুপা করোর 490গী বজেত খাইদোক্তুনা ‘ইনোভেতিব স্তার্তঅপশিংগীদমক্তা জেন-নেক্স সপোর্ত (GENESIS)’ স্কীম অসিবু অয়াবা পীখ্রে। স্কীম অসিনা লৈবাক স্তার্তঅপশিং, সরকার অমসুং কোর্পোরেতশিংগী মরক্তা খুৎশম্নদুনা থবক তৌমীন্নবগী মতাংদা মরু ওইবা থমদুনা লৈবাক অসিগী তিয়র-II & তিয়র-III সিতীশিংদা অমসুং হৌগৎলক্লিবা তাউনশিংদা স্তার্তঅপ ইকোসিস্তেম হেনগৎহন্নবা পান্দম থম্লি। GENESISনা তেক ইকোসিস্তেমবু হেন্না চাউথোকহনবা অমসুং অনৌবা পুথোকপা, মতেং পাংবা, চাউখৎহনবা অমসুং মাইপাকপা স্তার্তঅপশিং শেম্নবা মঙলান অমা শাগৎলি। স্কীম অসিনা তিয়র-II & তিয়র-III সিতীশিংদগী স্তার্তঅপ 1500+ সপোর্ত তৌনবা পান্দম থম্লি।  

এনেক্সচর I

রাজ্য/য়ু.তি.গী মতুং ইন্না DPIITনা মশক খঙলবা স্তার্তঅপশিংগী মশিং অদু মখাদা পীরি:  

 

এনেক্সচর II

লৈবাক শিনথুংনা স্তার্তঅপশিং প্রোমোত তৌনবা সরকারনা লৌখিৎলিবা থৌরমশিংগী অকুপ্পা মরোলশিং  অদু মখাদা পীরি:

