কেমিকেল অমসুং ফর্তিলাইজরগী কেন্দ্র মন্ত্রী, শ্রী জগৎ প্রকাশ নদ্দনা ঙসি কেমিকেল অমসুং ফর্তিলাইজরগী রাজ্য মন্ত্রী, শ্রীমতি অনুপ্রিয়া পতেল য়াওনা মফমসিদা পাংথোকপা থৌরম অমদা ‘এদভান্তেজ ভারতঃ ইন্দিয়ন কেমিকেল অমসুং পেত্রোকেমিকেল পেবিং দি ফ্যুচর’ হায়বা থীমগা লোয়ননা ইন্দিয়া কেমগী 13শুবা থৌরম লোঞ্চ তৌখ্রে। শ্রী নদ্দানা ইন্দিয়া কেমগী 13শুবা থৌরমগী ব্রোচর অমসু ফোঙখি। কেমিকেল অমসুং পেত্রোকেমিকেল বিভাগকী সেক্রেতরী, শ্রীমতি নিবেদিতা শুক্লা ভর্মাগা লোয়ননা মন্ত্রালয়গী সেনিয়র ওফিসিএল অমদি কেমিকেল অমসুং পেত্রোকেমিকেল সেক্তরগী ইন্দস্ত্রী মীহুৎশিংশু ঙসিগী থৌরমদা শরুক য়াখি।

কেমিকেল অমসুং ফর্তিলাইজরগী কেন্দ্র মন্ত্রী, শ্রী জে.পি. নদ্দানা থৌরম অসি মতম শাংনা চত্থদুনা লাক্লে অমসুং হন্দক্কী চহিগী ওক্তোবরদা মুম্বাইদা পাংথোক্কদবা 13সুবা থৌরমগীদমক্তা শেম শাবা লোইরে হায়খ্রে। ইন্দিয়া কেম 2024গী থীম ওইরিবা ‘এদভান্তেজ ভারতঃ ইন্দিয়ন কেমিকেল অমসুং পেত্রোকেমিকেল পেবিং দি ফ্যুচর’ হায়বসিগা ভারতকী প্রধান মন্ত্রীনা লৈবাক অসিবু ইং 2025 ফাওবদা ত্রিলিয়ন $5কী শেন্মিৎলোন ওইহন্নবা থম্লিবা পান্দমগা মরী লৈনৈ হায়না মহাক্না মখা তাখি।

ইন্দিয়া কেমগী 13শুবা থৌরম অসি ওক্তোবর 17-19দা মুম্বাইদা পাংথোক্কদৌরিবা অসিনা  ইং 2024 হায়বসি য়াম্না মরু ওইবা চহি অমা ওইগনি হায়না মহাক্না ফোংদোকখি। “সেক্তর অসিগী ইম্পোর্ত, রিসর্চ অমসুং দিভেলপমেন্ত অমদি মেনপাৱর ত্রেনিং তৌবদা মিৎয়েং চঙবনা ইং 2047 ফাওবদা বিকশিৎ ভারত অমা ওইহনবদা অচৌবা থৌদাং য়াগনি” হায়বগী থাজবা লৈ হায়না শ্রী জে.পি. নদ্দানা মখা তাখি।

ইন্দস্ত্রী অসিনা চাউখৎপা হায়বসিদা সরকারনা খোঙফম চেৎলি অমসুং ইন্দস্ত্রীদা ঙাক্লৌ পীনবা স্ত্রকচরেল রিফোর্ম মশিং কয়া পায়খৎখ্রে অমসুং মসিগী মনুংদা অখন্নবা থৌওংদি কেমিকেল সেক্তরবু মপাঙ্গল হেন্না লৈহন্নবা হোৎনরিবশিং অসিনি হায়না শ্রী জে.পি. নদ্দানা হায়খিবগা লোয়ননা সেক্তর অসিদা সরকারনা খ্বাইদগী অহেনবা মিৎয়েং থম্লি হায়না মখা তাখি। শ্রী জে.পি. নদ্দানা অসুম্না মখা তাখি অমুক তাখি, “মুম্বাইদা পাংথোক্কদৌরিবা থৌরমদা নৈনবা ৱাফমশিংদগী থোক্লকপা ৱারোইশিন ফংনবা মন্ত্রালয়না পোলিসী শেমগনি”।

