কম্মর্স সেক্রেতরী শ্রী সুনিল বর্থৱানা ১৪শুবা ব্রিক্স ত্রেদ মিনিস্তরশিংগী জুলাই ২৬, ২০২৪দা ব্রিক্স প্রেজিদেন্সী ওব রসিয়ান ফেদরেসনগী মখাদা পাঙথোকপা মীফমদা শরুক য়াখি। ব্রিক্সকী চহি অসিগী থিমদি "মলতিলেতরেলিজম ফোর জস্ত গ্লোবেল দিবেলপমেন্ত" হায়বনি। রসিয়ান প্রেজিদেন্সী অসিবু হৌজিক্কী লৈরিবা সমশ্যাশিং পুখৎপগী থাগৎপা ফোংদোক্লদুনা শ্রী সুনিল বর্থৱালনা ব্রিক্সকী অনৌবা মেম্বরশিং (ইরান, ইজিপ্ত, ইথিওপিয়া অমসুং য়ু.এ.ই.)বু তরাম্না ওকখি অমসুং চহি অসিদা মখোয়না খন্ন-নৈনবদা চাউনা শরুক য়াখিবগীদমক থাগৎখি।

কম্মর্স সেক্রেতরী অসিনা দব্ল্যু.তি.ও.না মনুংদা লৈদুনা, জোইন্ত ভেল্যু চেনগী থবক থৌরমদা কান্নবা ফংবা অমসুং MSME শিংগা পাউ ফাওনবগী চাং হেনগৎপা, ভারতকী দিজিতেলাইজেসন অমসুং ই কম্মর্সকী মায় পাকপগী ৱারী অমসুং স্পেসল একনোমিক জোনশিংদা মপাং ওইমিন্নবগী মতাংদা হেন্না মপাঙ্গল কলহনবগী তঙাইফদবা লৈবগী মতাংদা থমখি।

(ই.ও.আই., মোস্কোদগী ফংগদবা ফোতো)

মলতিলেতরেলিজম কনখৎহনবগী মতাংদা, মহাক্না দব্ল্যু.তি.ও.গী মতম শাংনা লোইশিন্দনা লাকপা সমশ্যাশিং পুন্না লোইশিন্মিন্ননবা মরুওইনা স্পেসল অমসুং দিফরেন্সিএল ত্রিত্মেন্তকী মতাংদা থমখি। মহাক্না পব্লিক স্তোক হোল্দিংদা পাম্বৈ পুথোক্নবা, তাইয়র অনি লৈবা দিস্প্যুত সেতলমেন্ত সিস্তেম, দব্ল্যু.তি.ও.গী প্রিন্সিপাল অমসুং পান্দমদা য়ুম্ফম ওইবা দব্ল্যু.তি.ও. রিফোর্ম, হৌগৎলক্লিবা শেন্মিৎলোনগী তঙাইফদবশিং পীবা ঙম্বা, ২০২৫ তা ওর্গানাইজেসন অসিনা চহি ৩০ মপুং ফাদ্রিঙৈদা দব্ল্যু.তি.ও.দা ওপরেসনেল ইম্প্রুবমেন্ত ৩০ পুশিল্লদুনা "৩০ ফোর ৩০"গী খুত্থাংদা দব্ল্যু.তি.ও. মপাঙ্গল কনখৎহনবগী মতাংদা পুখৎখি। মহাক্না দিসেন্ত্রেলাইজেসন অমসুং দাইবর্সিফিকেসনগী খুত্থাংদা সপ্লাই চেন ফগৎহন্নবা, ফি.ভি.সি.গী জি২০ জেনরিক মেপিং ফ্রেমৱার্ককী খুত্থাংদা ভেল্যু চেন্দা কো-ওপরেসন ফগৎহনবগী মতাংদসু থমখি। হীরম অসিগী মতাংদা, অহানবা খোঙথাং ওইনা, মহাক্না বিল ওব লেদিংগী চে চাংশিং দিজিতেলাইজ তৌদুনা পেপরলেস ওইহনবগী মতাংদসু থমখি।

মহাক্না গ্রীন ত্রাঞ্জিসন অমসুং ক্লাইমেত রজিলিএন্সকীদমক হৌগৎলক্লিবা তেক্নোলোজীশিংবু লায়না ফংহন্নবগী মতাংদা মতেং পাংননবসু হৌদোকখি। অইং অশাগা মরী লৈননা লল্লোন ইতীক্তা লৈরিবা শাফুগী মতাংদা পল্লদুনা কম্মর্স সেক্রেতরীনা মলতিলেতরেল এনভাইরোনমেন্ত এগ্রীমেন্ত অমসুং ভাইওলেতিব এন.দি.সি. প্রিন্সিপলশিংগী মখাদা লৈবা হক অমসুং তৌদবা য়াদবশিং চৎনদবা অমসুং সি.বি.দি.আর. প্রিন্সিপলশিং নাথৈবগী মতাংদসু নুংনাংবা ফোংফোকখি।