1. সস্তার্তঅপ ইন্দিয়া এক্সন প্লান: 2016গী জনুৱারী ১৬ দা স্তার্তঅপ ইন্দিয়াগী এক্সন প্লান অমা  হৌদোকখি। এক্সন প্লান অদুদা এক্সন আইতেম ১৯ য়াওখি খুদম ওইনা “সিমপ্লিফিকেশন অমসুং হেন্দহোল্দিং”, “ফন্দিং সপোর্ত অমসুং এন্সেন্তিবশিং” অমসুং “ইন্দস্ত্রী-একাদেমিয়া পার্তনরশীপ অমসুং ইনক্যুবেশন” হায়বনচিংবা হিরমশিং অসিদা ওইখি। এক্সন প্লান অদুনা লৈবাক অসিদা য়াম্না লিংবা স্তার্তঅপ ইকোসিস্তেম অমা শেম্নবা সরকারগী সপোর্ত, স্কীমশিং অমসুং ইন্সেন্তিবশিংগী ফাউন্দেশন শেমখি। 
2. স্তার্তঅপ ইন্দিয়া: দ ৱে এহেদ: স্তার্তঅপ ইন্দিয়া: দ ৱে এহেদ অসি ২০২১গী জনুৱারী ১৬তা স্তার্তঅপ ইন্দিয়াগী চহি ৫শুবা সেলেব্রেশনদা হৌদোকখি মসিদা স্তার্তঅপশিংগী ইজ ওফ দুয়িং বিজনেসকী প্রোমোশনগীদমক্তা এক্সন প্লানশিং য়াওরি, রিফোর্ম কয়া অমগী থবক-থৌরমশিং পাইখৎপাদা তেক্নোলোজীগী থৌদাংশিং, স্তেকহোল্দরশিংগী কেপাসিতীশিং শেমগৎপা, দিজিতেল আত্মানির্ভর ভারত ওইহনবা।
3. স্তার্তঅপ ইন্দিয়া সেএদ ফন্দ স্কীম (SISFS): এন্তরপ্রাইজ অমনা হৌগৎলকপগী তাঙ্কক্তা কেপিতল কোম্না ফংহনবা হায়বসি এন্ত্রপ্রেনরশিংগীদমক্তা য়াম্না তঙাইফদবনি। তাঙ্কক অসিদা মথৌ তাবা কেপিতল অদুনা অনম্বা মতমদা অফবা বিজনেস আইদিয়াশিংগী সস্তার্তঅপশিং শেম্বা নত্রগা কাইবা হায়বদু মখা পোল্লি।  স্কীম অসিনা প্রুফ ওফ কন্সেপ্ত, প্রোতোতাইপ দেবেলপমেন্ত, প্রোদক্ত ত্রায়েলশিং, মার্কেত এন্ত্রী অমসুং কমর্সিয়েলাইজেশনগীদমক্তা স্তার্তঅপশিংদা শেলগী মতেং পীনবা পান্দম থম্লি। SISFS স্কীম অসিগী মখাদা চহি ২০১২-২২দগী হৌরগা চহি ৪গী লুপা করোর ৯৪৫ সেঙ্কশন তৌখ্রে।
4. ফন্দ ওফ ফন্দ ফোর স্তার্তঅপস (FFS) স্কীম: সরকার স্তার্তঅপশিংগী ফন্দিংগী মথৌ তাবশিং অদুবু পীনবা লুপা করোর ১০,০০০গী কোর্পসগা লোইননা FFS লিংখৎখি। DPIITনা মোনিতরিং এজেন্সী ওই অমসুং স্মোল ইন্দস্ত্রীজ  দেবেলপমেন্ত বেঙ্ক ওফ ইন্দিয়া (SIDBI)না FFSগী ওপরেতিং এজেন্সী ওই। লুপা করোর ১০,০০০গী অপুনবা শেনফম অসি স্কীমগী খুমাং চাউশিনবা অমসুং ফন্দশিং লৈবগী মতুং ইন্না ১৪শুবা অমসুং ১৫শুবা ফাইনান্স কমিসন সাইকলশিংদা পীরগনি। মসিনা স্তার্তঅপশিং অরলী স্তেগ, সীদ স্তেজ অমসুং গ্রোথ স্তেজতা কেপিতল লৈহনবদা নত্তনা দোমেস্তিক কেপিতল ৱাংখৎহনদুনা ফোরেন কেপিতল হন্থহল্লি অমসুং ইশাগী লমদম অসিগী ওইবা অমসুং অনৌবা ভেঞ্চর কেপিতল ফন্দশিংবু থৌগৎলি।
