ਹਥਿਆਰਬੰਦ ਫ਼ੌਜਾਂ ਦੇ ਚੌਵੀ (24) ਜਵਾਨ, ਉਨ੍ਹਾਂ 117 ਭਾਰਤੀ ਅਥਲੀਟਾਂ ਵਿੱਚ ਸ਼ਾਮਲ ਹਨ, ਜੋ 26 ਜੁਲਾਈ, 2024 ਤੋਂ ਸ਼ੁਰੂ ਹੋ ਰਹੀਆਂ ਪੈਰਿਸ ਓਲੰਪਿਕਸ ਵਿੱਚ ਦੇਸ਼ ਦਾ ਮਾਣ ਵਧਾਉਣ ਲਈ ਤਿਆਰ ਬਰ ਤਿਆਰ ਹਨ। ਇਨ੍ਹਾਂ 24 ਅਥਲੀਟਾਂ ਵਿੱਚ ਸਟਾਰ ਜੈਵਲਿਨ ਥਰੋਅਰ ਸੂਬੇਦਾਰ ਨੀਰਜ ਚੋਪੜਾ ਸਮੇਤ 22 ਪੁਰਸ਼ ਅਤੇ ਦੋ ਮਹਿਲਾਵਾਂ ਹਨ, ਜੋ ਓਲੰਪਿਕਸ ਵਿੱਚ ਮਹਿਲਾ ਸਰਵਿਸ ਐਥਲੀਟਾਂ ਦੀ ਪਹਿਲੀ ਭਾਗੀਦਾਰੀ ਨੂੰ ਦਰਸਾਉਂਦੀਆਂ ਹਨ।

2020 ਟੋਕੀਓ ਓਲੰਪਿਕ ਦਾ ਸੋਨ ਤਗਮਾ ਜੇਤੂ ਸੂਬੇਦਾਰ ਨੀਰਜ ਚੋਪੜਾ, ਇੱਕ ਵਾਰ ਫਿਰ ਚੋਟੀ ਦੇ ਸਨਮਾਨ ਲਈ ਮੁਕਾਬਲਾ ਕਰਨਗੇ ਅਤੇ ਪੈਰਿਸ ਓਲੰਪਿਕਸ ਵਿੱਚ ਉਨ੍ਹਾਂ ਦੀ ਭਾਗੀਦਾਰੀ ਤੋਂ ਬੇਮਿਸਾਲ ਪ੍ਰਦਰਸ਼ਨ ਦੀ ਉਮੀਦ ਹੈ, ਜਿਨ੍ਹਾਂ ਨੇ 2023 ਦੀਆਂ ਏਸ਼ੀਆਈ ਖੇਡਾਂ, 2023 ਦੀ ਵਿਸ਼ਵ ਅਥਲੈਟਿਕਸ ਚੈਂਪੀਅਨਸ਼ਿਪ, 2024 ਦੀ ਡਾਇਮੰਡ ਲੀਗ ਅਤੇ 2024 ਦੀਆਂ ਪਾਵੋ ਨੂਰਮੀ ਖੇਡਾਂ ਵਿੱਚ ਸੋਨ ਤਮਗੇ ਹਾਸਲ ਕੀਤੇ ਸਨ।

ਰਾਸ਼ਟਰਮੰਡਲ ਖੇਡਾਂ 2022 ਦੀ ਕਾਂਸੀ ਤਮਗਾ ਜੇਤੂ ਹੌਲਦਾਰ ਜੈਸਮੀਨ ਲੰਬੋਰੀਆ ਅਤੇ ਏਸ਼ੀਅਨ ਕੁਸ਼ਤੀ ਚੈਂਪੀਅਨਸ਼ਿਪ 2023 ਦੀ ਕਾਂਸੀ ਤਮਗਾ ਜੇਤੂ ਸੀਪੀਓ ਰਿਤਿਕਾ ਹੁੱਡਾ ਮਹਿਲਾ ਸੇਵਾ ਕਰਮਚਾਰੀ ਹਨ, ਜੋ ਪਹਿਲੀ ਵਾਰ ਖੇਡਾਂ ਵਿੱਚ ਹਿੱਸਾ ਲੈ ਰਹੀਆਂ ਹਨ। ਉਹ ਮੁੱਕੇਬਾਜ਼ੀ ਅਤੇ ਕੁਸ਼ਤੀ ਵਿੱਚ ਹਿੱਸਾ ਲੈਣਗੀਆਂ।

