"సానుకూల భారత్ : భవిష్యత్ను సుగమం చేస్తున్న భారత రసాయనాలు, పెట్రో రసాయనాలు” ఇతివృత్తం తో ఇండియా కెమ్ 13 వ ఎడిషన్ను  కేంద్ర రసాయనాలు, ఎరువుల శాఖ మంత్రి శ్రీ  జగ్ ప్రకాశ్ నడ్డా, కేంద్ర సహాయ మంత్రి శ్రీమతి అనుప్రియ పటేల్ సమక్షంలో శనివారం నాడు ఢిల్లీలో ప్రారంభిచారు. ఈ సందర్బంగా శ్రీ జగత్ ప్రకాశ్ నడ్డా ఇండియా కెమ్ 13 వ ఎడిషన్కు సంబంధించిన బ్రోచర్ను ఆవిష్కరించారు. ఈ కార్యక్రమానికి రసాయనాలు, పెట్రో రసాయనాల శాఖ కార్యదర్శి శ్రీమతి నివేదిత శుక్ల వర్మ, మంత్రిత్వ శాఖకు చెందిన పలువురు సీనియర్ అధికారులతోపాటు, పరిశ్రమ ప్రతినిధులు హాజరయ్యారు.

రసాయనాలు, ఎరువుల శాఖ మంత్రి శ్రీ జె.పి.నడ్డా మాట్లాడుతూ, ఈ ఈవెంట్లకు సుదీర్ఘ చరిత్ర ఉందని,  ఈ ఏడాది అక్టోబర్లో ఇది ముంబాయిలో 13 వ ఎడిషన్ను జరుపుకునేందుకు  సిద్దంగా ఉందని అన్నారు. ఇండియా కెమ్ 2024 ఇతివృత్తం, “సానుకూల భారత్ : భవిష్యత్కు మార్గం సుగమం చేస్తున్న రసాయనాలు, పెట్రోరసాయనాలు””  . 2025 నాటికి భారతదేశాన్ని 5 ట్రిలియన్ డాలర్ల ఆర్ధిక వ్యవస్థగా తీర్చిదిద్దాలన్న ప్రధానమంత్రి శ్రీ నరేంద్ర మోదీ దార్శనికతకు ఇది అద్దంపట్టేదిగా ఉందని  మంత్రి అన్నారు.  అక్టోబర్ 17 నుంచి 19 వరకు ముంబాయిలో ఇండియా కెమ్ 13 వ ఎడిషన్ జరగనున్నందున 2024 ఎంతో కీలకమైన సంవత్సరమని ఆయన తెలిపారు. “దిగుమతులు, పరిశోధన, అభివృద్ధి, మానవ వనరుల శిక్షణపై దృష్టి పెట్టడం ద్వారా , 2047 నాటికి వికసిత్ భారత్ కలను సాకారం చేయడానికి ఈ రంగం  తన వంతు పాత్రను పోషించగలదన్న ఆకాంక్షను కేంద్ర మంత్రి వ్యక్తం చేశారు.

పరిశ్రమ ప్రగతికి ప్రభుత్వం కట్టుబడి ఉందని, పరిశ్రమ అభివృద్ధికి , ప్రత్యేకించి రసాయనాల రంగాన్ని బలోపేతం చేసేందుకు ప్రభుత్వం పలు వ్యవస్థాగత సంస్కరణలను చేపట్టిందని శ్రీజె.పి.నడ్డా తెలిపారు ప్రభుత్వానికి ఇది ఎంతో ప్రధానమైన రంగమని కూడా మంత్రి చెప్పారు. ఈ రంగాన్ని బలోపేతం చేసేందుకు  అవసరమైన విధానపరమైన చర్యలతో ప్రభుత్వం ముందుకు వస్తుందని, పరిశ్రమ ప్రతినిధులకు మంత్రి హామీ ఇచ్చారు. ‘‘ముంబాయిలో జరిగే చర్చల ఫలితాలను సాధించేందుకు అవసరమైన విధానపరమైన చర్యలను తమ మంత్రిత్వశాఖ ప్రారంభిస్తుందని ఆయన తెలిపారు..

