জুলাই ২৬, ২০২৪ দগী হৌগদৌরিবা পেরিস ওলিম্পিক্তা ভারতপু চাউথোকহন্নবগীদমক ইন্দিয়ন এথেলত ১১৭গী মরক্তা সর্ভিস পার্সনেল ২৪না শরুক য়ারি। স্তার জেভলিন থ্রোৱর সুবেদার নীরজ চোপ্রা এথলেত ২৪গী মনুংদা ২২না নুপা ওইরি, নুপী অনি য়াওরি, মসিনা ওলিম্পিক্তা ভারতকী কন্তিঞ্জেন্ত অসিদা নুপীগী মিলিতরী পার্সনেল অহানবা ওইনা শরুক য়াগদৌরি।

২০২০ তোকিয়ো ওলিম্পিক গোল্দ মেদালিস্ত সুবেদার নীরজ চোপ্রানা ২০২৩ এসিয়ন গেম্স, ২০২৩ ৱার্ল্দ এথলেতিক্স চেম্পিয়নশিপ, ২০২৪ দাইমন্দ লিগ অমসুং ২০২৪ পাবো নুর্মি গেম্সতা শনাগী তক্মান ফংদুনা অখন্নবা পার্ফোরমেন্স পীখিবদু পেরিস ওলিম্পিক্সতসু হন্না শরুক য়াদুনা মকোক থোংনবা শেম শাখ্রে।

২০২২ কম্মনৱেল্থ গেম্স ব্রোঞ্জ মেদালিস্ত হবিলদার জৈমিন লম্বোরিয়া অমসুং ২০২৩ এসিয়ান রেস্তলিং চেম্পিয়নশিপ ব্রোঞ্জ মেদালিস্ত সি.পি.ও. রিতিকা হুদানা ইহান হানবা ওইনা গেম্স অসিদা শরুক য়াবা নুপী সর্ভিস পার্সনেল ওইরি অমসুং পুৱারী শেম্নবা পান্দম থম্লি। মখোয়না বোক্সিং অমসুং রেস্তলিংদা মথং শিৎনা শরুক য়াগদৌরি।

সুবেদার অমিত পাঙ্ঘল (বোক্সিং); সি.পি.ও. তজিন্দরপাল সিংহ তুর (শোত-পুত); সুবেদার অবিনাস মুকুন্দ সেবল (৩০০০ মিতর স্তীপলচেজ); সি.পি.ও. মুহম্মেদ অনস য়াহিয়া, পি.ও. (জি.দব্ল্যু.) মুহামদ অজমল, সুবেদার সন্থোশ কুমার তমিলারসন & জে.দব্ল্যু.ও. মিজো চাকো কুরিয়ান (৪X৪ মিতর মেন্স রিলে); জে.দব্ল্যু.ও. অবদুলা অবুবেকর (ত্রিপল জম্প); সুবেদার তরুন্দীপ রাই অমসুং সুবেদার ধিরাজ বোম্মদেবরা (আর্চরী) অমসুং এন.বি. সুবেদার সন্দীপ সিংহ (শুতিং)সু লৈবাক অসিগী তক্মান লৌরক্কনি হায়না পান্দম থম্লিয়া সর্ভিস পার্সনেলশিংগী মরক্তা য়াওরিবশিংনি। সর্ভিস প্লেয়রশিংগী মপুং ফাবা লিস্তশিং মখাদা পীরিঃ

  এথলেত ২৪ অসিগী মথক্তা, ওফিসিএল মঙা অমসু পেরিস তম্না ওলিম্পিক্স শরুক য়ানবগীদমক পাংগনি। অকুপ্পা মরোলশিং মখাদা পীরিঃ

সর্ভিস পার্সনেলশিংনা পেরিস ওলিম্পিক্সতা শরুক য়ারিবা অসিনা আর্ম্দ ফোর্সেসনা শান্নখোৎনবদা মীথোই মীহেনবা ঙম্নবা হোৎনবগী ফিরেপ অমসুং এথলেতিসিজমগী নাত কন্নবা হোৎনবশিং তাকেল, অদুগা লৈবাক পুম্বদা শান্নখোৎনবগী ৱাখল্লোন চেলহন্নবা হোৎনরি। লৈবাক অসিনা হায়রিবা এথলেতশিং অসিগী পার্ফোরমেন্স য়েংনবা শেম শাবগা লোইননা শরুক য়ারিবা খুদিংমক্কী মফমদা অমত্তা য়াইফ মঙ্গোল পীরি।

***************