పారిస్ ఒలింపిక్స్ కి భారత్ బృందం సర్వ సన్నద్ధమైంది ఈ జూలై 26న ప్రారంభమయ్యే పారిస్ ఒలింపిక్స్‌లో దేశం గర్వపడేలా చేయడానికి సిద్ధంగా ఉన్న 117 మంది భారతీయ అథ్లెట్లు తమ సత్తా చాటేందుకు రంగంలోకి దిగుతున్నారు. వీరిలో 24 మంది సాయుధ దళాల నుండి పాల్గొంటున్నారు. ఈ 24 మంది అథ్లెట్లలో స్టార్ జావెలిన్ త్రోయర్ సుబేదార్ నీరజ్ చోప్రాతో సహా 22 మంది పురుషులు ఉన్నారు. ఇద్దరు మహిళలున్నారు. ఒలింపిక్స్‌లో మహిళా సర్వీస్ అథ్లెట్ల తొలి సరిగా పాల్గొంటున్నారు. 

2020 టోక్యో ఒలింపిక్స్ స్వర్ణ పతక విజేత అయిన సుబేదార్ నీరజ్ చోప్రా, 2023 ఆసియా క్రీడలు, 2023 ప్రపంచ అథ్లెటిక్స్ ఛాంపియన్‌షిప్, 2024 డైమండ్ లీగ్, 2024 పావో నుర్మి గేమ్‌లలో స్వర్ణ పతకాన్ని కైవసం చేసుకుని అసాధారణ ప్రదర్శన చేశాడు. ఈ నేపథ్యంలో పారిస్ ఒలింపిక్స్‌లో కూడా అత్యున్నత ప్రతిభను ప్రదర్శించి దేశానికి గౌరవంగా  నిలుస్తాడని క్రీడా ప్రేమికులు ఆకాంక్షిస్తున్నారు. 

2022 కామన్వెల్త్ గేమ్స్ కాంస్య పతక విజేత హవిల్దార్ జైస్మిన్ లంబోరియా, 2023 ఆసియా రెజ్లింగ్ ఛాంపియన్‌షిప్ కాంస్య పతక విజేత సీపీఓ రీతికా హుడా ఇద్దరు మహిళా సేవా సిబ్బంది మొదటిసారిగా గేమ్స్‌లో పాల్గొంటూ, చరిత్ర సృష్టించడం లక్ష్యంగా పెట్టుకున్నారు. వారు వరుసగా బాక్సింగ్, రెజ్లింగ్‌ క్రీడంశాలలో సత్తా చాటనున్నారు.

సుబేదార్ అమిత్ పంఘల్ (బాక్సింగ్); సీపీఓ తాజిందర్‌పాల్ సింగ్ టూర్ (షాట్-పుట్); సుబేదార్ అవినాష్ ముకుంద్ సేబుల్ (3000మీ స్టీపుల్‌చేజ్); సీపీఓ ముహమ్మద్ అనస్ యాహియా, పిఓ (జిడబ్ల్యూ) ముహమ్మద్ అజ్మల్, సుబేదార్ సంతోష్ కుమార్ తమిళరసన్, జేడబ్ల్యూఓ మిజో చాకో కురియన్ (4X400ఎం పురుషుల రిలే); జెడబ్ల్యూఓ అబ్దుల్లా అబూబకర్ (ట్రిపుల్ జంప్); సుబేదార్ తరుణ్‌దీప్ రాయ్, ధీరాజ్ బొమ్మదేవర (ఆర్చరీ), సుబేదార్ సందీప్ సింగ్ (షూటింగ్) కూడా దేశానికి అవార్డులు తీసుకురావాలని లక్ష్యంగా పెట్టుకున్న సేవా సిబ్బందిలో ఉన్నారు. సర్వీస్ ప్లేయర్‌ల పూర్తి జాబితా క్రింది విధంగా ఉంది:

24 మంది అథ్లెట్లతో పాటు పారిస్ ఒలింపిక్స్ కి వెళ్తున్న బృందంలో 5గురు అధికారులున్నారు. వారి వివరాలు:

పారిస్ ఒలింపిక్స్‌లో సైనిక సిబ్బంది పాల్గొనడం దేశ వ్యాప్తంగా క్రీడా స్పృహను పెంపొందిస్తూ, క్రీడా నైపుణ్యాన్ని ప్రోత్సహించడంలో ఉపయోగపడుతుంది. క్రీడా స్ఫూర్తిని, సంస్కృతిని పెంపొందించడంలో సాయుధ దళాల నిబద్ధతను చాటుతుంది. ఈ అథ్లెట్ల ప్రదర్శనలను చూసేందుకు దేశం ఆసక్తిగా ఎదురు చూస్తుంది. పాల్గొనే ప్రతి ఒక్కరికి శుభాకాంక్షలు చెబుతూ, తిరుగులేని మద్దతును అందించడంలో సమైక్యంగా నిలుస్తుంది.

***