5. স্তার্তঅপশিংগীদমক্তা ক্রেদিৎ গেরেন্তী স্কীম (CGSS): সরকারনা SEBI রেজিস্তর তৌরবা অলতর্নেতিব ইনভেস্তমেন্ত ফন্দশিংগী মখাদা DPIITনা মশক খঙলবা স্তার্তঅপশিংদা সেদ্যুলদ কমর্সিয়েল বেঙ্কশিং, নন-বেঙ্কিং ফাইনান্সিয়েল কমপনীশিং (NBFCশিং) অমসুং ভেঞ্চর দেপ্ত ফন্দশিং (VDFশিং)না পীবা লোনশিংদা ক্রেদিৎ গেরেন্তশিং পীনবগীদমক্তা অমসুং স্তার্তঅপশিংগীদমক্তা ক্রেদিৎ গেরেন্তী স্কীম  অসি হৌদোকখিবনি। CGSS অসি ফাইনান্স এলিজিবল বোরোৱর্স খুদম ওইনা DPIITনা মশক খঙলবা স্তার্তঅপশিংদা মেম্বর ইনস্তিত্যশনশিং (MIশিং)দা পীখিবা লোনশিংদা অকক্নবা লিমিৎ ফাওবা ক্রেদিৎ গেরেন্তী পীনবগী পান্দম থম্লি।
6. রেগুলেতরী রিফোর্মশিং: স্তার্তঅপ ইকোসিস্তেমগীদমক্তা ইজ ওফ দুয়িং বিজনেস, ইজ ওফ রেজিং কেপিতল অমসুং কমপ্লায়েন্স বর্দন হন্থনবা সরকারনা ২০১৬দগী রেগুলেতরী রিফোর্ম ৫৫ লৌখৎখি।
7. ইজ ওফ প্রোক্যোরমেন্ত: ইজ ওফ প্রোক্যোরমেন্ত য়াহন্নবা, কেন্দ্রগী মন্ত্রালয়শিং/দিপার্তমেন্তশিংদা DPIITনা মশক খঙলবা স্তার্তঅপশিংদা মখোয়গী ক্বালিতী অমসুং তেক্নিকেল স্পেসিফিকেশনশিং অদু মতিক চাবগি মতুং ইন্না পব্লিক প্রোক্যোরমেন্ত প্রায়র তর্নোভর অমসুং প্রয়র এক্সপরিয়েন্সগী কন্দিশনশিং রিলেক্স তৌনবা খঙহনখ্রে। মখাতানা গোবর্নেমেন্ত ই-মার্কেতপ্লেস (GeM)না স্তার্তঅপশিংদগী সরকারনা প্রোদক্তশিং সর্বিসশিংপ্রোক্যোরমেন্ত তৌবশু ফেসিলিতেত অমসুং প্রোমোত তৌই।
8. লেবর অমসুং এনভাইরনমেন্তেল লোশিংগী মখাদা সেল্স-সর্তিফিকেশন: স্তার্তঅপশিংনা ইনকোর্পোরেশন তৌখিবা নুমিৎ অদুদগী চহি ৩ দগীনা ৫ ফাওবা লেবর লো ৯ অমসুং এনভাইরনমেন্ত লো ৩গী মখাদা মখোয়গী কমপ্লায়েন্স অদু সেল্ফ-সর্তিফাই তৌবগি অয়াবা পীরি।
9. চহি 3গী ইনকম তেক্স একজেমপশন : ২০১৬ গী এপ্রিল ১ নত্রগা মতুংদা ইনকোর্পোরেত তৌখিবা স্তার্তঅপশিংনা ইনকম তেক্স একজেম্পশনগীদমক্তা এপ্লাই তৌবা য়াগনি। ইন্তর-মিনিস্তরিয়েল বোর্দ সর্তিফিকেত পীরবা মশক খঙলবা স্তার্তঅপশিং অদুবু ইনকোর্পোরেশন তৌরবামতুং চহি ১০গী মনুংদা থংন-থংননা চহি ৩ ইনকম তেক্স থিদ্রবশু য়াগনি।
10. স্তার্তঅপসিংগীদমক্তা ফাস্তর একজিত: সরকারনা স্তার্তঅপশিংবু ‘ফাস্ত ত্রেক ফর্মশিং’ ওইনা লাউথোকখ্রে, মসিনা মখোয়দা নুমিৎ ৯০গী মনুংদা মখোয়গী ওপরেশনীশং অদু লোইশিন্নবা অদুগা অতোপ্পা কমপনীশিংগীনা নুমিৎ ১৮০দা লোইশিনবা ঙমহল্লে।
