چوبیس (24) مسلح افواج کے اہلکار ان 117 ہندوستانی کھلاڑیوں میں شامل ہیں جو 26 جولائی 2024 سے شروع ہونے والے پیرس اولمپکس میں قوم کا سر فخر سے بلند کرنے کے لیے تیار ہیں۔ ان 24 کھلاڑیوں میں 22 مرد ہیں، جن میں اسٹار جیولن تھروئر صوبیدار نیرج چوپڑا بھی شامل ہیں اور دو خواتین ہیں، جو اولمپکس میں خاتون فوجی کھلاڑیوں کی پہلی شرکت کی نشاندہی کرتی ہے۔

ٹوکیو اولمپکس 2020 میں گولڈ میڈل جیتنے والے، صوبیدار نیرج چوپڑا ایک بار پھر اعلی اعزاز کے لیے مقابلہ کریں گے کیونکہ پیرس اولمپکس میں ان کی شرکت غیر معمولی کارکردگی کی وجہ سے ہوئی ہے، جس کے باعث انہوں نے  ایشین گیمز2023، ورلڈ ایتھلیٹکس چیمپئن شپ2023، ڈائمنڈ لیگ2024، اور  پاو نورمی گیمز 2024 ،میں ہر ایک میں گولڈ میڈل حاصل کیا۔

2022 کامن ویلتھ گیمزمیں کانسہ کا تمغہ جیتنے والی حولدار جیسمین لمبوریا اور  ایشین ریسلنگ چیمپین شپ 2023میں کانسہ کا تمغہ جیتنے والی سی پی او ریتیکا ہوڈا وہ دو خواتین فوجی اہلکار ہیں جو پہلی بار کھیلوں میں حصہ لے رہی ہیں، اور ان کا مقصد تاریخ رقم کرنا ہے۔ وہ بالترتیب باکسنگ اور ریسلنگ میں اپنی کارکردگی  پیش کریں گی۔

صوبیدار امیت پنگھل (باکسنگ)؛ سی پی او تجندرپال سنگھ تور (شاٹ پٹ)؛ صوبیدار اویناش مکند سبلے (3000 میٹر اسٹیپل چیس)؛ سی پی او محمد انس یحییٰ، پی او (جی ڈبلیو) محمد اجمل، صوبیدار سنتھوش کمار تملاراسن اور جے ڈبلیو او میجو چاکو کورین (4X400M مینز ریلے)؛ جے ڈبلیو او عبداللہ ابو بکر (ٹرپل جمپ)؛ صوبیدار تروندیپ رائے اور صوبیدار دھیرج بومادیورا (تیر اندازی) اور این بی سب سندیپ سنگھ (شوٹنگ) بھی ان فوجی اہلکاروں میں شامل ہیں جن کا مقصد ملک کا نام روشن کرنا ہے۔ فوجی کھلاڑیوں  کی مکمل فہرست درج ذیل ہے:

24 کھلاڑیوں کے علاوہ پانچ حکام بھی اولمپکس میں حصہ لینے کے لیے پیرس جا رہے ہیں۔ تفصیلات درج ذیل ہیں:

پیرس اولمپکس میں حاضر سروس اہلکاروں کی شرکت مسلح افواج کے کھیلوں کی عمدگی کو فروغ دینے اور ایتھلیٹک کے کلچر کو فروغ دینے کے عزم کو واضح کرتی ہے، جبکہ ملک بھر میں کھیلوں کے شعور کو بڑھاتی ہے۔ جیسا کہ ملک ان کھلاڑیوں کی کارکردگی کا مشاہدہ کرنے کے لیے تیار ہے۔ ملک ہر شریک ہونے والے کھلاڑیوں  کے لیے نیک تمناؤں اور غیر متزلزل حمایت کے لیے متحد ہے۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ت ع(

8484