مرکزی بجٹ25-2024 میں، قبائلی امور کی وزارت کے لیے مجموعی طور پر تقریباً 13,000 کروڑروپے کا تخمینہ ہے، جوپچھلے سال کے نظرثانی شدہ تخمینہ (آرای) کے مقابلے میں 73.60فیصد کے نمایاں اضافہ کو ظاہر کرتا ہے۔

پردھان منتری جن جاتیہ اُنّت گرام ابھیان

"For improving the socio-economic condition of tribal communities, we will launch the #PradhanMantriJanjatiyaUnnatGram Abhiyan by adopting saturation coverage for #tribal families in tribal-majority villages and aspirational districts." : Hon'ble FM @nsitharaman #Budget2024 pic.twitter.com/VXNi6YY3q0

— Ministry of Tribal Affairs, Govt. of India (@TribalAffairsIn) July 23, 2024

بجٹ میں کئے گئے تاریخی اعلان میں، مرکزی وزیر خزانہ اور کارپوریٹ امور کی وزیر محترمہ نرملا سیتا رمن نے پردھان منتری جن جاتیہ اُنّت گرام ابھیان متعارف کرایا تاکہ قبائلی برادریوں کی سماجی و اقتصادی حالت کو بہتر بنایا جا سکے۔ اس اقدام کا مقصد قبائلی اکثریتی گاؤوں اور خواہش مند اضلاع میں قبائلی خاندانوں کے لیے سو فیصد کوریج فراہم کرنا ہے، جس میں 63,000 گاؤوں کا احاطہ کیا گیا ہے اوراس سے  5 کروڑ قبائلی لوگوں کو فائدہ پہنچے گا۔

قبائلی امور کے مرکزی وزیر جناب جوال اورم نے کہا کہ ’’پردھان منتری جن جاتیہ اُنّت گرام ابھیان کے اعلان کے لیے ہم وزیر اعظم جناب نریندر مودی اور وزیر خزانہ محترمہ نرملا سیتا رمن  کےشکرگزار ہیں۔ یہ اقدام مربوط سماجی و اقتصادی ترقی، بنیادی ڈھانچے کی ترقی، اور ہندوستان بھر میں قبائلی برادریوں کی ترقی کے لیے اقتصادی مواقع پیدا کرنے تئیں حکومت کی  عہد بستگی کا ثبوت ہے‘‘

केंद्रीय जनजातीय कार्य मंत्री श्री @jualoram जी ने केंद्रीय बजट में 'प्रधानमंत्री जनजातीय उन्नत ग्राम अभियान' की घोषणा के लिए पीएम श्री @narendramodi जी व वित्त मंत्री श्रीमती @nsitharaman जी का आभार व्यक्त करते हुए विश्वास जताया कि अब जनजातीय समुदाय का हर क्षेत्र में विकास होगा। pic.twitter.com/l8Io35O6OY

— Ministry of Tribal Affairs, Govt. of India (@TribalAffairsIn) July 23, 2024

قبائلی ترقی کے لیے مختص  رقم میں اضافہ

قبائلی امور کی وزارت  درج فہرست قبائل کی ترقی کے لیے مجموعی پالیسی، منصوبہ بندی اور پروگراموں کو مربوط کرنے کے لیے نوڈل وزارت کے طور پر کام کرتی ہے۔ وزارت کے پروگرام اور اسکیمیں دیگر مرکزی وزارتوں، ریاستی حکومتوں، اور رضاکارانہ تنظیموں کی مالی مدد فراہم کرکے اور درج فہرست قبائل کی ضروریات پر مبنی اہم خلا کو دور کرکے ان کی کوششوں کی حمایت اور تکمیل کرتی ہیں۔ ان مقاصد کو پورا کرنے کے لیے، وزارت کے لیے مختص کئے گئے بجٹ میں 15-2014 میں 4,497.96 کروڑ روپے کے مقابلے سال 25-2024 میں 13,000 کروڑروپے کا اضافہ کیا گیا ہےجو  تقریباً 189.02 فیصد کااضافہ ہے۔

قبائلی ذیلی منصوبہ (ٹی ایس پی) کے تحت، جسے اب درج فہرست قبائل کے لیے ترقیاتی  عملی منصوبے (ڈی اے پی ایس ٹی) کے نام سے جانا جاتا ہے، 42 وزارتیں/محکمے اپنی مجموعی اسکیم کے 4.3 سے 17.5 فیصد تک ہر سال ایسے علاقوں میں قبائلی ترقیاتی منصوبوں کے لیے فنڈز مختص کرتے ہیں۔تاکہ تعلیم، صحت، زراعت، آبپاشی، سڑکیں، رہائش، بجلی، روزگار پیدا کرنا، اور ہنر مندی کی ترقی کی جاسکے ۔14-2013 سے مختص ڈی اے پی ایس ٹی فنڈمیں تقریباً 5.8 گنااضافہ ہوا ہےاوریہ 14-2013 کے 21,525.36 کروڑ روپے(حقیقی اخراجات) سے بڑھ کر  2024-25 میں 1,24,908.00 کروڑروپے ہوگیا ہے۔

حکومت نے ایس ٹیز کی مجموعی ترقی پرتوجہ  مرکوز کی ہے، جس کا مقصد انہیں ملک کی دیگر کمیونٹیز کے برابر لانا ہے۔ 25-2024کے لیے اسکیم کے لحاظ سے مختص رقم  درج ذیل ہے:

مرکزی سیکٹرکی ا سکیمیں

مرکزکی طرف سے چلائی جانے والی اسکیمیں

دیگر گرانٹس/ٹرانسفرز

***********

ش ح ۔   ش م - م ش

U. No.8635