11. এক্ত (2019) অদুগী সেক্সন ৫৬গী সব-সেক্সন (২)গী ক্লোজ (VII)(b)গী মরমগীদমক্তা একজেমশন তৌবা : DPIITনা মশক খঙলবা স্তার্তঅপনা ইনকম তেক্স এক্তকী সেক্সন 56(2)(viib)গী ও্রোবিজনশিংদগী একজেমশনগীদমক্তা এলিজিবল ওই।
12. ইন্তেলেকচুৱল প্রোপর্তী প্রোতেক্সনগীদমক্তা সপোর্ত: স্তার্তঅপশিংনা ফাস-ত্রেক পেতেন্ত এপ্লিকেশন একজামিনেশন অমসুং দিসপোজলগীদমক্তা এলিজিবল ওই। সরকারনা স্তার্তঅপস ইন্তেলেকচুৱল প্রোপর্তী প্রোতেক্সন (SIPP) হৌদোকখ্রে, মসিনা স্তার্তঅপশিংদা স্তেতুতরী ফীশিং খক্তমক থিদুনা মতিক চাবা IP ওফিসশিংদা রেজিস্তর তৌরবা ফেসিলিতেতরশিংগী খুত্থাংদা পেতেন্তশিং, দিজাইনশিং অমসুং ত্রেদমার্কশিংগীদমক্তা এপ্লিকেশন ফাইল তৌবদা মতেং পাংই।  স্কীম অসিগী মখাদা লৈরিবা ফেসিলিতেতরশিংনা তোঙান-তোঙানবা IPRশিংগী মতাংদা জেনরেল এদভাইজরী, অমসুং অতোপ্পা লৈবাকশিংদা IPRশিং প্রোমোত তৌনবা অমসুং প্রোতেক্ত তোনবা ওনফোর্মেশনশিং পী। সরকারনা পেতেন্ত, ত্রেদমার্ক নত্রগা দিজাইনশিং পুম্নমক্কী ফেসিলিতেতরশিংগী ফী পুম্নমক পী অমসুং স্তার্অপশিংনা পীগদবা স্তেতুতরী ফীশিং খক্তমক পী। স্তার্তঅপশিংদা পেতেন্ত ফাইল তৌবদা ৮০% রিবেত পী অমসুং  অতোপ্পা কমপনীশিংগা মরি লৈননা ত্রেদমার্ক ফাইলিং তৌবদা ৫০% রিবেত পী।
13. স্তার্তঅপ ইন্দিয়া হব: সরকারনা ২০১৭গী জুন ১৯দা স্তার্তঅপ ইন্দিয়া ওনলাইন হব হৌদোকখি, মসি ভারতকী এন্ত্রপ্রেনরশিংগী ওইবা ইকোসিস্তেমগী স্তেকহোল্দরশিংগীদমক্তা অমগা অমগা দিসকোবর তৌনবা , কনেক্ত তৌনবা অমসুং এনগেজ তৌনবা অদুগুম্বা মখলগী অমত্তা ঙাইরবা প্লেতফোর্ম অমনি। ওনলাইন হব অদুনা স্তার্অপশিং, ইনভেস্তরশিং, ফন্দশিং, মেন্তরশিং, একাদেমিক ইনস্তিতভুশনশিং, ইনক্যুবেতরশিং, এসেলরেতরশিং, কোর্পোরেতশিং, সরকারগী বোদিশিং অমসুং অতোপ্পা কয়া অমবু হোস্ত তৌই। 
14. ভারতকী স্তার্তঅপশিংদা ইন্তর্নেস্নেল মার্কেতকী এক্সেস: স্তার্তঅপ ইন্দিয়াগী অনৌবা থোরাং অসিগী য়াম্না মরু ওইবা পান্দমশিং অদুগি মনুংদা এনগেজমেন্ত মোদেল কয়া অমগী খুত্থাংদা গ্লোবল স্তার্তঅপ ইকোসিস্তেমগা ভারতকী স্তার্তঅপ ইকোসিস্তেমগা কনেক্ত  তৌবনি। স্তার্তঅপ ইন্দিয়ানা পার্তনর ওইরিবা লৈবাকশিংদগী স্তার্তঅপশিংগীদমক্তা সোফ-লেন্দিং প্লেতফোর্মশিংপীরিবা অমসুং ক্রোস কোলাবোরেশন প্রোমোত তৌবদ আমতেং পাংলিবা লৈবাক ২০ লোমগা মরি থম্লি।