শ্রীমতি অনুপ্রিয়া পতেলনা ঙসিগী থৌরমদা ৱা ঙাঙবদা কেমিকেল অমসুং পেত্রোকেমিকেল সেক্তরনা ওতোমোতিব, কনস্ত্রক্সন, ইলেক্ত্রোনিক্স, হেল্থকেয়র, তেক্সতাইল অমসুং এফ.এম.সি.জি.গুম্বা মরু ওইবা সেক্তরশিংগী শেন্মিৎলোন চাউখৎপদা মরু ওইবা থৌদাং য়ারি হায়খি। শেন্মিৎলোন চাউখৎহনবা অমসুং তুংগী চাউখৎ থৌরাংগী খুদোংচাবা কয়া পীবদা কেমিকেল সেক্তরনা থৌদাং য়াবা হেনগৎলক্লি হায়না মহাক্না পনখি। মহাক্না হায়খি, “ভারত অসি কেমিকেল দাই অমদি দাইস্তফকা লোয়ননা এগ্রোকেমিকেলগী মালেমগী খ্বাইদগী অনিশুবা চাউবা এক্সপোর্তরনি। মসিনা মালেমগী অপুনবা সেল্সকী চাউরাকপা 3%গী শরুক কল্লি”।

“ইন্দিয়া কেম হেক হৌদোকখিবদগী মসিনা ইনভেস্তমেন্ত হেন্না পুশিল্লক্তুনা সেক্তর অসিগী শাহৌদা তেংবাংদুনা লাক্লি” হায়না শ্রী অনুপ্রিয়ানা হায়খি। ঐখোয়গী ইন্দস্ত্রী অসিদা ইনভেস্তমেন্ত অমসুং থবক পীবা ঙম্বগী চাউরবা মতিক লৈ হায়না মহাক্না হায়খি। “ইনভেস্তমেন্ত ফ্রেনলী রিফোর্মশিংদা অশেংবা মিৎয়েং চঙদুনা মথৌ তৌদবা পোলিসীশিং লৌথোকপা” হায়বসিনা সরকারগী অহেনবা প্রাইওরিতীনি হায়না মহাক্না মখা তাখি। তমহৌবা, নেতৱর্ক শাগৎপা অমসুং অনৌবা খুদোংচাবা কয়া খঙদোকপগী খুদোংচাবা অসি মপুং ফানা লৌবীয়ু হায়না মহাক্না থৌরমদা শরুক য়ারিবশিংগী মফমদা হায়খি।

বিভাগ অসিগী ফ্লেগশিপ থৌরম অমা ওইরিবা ইন্দিয়া কেম 2024 অসিদা ইন্তর্নেস্নেল একজিবিসন অমসুং কনফরেন্স য়াওনা এসিয়া-পেসিফিক্কী ইন্দস্ত্রীশিংগী খ্বাইদগী চাউবা অপুনবা থূরম অমনি। ইন্দিয়া কেম একজিবিসন্না ভারতকী কেমিকেল ইন্দস্ত্রীগা লোয়ননা তোঙান-তোঙানবা ইন্দস্ত্রী সেগমেন্ত (কেমিকেল, পেত্রোকেমিকেল, এগ্রোকেমিকেলনচিংবা)শিংগী চাউরবা মতিক লৈরিবা অসি উৎপগা লোয়ননা ইন্দস্ত্রীগী মীহুৎশিংগী মরক্তা কান্নবা খন্ন-নৈনবা, অফবা ৱাখল্লোন অমসুং স্ত্রেতজিক ওইবা কোল্লাবোরেসন শেম্বগী প্লেতফোর্ম অমশু শেমগনি। ভারতকী কেমিকেল ইন্দস্ত্রী অসিগী ভেল্যু অসি হৌজিক য়ু.এস.দি. বিলিয়ন 220 ওইরি অমসুং ইং 2030 ফাওবদা য়ু.এস.দি. বিলিয়ন 300 অমসুং ইং 2040 ফাওবগী মনুংদা য়ু.এস.দি. ত্রিলিয়ন 1 য়ৌবগী থাজবা লৈরি। মালেমগী তংদু লৈতাদবা ফিভমশিংগী মরকসিদা ইন্দস্ত্রী অসিনা খুদোংচাবা কয়াগী তুংফম মফম অমা ওইরি।

***