কম্মর্স সেক্রেতরী অসিনা MSME শিংগা মরী লৈনবা মতাং অমসুং মখোয়ু গ্লোবেল ভেল্যু চেনশিংগা পুনশিন্নবগী মতাংদসু পনখি। ভারতকী ২০২৩গী প্রেজিদেন্সীদা MSME বু ইনফোর্মেসন ফংহন্দুনা জয়পুর কোল ফোর এক্সনগী মতাংদসু পনলদুনা মহাক্না MSMEগা মরী লৈনবা তঙাইফদবা ঈ পাউ কয়া ব্রিক্স মেম্বরশিংদা পুখৎনবা হোৎনবীবগীদমক রসিয়ান প্রেজিদেন্সী অসিবু থাগৎখি। MSME শিং অসিনা ব্রিক্স মেম্বরশিংগী মরক্তা য়াম্না মরুওইবা শরুক অমা ওইবনা মরম ওইদুনা, কম্মর্স সেক্রেতরীনা MSME শিংদা হেন্না শৌগৎনবগীদমক মতেং পাংনবা অমসুং পুন্না হোৎনমিন্নবগী তঙাইফদবা লৈরিবশিংগী মতাংদা থমখি। মহাক্না মরুওইবা মফমশিং হায়বদি রিসর্চ অমসুং দিবেলপমেন্ত, তেক্নোলোজী ত্রান্সফর, অমসুং জোইন্ত ভেঞ্চর অমসুং বিজিনেস দিবেলপমেন্ত ওপোর্চুনিতীশিংগী মতাংদা মীৎয়েং চঙবগী তঙাইফদবা থমখি।

কম্মর্স সেক্রেতরীনা অপুনবা ওইনা দিজিতেল ত্রান্সফোর্মেসন অথুবদা পায়খৎপগী তঙাইফদবা লৈরিবশিংগী মতাংদা থমখি। ভারতকী ইন্দিয়া স্তেক ওব ক্রিতিকেল দিজিতেল পব্লিক ইনফ্রাস্ত্রকচরবু দিজিতেল ইন্দস্ত্রিএলাইজেসনগী মরুওইবা শরুক অমা ওইদুনা মায় পাকপগী ৱারীগী মতাংদা থম্লদুনা পুম্নমক্তা ফংহনবা, মনুং মপান ফাওনা উবা, থাজবা অমসুং দেতা প্রোতেক্সন অমসুং প্রাইভেসীদা ইকাইখুম্নবা পল্লদুনা ভারতনা ব্রিক্স লৈবাকশিংগা লোইননা, পেমেন্ত, ইকম্মর্স, নেসনেল আইদেন্তিতী, বেঙ্কিং, এজুকেসন অসিনচিংবশিংদা মতেং পীননবগী শেম শাদুনা লৈ হায়বা তাকখ্রে।

স্পেসল একনোমিক জোন (এস.ই.জেদ.)তা রসিয়ান প্রেজিদেন্সীনা লৌরিবা থৌরাংগী মতাংদা পল্লদুনা কম্মর্স সেক্রেতরীনা সেজনা থবক, অনৌবা তেক্নোলোজীশিং, এক্সপোর্ত হেনগৎনবা হোৎনরিবা অহোংবা পুরকপা ঙমগদবা থৌদাংশিংগী মতাংদা পনখি। মহাক্না অসিগুম্বা হীরম অসিদা খ্বাইদগী ফবা থবকশিং লান্নবগী মরুওইবা লৈ হায়না পনখি।

লোইশিল্লকপগী ৱারোলদা, কম্মর্স সেক্রেতরীনা ব্রিক্স লৈবাকশিংগী হেন্না ফবা তুংলমচৎ অমা পুরক্নবা নুংশি চানবা অমসুং ভাপ তামিন্নবগী মখাদা ব্রিক্সকী মান্নবগী ৱাখল্লোন, ময়ামগী ওইবা, অপুনবা, মোৎ, মান্নবা অপাম্বা, অমসুং ভাপ তানবগী মতাংদা ফোংদোকখি।

ত্রেদ মন্ত্রীশিংগী ফীফম অসিনা মমাংদা পনখিবা তোঙান-তোঙানবা সমশ্যাশিংগা মরী লৈনবা জোইন্ত কম্ম্যুনিক অমসুং আউৎকম দোক্যুমেন্ত ৬ লান্থোকখকি।

মখা তানা, ব্রিক্স তি.এম.এম.গী নাকন্দা কম্মর্স সেক্রেতরীনা একনোমিক দিবেলপমেন্ত মন্ত্রী মেক্সিম রেশেত্নিকোব, মেম্বর ওব দি বোর্দ (মিনিস্তর) ওব ত্রেদ, য়ুরারিয়ান একনোমিক কম্মিসন এন্দ্রী স্লেপনেব, দিপ্যুতী মিনিস্তর ওব ইন্দস্ত্রী অমসুং ত্রেদ এলেক্সী গ্রজদেব, রসিয়ান ফেদরেসনগী এফ.এস.ভি.পি.এস.কী মকোক সর্জি দাঙ্কভর্ত অমসুং সাউথ অফ্রিকাগী দিপার্ত্মেন্ত ওব ত্রেদ, ইন্দস্ত্রী অমসুং কম্পিতিসনগী দিপ্যুতী মন্ত্রী, অমসুং য়ূ.এ.ইগী ফোরেন ত্রেদকী রাজ্যগী মন্ত্রী, থানি বিন অহমেদ অল এয়ৌদিগা উনদুনা খন্ননৈনখি।

****