15. স্তার্তঅপ ইন্দিয়া শোকেস: স্তার্তঅপ ইন্দিয়া শোকেস অসি ভর্চুৱল প্রোফাইলগী খুত্থাংদা উৎখিবা স্তার্তঅপশিংগীদমক্তা থৌরম কয়া অমগী খুত্থাংদা খনগৎলবা লৈবাক অসিগী খ্বাইদগী প্রোমিসিং ওইবা স্তার্তঅপশিংগীদমক্তা ওনলাইন দিসকোবরী প্লেতফোর্ম অমনি। মখোয়গী ইনোভেশনশিং অদু খ্বাইদগী অনৌবা সেক্তরশিং অতোপ্পা কয়া অমগী মনুংদা খুদম ওইনা ফিনতেক, এন্তরপ্রাইজ তেক, সোসিয়েল ইমপেক্ত, হেল্থতেক, এদতেক হায়রিবশিং অসিনি। মসিগী সতার্তঅপশিংনা মরু ওইবা প্রোব্লেমশিং সোল্ব তৌরি অমসুং মখোয়গী মশাগী সেক্তরশিংদা থোইদো-হেন্দোকপা ইনোভেশন উৎলি।   
16. নেস্নেল স্তার্তঅপ এদভাইজরী কাউন্সিল : সরকারনা ২০২০গী জনুৱারীদা সস্তেনেবল ইকোনোমিক গ্রোধ অমসুং পাক শন্না থবক্কী খুদোংচাবা লৈন্নবা লৈবাক অসিদা ইনোভেশন অমসুং স্তার্তঅপসিং শিংগীদমক্তা য়াম্না লিংবা ইকোসিস্তেম অমা শেম্নবা তঙাইফদবা পাম্বৈশিংগী মতাংদা সরকারদা নেস্নেল এদভাইজরি কাউন্সিল শেম্নবা খঙহনখ্রে। এক্স-ওফিসিয়ো মেম্বরশিং নত্তনা কাউন্সিল অসিদা স্তারতঅপ ইকোসিস্তেমদগী স্তেকহোল্দরশিংগী মহুৎ শিন্দুনা নন- ওফিসিয়েল মেম্বরশিং কয়া অমশু য়াওরি।
17. নেস্নেল স্তার্তঅপ এৱার্দস (NSA): নেস্নেল স্তার্তঅপ এৱার্দস অসি এমপ্লোইমেন্ত জেনরেত তৌবা ঙম্বানত্রগা ৱেল্থ ক্রিয়েশন ঙম্বা, সোসিয়েল ইমপেক্ত লৈহনবা ঙম্বগীমতিক লৈবা ইনোভেতিব প্রোদক্তশিং নতত্রগা সোল্যুশনশিং অমসুং স্কেলেবল এন্তরপ্রাইজশিং শেমগ৭লিবা ময়ামদগী থোইদোকপা স্তার্তঅপশিং অমসুং ইকোসিস্তেম শেম্লিবশিংবু মশক খঙবীনবা অমসুং মনা পীনবা অনৌবা থৌরাংনি। তোঙান-তোঙানবা ত্রেকশিংগী ফাইনেলিস্ত খুদিংমক্তা হেন্দহোল্দিং সপোর্ত  খুদম ওইনা ইনভেস্তর কনেক্ত, মেন্তরশিপ, কোর্পোরেত কনেক্ত, গোবর্নেমেন্ত কনেক্ত, ইন্তর্নস্নেল মার্কেত এক্সেস, রেগুলেতরি সপোর্ত, দুর্দর্শনদা স্তার্তঅপ চেম্পিয়ন্স অমসুং স্তার্তঅপ ইন্দিয়া শো অসিনচিংবশিংদা খুত্থাংদা পীরি।
18. স্তেতস স্তার্তঅপ রেঙ্কিং ফ্রেমৱার্ক (SRF): স্তেতস স্তার্তঅপ রেঙ্কিং ফ্রেমৱার্ক অসি লেবাক অসিদা কমপিতিতিব ফেদরেলিজমগী শক্তি শিজিন্ননবা অমসুং চাউখৎপা স্তার্তাপ ইকোসিস্তেম অমা শেম্নবা তোপ-তোপ্পা অনৌবা থোরাং অমনি। রেঙ্কিং এক্সরসাইজ অসিগী মরু ওইবা পান্দমদি রাজ্যশিংদা মরক্তা স্তার্ত ইকোসিস্তেম প্রোমোত তৌনবা অমসুং কমপিতিতিব ওইবগী ৱাখল্লোন ফাওহন্নবগীদমক্তা রাজভশিংনা পাইখৎলিবা থৌশিল-থৌরাংশিং অদুবু উৎলদুনা রাজ্যশিংদা অফবা প্রক্তিসশিং খঙদোক্নবা, তমশিন্নবা অমসুং মহুৎ শিনবদা মতেং পাংনবনি।
