குடியரசுத் தலைவர் மற்றும் முன்னாள் குடியரசுத் தலைவர்களுக்கு பல்வேறு சந்தர்ப்பங்களில் வழங்கப்பட்ட தேர்ந்தெடுக்கப்பட்ட பரிசுப் பொருட்களை குடியரசுத் தலைவர் மாளிகை இ-உபஹார் என்ற ஆன்லைன் போர்ட்டல் மூலம் ஏலம் விடும். இந்தியக் குடியரசுத் தலைவர் திருமதி திரௌபதி முர்மு ஜூலை 25, 2024 அன்று தனது ஜனாதிபதி பதவியின் இரண்டு ஆண்டுகளை நிறைவு செய்ததையொட்டி இந்த போர்ட்டலைத் தொடங்கி வைத்தார்.

முதற்கட்டமாக, 250 அழகிய பரிசுப் பொருட்கள் ஏலம் விடப்பட உள்ளன. ஏலம் ஆகஸ்ட் 5 முதல் ஆகஸ்ட் 26, 2024 வரை திறந்திருக்கும். ஏல காலம் முடிந்ததும், பொருட்கள் அதிக ஏலதாரர்களுக்கு வழங்கப்படும்.

ஆர்வமுள்ள நபர்கள் கீழே உள்ள படிநிலைகளைப் பின்பற்றுவதன் மூலம் தங்கள் ஏலங்களை https://upahaar.rashtrapatibhavan.gov.in/ இல் வைக்கலாம்:
· உங்கள் சுயவிவர விவரங்களை அளிக்கவும்
· ஆதார் சரிபார்ப்பை மேற்கொள்ளுங்கள்
· உங்களுக்கு பிடித்த பொருட்களுக்கு ஏலம் வைக்கவும்
· உங்கள் ஏல விலை கேட்பின் நிலையை தொடர்ந்து சரிபார்க்கவும்
· நீங்கள் விரும்பிய பொருளுக்கு அதிக ஏலம் எடுப்பவராக மாறுவதை நோக்கமாகக் கொள்ளுங்கள்
· ஆன்லைன் முறைகளைப் பயன்படுத்தி பணம் செலுத்துங்கள்

இந்த முயற்சியின் நோக்கம் குடிமக்களின் ஈடுபாட்டை அதிகரிப்பது மட்டுமல்லாமல், உன்னத காரணத்தை ஆதரிப்பதும் ஆகும். ஏலத்தின் மூலம் கிடைக்கும் வருமானம் அனைத்தும் தேவைப்படும் குழந்தைகளுக்கு உதவ நன்கொடையாக வழங்கப்படும்.

ஏலத்திற்கு வரும் பரிசுப் பொருட்கள் குடியரசுத் தலைவர் மாளிகை  அருங்காட்சியகத்தில் பொதுமக்கள் பார்வைக்கு கிடைக்கும். பார்வையாளர்கள் அருங்காட்சியகத்திற்கு https://visit.rashtrapatibhavan.gov.in/ மூலம் டிக்கெட்டுகளை முன்பதிவு செய்யலாம். 
 செவ்வாய் முதல் ஞாயிற்றுக்கிழமை வரை, காலை 9:30 மணி முதல் மாலை 5:00 மணி வரை காட்சிப்படுத்தப்பட்ட பொருட்களை ஆராயலாம்.

*****

PKV/DL