ਸੂਬੇਦਾਰ ਅਮਿਤ ਪੰਘਾਲ (ਮੁੱਕੇਬਾਜ਼ੀ); ਸੀਪੀਓ ਤਜਿੰਦਰਪਾਲ ਸਿੰਘ ਤੂਰ (ਗੋਲਾ ਸੁੱਟ); ਸੂਬੇਦਾਰ ਅਵਿਨਾਸ਼ ਮੁਕੁੰਦ ਸਾਬਲ (3000 ਮੀਟਰ ਸਟੀਪਲਚੇਜ਼); ਸੀਪੀਓ ਮੁਹੰਮਦ ਅਨਸ ਯਹੀਆ, ਪੀਓ (ਜੀਡਬਲਿਊ) ਮੁਹੰਮਦ ਅਜਮਲ, ਸੂਬੇਦਾਰ ਸੰਤੋਸ਼ ਕੁਮਾਰ ਤਮਿਲਰਾਸਨ ਅਤੇ ਜੇਡਬਲਿਊਓ ਮਿਜੋ ਚਾਕੋ ਕੁਰੀਅਨ (4X400ਐੱਮ ਪੁਰਸ਼ ਰਿਲੇਅ); ਜੇਡਬਲਿਊਓ ਅਬਦੁੱਲਾ ਅਬੂਬਕਰ (ਤੀਹਰੀ ਛਾਲ); ਸੂਬੇਦਾਰ ਤਰੁਣਦੀਪ ਰਾਏ ਅਤੇ ਸਬ ਧੀਰਜ ਬੋਮਦੇਵਾਰਾ (ਤੀਰਅੰਦਾਜ਼ੀ) ਅਤੇ ਐੱਨਬੀ ਸੂਬੇਦਾਰ ਸੰਦੀਪ ਸਿੰਘ (ਨਿਸ਼ਾਨੇਬਾਜ਼ੀ) ਵੀ ਉਨ੍ਹਾਂ ਸੇਵਾ ਕਰਮਚਾਰੀਆਂ ਵਿੱਚੋਂ ਹਨ, ਜੋ ਦੇਸ਼ ਦਾ ਨਾਮ ਰੌਸ਼ਨ ਕਰਨਾ ਚਾਹੁੰਦੇ ਹਨ। ਸੇਵਾ ਖਿਡਾਰੀਆਂ ਦੀ ਪੂਰੀ ਸੂਚੀ ਇਸ ਤਰ੍ਹਾਂ ਹੈ:

24 ਐਥਲੀਟਾਂ ਤੋਂ ਇਲਾਵਾ ਪੰਜ ਅਧਿਕਾਰੀ ਵੀ ਓਲੰਪਿਕ ਵਿੱਚ ਹਿੱਸਾ ਲੈਣ ਲਈ ਪੈਰਿਸ ਜਾ ਰਹੇ ਹਨ। ਵੇਰਵੇ ਹੇਠਾਂ ਦਿੱਤੇ ਗਏ ਹਨ:

ਪੈਰਿਸ ਓਲੰਪਿਕਸ ਵਿੱਚ ਸੇਵਾ ਕਰਮਚਾਰੀਆਂ ਦੀ ਭਾਗੀਦਾਰੀ ਦੇਸ਼ ਭਰ ਵਿੱਚ ਖੇਡ ਚੇਤਨਾ ਨੂੰ ਵਧਾਉਂਦੇ ਹੋਏ ਖੇਡਾਂ ਦੀ ਉੱਤਮਤਾ ਨੂੰ ਹੱਲਾਸ਼ੇਰੀ ਦੇਣ ਅਤੇ ਐਥਲੈਟਿਕਸ ਦੇ ਸਭਿਆਚਾਰ ਨੂੰ ਪ੍ਰਫੁੱਲਤ ਕਰਨ ਲਈ ਹਥਿਆਰਬੰਦ ਫ਼ੌਜਾਂ ਦੀ ਵਚਨਬੱਧਤਾ ਨੂੰ ਦਰਸਾਉਂਦੀ ਹੈ। ਜਿੱਥੇ ਸਮੁੱਚਾ ਦੇਸ਼ ਇਨ੍ਹਾਂ ਖਿਡਾਰੀਆਂ ਦੇ ਪ੍ਰਦਰਸ਼ਨ ਨੂੰ ਦੇਖਣ ਲਈ ਤਿਆਰ ਹੈ, ਉੱਥੇ ਹੀ ਹਰੇਕ ਖਿਡਾਰੀ ਨੂੰ ਸ਼ੁਭਕਾਮਨਾਵਾਂ ਦੇਣ ਅਤੇ ਅਟੁੱਟ ਸਮਰਥਨ ਦੇਣ ਲਈ ਇਕਜੁੱਟ ਹੈ।

*********

ਏਬੀਬੀ/ਸੈਵੀ/ਕੇਬੀ