19. দুর্দর্শনগী স্তার্তঅপ চেম্পিয়নশিং: দুর্দর্শনগী স্তার্তঅপ চেম্পিয়নশিং অসি এৱার্দ ফংখ্রবা/লৈবাক্না মশক খঙনরবা স্তার্তঅপশিংগী ৱারিশিং উৎপা চয়োল অমদা পুং অমগী প্রোগ্রাম উৎপা অদুগুম্বা প্রোগ্রাম অমনি। মসি দুর্দরশনগী নেতৱার্ক চেনেলশিংদা হিন্দি অমসুং ইংলিশ অনিমক্তা তেিকেস্ত তৌই। 
20. স্তার্তঅপ ইন্দিয়া ইনোভেশন ৱীক: সরকারনা নেস্নেল স্তার্তঅপ দে আয়বদি জনুৱারী ১৬ ময়াদা স্তার্তঅপ ইন্দিয়া ইনোভেশন ৱীক পাংথোকই, মসিগী মরু ওইবা পান্দমদি লৈবাক অসিগী মরুওইবা  আ্তার্তঅপশিং, এন্ত্রপ্রেনরশিং, ইনভেস্তরশিং, ইনক্যুবেতরশিং, ফন্দিং এন্তাইতীশিং, নেঙ্কশিং, পোলিসীমেকরশিং অমসুং অতো্প্পা নেস্নেল/ ইন্তর্নেস্নেল স্তেকহোল্দরশিং বু অমত্তা ওইনা পুন্দুনা এন্ত্রপ্রেনরশিপ্পু সেলেব্রেত তৌনবা অমসুং ইনোভেশনবু প্রোমোত তৌনবা হৌদোকখিবনি।
21. ASCEND (এসেলরেতিং স্তার্তঅপ কেলিবর অমসুং এন্ত্রপ্রেন্যুরিবল দ্রাইব)কী মখাদা নোর্থ ইস্তকী রাজ্য নিপালদা এন্ত্রপ্রেনরশিপকী মরু ওইবা মচংশিংগী মতাংদা হেন্না মতিক লৈহন্নবা অমসুং খঙহন্নবা অমসুং হায়রিবা রাজ্যশিং অসিদা অচোবা স্তার্তঅপ ইকোসীস্তেম অমা শেম্নবগী মাইকেদা লেপ্তনা হোৎননবা, স্তার্তঅপশিং অমসুং এন্ত্রপ্রেনরশিপকী  মতাংদা সেন্সিতাইজেশন ৱার্কশোপশিং পাংথোকখি।
22. স্তার্তঅপ ইন্দিয়া ইনভেস্তর কনেক্ত পোর্তল অমা SIDBIখুৎশম্নদুনা স্তার্তঅপ ইন্দিয়া ইনিসিয়েতিবকী মখাদা কো-দেবেলপ তৌখ্রে, মসিনা ইন্দস্ত্রিশিং, ফংশনশিং, স্তেজশিং, রিজনশিং, অমসুং বেকগ্রাউন্দশিংদগী এন্ত্রপ্রেনরশিংদা কেপিতল মোবিলাইজ তৌবদা মতেং পাংনবা স্তার্তঅপশিং অমসুং ইনভেস্তরশিংবি লিঙ্ক তৌবা অদুগুম্বা ইন্তরমেদিয়রি প্লেতফোর্ম অমা ওইনা মথৌ তৌই। পোর্তল অসি মরু ওইনা লেবাক অসিগী মফম অমদা লৈরিবা হৌগৎলকপদা ঙাইরিবা স্তার্তঅপশিংবু অচৌবা ইনভেস্তরশিং/ভেঞ্চর কেপিতল ফন্দশিংদা মশাবু উৎথোকচনবগী পান্দমদা শেমখিবা পোর্তলনি।
23. নেসনেল মেন্তরশিপ পোর্তল (MAARG): লৈবাক অসিগী মফম খুদিংমক্তা স্তার্তঅপশিংগীদমক্তা মেন্তরশিপকী খুদোংচাবা ফংহন্নবা, মেন্তরশিপ, এদভাইজরি, এসিস্তেন্স, রেজিলিয়েন্স অমসুং গ্রোথ (MAARG) প্রোগ্রাম অসি স্তার্তঅপ ইন্দিয়া ইনিসিয়েতিবকী মখাদা দেবেলপ তৌখিবনি অমসুং লোঞ্চ তোখিবনি।