ఈ కార్యక్రమానికి హాజరైన వారినుద్దేశించి మాట్లాడుతూ కేంద్ర సహాయ మంత్రి శ్రీమతి అనుప్రియా పటేల్, ఆటోమోటివ్, నిర్మాణం, ఎలక్ట్రానిక్స్, ఆరోగ్య సంరక్షణ, టెక్స్టైల్స్, ఎఫ్.ఎం.సి.జిల రంగాల ఆర్ధిక అభివృద్ధిలో పెట్రో కెమికల్  రంగం కీలక పాత్ర పోషిస్తుందని అన్నారు. “ భవిష్యత్ అభివృద్ధికి అవకాశాల కల్పనలో, ఆర్ధిక అభివృద్ధిలో రసాయనాల రంగం పాత్ర నానాటికీ పెరుగుతున్నదని ఆమె ప్రముఖంగా ప్రస్తావించారు. ప్రపంచంలో వ్యవసాయ   రసాయనాలు, రసాయన అద్దకాలు, అద్దకపు రంగుల రంగంలో ఇండియా రెండో అతిపెద్ద ఎగుమతిదారుగా ఉందని” ఆమె తెలిపారు.

“ఇండియా కెమ్ ప్రారంభమైనప్పటి నుంచి, మరిన్ని పెట్టుబడులను ఆకర్షించడం ద్వారా ఈ రంగం అభివృద్ధికి ఇది ఎంతగానో దోహదపడింద’’” ని ఆమె తెలిపారు. పెట్టుబడులు, ఉపాధి కల్పనకు మన ఈ పరిశ్రమకు ఎంతగానో శక్తి ఉందని కూడా ఆమె అన్నారు.  పెట్టుబడుల అనుకూల సంస్కరణలపై ప్రధానంగా దృష్టిపెట్టడం , విధానపరమైన అడ్డంకులను తొలగించడం ప్రభుత్వం ముందున్న అత్యంత ప్రాధాన్యతాంశా”లని ఆమె తెలిపారు. ఈ కార్యక్రమంలో పాల్గొన్నవారు,  మరింతగా నేర్చుకునేందుకు, నూతన అవకాశాలను అన్వేషించేందుకు, నెట్వర్క్కు ఈ అవకాశాన్ని   సద్వినియోగం చేసుకోవలసిందిగా ఆమె కోరారు.

ఇండియా కెమ్ 2024 అనేది రసాయనాలు, పెట్రో రసాయనాల విభాగం ఫ్లాగ్షిప్ కార్యక్రమం. ఆసియా –పసిఫిక్ లో ఉమ్మడి అతిపెద్ద ఈవెంట్లలో ఇది ఒకటి. ఇందులో అంతర్జాతీయ ఎగ్జిబిషన్లు, సదస్సులు ఉంటాయి. ఇండియా కెమ్ ఎగ్జిబిషన్, భారతీయ రసాయనాల పరిశ్రమ  అలాగే ,రసాయనాలు, పెట్రో కెమికల్స్, ఆగ్రో కెమికల్స్ తదితర పారిశ్రామిక విభాగాలలో గల గొప్ప శక్తిని ప్రదర్శిచడంతోపాటు, కీలక చర్చలకు , దార్శనిక ఆలోచనలకు , పారిశ్రామిక ప్రతినిధుల మధ్య వ్యూహాత్మక సహకారానికి ఇది మంచి వేదికను కల్పించనుంది.  భారతీయ రసాయన పరిశ్రమ విలువ ప్రస్తుతం 220 అమెరికన్ డాలర్లుగా ఉంది. 2030 నాటికి ఇది 300 బిలియన్ అమెరికన్ డాలర్లకుకు చేరుకుంటుందని , 2040 నాటికి 1 ట్రిలియన్ అమెరికన్ డాలర్లకు చేరుకుంటుందని అంచనా.  అంతర్జాతీయ అస్థిర పరిస్థితుల నేపథ్యంలోనూ అద్బుతమైన అవకాశాలకు ఈ పరిశ్రమ ఇప్పటికీ క్రియాశీల కేంద్రంగా ఉంది.

***