এনেক্সচর III

মতেং পাংখিবা য়ুনিৎশিং, মার্জিন মনী সবসিদী থাদোকখিবা অমসুং থবক ফংহনখিবগী চাউরাকপা মশিংগী অদুগী নতাংদা হৌখিবা চহি 5গী মনুংদা PMEGPগী পার্ফোর্মেন্স অদু মখাদা পীরি:

 

 

স্তার্তঅপ ভিলেজ এন্ত্রপ্রেনরশিপ প্রোগ্রাম (SVEP)গী মখাদা সপোর্ত তৌখিবা এন্তরপ্রাইজশিংগী মশিং (রাজ্যগী মতুং ইন্না 2024গী জুন ফাওবদা হেনগৎলকখিবশিং) অদু মখাদা পীরি:

 

এনেক্সচর V

হৌজিক-হৌজিক্কী ওইনা লৈবাক অসিদা ওপরেত তৌরিবা স্তার্তঅপশিংগী মশিংগী মতাংদা অকুপ্পা মরোলশিং, রাজ্য/য়ু.তি.গী মতুং ইন্না রাস্ত্রিয়া কৃশি ৱিকাস য়োজনাগী মখাদা “ইনোভেশন অমসুং এগ্রি-এন্ত্রপ্রেনরশিপ দেবেলপমেন্ত”কী মখাদা সপোর্ত তৌখিবা এগ্রিকলচর অমসুং এলাইদ সক্তরশিং অদু মখাদা পীরি:

 

এনেক্সচর VI

রাজ্য/য়ু.তি.গী মতুং ইন্না TIDE 2.0 স্কীমগী মখাদা সপোর্ত তৌখিবা স্তার্তঅপশিংগী মশিংগী অকুপ্পা মরোলশিং অদু মখাদা পীরি:

 

মসিগী ই-পাউ অসি স্কিল, দেবেলপমেন্ত অমসুং এন্ত্রপ্রেনরশিপ মন্ত্রালয় (MSDE)গী রাজ্য মন্ত্রী (‌ইন্দিপেন্দেন্ত চার্জ), শ্রী জয়ন্ত চৌধারীনা ঙসি লোক সভাদা অইবা পাউখুম ওইনা পীখিবনি।

*****

(Release ID: 2038996) Visitor Counter : 45